ਮਹਾਂ ਸ਼ਿਵਰਾਤਰੀ ਦੀਆਂ ਰੌਣਕਾਂ, ਮੰਦਿਰਾਂ ‘ਚ ਮੱਥਾ ਟੇਕਣ ਪਹੁੰਚ ਰਹੇ ਸ਼ਿਵ ਭਗਤ

ਅੱਜ ਮਹਾਂ ਸ਼ਿਵਰਾਤਰੀ ਦੇ ਸ਼ੁਭ ਮੌਕੇ ‘ਤੇ ਦੇਸ਼ ਭਰ ਦੇ ਮੰਦਿਰਾਂ ਵਿੱਚ ਸ਼ਿਵਰਾਤਰੀ ਬੜੀ ਧੂਮਧਾਮ ਨਾਲ ਮਨਾਈ ਜਾ ਰਹੀ ਹੈ, ਹਰ ਕੋਈ ਬੜੀ ਸ਼ਰਧਾ ਨਾਲ ਮੰਦਿਰਾਂ ਵਿੱਚ ਮੱਥਾ ਟੇਕ ਰਹੇ ਹਨ ਅਤੇ ਬਾਬਾ ਭੋਲੇ ਨਾਥ ਦੇ ਨਾਮ ਦਾ ਜਪ ਕਰ ਰਹੇ ਹਨ। ਸ਼ਿਵ ਭਗਤ ਭਗਵਾਨ ਸ਼ਿਵ ਦੀ ਪੂਜਾ ਕਰਨ ਲਈ ਮੰਦਿਰਾਂ ਵਿੱਚ ਪਹੁੰਚ ਰਹੇ ਹਨ। ਮੰਦਿਰ ਦੇ ਪੰਡਿਤ ਨੇ ਜਾਣਾਕਰੀ ਦਿੰਦਿਆਂ ਦੱਸਿਆ ਕਿ ਇਸ ਦਿਨ ਭਗਵਾਨ ਸ਼ਿਵ ਨੇ ਦੇਵੀ ਪਾਰਵਤੀ ਨਾਲ ਵਿਆਹ ਕੀਤਾ ਸੀ।

ਮੰਦਿਰਾਂ ਵਿੱਚ ਸ਼ਿਵ ਭਗਤਾਂ ਦੀਆਂ ਲੰਬੀਆਂ ਕਤਾਰਾਂ ਦੇਖੀਆਂ ਗਈਆਂ। ਪੰਡਿਤ ਮੇਘਾ ਸ਼ਾਮਲਾਲ ਜੀ ਨੇ ਦੱਸਿਆ ਕਿ ਲੋਕ ਸ਼ਿਵਰਾਤਰੀ ‘ਤੇ ਵਰਤ ਰੱਖਦੇ ਹਨ ਅਤੇ ਨਮਕ ਤੋਂ ਪਰਹੇਜ਼ ਕਰਦੇ ਹਨ। ਪੰਡਿਤ ਜੀ ਨੇ ਅੱਗੇ ਕਿਹਾ ਕਿ ਜਦੋਂ ਲੋਕ 16 ਸੋਮਵਾਰ ਦਾ ਵਰਤ ਰੱਖਦੇ ਹਨ ਤਾਂ ਜ਼ਿਆਦਾਤਰ ਲੋਕ ਸ਼ਿਵਰਾਤਰੀ ‘ਤੇ ਵਰਤ ਰੱਖਦੇ ਹਨ। ਅਜਿਹਾ ਹੀ ਕੁਝ ਅੰਮ੍ਰਿਤਸਰ ਦੇ ਸ਼ਿਵਾਲਾ ਭਈਆ ਮੰਦਿਰ ਵਿੱਚ ਦੇਖਣ ਨੂੰ ਮਿਲਿਆ। ਜਿੱਥੇ ਦੂਰ-ਦੂਰ ਤੋਂ ਸ਼ਰਧਾਲੂ ਮੱਥਾ ਟੇਕਣ ਲਈ ਆਏ ਸਨ ਅਤੇ ਮੰਦਿਰ ਪ੍ਰਬੰਧਕ ਕਮੇਟੀ ਵੱਲੋਂ ਸੁਰੱਖਿਆ ਪ੍ਰਬੰਧ ਸਖ਼ਤ ਕਰ ਦਿੱਤੇ ਗਏ ਹਨ।

ਪੰਡਿਤ ਨੇ ਮੰਦਿਰ ਦੇ ਇਤਿਹਾਸ ਬਾਰੇ ਦੱਸਿਆ

ਇਸ ਬਾਰੇ ਗੱਲ ਕਰਦਿਆਂ ਪੰਡਿਤ ਮੇਘਾ ਸ਼ਾਮਲਾਲ ਸ਼ਰਮਾ ਨੇ ਇਸ ਮੰਦਿਰ ਦੇ ਇਤਿਹਾਸ ਬਾਰੇ ਦੱਸਿਆ ਕਿ ਇਸ ਮੰਦਿਰ ਵਿੱਚ ਭੋਲੇ ਬਾਬਾ ਤੋਂ ਜੋ ਵੀ ਮੰਗਿਆ ਜਾਂਦਾ ਹੈ, ਉਹ ਹਰ ਕਿਸੇ ਦੀ ਇੱਛਾ ਪੂਰੀ ਕਰਦੇ ਹਨ। ਇਸ ਦਿਨ ਭੋਲੇ ਬਾਬਾ ਦਾ ਵਿਆਹ ਮਾਂ ਪਾਰਵਤੀ ਨਾਲ ਹੋਇਆ ਸੀ। ਸ਼ਿਵ ਭਗਤਾਂ ਨੇ ਦੱਸਿਆ ਕਿ ਇਸ ਦਿਨ ਲੋਕ ਭੋਲੇ ਬਾਬਾ ਲਈ ਵਰਤ ਵੀ ਰੱਖਦੇ ਹਨ। ਅੱਜ ਮੰਦਿਰ ਵਿੱਚ ਭੋਲੇ ਬਾਬਾ ਦੇ ਭਗਤਾਂ ਦਾ ਮੇਲਾ ਲੱਗਿਆ ਹੋਇਆ ਹੈ। ਅੱਜ ਸਵੇਰ ਤੋਂ ਹੀ ਮੰਦਿਰ ਵਿੱਚ ਸ਼ਰਧਾਲੂਆਂ ਦੀ ਲੰਬੀ ਕਤਾਰ ਲੱਗੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਸ਼ਰਧਾਲੂ ਸ਼ਿਵ ਨੂੰ ਖੁਸ਼ ਕਰਨ ਦੇ ਲਈ ਕੱਚੀ ਲੱਸੀ ਚੜ੍ਹਾ ਰਹੇ ਹਨ, ਕੁਝ ਸ਼ੁਰਧਾਲੂ ਦੁੱਧ ਨਾਲ ਇਸ਼ਨਾਨ ਕਰਵਾ ਰਹੇ ਹਨ। ਜੇਕਰ ਤੁਸੀਂ ਸਿਰਫ਼ ਪਾਣੀ ਚੜ੍ਹਾਉਂਦੇ ਹੋ, ਤਾਂ ਵੀ ਭੋਲੇ ਬਾਬਾ ਉਸ ਤੋਂ ਖੁਸ਼ ਹੋ ਜਾਂਦੇ ਹਨ।

ਸ਼ਿਵਰਾਤਰੀ ਦੇ ਵਰਤ ਦੀ ਮਹੱਤਤਾ ਬਾਰੇ ਜਾਣੋ

ਜਾਣਕਾਰੀ ਦਿੰਦਿਆ ਉਨ੍ਹਾਂ ਨੇ ਕਿਹਾ ਕਿ ਕੁਵਾਰੀਆ ਕੁੜੀਆਂ ਮਾਤਾ ਗੌਰਾ ਨੂੰ ਸਮਰਪਿਤ ਵਰਤ ਰੱਖਦੀਆਂ ਹਨ ਤਾਂ ਜੋ ਉਨ੍ਹਾਂ ਨੂੰ ਇੱਕ ਚੰਗਾ ਪਤੀ ਮਿਲ ਸਕੇ ਅਤੇ ਉਹ ਖੁਸ਼ਹਾਲ ਜੀਵਨ ਬਤੀਤ ਕਰ ਸਕਣ। ਇਸ ਦਿਨ ਜ਼ਿਆਦਾਤਰ ਲੋਕ ਵਰਤ ਰੱਖਦੇ ਹਨ। ਉਸ ਤਰ੍ਹਾਂ ਤਾਂ ਲੋਕ 16 ਸੋਮਵਾਰ ਦਾ ਵਰਤ ਰੱਖਦੇ ਹਨ, ਪਰ ਅੱਜ ਦਾ ਦਿਨ ਵੀ 16 ਸੋਮਵਾਰ ਦੇ ਬਰਾਬਰ ਹੁੰਦਾ ਹੈ। ਕੁਝ ਲੋਕ ਫਲਾਹਾਰ ਰੱਖਦੇ ਹਨ ਕੁਝ ਨਿਰਾਹਾਰ ਵਰਤ ਰੱਖਦੇ ਹਨ। ਇਸ ਨਾਲ ਵੀ ਭੋਲੇ ਬਾਬਾ ਆਪਣੇ ਭਗਤਾਂ ਤੋਂ ਬਹੁਤ ਜਲਦੀ ਖੁਸ਼ ਹੋ ਜਾਂਦੇ ਹਨ। ਭਗਵਾਨ ਸ਼ਿਵ ਨੂੰ ਰਾਤ ਨੂੰ ਰੁਦਰ ਅਭਿਸ਼ੇਕ ਕੀਤਾ ਜਾਂਦਾ ਹੈ, ਯਾਨੀ ਭਗਵਾਨ ਸ਼ਿਵ ਦੀ ਰਾਤ। ਉਨ੍ਹਾਂ ਕਿਹਾ ਕਿ ਭਗਤਾਂ ਦੀ ਆਸਥਾ ਅਨੁਸਾਰ ਪੂਜਾ ਕਈ ਤਰੀਕਿਆਂ ਨਾਲ ਕੀਤੀ ਜਾਂਦੀ ਹੈ। ਭੋਲੇ ਬਾਬਾ ਦੀ ਪੂਜਾ ਫੁੱਲਾਂ ਦੇ ਹਾਰ, ਭੇਲ ਪੱਤਰ ਅਤੇ ਧਤੂਰਾ ਚੜ੍ਹਾ ਕੇ ਵੀ ਕੀਤੀ ਜਾਂਦੀ ਹੈ। ਭੋਲੇ ਬਾਬਾ ਧਤੂਰਾ ਨਾਲ ਬਹੁਤ ਖੁਸ਼ ਹੁੰਦੇ ਹਨ।