ਵੀਰੇਂਦਰ ਸਹਿਵਾਗ ਨੇ ਕੀਤੀ ਭੱਵਿਖਬਾਣੀ, ਇਹ ਟੀਮ ਬਣੇਗੀ IPL ਦੀ ਚੈਂਪੀਅਨ

IPL 2025: ਇੰਡੀਅਨ ਪ੍ਰੀਮੀਅਰ ਲੀਗ ਦੇ 18ਵੇਂ ਫਾਈਨਲ ਲਈ ਉਲਟੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਰਾਇਲ ਚੈਲੇਂਜਰਜ਼ ਬੰਗਲੌਰ (RCB) ਅਤੇ ਪੰਜਾਬ ਕਿੰਗਜ਼ (PBKS) ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਹੋਣ ਵਾਲੇ IPL ਫਾਈਨਲ ਵਿੱਚ ਭਿੜਤ ਹੋਵੇਗੀ। ਵੀਰੇਂਦਰ ਸਹਿਵਾਗ ਚਾਹੁੰਦੇ ਹਨ ਕਿ ਪੰਜਾਬ ਕਿੰਗਜ਼ ਇਹ ਮੈਚ ਜਿੱਤੇ। ਉਨ੍ਹਾਂ ਕਿਹਾ ਕਿ ਇਸ ਲਈ ਉਹ ਰਾਇਲ ਚੈਲੇਂਜਰਜ਼ ਬੰਗਲੌਰ ਟੀਮ ਦਾ ਸਮਰਥਨ ਕਰਨਗੇ।

ਵੀਰੇਂਦਰ ਸਹਿਵਾਗ ਦੇ ਸਮਰਥਨ ਵਾਲੀਆਂ ਟੀਮਾਂ ਨੂੰ ਇਸ ਸਾਲ ਆਈਪੀਐਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਹੀ ਕਾਰਨ ਹੈ ਕਿ ਟੀਮ ਇੰਡੀਆ ਦੇ ਸਾਬਕਾ ਖਿਡਾਰੀ ਨੇ ਇਸ ਰੁਝਾਨ ਨੂੰ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਹੈ। ਇਸ ਲਈ ਸਹਿਵਾਗ ਨੇ ਕਿਹਾ ਹੈ ਕਿ ਉਹ ਫਾਈਨਲ ਮੈਚ ਵਿੱਚ ਰਾਇਲ ਚੈਲੇਂਜਰਜ਼ ਬੰਗਲੌਰ ਟੀਮ ਦਾ ਸਮਰਥਨ ਕਰਨਗੇ।

ਪਹਿਲੇ ਕੁਆਲੀਫਾਇਰ ਵਿੱਚ, ਸਹਿਵਾਗ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਪੰਜਾਬ ਕਿੰਗਜ਼ ਜਿੱਤੇਗਾ। ਪਰ ਰਾਇਲ ਚੈਲੇਂਜਰਜ਼ ਬੰਗਲੌਰ ਮੈਚ ਜਿੱਤ ਗਈ ਸੀ। ਐਲੀਮੀਨੇਟਰ ਵਿੱਚ, ਉਹਨਾਂ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਗੁਜਰਾਤ ਟਾਈਟਨਜ਼ ਮੁੰਬਈ ਇੰਡੀਅਨਜ਼ ਵਿਰੁੱਧ ਜਿੱਤੇਗੀ। ਪਰ ਮੁੰਬਈ ਇੰਡੀਅਨਜ਼ ਬਾਜ਼ੀ ਮਾਰ ਗਈ।

ਸਹਿਵਾਗ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਮੁੰਬਈ ਇੰਡੀਅਨਜ਼ ਦੂਜਾ ਕੁਆਲੀਫਾਇਰ ਜਿੱਤੇਗੀ। ਪਰ ਪੰਜਾਬ ਕਿੰਗਜ਼ ਜਿੱਤ ਗਈ। ਹੁਣ ਰਾਇਲ ਚੈਲੇਂਜਰਜ਼ ਬੰਗਲੌਰ ਅਤੇ ਪੰਜਾਬ ਕਿੰਗਜ਼ ਫਾਈਨਲ ਵਿੱਚ ਇੱਕ ਦੂਜੇ ਦਾ ਸਾਹਮਣਾ ਕਰਨਗੇ।

ਵੀਰੇਂਦਰ ਸਹਿਵਾਗ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਰਾਇਲ ਚੈਲੇਂਜਰਜ਼ ਬੰਗਲੌਰ ਇਹ ਮੈਚ ਜਿੱਤੇਗੀ। ਪਰ ਮੈਂ ਚਾਹੁੰਦਾ ਹਾਂ ਕਿ ਪੰਜਾਬ ਕਿੰਗਜ਼ ਜਿੱਤੇ। ਇਸ ਲਈ ਮੈਂ ਆਰਸੀਬੀ ਦਾ ਸਮਰਥਨ ਕਰ ਰਿਹਾ ਹਾਂ। ਕਿਉਂਕਿ ਜਿਸ ਟੀਮ ਦਾ ਮੈਂ ਸਮਰਥਨ ਕੀਤਾ ਸੀ ਉਹ ਹਾਰ ਰਹੀ ਹੈ, ਇਸ ਲਈ ਮੈਂ ਇਹੀ ਰੁਝਾਨ ਜਾਰੀ ਰੱਖਾਂਗਾ, ਵੀਰੇਂਦਰ ਸਹਿਵਾਗ ਨੇ ਕ੍ਰਿਕਬਜ਼ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਕਿਹਾ।

ਇਹ ਵੀ ਪੜ੍ਹੋ

ਸਾਊਥ ਅਫਰੀਕਾ ਬਣੀ ਵਰਲਡ ਚੈਂਪੀਅਨ, ਪਹਿਲੀ ਵਾਰ ਆਸਟ੍ਰੇਲੀਆ ਨੂੰ ਹਰਾਇਆ

ਗੌਤਮ ਗੰਭੀਰ ਦੀ ਮਾਂ ਨੂੰ ਆਇਆ ਹਾਰਟ ਅਟੈਕ, ਇੰਗਲੈਂਡ ਦੌਰਾ ਵਿਚਾਲੇ ਛੱਡ ਪਰਤੇ ਭਾਰਤ

ਇੰਗਲੈਂਡ ਸੀਰੀਜ਼ ਤੋਂ ਪਹਿਲਾਂ ਗੰਭੀਰ ਨੂੰ ਕਿਉਂ ਆਈ ਰੋਹਿਤ-ਵਿਰਾਟ ਦੀ ਯਾਦ?

ਇਸ ਤਹਿਤ ਵੀਰੇਂਦਰ ਸਹਿਵਾਗ ਨੇ ਕਿਹਾ ਹੈ ਕਿ ਉਹ ਅੱਜ ਦੇ ਮੈਚ ਵਿੱਚ ਆਰਸੀਬੀ ਟੀਮ ਦਾ ਸਮਰਥਨ ਕਰ ਰਹੇ ਹਨ। ਸਹਿਵਾਗ ਇਸ ਗੱਲ ਨੂੰ ਲੈ ਕੇ ਉਤਸ਼ਾਹਿਤ ਹਨ ਕੀ ਇਸ ਰਾਹੀਂ ਪੰਜਾਬ ਕਿੰਗਜ਼ ਦੀ ਟੀਮ ਪਹਿਲੀ ਵਾਰ ਚੈਂਪੀਅਨ ਬਣੇਗੀ।

ਵੈਸੇ, ਵੀਰੇਂਦਰ ਸਹਿਵਾਗ ਨੂੰ ਪਹਿਲਾਂ ਪੰਜਾਬ ਕਿੰਗਜ਼ ਟੀਮ ਦੇ ਕਪਤਾਨ ਵਜੋਂ ਦੇਖਿਆ ਗਿਆ ਸੀ। ਉਸ ਤੋਂ ਬਾਅਦ, ਉਹਨਾਂ ਨੇ ਟੀਮ ਦੇ ਸਲਾਹਕਾਰ ਵਜੋਂ ਵੀ ਕੰਮ ਕੀਤਾ। ਇਹੀ ਕਾਰਨ ਹੈ ਕਿ ਸਹਿਵਾਗ ਨੇ ਅਸਿੱਧੇ ਤੌਰ ‘ਤੇ ਪੰਜਾਬ ਕਿੰਗਜ਼ ਟੀਮ ਦਾ ਸਮਰਥਨ ਕੀਤਾ ਅਤੇ ਕਿਹਾ ਕਿ ਆਰਸੀਬੀ ਟੀਮ ਅੱਜ ਦਾ ਮੈਚ ਜਿੱਤੇਗੀ।