ICC ਦਾ ਮਹਿਲਾ ਕ੍ਰਿਕਟ ਨੂੰ ਲੈ ਕੇ ਇਤਿਹਾਸਕ ਐਲਾਨ, T20 ਵਿਸ਼ਵ ਕੱਪ ਦੀ ਇਨਾਮੀ ਰਾਸ਼ੀ ਪੁਰਸ਼ਾਂ ਦੇ ਬਰਾਬਰ ਕੀਤੀ

ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ ਯਾਨੀ ICC ਨੇ ਮੰਗਲਵਾਰ 17 ਸਤੰਬਰ ਨੂੰ ਇੱਕ ਇਤਿਹਾਸਕ ਫੈਸਲਾ ਲਿਆ ਹੈ। ਆਈਸੀਸੀ ਨੇ ਮਹਿਲਾ ਕ੍ਰਿਕਟ ਨੂੰ ਪੁਰਸ਼ ਕ੍ਰਿਕਟ ਦੇ ਬਰਾਬਰ ਲਿਆਂਦਾ ਹੈ। ਇਹੀ ਕਾਰਨ ਹੈ ਕਿ ਹੁਣ ਤੋਂ ਜਿੰਨੀ ਇਨਾਮੀ ਰਾਸ਼ੀ ਆਈਸੀਸੀ ਮੁਕਾਬਲਿਆਂ ਵਿੱਚ ਪੁਰਸ਼ ਕ੍ਰਿਕਟ ਟੀਮਾਂ ਨੂੰ ਦਿੱਤੀ ਜਾਵੇਗੀ, ਓਨੀ ਹੀ ਰਾਸ਼ੀ ਮਹਿਲਾ ਕ੍ਰਿਕਟ ਨੂੰ ਵੀ ਦਿੱਤੀ ਜਾਵੇਗੀ। ਇਸ ਦੀ ਸ਼ੁਰੂਆਤ ਇਸ ਸਾਲ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ 2024 ਨਾਲ ਹੋਣ ਜਾ ਰਹੀ ਹੈ।

ICC ਮਹਿਲਾ ਟੀ-20 ਵਿਸ਼ਵ ਕੱਪ 2024 ਪਹਿਲਾ ICC ਈਵੈਂਟ ਹੋਵੇਗਾ ਜਿਸ ਵਿੱਚ ਮਹਿਲਾ ਟੀਮਾਂ ਨੂੰ ਪੁਰਸ਼ ਟੀਮਾਂ ਦੇ ਬਰਾਬਰ ਇਨਾਮੀ ਰਾਸ਼ੀ ਮਿਲੇਗੀ, ਜੋ ਕਿ ਖੇਡ ਦੇ ਇਤਿਹਾਸ ਵਿੱਚ ਇੱਕ ਮਹੱਤਵਪੂਰਨ ਮੀਲ ਦਾ ਪੱਥਰ ਹੈ। ਇਹ ਫੈਸਲਾ ਜੁਲਾਈ 2023 ਵਿੱਚ ਆਈਸੀਸੀ ਦੀ ਸਾਲਾਨਾ ਕਾਨਫਰੰਸ ਵਿੱਚ ਲਿਆ ਗਿਆ ਸੀ। ਆਈਸੀਸੀ ਬੋਰਡ ਨੇ ਇੱਕ ਟੀਚਾ ਰੱਖਿਆ ਸੀ ਕਿ ਆਉਣ ਵਾਲੇ ਕੁਝ ਸਾਲਾਂ ਵਿੱਚ ਔਰਤਾਂ ਅਤੇ ਪੁਰਸ਼ਾਂ ਨੂੰ ਬਰਾਬਰ ਇਨਾਮੀ ਰਾਸ਼ੀ ਮਿਲਣੀ ਚਾਹੀਦੀ ਹੈ, ਪਰ ਇਹ ਟੀਚਾ 2024 ਵਿੱਚ ਹੀ ਹਾਸਲ ਕੀਤਾ ਗਿਆ ਹੈ।

ਸੰਯੁਕਤ ਅਰਬ ਅਮੀਰਾਤ ਯਾਨੀ UAE ‘ਚ ਹੋਣ ਵਾਲੇ ਇਸ ਟੂਰਨਾਮੈਂਟ ਦੇ ਜੇਤੂਆਂ ਨੂੰ 2.34 ਮਿਲੀਅਨ ਅਮਰੀਕੀ ਡਾਲਰ (ਕਰੀਬ 20 ਕਰੋੜ ਰੁਪਏ) ਮਿਲਣਗੇ, ਜੋ 2023 ‘ਚ ਦੱਖਣ ਅਫ਼ਰੀਕਾ ‘ਚ ਖਿਤਾਬ ਜਿੱਤਣ ਤੇ ਆਸਟ੍ਰੇਲੀਆ ਨੂੰ ਦਿੱਤੇ ਗਏ 1 ਮਿਲੀਅਨ ਡਾਲਰ ਤੋਂ 134 ਪ੍ਰਤੀਸ਼ਤ ਵੱਧ ਹੈ। ਜਿੱਤਣ ਲਈ ਦਿੱਤੇ ਗਏ 1 ਮਿਲੀਅਨ ਡਾਲਰ (ਕਰੀਬ 8 ਕਰੋੜ ਰੁਪਏ) ਤੋਂ 134 ਫੀਸਦੀ ਜ਼ਿਆਦਾ ਹਨ। ਉਪ ਜੇਤੂ ਨੂੰ 1.17 ਮਿਲੀਅਨ ਡਾਲਰ ਮਿਲਣਗੇ, ਜੋ ਕਿ ਪਿਛਲੇ ਸਾਲ ਦੀ ਜੇਤੂ ਟੀਮ ਨਾਲੋਂ ਵੱਧ ਹੈ। ਇਹ ਦੱਖਣੀ ਅਫਰੀਕਾ ਨੂੰ ਮਿਲੇ 5 ਲੱਖ ਡਾਲਰ ਤੋਂ 134 ਫੀਸਦੀ ਜ਼ਿਆਦਾ ਹੈ।

ਸੈਮੀਫਾਈਨਲ ਵਿੱਚ ਹਾਰਨ ਵਾਲੀਆਂ ਦੋ ਟੀਮਾਂ US$675,000 (2023 ਵਿੱਚ $210,000) ਕਮਾਉਣਗੀਆਂ, ਜਿਸ ਨਾਲ ਕੁੱਲ ਇਨਾਮੀ ਰਾਸ਼ੀ $7,958,080 ਹੋ ਜਾਵੇਗੀ, ਜੋ ਪਿਛਲੇ ਸਾਲ ਦੇ ਕੁੱਲ $2.45 ਮਿਲੀਅਨ ਤੋਂ 225 ਪ੍ਰਤੀਸ਼ਤ ਵੱਧ ਹੈ। ਇਹ ਕਦਮ ਆਈਸੀਸੀ ਦੀ ਮਹਿਲਾ ਖੇਡ ਨੂੰ ਤਰਜੀਹ ਦੇਣ ਅਤੇ 2032 ਤੱਕ ਇਸ ਦੇ ਵਿਕਾਸ ਨੂੰ ਤੇਜ਼ ਕਰਨ ਦੀ ਰਣਨੀਤੀ ਦੇ ਅਨੁਸਾਰ ਹੈ। ਟੀਮਾਂ ਨੂੰ ਹੁਣ ਉਸੇ ਈਵੈਂਟ ਵਿੱਚ ਇੱਕੋ ਜਿਹੀ ਇਨਾਮੀ ਰਾਸ਼ੀ ਮਿਲੇਗੀ।