Asia Cup 2023: ਟੀਮ ਇੰਡੀਆ ਨੇ ਨੇਪਾਲ ਨੂੰ 10 ਵਿਕਟਾਂ ਨਾਲ ਹਰਾਇਆ, ਸੁਪਰ-4 ‘ਚ ਪਾਕਿਸਤਾਨ ਨਾਲ ਇਸ ਦਿਨ ਮੁਕਾਬਲਾ
IND Vs NEPAL Asia Cup Match Report: ਭਾਰਤ ਨੇ ਸੁਪਰ-4 ਲਈ ਕੁਆਲੀਫਾਈ ਕਰ ਲਿਆ ਹੈ। ਭਾਰਤ ਦਾ ਪਹਿਲਾ ਮੈਚ ਪਾਕਿਸਤਾਨ ਨਾਲ ਸੀ, ਜੋ ਮੀਂਹ ਕਾਰਨ ਰੱਦ ਹੋ ਗਿਆ ਸੀ, ਇਸ ਲਈ ਟੀਮ ਇੰਡੀਆ ਲਈ ਇਹ ਮੈਚ ਜਿੱਤਣਾ ਬਹੁਤ ਜ਼ਰੂਰੀ ਸੀ, ਜਿਸ ਨੂੰ ਟੀਮ ਨੇ ਆਪਣੇ ਨਾਮ ਕਰਕੇ ਅਗਲੇ ਦੌਰ ਵਿੱਚ ਐਂਟਰੀ ਕਰ ਲਈ ਹੈ।
icc world cup 2023 india vs srilanka match in mumbai vankhere stadium srilanka won the toss know full detail in punjabi
ਸਪੋਰਟਸ ਨਿਊਜ਼। ਰੋਹਿਤ ਸ਼ਰਮਾ ਅਤੇ ਸ਼ੁਭਮਨ ਗਿੱਲ ਦੀਆਂ ਸ਼ਾਨਦਾਰ ਪਾਰੀਆਂ ਦੇ ਦਮ ‘ਤੇ ਭਾਰਤ ਨੇ ਸੋਮਵਾਰ ਨੂੰ ਪੱਲੇਕੇਲੇ ਸਟੇਡੀਅਮ ‘ਚ ਖੇਡੇ ਗਏ ਮੈਚ ‘ਚ ਨੇਪਾਲ ਨੂੰ 10 ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਨਾਲ ਭਾਰਤ ਨੇ ਏਸ਼ੀਆ ਕੱਪ-2023 ਦੇ ਸੁਪਰ-4 ‘ਚ ਜਗ੍ਹਾ ਬਣਾ ਲਈ ਹੈ। ਨੇਪਾਲ ਨੇ ਇਸ ਮੈਚ ‘ਚ ਪਹਿਲਾਂ ਬੱਲੇਬਾਜ਼ੀ ਕੀਤੀ ਅਤੇ 48.2 ਓਵਰਾਂ ‘ਚ 230 ਦੌੜਾਂ ‘ਤੇ ਆਊਟ ਹੋ ਗਈ। ਭਾਰਤ ਦੀ ਪਾਰੀ ਦੇ ਸਿਰਫ਼ 2.1 ਓਵਰ ਹੀ ਪੂਰੇ ਹੋਏ ਸਨ ਜਦੋਂ ਮੀਂਹ ਆ ਗਿਆ ਅਤੇ ਫਿਰ ਟੀਮ ਇੰਡੀਆ ਨੂੰ 23 ਓਵਰਾਂ ਵਿੱਚ 145 ਦੌੜਾਂ ਦਾ ਟੀਚਾ ਦਿੱਤਾ ਗਿਆ। ਭਾਰਤ ਨੇ ਇਹ ਟੀਚਾ 20.1 ਓਵਰਾਂ ਵਿੱਚ ਹਾਸਲ ਕਰ ਲਿਆ।
ਭਾਰਤ ਲਈ ਕਪਤਾਨ ਰੋਹਿਤ ਸ਼ਰਮਾ ਨੇ 74 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਓਪਨਿੰਗ ਸਾਥੀ ਸ਼ੁਭਮਨ ਗਿੱਲ ਨੇ ਨਾਬਾਦ 67 ਦੌੜਾਂ ਬਣਾਈਆਂ। ਇਸ ਨਾਲ ਪਾਕਿਸਤਾਨ ਨਾਲ ਭਾਰਤ ਦਾ ਮੁਕਾਬਲਾ ਵੀ ਪੱਕਾ ਹੋ ਗਿਆ ਹੈ। ਦੋਵੇਂ ਟੀਮਾਂ 10 ਸਤੰਬਰ ਨੂੰ ਭਿੜਨਗੀਆਂ।
ਗਿੱਲ ਅਤੇ ਰੋਹਿਤ ਦਾ ਦਬਦਬਾ ਰਿਹਾ
ਰੋਹਿਤ ਅਤੇ ਗਿੱਲ ਨੇ ਮੀਂਹ ਨਾਲ ਵਿਘਨ ਪਾਉਣ ਵਾਲੇ ਇਸ ਮੈਚ ਵਿੱਚ ਆਪਣੀ ਕਾਬਲੀਅਤ ਦਿਖਾਈ ਅਤੇ ਨੇਪਾਲ ਦੇ ਗੇਂਦਬਾਜ਼ਾਂ ਨੂੰ ਇੱਕ ਵੀ ਸਫਲਤਾ ਹਾਸਿਲ ਨਹੀਂ ਹੋਣ ਦਿੱਤੀ। ਰੋਹਿਤ ਨੇ 39 ਗੇਂਦਾਂ ‘ਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਗਿੱਲ ਨੇ ਆਪਣਾ ਅਰਧ ਸੈਂਕੜਾ ਪੂਰਾ ਕਰਨ ਲਈ 47 ਗੇਂਦਾਂ ਦਾ ਸਾਹਮਣਾ ਕੀਤਾ। ਕਰਨ ਕੇਸੀ ਦੁਆਰਾ ਸੁੱਟੇ ਗਏ ਪਹਿਲੇ ਓਵਰ ਵਿੱਚ ਰੋਹਿਤ ਨੂੰ ਨਿਸ਼ਚਤ ਤੌਰ ‘ਤੇ ਕੁਝ ਪ੍ਰੇਸ਼ਾਨੀ ਹੋਈ ਸੀ, ਪਰ ਜਦੋਂ ਮੈਚ ਸ਼ੁਰੂ ਹੋਇਆ ਅਤੇ ਮੀਂਹ ਤੋਂ ਬਾਅਦ ਟੀਚਾ ਬਦਲਿਆ ਗਿਆ ਤਾਂ ਰੋਹਿਤ ਅਤੇ ਗਿੱਲ ਦੋਵਾਂ ਨੇ ਬਹੁਤ ਆਸਾਨੀ ਨਾਲ ਆਪਣੇ ਸ਼ਾਟ ਖੇਡੇ। ਰੋਹਿਤ ਨੇ 59 ਗੇਂਦਾਂ ਦਾ ਸਾਹਮਣਾ ਕਰਦਿਆਂ ਆਪਣੀ ਅਜੇਤੂ ਪਾਰੀ ‘ਚ ਛੇ ਚੌਕੇ ਤੇ ਪੰਜ ਛੱਕੇ ਲਾਏ। ਗਿੱਲ ਨੇ 62 ਗੇਂਦਾਂ ਦੀ ਆਪਣੀ ਪਾਰੀ ਵਿੱਚ ਅੱਠ ਚੌਕੇ ਅਤੇ ਇੱਕ ਛੱਕੇ ਲਗਾਇਆ।
ਨੇਪਾਲ ਲਈ ਚੰਗੀ ਸ਼ੁਰੂਆਤ
ਰੋਹਿਤ ਨੇ ਇਸ ਮੈਚ ‘ਚ ਟਾਸ ਜਿੱਤ ਕੇ ਨੇਪਾਲ ਨੂੰ ਬੱਲੇਬਾਜ਼ੀ ਲਈ ਬੁਲਾਇਆ। ਕੁਸ਼ਲ ਭੁਰਤੇਲ ਅਤੇ ਆਸਿਫ ਸ਼ੇਖ ਨੇ ਟੀਮ ਨੂੰ ਚੰਗੀ ਸ਼ੁਰੂਆਤ ਦਿਵਾਈ ਅਤੇ 9.5 ਓਵਰਾਂ ਵਿੱਚ 65 ਦੌੜਾਂ ਜੋੜੀਆਂ। ਸ਼ਾਰਦੁਲ ਠਾਕੁਰ ਨੇ ਕੁਸ਼ਾਲ ਨੂੰ ਆਪਣਾ ਸ਼ਿਕਾਰ ਬਣਾਇਆ। ਇਸ ਤੋਂ ਬਾਅਦ ਭੀਮ ਸ਼ਾਰਕੀ ਸੱਤ ਦੌੜਾਂ ਬਣਾ ਕੇ ਰਵਿੰਦਰ ਜਡੇਜਾ ਦਾ ਸ਼ਿਕਾਰ ਬਣੇ। ਨੇਪਾਲ ਦੇ ਕਪਤਾਨ ਰੋਹਿਤ ਪੋਡੇਲ ਸਿਰਫ਼ ਪੰਜ ਦੌੜਾਂ ਬਣਾ ਕੇ ਜਡੇਜਾ ਦਾ ਸ਼ਿਕਾਰ ਬਣ ਗਏ। ਕੁਸ਼ਲ ਮੱਲਾ ਸਿਰਫ਼ ਦੋ ਦੌੜਾਂ ਹੀ ਬਣਾ ਸਕੇ।
ਨੇਪਾਲ ਨੇ ਸਿਰਫ਼ 101 ਦੌੜਾਂ ‘ਤੇ ਆਪਣੀਆਂ ਚਾਰ ਵਿਕਟਾਂ ਗੁਆ ਦਿੱਤੀਆਂ ਸਨ। ਆਸਿਫ਼ ਇੱਕ ਸਿਰੇ ਤੋਂ ਸਥਿਰ ਸਨ, ਜਿਨ੍ਹਾਂ ਦੀ 58 ਦੌੜਾਂ ਦੀ ਪਾਰੀ ਮੁਹੰਮਦ ਸਿਰਾਜ ਨੇ ਸਮਾਪਤ ਕਰ ਦਿੱਤੀ। ਆਸਿਫ਼ ਨੇ 97 ਗੇਂਦਾਂ ਦਾ ਸਾਹਮਣਾ ਕਰਦਿਆਂ ਅੱਠ ਚੌਕੇ ਲਾਏ।
ਇਹ ਵੀ ਪੜ੍ਹੋ
ਸੋਮਪਾਲ ਨੇ ਕੀਤਾ ਕਮਾਲ
ਨੇਪਾਲ ਦੀ ਟੀਮ ਸਸਤੇ ‘ਚ ਪੈਵੇਲੀਅਨ ਪਰਤਣ ਵਾਲੀ ਸੀ ਪਰ ਅੰਤ ‘ਚ ਤਿੰਨ ਬੱਲੇਬਾਜ਼ਾਂ ਨੇ ਟੀਮ ਨੂੰ 200 ਦੇ ਪਾਰ ਪਹੁੰਚਾ ਦਿੱਤਾ। ਗੁਲਸ਼ਨ ਝਾਅ ਨੇ 23 ਦੌੜਾਂ, ਦੀਪੇਂਦਰ ਸਿੰਘ ਨੇ 29 ਦੌੜਾਂ ਬਣਾਈਆਂ ਪਰ ਸੋਮਪਾਲ ਕਾਮੀ ਨੇ ਜੋ ਕੀਤਾ ਉਹ ਟੀਮ ਲਈ ਕਾਫੀ ਫਾਇਦੇਮੰਦ ਸਾਬਤ ਹੋਇਆ। ਸੋਮਪਾਲ ਹਾਲਾਂਕਿ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਏ। ਉਨ੍ਹਾਂ ਨੇ 56 ਗੇਂਦਾਂ ਵਿੱਚ ਇੱਕ ਚੌਕੇ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 48 ਦੌੜਾਂ ਦੀ ਪਾਰੀ ਖੇਡੀ। ਭਾਰਤ ਲਈ ਸਿਰਾਜ ਅਤੇ ਜਡੇਜਾ ਨੇ ਸਭ ਤੋਂ ਵੱਧ ਤਿੰਨ-ਤਿੰਨ ਵਿਕਟਾਂ ਲਈਆਂ। ਸ਼ਮੀ, ਪੰਡਯਾ ਅਤੇ ਠਾਕੁਰ ਨੂੰ ਇਕ-ਇਕ ਸਫਲਤਾ ਮਿਲੀ।