ਪੰਜਾਬ ‘ਚ ਰਾਹੁਲ ਗਾਂਧੀ ਦਾ ਸੁਰੱਖਿਆ ਘੇਰਾ ਤੋੜ ਕੇ ਵੜੇ ਦੌ ਨੌਜਵਾਨ ਕਾਬੂ

ਕਾਂਗਰਸੀ ਆਗੂ ਰਾਹੁਲ ਗਾਂਧੀ ਦੀ ‘ਭਾਰਤ ਜੋੜੋ’ ਯਾਤਰਾ ਦੌਰਾਨ ਪੰਜਾਬ ‘ਚ ਛੇਵੇਂ ਦਿਨ ਮੰਗਲਵਾਰ ਨੂੰ ਦੋ ਥਾਵਾਂ ‘ਤੇ ਸੁਰੱਖਿਆ ‘ਚ ਸੇਂਧ ਲਗਾਏ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਸ ਨੇ ਦੌ ਵਿਅਕਤੀਆਂ ਨੂੰ ਪੁੱਛਗਿੱਛ ਦੇ ਲਈ ਹਿਰਾਸਤ ਵਿੱਚ ਵੀ ਲੈ ਲਿਆ ਹੈ।ਰਾਹੁਲ ਗਾਂਧੀ ਦੀ ਪੰਜਾਬ ‘ਚ ਹੋ ਰਹੀ ਭਾਰਤ ਜੋੜੋ ਯਾਤਰਾ ਅੰਤਿਮ ਪੜਾਅ ‘ਤੇ ਪੁੱਜ ਚੁੱਕੀ ਹੈ। ਸੁਰੱਖਿਆ ਏਜੰਸੀਆਂ ਵਲੋਂ ਪੰਜਾਬ ‘ਚ ਪਹਿਲਾਂ ਹੀ ਸੁਰੱਖਿਆ ਨੂੰ ਖ਼ਤਰਾ ਦੱਸਿਆ ਜਾ ਰਿਹਾ ਹੈ, ਜਿਸ ਦੇ ਚੱਲਦਿਆਂ ਪੰਜਾਬ ਵਿੱਚ ਰਾਹੁਲ ਗਾਂਧੀ ਨੂੰ ਜ਼ਿਆਦਾਤਰ ਯਾਤਰਾ ਕਾਰ ਰਾਹੀਂ ਕਰਨ ਦੀ ਸਲਾਹ ਦਿੰਦਿਆਂ ਹੋਰਨਾਂ ਰਾਜਾਂ ਦੇ ਮੁਕਾਬਲੇ ਜ਼ਿਆਦਾ ਪੁਲਸ ਸੁਰੱਖਿਆ ਦਿੱਤੀ ਗਈ ਹੈ।ਇਸ ਦੇ ਬਾਵਜੂਦ ਅੱਜ ਸਵੇਰੇ ਦੋ ਵਾਰ ਉਨ੍ਹਾਂ ਦੀ ਸੁਰੱਖਿਆ ਵਿੱਚ ਸੇਂਧ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੰਜਾਬ ‘ਚ ਭਾਰਤ ਜੋੜੋ ਯਾਤਰਾ ਦੌਰਾਨ ਰਾਹੁਲ ਗਾਂਧੀ ਦੀ ਸਰੱਖਿਆ ਵਿੱਚ ਦੋ ਵਾਰ ਅਣਗਹਿਲੀ ਹੋਈ ਹੈ।

#WATCH | Punjab: A man tried to hug Congress MP Rahul Gandhi, during Bharat Jodo Yatra in Hoshiarpur, was later pulled away by workers.

ਇਹ ਵੀ ਪੜ੍ਹੋ

ਪੰਜਾਬੀ ਕਾਰੋਬਾਰੀ ਨੇ ਖਰੀਦਿਆ 100 ਕਰੋੜ ਦਾ ਫਲੈਟ, ਜਾਣੋ ਕੌਣ ਹਨ ਸੁਖਪਾਲ ਸਿੰਘ?

PU 'ਚ 3 ਸਤੰਬਰ ਨੂੰ ਵਿਦਿਆਰਥੀ ਚੋਣਾਂ, 27 ਅਗਸਤ ਤੋਂ ਨਾਮਜ਼ਦਗੀ ਪ੍ਰਕਿਰਿਆ ਸ਼ੁਰੂ

ਮਜੀਠੀਆ ਖਿਲਾਫ ਚਾਰਜਸ਼ੀਟ ਪੇਸ਼, ਰਿਪੋਰਟ ਲੈ ਕੇ ਪਹੁੰਚੀ ਵਿਜੀਲੈਂਸ

(Source: Congress social media) pic.twitter.com/aybyojZ1ps — ANI (@ANI) January 17, 2023

ਯਾਤਰਾ ਉਸ ਸਮੇਂ ਹੁਸ਼ਿਆਰਪੁਰ-ਪਠਾਨਕੋਟ ਮਾਰਗ ‘ਤੇ ਸੀ

ਇਸ ਤੋਂ ਬਾਅਦ ਰਾਹੁਲ ਗਾਂਧੀ ਦੀ ਭਾਰਤ ਜੋੜੋ ਯਾਤਰਾ ਅੱਜ ਸਵੇਰੇ ਹੁਸ਼ਿਆਰਪੁਰ-ਪਠਾਨਕੋਟ ਮਾਰਗ ‘ਤੇ ਸੀ। ਇਸੇ ਦੌਰਾਨ ਦਸੂਹਾ ਦੇ ਕੋਲ ਇੱਕ ਨੌਜਵਾਨ ਰਾਹੁਲ ਗਾਂਧੀ ਦੀ ਤਿੰਨ-ਪਰਤੀ ਸੁਰੱਖਿਆ ਨੂੰ ਤੋੜਨ ਵਿੱਚ ਸਫ਼ਲ ਰਿਹਾ। ਨੌਜਵਾਨ ਸੁਰੱਖਿਆ ਘੇਰੇ ਨੂੰ ਤੋੜਦਾ ਹੋਇਆ ਸਿੱਧਾ ਰਾਹੁਲ ਕੋਲ ਪੁੱਜਾ ਅਤੇ ਉਸਨੇ ਰਾਹੁਲ ਨੂੰ ਗਲ਼ੇ ਲਗਾ ਲਿਆ। ਅਚਾਨਕ ਹੋਏ ਇਸ ਘਟਨਾਕ੍ਰਮ ਨਾਲ ਰਾਹੁਲ ਗਾਂਧੀ ਵੀ ਹੈਰਾਨ ਹੋ ਗਏ। ਇਸੇ ਦੌਰਾਨ ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅੱਗੇ ਵਧੇ ਅਤੇ ਨੌਜਵਾਨ ਨੂੰ ਪਿੱਛੇ ਕੀਤਾ। ਮੌਕੇ ਤੇ ਮੌਜੂਦ ਸੁਰੱਖਿਆ ਕਰਮਚਾਰੀਆਂ ਨੇ ਉਕਤ ਵਿਅਕਤੀ ਨੂੰ ਗਿ੍ਫ਼ਤਾਰ ਕਰ ਲਿਆ ਅਤੇ ਯਾਤਰਾ ਨੂੰ ਅੱਗੇ ਤੋਰਿਆ।

ਨੌਜਵਾਨ ਰਾਹੁਲ ਗਾਂਧੀ ਨਾਲ ਹੱਥ ਮਿਲਾਉਣਾ ਚਾਹੁੰਦਾ ਸੀ

ਕੁੱਝ ਸਮਾਂ ਉਪਰੰਤ ਜਦੋਂ ਯਾਤਰਾ ਚਾਹ-ਪਾਣੀ ਲਈ ਪਿੰਡ ਬੱਸੀ ਸਥਿਤ ਇੱਕ ਢਾਬੇ ‘ਤੇ ਰੁਕੀ ਤਾਂ ਰਾਹੁਲ ਗਾਂਧੀ ਸੜਕ ਪਾਰ ਕਰਨ ਲੱਗੇ। ਉਸੇ ਸਮੇਂ ਸਿਰ ‘ਤੇ ਕੇਸਰੀ ਪਰਨਾ ਬੰਨੀ ਇੱਕ ਨੌਜਵਾਨ ਅੱਗੇ ਵਧਿਆ ਅਤੇ ਰਾਹੁਲ ਦੇ ਬੇਹੱਦ ਨੇੜੇ ਪੁੱਜ ਗਿਆ। ਉਕਤ ਨੌਜਵਾਨ ਰਾਹੁਲ ਗਾਂਧੀ ਨਾਲ ਹੱਥ ਮਿਲਾਉਣਾ ਚਾਹੁੰਦਾ ਸੀ। ਸੁਰੱਖਿਆ ਅਕਿਾਰੀਆਂ ਨੇ ਫੌਰਾਨ ਐਕਸ਼ਨ ਲੈਂਦਿਆਂ ਨੌਜਵਾਨ ਨੂੰ ਕਾਬੂ ਕਰ ਲਿਆ। ਸ਼ੁਰੂਆਤੀ ਜਾਂਚ ਵਿੱਚ ਪਤਾ ਲੱਗਿਆ ਤਾਂ ਪਤਾ ਚੱਲਿਆ ਕਿ ਰਾਹੁਲ ਤੱਕ ਪੁੱਜਣ ਵਾਲੇ ਨੌਜਵਾਨ ਆਸ ਪਾਸ ਦੇ ਹੀ ਰਹਿਣ ਵਾਲੇ ਹਨ ਅਤੇ ਉਹ ਰਾਹੁਲ ਨੂੰ ਮਿਲਣਾ ਚਾਹੁੰਦੇ ਸਨ। ਇਸੇ ਦੌਰਾਨ ਅੱਜ ਦੋ ਘਟਨਾਕ੍ਰਮ ਹੋਣ ਉਪਰੰਤ ਪੁਲਸ ਨੇ ਰਾਹੁਲ ਦੀ ਸੁਰੱਖਿਆ ਵਿੱਚ ਹੋਰ ਵਾਧਾ ਕਰ ਦਿੱਤਾ ਗਿਆ ਹੈ।