Vastu Tips for Flat Buying: ਨਵਾਂ ਫਲੈਟ ਖ਼ਰੀਦਣ ਤੋਂ ਪਹਿਲਾਂ ਰੱਖੋ ਇਨ੍ਹਾਂ 6 ਗੱਲਾਂ ਦਾ ਧਿਆਨ, ਨਹੀਂ ਤਾਂ ਲੱਗ ਸਕਦੈ ਵੱਡਾ ਵਾਸਤੂ ਦੋਸ਼!

ਮੱਧਵਰਗੀ ਪਰਿਵਾਰ ਦਾ ਸਭ ਤੋਂ ਵੱਡਾ ਸੁਪਨਾ ਆਪਣਾ ਘਰ ਬਣਾਉਣਾ ਹੁੰਦਾ ਹੈ। ਆਪਣਾ ਆਸ਼ੀਆਨਾ ਲੈਣ ਲਈ ਮਨੁੱਖ ਆਪਣੀ ਪੂਰੀ ਜ਼ਿੰਦਗੀ ਦੀ ਕਮਾਈ ਲਗਾ ਦਿੰਦਾ ਹੈ ਅਤੇ ਪੈਸਾ-ਪੈਸਾ ਜੋੜਦਾ ਹੈ। ਭਾਰਤ ਵਿੱਚ ਮੱਧਵਰਗੀ ਪਰਿਵਾਰ ਦੇ ਲੋਕ ਆਪਣੀ ਸਖ਼ਤ ਮਿਹਨਤ ਨਾਲ ਘਰ ਜਾਂ ਫਲੈਟ ਖ਼ਰੀਦਦੇ ਜਾਂ ਬਣਵਾਉਂਦੇ ਹਨ, ਤਾਂ ਜੋ ਉਹ ਆਪਣੇ ਪਰਿਵਾਰ ਨਾਲ ਉੱਥੇ ਸੁਖ-ਸ਼ਾਂਤੀ ਨਾਲ ਰਹਿ ਸਕਣ। ਪਰ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਲੋਕ ਫਲੈਟ ਜਾਂ ਘਰ ਖ਼ਰੀਦਦੇ ਸਮੇਂ ਵਾਸਤੂ ਦੇ ਨਿਯਮਾਂ ਦੀ ਅਣਦੇਖੀ ਕਰ ਦਿੰਦੇ ਹਨ।

ਵਾਸਤੂ ਸ਼ਾਸਤਰ ਅਨੁਸਾਰ, ਫਲੈਟ ਦੀ ਗਲਤ ਦਿਸ਼ਾ ਉਸ ਵਿੱਚ ‘ਵਾਸਤੂ ਦੋਸ਼’ ਪੈਦਾ ਕਰ ਸਕਦੀ ਹੈ। ਇਸ ਦੇ ਨਾਲ ਹੀ ਇਹ ਤੁਹਾਡੇ ਘਰ ਵਿੱਚ ਨਕਾਰਾਤਮਕ ਊਰਜਾ ਵੀ ਫੈਲਾ ਸਕਦੀ ਹੈ। ਆਓ ਜਾਣਦੇ ਹਾਂ ਕਿ ਨਵਾਂ ਫਲੈਟ ਖ਼ਰੀਦਦੇ ਸਮੇਂ ਵਾਸਤੂ ਨਾਲ ਜੁੜੀਆਂ ਕਿਹੜੀਆਂ ਖ਼ਾਸ ਗੱਲਾਂ ਦਾ ਧਿਆਨ ਰੱਖਣਾ ਬੇਹੱਦ ਜ਼ਰੂਰੀ ਹੈ:

ਫਲੈਟ ਲੈਂਦੇ ਸਮੇਂ ਰੱਖੋ ਇਨ੍ਹਾਂ ਗੱਲਾਂ ਦਾ ਖ਼ਾਸ ਧਿਆਨ

ਫਲੈਟ ਦਾ ਆਕਾਰ: ਫਲੈਟ ਦਾ ਆਕਾਰ ਵਰਗਾਕਾਰ ਜਾਂ ਆਇਤਾਕਾਰ ਹੋਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਫਲੈਟ ਦੀ ਉੱਤਰ-ਪੂਰਬ ਦਿਸ਼ਾ ਖੁੱਲ੍ਹੀ ਹੋਣੀ ਚਾਹੀਦੀ ਹੈ, ਕਿਉਂਕਿ ਇਸ ਨਾਲ ਘਰ ਵਿੱਚ ਸਕਾਤਮਕ ਊਰਜਾ ਦਾ ਪ੍ਰਵਾਹ ਵਧਦਾ ਹੈ।

ਮੁੱਖ ਦਰਵਾਜ਼ਾ: ਵਾਸਤੂ ਸ਼ਾਸਤਰ ਅਨੁਸਾਰ, ਫਲੈਟ ਦਾ ਮੁੱਖ ਦਰਵਾਜ਼ਾ ਉੱਤਰ, ਉੱਤਰ-ਪੂਰਬ ਜਾਂ ਪੂਰਬ ਦਿਸ਼ਾ ਵਿੱਚ ਹੋਣਾ ਚਾਹੀਦਾ ਹੈ। ਇਨ੍ਹਾਂ ਦਿਸ਼ਾਵਾਂ ਵਿੱਚ ਮੁੱਖ ਦਰਵਾਜ਼ਾ ਹੋਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਧਿਆਨ ਰੱਖੋ ਕਿ ਫਲੈਟ ਦਾ ਮੁੱਖ ਦਰਵਾਜ਼ਾ ਦੱਖਣ-ਪੱਛਮ ਦਿਸ਼ਾ ਵਿੱਚ ਨਾ ਹੋਵੇ, ਕਿਉਂਕਿ ਇਹ ਦਿਸ਼ਾ ਮੁੱਖ ਪ੍ਰਵੇਸ਼ ਲਈ ਘੱਟ ਸ਼ੁਭ ਮੰਨੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਦਰਵਾਜ਼ੇ ਦੇ ਬਿਲਕੁਲ ਸਾਹਮਣੇ ਪੌੜੀਆਂ, ਬੰਦ ਕੰਧ ਜਾਂ ਤੰਗ ਗੈਲਰੀ ਨਹੀਂ ਹੋਣੀ ਚਾਹੀਦੀ।

ਰਸੋਈ ਘਰ ਦੀ ਦਿਸ਼ਾ: ਦੱਖਣ-ਪੂਰਬ ਦਿਸ਼ਾ ਵਿੱਚ ਰਸੋਈ ਘਰ ਹੋਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ, ਕਿਉਂਕਿ ਇਸ ਨੂੰ ‘ਅਗਨੀ ਤੱਤ’ ਦੀ ਦਿਸ਼ਾ ਮੰਨਿਆ ਗਿਆ ਹੈ। ਇਸ ਤੋਂ ਇਲਾਵਾ ਉੱਤਰ-ਪੱਛਮ ਦਿਸ਼ਾ ਵਿੱਚ ਵੀ ਰਸੋਈ ਦਾ ਹੋਣਾ ਸ਼ੁਭ ਹੁੰਦਾ ਹੈ।

ਬੈੱਡਰੂਮ ਦੀ ਦਿਸ਼ਾ: ਫਲੈਟ ਵਿੱਚ ਮਾਸਟਰ ਬੈੱਡਰੂਮ ਦੀ ਦਿਸ਼ਾ ਦਾ ਖ਼ਾਸ ਧਿਆਨ ਰੱਖੋ। ਮਾਸਟਰ ਬੈੱਡਰੂਮ ਹਮੇਸ਼ਾ ਦੱਖਣ-ਪੱਛਮ ਦਿਸ਼ਾ ਵਿੱਚ ਹੋਣਾ ਚਾਹੀਦਾ ਹੈ। ਇਸ ਦਿਸ਼ਾ ਵਿੱਚ ਮਾਸਟਰ ਬੈੱਡਰੂਮ ਹੋਣ ਨਾਲ ਵਿਅਕਤੀ ਦਾ ਆਤਮ-ਵਿਸ਼ਵਾਸ ਵਧਦਾ ਹੈ ਅਤੇ ਸਹੀ ਫ਼ੈਸਲੇ ਲੈਣ ਦੀ ਸਮਰੱਥਾ ਵਿੱਚ ਵੀ ਸੁਧਾਰ ਹੁੰਦਾ ਹੈ।

ਟਾਇਲਟ ਦੀ ਦਿਸ਼ਾ: ਫਲੈਟ ਖ਼ਰੀਦਦੇ ਸਮੇਂ ਟਾਇਲਟ ਦੀ ਦਿਸ਼ਾ ਵੱਲ ਵੀ ਜ਼ਰੂਰ ਧਿਆਨ ਦਿਓ। ਟਾਇਲਟ ਕਦੇ ਵੀ ਉੱਤਰ-ਪੂਰਬ ਦਿਸ਼ਾ ਵਿੱਚ ਨਹੀਂ ਹੋਣਾ ਚਾਹੀਦਾ। ਸ਼ੌਚਾਲਯ ਲਈ ਸਹੀ ਸਥਾਨ ਪੱਛਮ ਜਾਂ ਉੱਤਰ-ਪੱਛਮ ਦਿਸ਼ਾ ਮੰਨਿਆ ਗਿਆ ਹੈ।

ਬਾਲਕੋਨੀ ਜਾਂ ਵੱਡੀਆਂ ਖਿੜਕੀਆਂ: ਫਲੈਟ ਦੀ ਬਾਲਕੋਨੀ ਜਾਂ ਵੱਡੀਆਂ ਖਿੜਕੀਆਂ ਉੱਤਰ ਅਤੇ ਪੂਰਬ ਦਿਸ਼ਾ ਵਿੱਚ ਖੁੱਲ੍ਹਣੀਆਂ ਚਾਹੀਦੀਆਂ ਹਨ। ਇਸ ਦਿਸ਼ਾ ਵਿੱਚ ਖੁੱਲ੍ਹਣ ਵਾਲੀਆਂ ਖਿੜਕੀਆਂ ਨਾਲ ਘਰ ਵਿੱਚ ਕੁਦਰਤੀ ਰੋਸ਼ਨੀ ਆਉਂਦੀ ਹੈ ਅਤੇ ਸਕਾਤਮਕ ਊਰਜਾ ਦਾ ਸੰਚਾਰ ਹੁੰਦਾ ਹੈ।