WhatsApp’ਤੇ ਹੋਵੇਗੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਚੈਟ, ਬੱਸ ਕਰਨਾ ਹੋਵੇਗਾ ਇਹ ਕੰਮ!
PM Modi Joins WhatsApp Channel: ਭਾਰਤੀ ਕ੍ਰਿਕਟ ਟੀਮ ਤੋਂ ਇਲਾਵਾ, ਵਟਸਐਪ ਚੈਨਲ ਦੀ ਸ਼ੁਰੂਆਤ ਵਿੱਚ ਕਈ ਬਾਲੀਵੁੱਡ ਹਸਤੀਆਂ ਇਸ ਵਿੱਚ ਸ਼ਾਮਲ ਹੋਈਆਂ। ਹੁਣ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਵਟਸਐਪ ਚੈਨਲ ਨੂੰ ਜੁਆਇੰਨ ਕਰ ਲਿਆ ਹੈ। ਆਓ ਦੇਖੀਏ ਕਿ ਇਹ ਹੈ ਕੀ, ਅਤੇ ਤੁਸੀਂ ਪ੍ਰਧਾਨ ਮੰਤਰੀ ਨਾਲ ਕਿਵੇਂ ਜੁੜ ਸਕੋਗੇ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਮੰਗਲਵਾਰ ਨੂੰ ਵਟਸਐਪ ਚੈਨਲ ਨਾਲ ਜੁੜ ਗਏ ਹਨ। ਇਹ ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਦੁਆਰਾ ਪੇਸ਼ ਕੀਤਾ ਗਿਆ ਇੱਕ ਨਵਾਂ ਫੀਚਰ ਹੈ। ਵਟਸਐਪ ਚੈਨਲ ਦੀ ਮਦਦ ਨਾਲ ਲੋਕ ਇਕ ਤਰਫਾ ਬ੍ਰਾਡਕਾਸਟ ਚੈਨਲ ਸ਼ੁਰੂ ਕਰ ਸਕਦੇ ਹਨ। ਇਸ ਨਾਲ ਇਕ ਵਾਰ ‘ਚ ਕਈ ਲੋਕਾਂ ਨਾਲ ਜੁੜਿਆ ਜਾ ਸਕਦਾ ਹੈ। ਹੁਣ ਤੁਸੀਂ ਵਟਸਐਪ ‘ਤੇ ਵੀ ਪੀਐਮ ਮੋਦੀ ਨਾਲ ਸਬੰਧਤ ਅਪਡੇਟਸ ਅਤੇ ਪੋਸਟਾਂ ਦੇਖੋਗੇ। ਆਓ ਦੇਖਦੇ ਹਾਂ ਕਿ ਇਹ ਵਿਸ਼ੇਸ਼ਤਾ ਕਿਵੇਂ ਕੰਮ ਕਰਦੀ ਹੈ, ਅਤੇ ਪ੍ਰਧਾਨ ਮੰਤਰੀ ਨੇ ਇਸ ਬਾਰੇ ਕੀ ਕਿਹਾ?
WhatsApp ਚੈਨਲ ਇੱਕ ਤਰਫਾ Broadcase Tool ਹੈ। ਇਸ ਨਾਲ ਐਡਮਿਨ ਟੈਕਸਟ, ਫੋਟੋ, ਵੀਡੀਓ, ਸਟਿੱਕਰ ਅਤੇ ਪੋਲ ਰਾਹੀਂ ਕਈ ਲੋਕਾਂ ਨਾਲ ਇੱਕੋ ਸਮੇਂ ਜੁੜ ਸਕਦਾ ਹੈ। ਤੁਹਾਨੂੰ ਇਹ ਫੀਚਰ WhatsApp ਦੇ ਨਵੇਂ ਟੈਬ – ਅੱਪਡੇਟਸ ਵਿੱਚ ਮਿਲੇਗੀ। ਜਦੋਂ ਵਟਸਐਪ ਨੇ ਚੈਨਲ ਲਾਂਚ ਕੀਤਾ ਤਾਂ ਭਾਰਤੀ ਕ੍ਰਿਕਟ ਟੀਮ ਅਤੇ ਬਾਲੀਵੁੱਡ ਦੇ ਕਈ ਕਲਾਕਾਰ ਵਟਸਐਪ ਚੈਨਲ ਨਾਲ ਜੁੜੇ ਸਨ।
ਪੀਐਮ ਮੋਦੀ ਨੇ ਕੀਤਾ ਪੋਸਟ
ਪੀਐਮ ਮੋਦੀ ਨੇ ਵਟਸਐਪ ਚੈਨਲ ‘ਤੇ ਵੀ ਪੋਸਟ ਕੀਤਾ ਹੈ। ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਲਿਖਿਆ, ਵਟਸਐਪ ਕਮਿਊਨਿਟੀ ਵਿੱਚ ਸ਼ਾਮਲ ਹੋਣ ਲਈ ਰੋਮਾਂਚਿਤ ਹਾਂ! ਇਹ ਸਾਡੀ ਨਿਰੰਤਰ ਸੰਵਾਦ ਦੀ ਯਾਤਰਾ ਦਾ ਇੱਕ ਹੋਰ ਕਦਮ ਹੈ। ਆਓ ਇੱਥੇ ਜੁੜੇ ਰਹੀਏ! ਇੱਥੇ ਨਵੀਂ ਸੰਸਦ ਭਵਨ ਦੀ ਤਸਵੀਰ ਹੈ। ਇਸ ਪੋਸਟ ਵਿੱਚ ਉਨ੍ਹਾਂ ਨੇ ਨਵੀਂ ਸੰਸਦ ਭਵਨ ਦੀ ਤਸਵੀਰ ਸਾਂਝੀ ਕੀਤੀ ਹੈ।
ਪ੍ਰਧਾਨ ਮੰਤਰੀ ਮੋਦੀ ਦੇ ਵਟਸਐਪ ਚੈਨਲ ਨਾਲ ਕਿਵੇਂ ਜੁੜੀਏ?
- ਜੇਕਰ ਤੁਸੀਂ ਪੀਐਮ ਮੋਦੀ ਦੇ ਵਟਸਐਪ ਚੈਨਲ ਨਾਲ ਜੁੜਨਾ ਚਾਹੁੰਦੇ ਹੋ ਤਾਂ ਤੁਸੀਂ ਇਸ ਲਿੰਕ ‘ਤੇ ਕਲਿੱਕ ਕਰ ਸਕਦੇ ਹੋ। ਇੱਥੇ ਤੁਹਾਨੂੰ ਚੈਟਿੰਗ ਵਰਗਾ ਇੱਕ ਇੰਟਰਫੇਸ ਦਿਖਾਈ ਦੇਵੇਗਾ। ਹੁਣ ਤੁਹਾਨੂੰ ਉੱਪਰ ਦਿੱਤੇ ਫੋਲੋ ਆਪਸ਼ਨ ਨੂੰ ਚੁਣਨਾ ਹੋਵੇਗਾ।
ਇਨ੍ਹਾਂ ਨੂੰ ਮਿਲੇਗਾ ਲਾਭ
ਵਰਤਮਾਨ ਵਿੱਚ, iOS ਡਿਵਾਈਸਾਂ ਲਈ WhatsApp ਚੈਨਲ ਫੀਚਰ ਜਾਰੀ ਕੀਤਾ ਗਿਆ ਹੈ। ਜੇਕਰ ਤੁਸੀਂ ਆਈਫੋਨ ਜਾਂ ਆਈਪੈਡ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਇਸ ਫੀਚਰ ਨਾਲ ਜੁੜ ਸਕਦੇ ਹੋ। ਇਸ ਦੇ ਲਈ ਐਂਡ੍ਰਾਇਡ ਯੂਜ਼ਰਸ ਨੂੰ ਥੋੜਾ ਇੰਤਜ਼ਾਰ ਕਰਨਾ ਹੋਵੇਗਾ। ਸੈਮਸੰਗ ਦੇ ਕੁਝ ਯੂਜ਼ਰਸ ਨੂੰ ਵੀ ਇਸ ਫੀਚਰ ਨਾਲ ਕਨੈਕਟ ਕਰਨ ਦੀ ਇਜਾਜ਼ਤ ਮਿਲ ਗਈ ਹੈ, ਪਰ ਬਾਕੀ ਅਜੇ ਤੱਕ ਇਸ ਨਾਲ ਕਨੈਕਟ ਨਹੀਂ ਹੋਏ ਹਨ।
