PGI ‘ਚ ਭਰਤੀ ਮਹਿਲਾ ਨੂੰ ਗਲਤ ਇੰਜੈਕਸ਼ਨ ਲਗਾਕੇ ਫਰਾਰ ਹੋਈ ਕੁੜੀ, ਪੁਲਿਸ ਕਰ ਰਹੀ ਜਾਂਚ
ਪੀਜੀਆਈ ਚੰਡੀਗੜ੍ਹ ਦੇ ਗਾਇਨੀਕੋਲਾਜੀ ਵਾਰਡ ਵਿੱਚ ਸਟਾਫ਼ ਦੇ ਭੇਸ ਵਿੱਚ ਇੱਕ ਲੜਕੀ ਪਹਿਲਾਂ ਵਾਰਡ ਵਿੱਚ ਦਾਖ਼ਲ ਹੋਈ ਅਤੇ ਫਿਰ ਮਹਿਲਾ ਮਰੀਜ਼ ਨੂੰ ਗਲਤ ਟੀਕਾ ਲਗਾ ਕੇ ਭੱਜ ਗਈ। ਇਹ ਘਟਨਾ 15 ਨਵੰਬਰ ਦੀ ਹੈ। ਜਤਿੰਦਰ ਕੌਰ ਵਾਸੀ ਰਾਜਪੁਰ, ਪਟਿਆਲਾ ਦੀ ਸ਼ਿਕਾਇਤ 'ਤੇ ਚੰਡੀਗੜ੍ਹ ਦੇ ਸੈਕਟਰ-11 ਥਾਣੇ ਦੀ ਪੁਲਿਸ ਨੇ ਅਣਪਛਾਤੀ ਲੜਕੀ ਖਿਲਾਫ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਪੰਜਾਬ ਨਿਊਜ। ਪੀਜੀਆਈ ਚੰਡੀਗੜ੍ਹ (Chandigarh) ਦੇ ਗਾਇਨੀਕੋਲਾਜੀ ਵਾਰਡ ਵਿੱਚ ਸਟਾਫ਼ ਦੇ ਭੇਸ ਵਿੱਚ ਇੱਕ ਲੜਕੀ ਪਹਿਲਾਂ ਵਾਰਡ ਵਿੱਚ ਦਾਖ਼ਲ ਹੋਈ ਅਤੇ ਫਿਰ ਮਹਿਲਾ ਮਰੀਜ਼ ਨੂੰ ਗਲਤ ਟੀਕਾ ਲਗਾ ਕੇ ਭੱਜ ਗਈ। ਇਹ ਘਟਨਾ 15 ਨਵੰਬਰ ਦੀ ਹੈ। ਪਟਿਆਲਾ ਦੇ ਰਾਜਪੁਰ ਦੀ ਰਹਿਣ ਵਾਲੀ ਜਤਿੰਦਰ ਕੌਰ ਦੀ ਸ਼ਿਕਾਇਤ ‘ਤੇ ਚੰਡੀਗੜ੍ਹ ਦੇ ਸੈਕਟਰ-11 ਥਾਣੇ ਦੀ ਪੁਲਿਸ ਨੇ ਅਣਪਛਾਤੀ ਲੜਕੀ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਸ਼ਿਕਾਇਤਕਰਤਾ ਜਤਿੰਦਰ ਕੌਰ ਨੇ ਪੁਲਿਸ ਨੂੰ ਦੱਸਿਆ ਕਿ ਜਦੋਂ ਉਹ ਆਪਣੇ ਰਿਸ਼ਤੇਦਾਰ ਨਾਲ ਪੀ.ਜੀ.ਆਈ ਦੇ ਗਾਇਨੀਕੋਲਾਜੀ ਵਾਰਡ ‘ਚ ਸੀ ਤਾਂ ਇਕ ਅਣਪਛਾਤੀ ਲੜਕੀ ਸਟਾਫ ਦੇ ਰੂਪ ‘ਚ ਉਸ ਕੋਲ ਆਈ ਅਤੇ ਮਰੀਜ਼ ਨੂੰ ਦੱਸਿਆ ਕਿ ਕਿਡਨੀ (Kidney) ਦੇ ਡਾਕਟਰ ਨੇ ਉਸ ਨੂੰ ਟੀਕਾ ਲਗਾਉਣ ਲਈ ਭੇਜਿਆ ਹੈ।
ਟੀਕਾ ਲਗਾਉਣ ਨਾਲ ਵਿਗੜੀ ਤਬੀਅਤ
ਮਹਿਲਾ ਮਰੀਜ਼, ਜੋ ਕਿ ਜਤਿੰਦਰ ਕੌਰ ਦੀ ਰਿਸ਼ਤੇਦਾਰ ਸੀ, ਜਿਸਨੂੰ ਮੁਲਜ਼ਮ ਲੜਕੀ ਨੇ ਟੀਕਾ ਲਗਾ ਦਿੱਤਾ ਅਤੇ ਉਥੋਂ ਚਲੀ ਗਈ। ਕੁਝ ਹੀ ਸਮੇਂ ਵਿੱਚ ਔਰਤ ਦੀ ਸਿਹਤ ਵਿਗੜ ਗਈ। ਔਰਤ ਹੁਣ ਵੈਂਟੀਲੇਟਰ ‘ਤੇ ਹੈ। ਡਿਲੀਵਰੀ ਤੋਂ ਬਾਅਦ ਉਸ ਨੂੰ ਕਿਡਨੀ ਦੀ ਸਮੱਸਿਆ ਕਾਰਨ ਪੀਜੀਆਈ ਵਿੱਚ ਦਾਖ਼ਲ ਕਰਵਾਇਆ ਗਿਆ ਸੀ। ਸ਼ਿਕਾਇਤਕਰਤਾ ਜਤਿੰਦਰ ਕੌਰ ਨੇ ਦੱਸਿਆ ਕਿ ਉਸ ਦੇ ਭਰਾ ਗੁਰਵਿੰਦਰ ਸਿੰਘ ਦੀ ਪਤਨੀ ਹਰਮੀਤ ਕੌਰ ਦੀ 3 ਨਵੰਬਰ ਨੂੰ ਡਿਲੀਵਰੀ ਹੋਈ ਸੀ। ਹਰਮੀਤ ਕੌਰ ਦੀ ਡਿਲੀਵਰੀ ਪੰਜਾਬ (Punjab) ਦੇ ਬਨੂੜ ਵਿੱਚ ਇੱਕ ਪ੍ਰਾਈਵੇਟ ਕਲੀਨਿਕ ਵਿੱਚ ਹੋਈ ਸੀ।
ਕਿਡਨੀ ਸਬੰਧੀ ਹੋਈ ਸੀ ਸਮੱਸਿਆ
ਉਸ ਤੋਂ ਬਾਅਦ ਜਦੋਂ ਹਰਮੀਤ ਕੌਰ ਨੂੰ ਕਿਡਨੀ ਸਬੰਧੀ ਸਮੱਸਿਆ ਆ ਰਹੀ ਸੀ ਤਾਂ ਡਾਕਟਰ ਨੇ ਉਸ ਨੂੰ ਪੀਜੀਆਈ ਚੰਡੀਗੜ੍ਹ ਰੈਫਰ ਕਰ ਦਿੱਤਾ। ਪੀਜੀਆਈ ਦੇ ਆਈਸੀਯੂ ਵਿੱਚ ਕੁਝ ਦਿਨ ਇਲਾਜ ਮਗਰੋਂ ਹਰਮੀਤ ਕੌਰ ਜਦੋਂ ਠੀਕ ਹੋਣ ਲੱਗੀ ਤਾਂ ਉਸ ਨੂੰ ਗਾਇਨੀਕੋਲਾਜੀ ਵਾਰਡ ਵਿੱਚ ਭੇਜ ਦਿੱਤਾ ਗਿਆ।
ਪੁਲਿਸ ਲਵ ਮੈਰਿਜ ਐਂਗਲ ਤੋਂ ਕਰ ਰਹੀ ਜਾਂਚ
ਜਿੱਥੇ ਹਰਮੀਤ ਕੌਰ ਨਾਲ ਇਹ ਘਟਨਾ ਵਾਪਰੀ। ਪੁਲਿਸ ਇਸ ਮਾਮਲੇ ਦੀ ਲਵ-ਮੈਰਿਜ ਦੇ ਕੋਣ ਤੋਂ ਜਾਂਚ ਕਰ ਰਹੀ ਹੈ।ਪੁਲਿਸ ਅਨੁਸਾਰ 26 ਸਤੰਬਰ 2022 ਨੂੰ ਹਰਮੀਤ ਕੌਰ ਦਾ ਗੁਰਵਿਦਿਆਨ ਸਿੰਘ ਨਾਲ ਇੰਟਰਕਾਸਟ ਲਵ ਮੈਰਿਜ ਹੋਇਆ ਸੀ। ਪੁਲਿਸ ਹੁਣ ਇਸ ਕੋਣ ਤੋਂ ਵੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਨੂੰ ਸ਼ੱਕ ਹੈ ਕਿ ਦੋਸ਼ੀ ਲੜਕੀ ਹਰਮੀਤ ਕੌਰ ਜਾਂ ਗੁਰਵਿਦੇਨ ਸਿੰਘ ਦੇ ਸੰਪਰਕ ਵਿਚ ਹੋ ਸਕਦੀ ਹੈ।
