Chaitra Navratri Ashtami-Navami 2026: ਕਦੋਂ ਹੈ ਮਹਾਅਸ਼ਟਮੀ ਅਤੇ ਕਿਸ ਦਿਨ ਮਨਾਇਆ ਜਾਵੇਗਾ ਰਾਮ ਜਨਮ ਉਤਸਵ?, ਦੂਰ ਕਰੋ ਆਪਣਾ ਕਨਫਿਊਜ਼ਨ
Chaitra Navratri Ashtami-Navami 2026: ਹਿੰਦੂ ਧਰਮ ਵਿੱਚ ਨਰਾਤੇ ਦੇ ਦਿਨਾਂ ਨੂੰ ਬਹੁਤ ਹੀ ਪਵਿੱਤਰ ਅਤੇ ਵਿਸ਼ੇਸ਼ ਮੰਨਿਆ ਜਾਂਦਾ ਹੈ। ਇਹ ਦਿਨ ਮਾਤਾ ਦੁਰਗਾ ਦੀ ਭਗਤੀ ਨੂੰ ਸਮਰਪਿਤ ਹੁੰਦੇ ਹਨ, ਜਿਸ ਦੌਰਾਨ ਸ਼ਰਧਾਲੂ ਮਾਤਾ ਦੇ ਨੌਂ ਵੱਖ-ਵੱਖ ਰੂਪਾਂ ਦੀ ਪੂਜਾ-ਅਰਚਨਾ ਕਰਦੇ ਹਨ ਅਤੇ ਵਰਤ ਰੱਖਦੇ ਹਨ।
ਹਿੰਦੂ ਧਰਮ ਵਿੱਚ ਨਰਾਤੇ ਦੇ ਦਿਨਾਂ ਨੂੰ ਬਹੁਤ ਹੀ ਪਵਿੱਤਰ ਅਤੇ ਵਿਸ਼ੇਸ਼ ਮੰਨਿਆ ਜਾਂਦਾ ਹੈ। ਇਹ ਦਿਨ ਮਾਤਾ ਦੁਰਗਾ ਦੀ ਭਗਤੀ ਨੂੰ ਸਮਰਪਿਤ ਹੁੰਦੇ ਹਨ, ਜਿਸ ਦੌਰਾਨ ਸ਼ਰਧਾਲੂ ਮਾਤਾ ਦੇ ਨੌਂ ਵੱਖ-ਵੱਖ ਰੂਪਾਂ ਦੀ ਪੂਜਾ-ਅਰਚਨਾ ਕਰਦੇ ਹਨ ਅਤੇ ਵਰਤ ਰੱਖਦੇ ਹਨ। ਇਸ ਸਾਲ ਚੈਤਰ ਮਾਸ ਦੀ ਨਰਾਤੇ 19 ਮਾਰਚ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ, ਜਿਸ ਵਿੱਚ ਅਸ਼ਟਮੀ ਅਤੇ ਰਾਮ ਨਵਮੀ ਦੇ ਦਿਨਾਂ ਨੂੰ ਲੈ ਕੇ ਸ਼ਰਧਾਲੂਆਂ ਵਿੱਚ ਕਾਫੀ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ।
ਕਦੋ ਹੈ ਮਹਾਅਸ਼ਟਮੀ ਅਤੇ ਰਾਮ ਨਵਮੀ
ਇਸ ਸਾਲ ਚੈਤਰ ਨਵਰਾਤਰੀ ਦੀਆਂ ਮੁੱਖ ਤਰੀਕਾਂ ਨੂੰ ਲੈ ਕੇ ਕੁਝ ਭੰਬਲਭੂਸਾ ਬਣਿਆ ਹੋਇਆ ਸੀ, ਜਿਸ ਨੂੰ ਸਪੱਸ਼ਟ ਕਰਦਿਆਂ ਵਿਦਵਾਨਾਂ ਨੇ ਦੱਸਿਆ ਹੈ:
ਮਹਾਅਸ਼ਟਮੀ: ਇਸ ਸਾਲ ਮਹਾਂਅਸ਼ਟਮੀ 26 ਮਾਰਚ 2026, ਦਿਨ ਵੀਰਵਾਰ ਨੂੰ ਮਨਾਈ ਜਾਵੇਗੀ। ਨਵਰਾਤਰੀ ਦਾ ਅੱਠਵਾਂ ਦਿਨ ਮਾਤਾ ਮਹਾਗੌਰੀ ਨੂੰ ਸਮਰਪਿਤ ਹੈ।
ਰਾਮ ਨਵਮੀ: ਚੈਤਰ ਮਹੀਨੇ ਦੀ ਨਵਮੀ ਤਿਥੀ 26 ਮਾਰਚ 2026, ਸ਼ੁੱਕਰਵਾਰ ਨੂੰ ਪੈ ਰਹੀ ਹੈ। ਇਸ ਲਈ ਰਾਮ ਨਵਮੀ 26 ਤਰੀਕ ਨੂੰ ਹੀ ਮਨਾਈ ਜਾਵੇਗੀ। ਧਾਰਮਿਕ ਮਾਨਤਾਵਾਂ ਅਨੁਸਾਰ ਭਗਵਾਨ ਰਾਮ ਦਾ ਜਨਮ ਦੁਪਹਿਰ (ਮਧਿਆਹਨ ਕਾਲ) ਵੇਲੇ ਹੋਇਆ ਸੀ। ਹਾਲਾਂਕਿ, ਉਦਿਆ ਤਿਥੀ ਅਨੁਸਾਰ ਕੁਝ ਥਾਵਾਂ ‘ਤੇ 27 ਮਾਰਚ ਨੂੰ ਵੀ ਰਾਮ ਨਵਮੀ ਮਨਾਈ ਜਾ ਸਕਦੀ ਹੈ।
ਮਹਾਅਸ਼ਟਮੀ ਦਾ ਧਾਰਮਿਕ ਮਹੱਤਵ
ਦੇਵੀ ਭਾਗਵਤ ਪੁਰਾਣ ਅਤੇ ਮਾਰਕੰਡੇ ਪੁਰਾਣ ਅਨੁਸਾਰ, ਅਸ਼ਟਮੀ ਅਤੇ ਨਵਮੀ ਦੀਆਂ ਤਿਥੀਆਂ ਬੇਹੱਦ ਫਲਦਾਇਕ ਹੁੰਦੀਆਂ ਹਨ। ਅੱਠਵੇਂ ਦਿਨ ਮਾਤਾ ਮਹਾਗੌਰੀ ਦੀ ਵਿਧੀ-ਵਿਧਾਨ ਨਾਲ ਪੂਜਾ ਕਰਨ ਨਾਲ ਜੀਵਨ ਦੀਆਂ ਸਾਰੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ। ਇਸ ਦਿਨ ਵਿਸ਼ੇਸ਼ ਤੌਰ ‘ਤੇ ‘ਕੰਨਿਆ ਪੂਜਨ’ ਕੀਤਾ ਜਾਂਦਾ ਹੈ, ਜਿਸ ਵਿੱਚ ਛੋਟੀਆਂ ਕੰਨਿਆਵਾਂ ਨੂੰ ਭੋਜਨ ਕਰਵਾ ਕੇ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ
ਰਾਮ ਨਵਮੀ ਦੀ ਮਹੱਤਤਾ
ਪੌਰਾਣਿਕ ਕਥਾਵਾਂ ਅਨੁਸਾਰ, ਚੈਤਰ ਸ਼ੁਕਲ ਨਵਮੀ ਦੇ ਦਿਨ ਹੀ ਭਗਵਾਨ ਸ੍ਰੀ ਰਾਮ ਦਾ ਜਨਮ ਹੋਇਆ ਸੀ। ਰਾਮ ਨਵਮੀ ਦੇ ਦਿਨ ਭਗਵਾਨ ਰਾਮ ਦੀ ਪੂਜਾ ਅਤੇ ਵਰਤ ਰੱਖਣ ਨਾਲ ਘਰ ਵਿੱਚ ਸੁਖ-ਸ਼ਾਂਤੀ, ਖੁਸ਼ਹਾਲੀ ਅਤੇ ਸਕਾਰਾਤਮਕ ਊਰਜਾ ਦਾ ਸੰਚਾਰ ਹੁੰਦਾ ਹੈ। ਸ਼ਰਧਾਲੂ ਇਸ ਦਿਨ ਮਾਤਾ ਦੁਰਗਾ ਦੇ ਨੌਵੇਂ ਰੂਪ ਦੀ ਪੂਜਾ ਕਰਨ ਦੇ ਨਾਲ-ਨਾਲ ਰਾਮ ਜਨਮ ਉਤਸਵ ਬੜੀ ਧੂਮ-ਧਾਮ ਨਾਲ ਮਨਾਉਂਦੇ ਹਨ।
