22 ਸਾਲਾਂ ਦਾ ਲੰਬਾ ਇੰਤਜ਼ਾਰ ਖ਼ਤਮ! ਹੁਣ ਬਦਲ ਸਕੋਗੇ ਆਪਣਾ Gmail Address, ਜਾਣੋ ਕੀ ਹੈ ਪੂਰਾ ਤਰੀਕਾ

ਗੂਗਲ ਨੇ ਜੀਮੇਲ ਯੂਜ਼ਰਸ ਲਈ ਇੱਕ ਅਜਿਹਾ ਅਪਡੇਟ ਪੇਸ਼ ਕੀਤਾ ਹੈ ਜਿਸ ਦਾ ਲੰਬੇ ਸਮੇਂ ਤੋਂ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਸੀ। ਹੁਣ ਇਸ ਨਵੇਂ ਅਪਡੇਟ ਦੇ ਆਉਣ ਤੋਂ ਬਾਅਦ ਯੂਜ਼ਰਸ @ ਸਾਈਨ ਤੋਂ ਪਹਿਲਾਂ ਵਾਲੇ ਆਪਣੇ ਜੀਮੇਲ ਯੂਜ਼ਰਨੇਮ ਨੂੰ ਬਦਲਣ ਦੇ ਯੋਗ ਹੋਣਗੇ। ਜ਼ਿਕਰਯੋਗ ਹੈ ਕਿ 1 ਅਪ੍ਰੈਲ 2004 ਨੂੰ ਗੂਗਲ ਨੇ ਜੀਮੇਲ ਸੇਵਾ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਇਸ ਸੇਵਾ ਦੇ ਸ਼ੁਰੂਆਤੀ ਲਾਂਚ ਦੇ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਬਾਅਦ ਇਹ ਇਤਿਹਾਸਕ ਬਦਲਾਅ ਦੇਖਣ ਨੂੰ ਮਿਲਿਆ ਹੈ।

ਫਿਲਹਾਲ ਇਸ ਦੇਸ਼ ਦੇ ਯੂਜ਼ਰਸ ਲਈ ਉਪਲਬਧ

ਗੂਗਲ ਨੇ ਜੀਮੇਲ ਵਿੱਚ ਯੂਜ਼ਰਨੇਮ ਬਦਲਣ ਵਾਲਾ ਇਹ ਖਾਸ ਫੀਚਰ ਫਿਲਹਾਲ ਅਮਰੀਕਾ (US) ਵਿੱਚ ਰਹਿਣ ਵਾਲੇ ਯੂਜ਼ਰਸ ਲਈ ਮੁਹੱਈਆ ਕਰਵਾਇਆ ਹੈ। ਇੱਕ ਬਲੌਗ ਪੋਸਟ ਰਾਹੀਂ ਜਾਣਕਾਰੀ ਸਾਂਝੀ ਕਰਦੇ ਹੋਏ ਗੂਗਲ ਨੇ ਲਿਖਿਆ ਕਿ ਅਮਰੀਕਾ ਵਿੱਚ ਸਾਰੇ ਗੂਗਲ ਅਕਾਊਂਟ ਯੂਜ਼ਰਸ ਲਈ ਹੁਣ ਯੂਜ਼ਰਨੇਮ ਬਦਲਣ ਦੀ ਸਹੂਲਤ ਉਪਲਬਧ ਕਰ ਦਿੱਤੀ ਗਈ ਹੈ। ਇਹ ਬਦਲਾਅ ਜੀਮੇਲ ਯੂਜ਼ਰਸ ਲਈ ਇੱਕ ਲੰਬੇ ਸਮੇਂ ਤੋਂ ਪੈਂਡਿੰਗ ਪਿਆ ਅਹਿਮ ਸੁਧਾਰ ਮੰਨਿਆ ਜਾ ਰਿਹਾ ਹੈ।

1 ਅਪ੍ਰੈਲ ਨੂੰ ਜੀਮੇਲ ਦੇ ਲਾਂਚ ਦੇ 22 ਸਾਲ ਪੂਰੇ ਹੋਣ ਦੇ ਮੌਕੇ ‘ਤੇ, ਇਹ ਅਪਡੇਟ ਯੂਜ਼ਰਸ ਨੂੰ ਆਪਣੇ ਮੌਜੂਦਾ ਗੂਗਲ ਅਕਾਊਂਟ ਅਤੇ ਸੇਵਾਵਾਂ ਦਾ ਇਸਤੇਮਾਲ ਕਰਦੇ ਹੋਏ ਯੂਜ਼ਰਨੇਮ ਨੂੰ ਬਦਲਣ ਦੀ ਸਹੂਲਤ ਦਿੰਦਾ ਹੈ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਕੰਪਨੀ ਹੌਲੀ-ਹੌਲੀ ਇਸ ਫੀਚਰ ਨੂੰ ਦੁਨੀਆ ਦੇ ਬਾਕੀ ਦੇਸ਼ਾਂ ਲਈ ਵੀ ਰੋਲਆਊਟ ਕਰੇਗੀ ਅਤੇ ਜਲਦੀ ਹੀ ਭਾਰਤੀ ਯੂਜ਼ਰਸ ਨੂੰ ਵੀ ਇਹ ਸੁਵਿਧਾ ਮਿਲ ਸਕਦੀ ਹੈ।

ਇੰਝ ਬਦਲੋ ਆਪਣਾ ਯੂਜ਼ਰਨੇਮ

ਮੇਲ ਅਕਾਊਂਟ ਦਾ ਯੂਜ਼ਰਨੇਮ ਬਦਲਣ ਲਈ ਤੁਹਾਨੂੰ ਕੁਝ ਸਧਾਰਨ ਸਟੈਪਸ ਫਾਲੋ ਕਰਨੇ ਪੈਣਗੇ। ਸਭ ਤੋਂ ਪਹਿਲਾਂ ਆਪਣੀ ਈਮੇਲ ਸੈਟਿੰਗ (Email Setting) ਖੋਲ੍ਹੋ। ਇਸ ਤੋਂ ਬਾਅਦ Personal info ਵਿੱਚ ਜਾ ਕੇ ਈਮੇਲ ਆਪਸ਼ਨ ਵਿੱਚ ਗੂਗਲ ਅਕਾਊਂਟ ਈਮੇਲ ‘ਤੇ ਜਾਓ। ਜੇਕਰ ਇਹ ਆਪਸ਼ਨ ਤੁਹਾਡੇ ਅਕਾਊਂਟ ਲਈ ਉਪਲਬਧ ਹੈ, ਤਾਂ ਤੁਹਾਨੂੰ ਗੂਗਲ ਅਕਾਊਂਟ ਈਮੇਲ ਨੂੰ ਬਦਲਣ ਦੀ ਸੈਟਿੰਗ ਦਿਖਾਈ ਦੇਵੇਗੀ। ਇਹ ਬਦਲਾਅ ਸਿਰਫ਼ @gmail.com ਐਡਰੈੱਸ ਵਾਲੇ ਅਕਾਊਂਟਸ ‘ਤੇ ਹੀ ਲਾਗੂ ਹੁੰਦਾ ਹੈ, ਜਿਸ ਨੂੰ ਕਿਸੇ ਦੂਜੇ @gmail.com ਐਡਰੈੱਸ ‘ਤੇ ਸਵਿੱਚ ਕੀਤਾ ਜਾ ਸਕਦਾ ਹੈ।

ਇਨ੍ਹਾਂ ਜ਼ਰੂਰੀ ਗੱਲਾਂ ਦਾ ਰੱਖੋ ਖਾਸ ਧਿਆਨ

ਇਸ ਪ੍ਰਕਿਰਿਆ ਦੌਰਾਨ ਯੂਜ਼ਰਸ ਨੂੰ ਕੁਝ ਅਹਿਮ ਨੁਕਤੇ ਧਿਆਨ ਵਿੱਚ ਰੱਖਣੇ ਚਾਹੀਦੇ ਹਨ। ਇੱਕ ਵਾਰ ਯੂਜ਼ਰਨੇਮ ਬਦਲਣ ਤੋਂ ਬਾਅਦ, ਤੁਹਾਡਾ ਪੁਰਾਣਾ ਐਡਰੈੱਸ ਇੱਕ ਸੈਕੰਡਰੀ ਈਮੇਲ ਐਡਰੈੱਸ ਬਣ ਜਾਂਦਾ ਹੈ, ਇਸ ਲਈ ਉਸ ਪੁਰਾਣੇ ਪਤੇ ‘ਤੇ ਭੇਜੇ ਗਏ ਈਮੇਲ ਵੀ ਤੁਹਾਨੂੰ ਮਿਲਦੇ ਰਹਿਣਗੇ। ਇਸ ਤੋਂ ਇਲਾਵਾ ਅਕਾਊਂਟ ਦੇ ਡਾਟਾ, ਜਿਸ ਵਿੱਚ ਤੁਹਾਡੀਆਂ ਫੋਟੋਆਂ, ਮੈਸੇਜ ਅਤੇ ਪੁਰਾਣੇ ਈਮੇਲ ਸ਼ਾਮਲ ਹਨ, ‘ਤੇ ਇਸ ਬਦਲਾਅ ਦਾ ਕੋਈ ਵੀ ਮਾੜਾ ਅਸਰ ਨਹੀਂ ਪਵੇਗਾ।

ਇਹ ਵੀ ਪੜ੍ਹੋ

ਭਾਰਤ 'ਚ ਸਟਾਰਲਿੰਕ ਦੀ ਲਾਂਚਿੰਗ 'ਤੇ ਸੰਕਟ, ਸੁਰੱਖਿਆ ਕਾਰਨਾਂ ਕਰਕੇ ਫਸੀ ਮਨਜ਼ੂਰੀ

ਬਿਨਾਂ ਚਿੱਪ ਤੇ ਸਰਜਰੀ ਦੇ ਇਹ ਟੋਪੀ ਪੜ੍ਹੇਗੀ ਦਿਮਾਗ਼, ਜਾਣੋ ਕਿਵੇਂ

ਇਹ ਸਰਕਾਰੀ ਸੁਝਾਅ ਤੁਹਾਡੇ ਹਰ ਮਹੀਨੇ ਬਚਾਏਗਾ ਪੈਸੇ, ਬਸ ਮਨੋਂ ਇਹ ਜ਼ਰੂਰੀ ਗੱਲਾਂ