Cricket News: ਹਰਮਨਪ੍ਰੀਤ ਕੌਰ ਲਈ ਅੱਗੇ ਆਏ ਯੁਵਰਾਜ ਸਿੰਘ, ਗੂਗਲ ਸਰਚ ‘ਚ ਸੁਧਾਰਣਗੇ ਇਹ ਗਲਤੀ
Indian Women Cricket Team : ਹਰਮਨਪ੍ਰੀਤ ਕੌਰ ਨੇ 4 ਮੈਚਾਂ 'ਚ ਸਿਰਫ 66 ਦੌੜਾਂ ਹੀ ਬਣਾਈਆਂ ਹਨ। ਮਤਲਬ ਬੱਲੇਬਾਜ਼ੀ ਔਸਤ 20 ਤੋਂ ਘੱਟ ਹੈ ਅਤੇ ਸਟ੍ਰਾਈਕ ਰੇਟ 85 ਤੋਂ ਵੀ ਘੱਟ। ਪਰ, ਸਿੱਕੇ ਦਾ ਦੂਸਰਾ ਪਹਿਲੂ ਇਹ ਹੈ ਕਿ ਉਨ੍ਹਾਂ ਦੀ ਕਪਤਾਨੀ ਵਿੱਚ ਟੀਮ ਇੰਡੀਆ ਦਾ ਸੈਮੀਫਾਈਨਲ ਵਿੱਚ ਪਹੁੰਚਣਾ।
ਹਰਮਨਪ੍ਰੀਤ ਕੌਰ (Harmanpreet Kaur) ਦਾ ਬੱਲਾ ਭਲੇ ਹੀ ਸ਼ਾਂਤ ਹੈ। ਪਰ, ਉਨ੍ਹਾਂ ਦੇ ਬੱਲੇ ਦੀ ਖਾਮੋਸ਼ੀ ਦਾ ਅਸਰ ਉਨ੍ਹਾਂ ਦੀ ਕਪਤਾਨੀ ‘ਤੇ ਕੋਈ ਅਸਰ ਨਹੀਂ ਹੈ। ਹਰਮਨਪ੍ਰੀਤ ਕਪਤਾਨੀ ਦੇ ਲਿਹਾਜ਼ ਨਾਲ ਬੇਜੋੜ ਹੈ। ਉਨ੍ਹਾਂ ਦੀ ਸ਼ਾਨਦਾਰ ਕਪਤਾਨੀ ਦਾ ਹੀ ਨਤੀਜਾ ਹੈ ਕਿ ਭਾਰਤੀ ਟੀਮ ਮਹਿਲਾ ਟੀ-20 ਵਿਸ਼ਵ ਕੱਪ ਦਾ ਲਗਾਤਾਰ ਤੀਜਾ ਸੈਮੀਫਾਈਨਲ ਖੇਡਣ ਜਾ ਰਹੀ ਹੈ। ਪਰ, ਇਸ ਸਫਲਤਾ ਦੇ ਵਿਚਕਾਰ, ਇੱਕ ਖਬਰ ਉਨ੍ਹਾਂ ਨੂੰ ਲੈ ਕੇ ਚੱਲ ਰਹੀ ਮੁਹਿੰਮ ਨਾਲ ਜੁੜੀ ਹੈ, ਜਿਸ ਦਾ ਸਮਰਥਨ ਸਾਬਕਾ ਭਾਰਤੀ ਆਲਰਾਊਂਡਰ ਯੁਵਰਾਜ ਸਿੰਘ ਨੇ ਕੀਤਾ ਹੈ।
ਹਰਮਨਪ੍ਰੀਤ ਦੇ ਸਮਰਥਨ ਵਿੱਚ ਨਿੱਤਰੇ ਯੁਵਰਾਜ ਸਿੰਘ
ਯੁਵਰਾਜ ਸਿੰਘ ਨੇ ਟਵਿੱਟਰ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਨ੍ਹਾਂ ਨੇ ਦਿਖਾਇਆ ਹੈ ਕਿ ਜੇਕਰ ਤੁਸੀਂ ਗੂਗਲ ‘ਤੇ ਟੀਮ ਇੰਡੀਆ ਦੇ ਕਪਤਾਨ ਨੂੰ ਸਰਚ ਕਰਦੇ ਹੋ ਤਾਂ ਸਿਰਫ ਰੋਹਿਤ ਸ਼ਰਮਾ ਜਾਂ ਹਾਰਦਿਕ ਪੰਡਿਆ ਦਾ ਹੀ ਨਾਂ ਦਿਖਾਈ ਦਿੰਦਾ ਹੈ, ਜਦਕਿ ਉਥੇ ਹਰਮਨਪ੍ਰੀਤ ਕੌਰ ਦਾ ਨਾਂ ਨਹੀਂ ਆਉਂਦਾ। ਯੁਵਰਾਜ ਸਿੰਘ ਇਸ ਤੋਂ ਦੁਖੀ ਹਨ, ਇਸ ਲਈ ਉਨ੍ਹਾਂ ਨੇ ਹੁਣ #IndianCricketTeamCaptainHarmanpreetKaur ਦੀ ਮੁਹਿੰਮ ਦਾ ਸਮਰਥਨ ਕੀਤਾ ਹੈ, ਤਾਂ ਜੋ ਇਸ ਨੂੰ ਠੀਕ ਕੀਤਾ ਜਾ ਸਕੇ।
