IND vs ENG 3rd Test Day 2: ਕੁਲਦੀਪ ਤੋਂ ਬਾਅਦ ਜਡੇਜਾ ਵੀ ਆਊਟ, ਦੋ ਓਵਰਾਂ ਵਿੱਚ ਡਿੱਗੀਆਂ 2 ਵਿਕਟਾਂ
India vs England Rajkot Test Match: ਇਸ ਟੈਸਟ ਮੈਚ ਵਿੱਚ ਟੀਮ ਇੰਡੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਕਪਤਾਨ ਰੋਹਿਤ ਸ਼ਰਮਾ ਅਤੇ ਰਵਿੰਦਰ ਜਡੇਜਾ ਦੇ ਸੈਂਕੜੇ ਦੀ ਮਦਦ ਨਾਲ 5 ਵਿਕਟਾਂ ਗੁਆ ਕੇ 326 ਦੌੜਾਂ ਬਣਾਈਆਂ। ਉਸ ਤੋਂ ਇਲਾਵਾ ਸਰਫਰਾਜ਼ ਖਾਨ ਨੇ ਵੀ ਆਪਣੇ ਕਰੀਅਰ ਦੀ ਚੰਗੀ ਸ਼ੁਰੂਆਤ ਕੀਤੀ।
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਰਾਜਕੋਟ ‘ਚ ਖੇਡੇ ਜਾ ਰਹੇ ਤੀਜੇ ਟੈਸਟ ਮੈਚ ਦਾ ਅੱਜ ਦੂਜਾ ਦਿਨ ਹੈ। ਟੀਮ ਇੰਡੀਆ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 326/5 ਦੇ ਸਕੋਰ ਤੋਂ ਅੱਗੇ ਖੇਡਣਾ ਸ਼ੁਰੂ ਕਰ ਦਿੱਤਾ ਹੈ। ਸਭ ਦੀਆਂ ਨਜ਼ਰਾਂ ਰਵਿੰਦਰ ਜਡੇਜਾ ‘ਤੇ ਹਨ, ਜਿਸ ਨੇ ਪਹਿਲੇ ਦਿਨ ਸ਼ਾਨਦਾਰ ਸੈਂਕੜਾ ਲਗਾਇਆ। ਉਹ ਆਪਣੀ 110 ਦੌੜਾਂ ਦੀ ਪਾਰੀ ਨੂੰ ਅੱਗੇ ਲੈ ਕੇ ਜਾ ਰਿਹਾ ਹੈ ਅਤੇ ਕੁਲਦੀਪ ਯਾਦਵ ਉਸ ਦਾ ਸਾਥ ਦੇ ਰਿਹਾ ਹੈ। ਪਹਿਲੇ ਦਿਨ ਜਡੇਜਾ ਤੋਂ ਇਲਾਵਾ ਕਪਤਾਨ ਰੋਹਿਤ ਸ਼ਰਮਾ ਨੇ ਵੀ ਸ਼ਾਨਦਾਰ ਸੈਂਕੜਾ ਜੜਿਆ, ਉਥੇ ਹੀ ਡੈਬਿਊ ਕਰਨ ਵਾਲੇ ਸਰਫਰਾਜ਼ ਖਾਨ ਨੇ ਵੀ 66 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ।
ਮੈਚ ਦੇ ਦੂਜੇ ਦਿਨ ਜਡੇਜਾ ਤੋਂ ਇਲਾਵਾ ਨੌਜਵਾਨ ਵਿਕਟਕੀਪਰ ਧਰੁਵ ਜੁਰੇਲ ‘ਤੇ ਵੀ ਨਜ਼ਰਾਂ ਰਹਿਣਗੀਆਂ, ਜੋ ਸਰਫਰਾਜ਼ ਵਾਂਗ ਆਪਣਾ ਡੈਬਿਊ ਕਰ ਰਿਹਾ ਹੈ। ਜੁਰੇਲ ਨੂੰ ਅੱਜ ਬੱਲੇਬਾਜ਼ੀ ਦਾ ਮੌਕਾ ਮਿਲੇਗਾ। ਆਪਣੇ ਪ੍ਰਦਰਸ਼ਨ ਦੇ ਆਧਾਰ ‘ਤੇ ਉਹ ਤੈਅ ਕਰ ਸਕਦਾ ਹੈ ਕਿ ਕੀ ਉਹ ਸੀਰੀਜ਼ ਦੇ ਅਗਲੇ 2 ਮੈਚਾਂ ‘ਚ ਖੇਡੇਗਾ ਜਾਂ ਕੇਐੱਸ ਭਾਰਤ ਦੀ ਵਾਪਸੀ ਹੋਵੇਗੀ।
IND ਬਨਾਮ ENG ਕੁੱਝ ਘਟਨਾਵਾਂ
ਰਵਿੰਦਰ ਜਡੇਜਾ (112) ਵੀ ਆਊਟ ਹੋ ਗਏ। ਜਡੇਜਾ ਨੇ ਜੋ ਰੂਟ ਨੂੰ ਸਿੱਧਾ ਕੈਚ ਦੇ ਦਿੱਤਾ।
ਜੇਮਸ ਐਂਡਰਸਨ ਨੇ ਦਿਨ ਦੇ ਚੌਥੇ ਓਵਰ ਵਿੱਚ ਕੁਲਦੀਪ ਯਾਦਵ (4) ਨੂੰ ਵਿਕਟ ਦੇ ਪਿੱਛੇ ਕੈਚ ਕਰਵਾ ਦਿੱਤਾ।
ਦੂਜੇ ਦਿਨ ਭਾਰਤ ਦੀ ਸ਼ੁਰੂਆਤ ਖ਼ਰਾਬ ਰਹੀ ਅਤੇ ਪਹਿਲੇ ਦਿਨ ਨਾਟ ਆਊਟ ਰਹਿਣ ਵਾਲੇ ਬੱਲੇਬਾਜ਼ ਆਊਟ ਹੋ ਗਏ।
ਰਾਜਕੋਟ ਟੈਸਟ ਦੇ ਦੂਜੇ ਦਿਨ ਦੀ ਖੇਡ ਸ਼ੁਰੂ ਹੋ ਗਈ ਹੈ ਅਤੇ ਟੀਮ ਇੰਡੀਆ ਦਾ ਸਕੋਰ ਅੱਗੇ ਵੱਧ ਰਿਹਾ ਹੈ।
ਸਰਫਰਾਜ਼ ਖਾਨ ਨੇ ਪਹਿਲੇ ਦਿਨ ਆਪਣੀ ਤਾਕਤ ਦਿਖਾਈ ਅਤੇ ਦੂਜੇ ਦਿਨ ਨਜ਼ਰਾਂ ਇਕ ਹੋਰ ਡੈਬਿਊ ਕਰਨ ਵਾਲੇ ਧਰੁਵ ਜੁਰੇਲ ‘ਤੇ ਹੋਣਗੀਆਂ, ਜਿਸ ਨੂੰ ਆਪਣੀ ਦਮਦਾਰ ਕੀਪਿੰਗ ਅਤੇ ਧਮਾਕੇਦਾਰ ਬੱਲੇਬਾਜ਼ੀ ਕਾਰਨ ਚੁਣਿਆ ਗਿਆ ਹੈ।