IPL 2025 ਦੇ ਨਵੇਂ ਸ਼ਡਿਊਲ ਦਾ ਐਲਾਨ, ਇਸ ਤਰੀਕ ਨੂੰ ਖੇਡਿਆ ਜਾਵੇਗਾ ਫਾਈਨਲ ਮੈਚ
ਹੁਣ ਦੋਵਾਂ ਦੇਸ਼ਾਂ ਵਿਚਕਾਰ ਜੰਗਬੰਦੀ ਤੋਂ ਬਾਅਦ, ਬੀਸੀਸੀਆਈ ਨੇ ਬਾਕੀ ਮੈਚਾਂ ਲਈ ਇੱਕ ਨਵਾਂ ਸ਼ਡਿਊਲ ਐਲਾਨ ਕੀਤਾ ਹੈ। ਨਵੇਂ ਸ਼ਡਿਊਲ ਦੇ ਅਨੁਸਾਰ, ਲੀਗ 17 ਮਈ ਤੋਂ ਦੁਬਾਰਾ ਸ਼ੁਰੂ ਹੋਵੇਗੀ ਅਤੇ ਕੁੱਲ 17 ਮੈਚ 6 ਥਾਵਾਂ 'ਤੇ ਖੇਡੇ ਜਾਣਗੇ। ਇਸ ਤੋਂ ਇਲਾਵਾ ਫਾਈਨਲ ਮੈਚ 3 ਜੂਨ ਨੂੰ ਹੋਵੇਗਾ।
IPL 2025 New Schedule: ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਤਣਾਅ ਦੇ ਕਾਰਨ, ਬੀਸੀਸੀਆਈ ਨੇ 9 ਮਈ ਨੂੰ ਆਈਪੀਐਲ ਨੂੰ 1 ਹਫ਼ਤੇ ਲਈ ਮੁਅੱਤਲ ਕਰ ਦਿੱਤਾ ਸੀ। ਇਸ ਤੋਂ ਪਹਿਲਾਂ 8 ਮਈ ਨੂੰ ਪੰਜਾਬ ਕਿੰਗਜ਼ ਤੇ ਦਿੱਲੀ ਕੈਪੀਟਲਜ਼ ਵਿਚਕਾਰ ਮੈਚ ਅੱਧ ਵਿਚਕਾਰ ਹੀ ਰੋਕ ਦਿੱਤਾ ਗਿਆ ਸੀ। ਹਾਲਾਂਕਿ, ਹੁਣ ਦੋਵਾਂ ਦੇਸ਼ਾਂ ਵਿਚਕਾਰ ਜੰਗਬੰਦੀ ਤੋਂ ਬਾਅਦ, ਬੀਸੀਸੀਆਈ ਨੇ ਬਾਕੀ ਮੈਚਾਂ ਲਈ ਇੱਕ ਨਵਾਂ ਸ਼ਡਿਊਲ ਐਲਾਨ ਕੀਤਾ ਹੈ। ਨਵੇਂ ਸ਼ਡਿਊਲ ਦੇ ਅਨੁਸਾਰ, ਲੀਗ 17 ਮਈ ਤੋਂ ਦੁਬਾਰਾ ਸ਼ੁਰੂ ਹੋਵੇਗੀ ਅਤੇ ਕੁੱਲ 17 ਮੈਚ 6 ਥਾਵਾਂ ‘ਤੇ ਖੇਡੇ ਜਾਣਗੇ। ਇਸ ਤੋਂ ਇਲਾਵਾ ਫਾਈਨਲ ਮੈਚ 3 ਜੂਨ ਨੂੰ ਹੋਵੇਗਾ।
ਬੀਸੀਸੀਆਈ ਨੇ ਬਾਕੀ ਮੈਚ 6 ਥਾਵਾਂ ‘ਤੇ ਕਰਵਾਉਣ ਦਾ ਫੈਸਲਾ ਕੀਤਾ ਹੈ, ਜਿਨ੍ਹਾਂ ਵਿੱਚ ਬੈਂਗਲੁਰੂ, ਦਿੱਲੀ, ਲਖਨਊ, ਮੁੰਬਈ, ਅਹਿਮਦਾਬਾਦ ਅਤੇ ਜੈਪੁਰ ਸ਼ਾਮਲ ਹਨ। ਇਸ ਸਮੇਂ ਦੌਰਾਨ, ਬਾਕੀ ਰਹਿੰਦੇ ਲੀਗ ਮੈਚ 17 ਮਈ ਤੋਂ 25 ਮਈ ਤੱਕ ਖੇਡੇ ਜਾਣਗੇ, ਜਿਸ ਵਿੱਚ 2 ਡਬਲ ਹੈਡਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਪਲੇਆਫ ਮੈਚ 29 ਮਈ ਤੋਂ ਸ਼ੁਰੂ ਹੋਣਗੇ ਅਤੇ ਫਾਈਨਲ ਮੈਚ 3 ਜੂਨ ਨੂੰ ਹੋਵੇਗਾ। ਪਰ ਬੀਸੀਸੀਆਈ ਨੇ ਅਜੇ ਤੱਕ ਪਲੇਆਫ ਮੈਚਾਂ ਲਈ ਥਾਵਾਂ ਦਾ ਫੈਸਲਾ ਨਹੀਂ ਕੀਤਾ ਹੈ। ਉਹ ਇਸ ਦਾ ਐਲਾਨ ਬਾਅਦ ਵਿੱਚ ਕਰੇਗੀ।
ਇੱਕ ਪ੍ਰੈਸ ਰਿਲੀਜ਼ ਜਾਰੀ ਕਰਦੇ ਹੋਏ, ਆਈਪੀਐਲ ਨੇ ਕਿਹਾ, ‘ਬੀਸੀਸੀਆਈ ਟਾਟਾ ਆਈਪੀਐਲ 2025 ਦੀ ਮੁੜ ਸ਼ੁਰੂਆਤ ਦਾ ਐਲਾਨ ਕਰਦੇ ਹੋਏ ਖੁਸ਼ ਹੈ। ਕੁੱਲ 17 ਮੈਚ 6 ਥਾਵਾਂ ‘ਤੇ ਖੇਡੇ ਜਾਣਗੇ, ਜੋ 17 ਮਈ ਤੋਂ ਸ਼ੁਰੂ ਹੋਣਗੇ ਅਤੇ 3 ਜੂਨ ਨੂੰ ਫਾਈਨਲ ਵਿੱਚ ਸਮਾਪਤ ਹੋਣਗੇ। ਨਵੇਂ ਸ਼ਡਿਊਲ ਵਿੱਚ 2 ਡਬਲ-ਹੈਡਰ ਸ਼ਾਮਲ ਹਨ, ਜੋ ਕਿ ਦੋ ਐਤਵਾਰ ਨੂੰ ਖੇਡੇ ਜਾਣਗੇ। ਪਲੇਆਫ ਇਸ ਪ੍ਰਕਾਰ ਹਨ – ਕੁਆਲੀਫਾਇਰ 1 – 29 ਮਈ, ਐਲੀਮੀਨੇਟਰ – 30 ਮਈ, ਕੁਆਲੀਫਾਇਰ 2 – 1 ਜੂਨ ਅਤੇ ਫਾਈਨਲ – 3 ਜੂਨ। ਪਲੇਆਫ ਮੈਚਾਂ ਦੇ ਸਥਾਨਾਂ ਦਾ ਐਲਾਨ ਬਾਅਦ ਵਿੱਚ ਕੀਤਾ ਜਾਵੇਗਾ। ਬੀਸੀਸੀਆਈ ਇਸ ਮੌਕੇ ‘ਤੇ ਇੱਕ ਵਾਰ ਫਿਰ ਭਾਰਤੀ ਹਥਿਆਰਬੰਦ ਸੈਨਾਵਾਂ ਦੀ ਬਹਾਦਰੀ ਅਤੇ ਲਚਕੀਲੇਪਣ ਨੂੰ ਸਲਾਮ ਕਰਦਾ ਹੈ, ਜਿਨ੍ਹਾਂ ਦੇ ਯਤਨਾਂ ਨੇ ਕ੍ਰਿਕਟ ਦੀ ਸੁਰੱਖਿਅਤ ਵਾਪਸੀ ਸੰਭਵ ਬਣਾਈ ਹੈ।
ਇਹ ਵੀ ਪੜ੍ਹੋ
ਬਾਕੀ ਮੈਚਾਂ ਦਾ ਸ਼ਡਿਊਲ
- 17 ਮਈ, ਸ਼ਨੀਵਾਰ, ਸ਼ਾਮ 7:30 ਵਜੇ: ਰਾਇਲ ਚੈਲੇਂਜਰਸ ਬੰਗਲੌਰ ਬਨਾਮ ਕੋਲਕਾਤਾ ਨਾਈਟ ਰਾਈਡਰਜ਼, ਬੰਗਲੌਰ
- 18 ਮਈ, ਐਤਵਾਰ, ਦੁਪਹਿਰ 3:30 ਵਜੇ: ਰਾਜਸਥਾਨ ਰਾਇਲਜ਼ ਬਨਾਮ ਪੰਜਾਬ ਕਿੰਗਜ਼, ਜੈਪੁਰ
- 18 ਮਈ, ਐਤਵਾਰ, ਸ਼ਾਮ 7:30 ਵਜੇ: ਦਿੱਲੀ ਕੈਪੀਟਲਜ਼ ਬਨਾਮ ਗੁਜਰਾਤ ਟਾਈਟਨਜ਼, ਦਿੱਲੀ
- 19 ਮਈ, ਸੋਮਵਾਰ, ਸ਼ਾਮ 7:30 ਵਜੇ: ਲਖਨਊ ਸੁਪਰ ਜਾਇੰਟਸ ਬਨਾਮ ਸਨਰਾਈਜ਼ਰਜ਼ ਹੈਦਰਾਬਾਦ, ਲਖਨਊ
- 20 ਮਈ, ਮੰਗਲਵਾਰ, ਸ਼ਾਮ 7:30 ਵਜੇ: ਚੇਨਈ ਸੁਪਰ ਕਿੰਗਜ਼ ਬਨਾਮ ਰਾਜਸਥਾਨ ਰਾਇਲਜ਼, ਦਿੱਲੀ
- 21 ਮਈ, ਬੁੱਧਵਾਰ, ਸ਼ਾਮ 7:30 ਵਜੇ: ਮੁੰਬਈ ਇੰਡੀਅਨਜ਼ ਬਨਾਮ ਦਿੱਲੀ ਕੈਪੀਟਲਜ਼, ਮੁੰਬਈ
- 22 ਮਈ, ਵੀਰਵਾਰ, ਸ਼ਾਮ 7:30 ਵਜੇ: ਗੁਜਰਾਤ ਟਾਈਟਨਸ ਬਨਾਮ ਲਖਨਊ ਸੁਪਰ ਜਾਇੰਟਸ, ਅਹਿਮਦਾਬਾਦ
- 23 ਮਈ, ਸ਼ੁੱਕਰਵਾਰ, ਸ਼ਾਮ 7:30 ਵਜੇ: ਰਾਇਲ ਚੈਲੇਂਜਰਜ਼ ਬੰਗਲੌਰ ਬਨਾਮ ਸਨਰਾਈਜ਼ਰਜ਼ ਹੈਦਰਾਬਾਦ, ਬੰਗਲੌਰ
- 24 ਮਈ, ਸ਼ਨੀਵਾਰ, ਸ਼ਾਮ 7:30 ਵਜੇ: ਪੰਜਾਬ ਕਿੰਗਜ਼ ਬਨਾਮ ਦਿੱਲੀ ਕੈਪੀਟਲਜ਼, ਜੈਪੁਰ
- 25 ਮਈ, ਐਤਵਾਰ, ਦੁਪਹਿਰ 3:30 ਵਜੇ: ਗੁਜਰਾਤ ਟਾਈਟਨਸ ਬਨਾਮ ਚੇਨਈ ਸੁਪਰ ਕਿੰਗਜ਼, ਅਹਿਮਦਾਬਾਦ
- 25 ਮਈ, ਐਤਵਾਰ, ਸ਼ਾਮ 7:30 ਵਜੇ: ਸਨਰਾਈਜ਼ਰਜ਼ ਹੈਦਰਾਬਾਦ ਬਨਾਮ ਕੋਲਕਾਤਾ ਨਾਈਟ ਰਾਈਡਰਜ਼, ਦਿੱਲੀ
- 26 ਮਈ, ਸੋਮਵਾਰ, ਸ਼ਾਮ 7:30 ਵਜੇ: ਪੰਜਾਬ ਕਿੰਗਜ਼ ਬਨਾਮ ਮੁੰਬਈ ਇੰਡੀਅਨਜ਼, ਜੈਪੁਰ
- 27 ਮਈ, ਮੰਗਲਵਾਰ, ਸ਼ਾਮ 7:30 ਵਜੇ: ਲਖਨਊ ਸੁਪਰ ਜਾਇੰਟਸ ਬਨਾਮ ਰਾਇਲ ਚੈਲੇਂਜਰਸ ਬੰਗਲੌਰ, ਲਖਨਊ
- 29 ਮਈ, ਵੀਰਵਾਰ, ਸ਼ਾਮ 7:30 ਵਜੇ: ਕੁਆਲੀਫਾਇਰ 1
- 30 ਮਈ, ਸ਼ੁੱਕਰਵਾਰ, ਸ਼ਾਮ 7:30 ਵਜੇ: ਐਲੀਮੀਨੇਟਰ
- 01-ਜੂਨ, ਐਤਵਾਰ, ਸ਼ਾਮ 7:30 ਵਜੇ: ਕੁਆਲੀਫਾਇਰ 2
- 03-ਜੂਨ, ਮੰਗਲਵਾਰ, ਸ਼ਾਮ 7:30 ਵਜੇ: ਫਾਈਨਲ
