Viral Video: ਹਰ 92 ਸਾਲ ਦੇ ਬਜ਼ੁਰਗ ਨੂੰ ਖਿਚੜੀ ਪਸੰਦ ਨਹੀਂ ਹੁੰਦੀ! ਦਾਦੀ ਦਾ ਪਿੱਜ਼ਾ ਸਵੈਗ ਹੋਇਆ ਵਾਇਰਲ, ਦੇਖੋ ਵੀਡੀਓ

ਪੀਜ਼ਾ ਦਾ ਆਨੰਦ ਮਾਣਦੀ ਹੋਈ ਦਾਦੀ

Grandmothers Pizza Moment Wins Hearts: ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ਤੇ ਇੱਕ ਬਹੁਤ ਹੀ ਪਿਆਰਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸਨੂੰ ਦੇਖ ਕੇ ਤੁਹਾਡੇ ਚਿਹਰੇ ਤੇ ਵੀ ਮੁਸਕਾਨ ਆ ਜਾਵੇਗੀ। ਅਕਸਰ ਮੰਨਿਆ ਜਾਂਦਾ ਹੈ ਕਿ ਉਮਰ ਵੱਧਣ ਨਾਲ ਬਜ਼ੁਰਗਾਂ ਦਾ ਖਾਣ-ਪੀਣ ਸਾਦਾ ਅਤੇ ਸੀਮਿਤ ਹੋ ਜਾਂਦਾ ਹੈ, ਪਰ ਇੰਸਟਾਗ੍ਰਾਮ ਤੇ ਵਾਇਰਲ ਹੋਈ ਇੱਕ ਕਲਿੱਪ ਨੇ ਇਸ ਸੋਚ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਹੈ। ਇਸ ਵੀਡੀਓ ਵਿੱਚ ਇੱਕ 92 ਸਾਲ ਦੀ ਦਾਦੀ ਬੜੇ ਚਾਵ ਨਾਲ ਪਿੱਜ਼ਾ ਅਤੇ ਕੋਲਡ ਡ੍ਰਿੰਕ ਦਾ ਆਨੰਦ ਲੈਂਦੀ ਨਜ਼ਰ ਆ ਰਹੀ ਹੈ।

ਇੰਸਟਾਗ੍ਰਾਮ ਤੇ @viewsandbrewsss ਨਾਮ ਦੇ ਅਕਾਊਂਟ ਤੋਂ ਇਹ ਵੀਡੀਓ ਸ਼ੇਅਰ ਕਰਕੇ ਯੂਜ਼ਰ ਨੇ ਕੈਪਸ਼ਨ ਵਿੱਚ ਲਿਖਿਆ ਹੈ, ਮੇਰੀ ਦਾਦੀ ਨੂੰ ਪਿੱਜ਼ਾ ਬਹੁਤ ਪਸੰਦ ਹੈ। ਸਾਰੇ 92 ਸਾਲ ਦੇ ਬਜ਼ੁਰਗਾਂ ਨੂੰ ਖਿਚੜੀ ਪਸੰਦ ਨਹੀਂ ਹੁੰਦੀ। ਇਸ ਦੇ ਨਾਲ ਹੀ ਯੂਜ਼ਰ ਨੇ ਡੋਮਿਨੋਜ਼ ਇੰਡੀਆ ਨੂੰ ਵੀ ਟੈਗ ਕੀਤਾ ਹੈ।

ਵਾਇਰਲ ਹੋ ਰਹੇ ਇਸ ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਦਾਦੀ ਪਿੱਜ਼ਾ ਦੇ ਹਰ ਟੁਕੜੇ ਦਾ ਪੂਰੀ ਸ਼ਿੱਦਤ ਨਾਲ ਆਨੰਦ ਲੈ ਰਹੀ ਹੈ। ਇਸ ਦੌਰਾਨ ਉਨ੍ਹਾਂ ਦੀ ਬੱਚਿਆਂ ਵਰਗੀ ਖੁਸ਼ੀ ਦੇਖਣ ਯੋਗ ਹੈ। ਪਿੱਜ਼ਾ ਖਾਂਦੇ ਹੋਏ ਉਨ੍ਹਾਂ ਦਾ ਥੰਬਸ ਅੱਪ ਸੋਸ਼ਲ ਮੀਡੀਆ ਯੂਜ਼ਰਜ਼ ਦਾ ਦਿਲ ਜਿੱਤ ਰਿਹਾ ਹੈ। ਕੁੱਲ ਮਿਲਾ ਕੇ, ਦਾਦੀ ਦਾ ਇਹ ਅੰਦਾਜ਼ ਬਹੁਤ ਹੀ ਮਜ਼ੇਦਾਰ ਅਤੇ ਜ਼ਿੰਦਾਦਿਲੀ ਨਾਲ ਭਰਪੂਰ ਹੈ।

ਡੋਮਿਨੋਜ਼ ਨੇ ਕਿਹਾ, “ਮੇਰਾ ਭਵਿੱਖ ਉੱਜਵਲ ਹੈ।”

ਦਾਦੀ ਦੇ ਇਸ ਸਵੈਗ ਨੂੰ ਦੇਖ ਕੇ ਡੋਮਿਨੋਜ਼ ਵੀ ਆਪਣੇ ਆਪ ਨੂੰ ਕਮੈਂਟ ਕਰਨ ਤੋਂ ਨਹੀਂ ਰੋਕ ਸਕਿਆ। ਡੋਮਿਨੋਜ਼ ਇੰਡੀਆ ਨੇ ਲਿਖਿਆ, ਮੈਂ ਆਪਣਾ ਭਵਿੱਖ ਦੇਖ ਲਿਆ ਹੈ ਅਤੇ ਇਹ ਕਾਫ਼ੀ ਉੱਜਵਲ ਨਜ਼ਰ ਆ ਰਿਹਾ ਹੈ।

ਇਸ ਵੀਡੀਓ ਨੇ ਹਜ਼ਾਰਾਂ ਨੈਟੀਜ਼ਨਜ਼ ਨੂੰ ਭਾਵੁਕ ਕਰ ਦਿੱਤਾ ਹੈ ਅਤੇ ਕਮੈਂਟ ਸੈਕਸ਼ਨ ਵਿੱਚ ਲੋਕ ਆਪਣੇ ਦਾਦਾ-ਦਾਦੀ ਅਤੇ ਨਾਨਾ-ਨਾਨੀ ਨਾਲ ਜੁੜੀਆਂ ਖੱਟੀਆਂ-ਮਿੱਠੀਆਂ ਯਾਦਾਂ ਸਾਂਝੀਆਂ ਕਰ ਰਹੇ ਹਨ। ਇੱਕ ਯੂਜ਼ਰ ਨੇ ਭਾਵੁਕ ਹੋ ਕੇ ਲਿਖਿਆ, ਮੈਨੂੰ ਯਾਦ ਹੈ ਮੇਰੀ ਨਾਨੀ ਮੈਗੀ ਮੰਗਵਾ ਕੇ ਖਾਂਦੀ ਸੀ। 16 ਸਾਲ ਪਹਿਲਾਂ ਉਹ ਸਾਨੂੰ ਛੱਡ ਕੇ ਚਲੀ ਗਈ ਸੀ। ਇਸ ਵੀਡੀਓ ਨੂੰ ਦੇਖ ਕੇ ਅੱਖਾਂ ਭਰ ਆਈਆਂ।

ਇੱਥੇ ਦੇਖੋ ਵੀਡੀਓ