ਪੰਜਾਬ ‘ਚ SIR ਦੀ ਡ੍ਰਾਫਟ ਵੋਟਰ ਲਿਸਟ ਜਾਰੀ, ਘਰ ਬੈਠੇ ਚੈੱਕ ਕਰੋ ਆਪਣਾ ਨਾਮ
ਵੋਟਰ ਲਿਸਟ ਚੈੱਕ ਕਰਨ ਲਈ CEO ਪੰਜਾਬ ਦੀ ਅਧਿਕਾਰਤ ਵੈੱਬਸਾਈਟ (www.ceopunjab.gov.in) 'ਤੇ ਜਾਣਾ ਹੋਵੇਗਾ। ਵੈੱਬਸਾਈਟ ਦੇ ਹੋਮ ਪੇਜ 'ਤੇ SIR ਨਾਲ ਸਬੰਧਤ ਤਿੰਨ ਮਹੱਤਵਪੂਰਨ ਆਪਸ਼ਨ ਦਿੱਤੇ ਗਏ ਹਨ।
ਪੰਜਾਬ ‘ਚ ਵੋਟਰ ਲਿਸਟ ਦੀ ਸਪੈਸ਼ਲ ਇੰਟੈਂਸਿਵ ਰਿਵੀਜ਼ਨ (SIR) ਦਾ ਦੂਜਾ ਪੜਾਅ ਸ਼ੁਰੂ ਹੋ ਗਿਆ ਹੈ। ਚੋਣ ਕਮਿਸ਼ਨ ਵੱਲੋਂ ਡ੍ਰਾਫਟ ਵੋਟਰ ਲਿਸਟ 2026 ਜਾਰੀ ਕਰ ਦਿੱਤੀ ਗਈ ਹੈ। ਪੰਜਾਬ ਦੇ ਵੋਟਰ ਘਰ ਬੈਠੇ ਆਨਲਾਈਨ ਇਹ ਪਤਾ ਕਰ ਸਕਦੇ ਹਨ ਕਿ ਉਨ੍ਹਾਂ ਦਾ ਨਾਮ ਡਰਾਫਟ ਵੋਟਰ ਲਿਸਟ ‘ਚ ਹੈ ਜਾਂ ਨਹੀਂ। ਇਸ ਦੇ ਨਾਲ ਹੀ ਵੋਟਰ ਇਹ ਵੀ ਚੈੱਕ ਕਰ ਸਕਦੇ ਹਨ ਕਿ SIR ਦੀ ਪ੍ਰਕਿਰਿਆ ਦੌਰਾਨ ਉਨ੍ਹਾਂ ਦਾ ਨਾਮ ਵੋਟਰ ਲਿਸਟ ‘ਚੋਂ ਹਟਾਇਆ ਤਾਂ ਨਹੀਂ ਗਿਆ।
www.ceopunjab.gov.in ਪੰਜਾਬ ਦੀ ਵੈੱਬਸਾਈਟ ‘ਤੇ ਮਿਲੇਗੀ ਲਿਸਟ
ਵੋਟਰ ਲਿਸਟ ਚੈੱਕ ਕਰਨ ਲਈ CEO ਪੰਜਾਬ ਦੀ ਅਧਿਕਾਰਤ ਵੈੱਬਸਾਈਟ (www.ceopunjab.gov.in) ‘ਤੇ ਜਾਣਾ ਹੋਵੇਗਾ। ਵੈੱਬਸਾਈਟ ਦੇ ਹੋਮ ਪੇਜ ‘ਤੇ SIR ਨਾਲ ਸਬੰਧਤ ਤਿੰਨ ਆਪਸ਼ਨ ਦਿੱਤੇ ਗਏ ਹਨ।
ਵੈੱਬਸਾਈਟ ਖੋਲ੍ਹਣ ਦੇ ਤੁਹਾਨੂੰ ਹੇਠਾਂਂ ਦਿਖਾਇਆ ਹੋਇਆ ਪੇਜ਼ ਮਿਲੇਗਾ ਤੇ ਤਿੰਨ ਆਪਸ਼ਨ ਦਿਖਣਗੇ (Pic Source:www.ceopunjab.gov.in)
- ASDD LIST: ਇਸ ‘ਚ ਵੋਟਰ ਲਿਸਟ ‘ਚੋਂ ਹਟਾਏ ਗਏ ਨਾਮਾਂ ਦੀ ਜਾਣਕਾਰੀ ਮਿਲੇਗੀ।
- DRAFT ROLL 2026: ਇਸ ‘ਚ ਡਰਾਫਟ ਵੋਟਰ ਲਿਸਟ ‘ਚ ਸ਼ਾਮਲ ਵੋਟਰਾਂ ਦੇ ਨਾਮ ਦੇਖੇ ਜਾ ਸਕਦੇ ਹਨ।
- SEARCH LIST SIR 2003: ਇਸ ਰਾਹੀਂ 2003 ਦੀ ਪੁਰਾਣੀ ਵੋਟਰ ਲਿਸਟ ‘ਚ ਨਾਮ ਖੋਜਿਆ ਜਾ ਸਕਦਾ ਹੈ।
DRAFT ROLL 2026 ‘ਚ ਇੰਝ ਨਾਮ ਚੈੱਕ ਕਰੋ
ਡਰਾਫਟ ਵੋਟਰ ਲਿਸਟ ‘ਚ ਆਪਣਾ ਨਾਮ ਦੇਖਣ ਲਈ ਪਹਿਲਾਂ www.ceopunjab.gov.in ਵੈੱਬਸਾਈਟ ਖੋਲ੍ਹੋ। ਇਸ ਤੋਂ ਬਾਅਦ DRAFT ROLL 2026 ਵਾਲੇ ਆਪਸ਼ਨ ‘ਤੇ ਕਲਿੱਕ ਕਰੋ। ਇੱਥੇ ਆਪਣਾ ਜ਼ਿਲ੍ਹਾ ਤੇ ਵਿਧਾਨ ਸਭਾ ਹਲਕਾ ਚੁਣਨਾ ਹੋਵੇਗਾ। ਇਸ ਤੋਂ ਬਾਅਦ ਕੈਪਚਾ ਕੋਡ ਭਰ ਕੇ Part No and Part Name ਮੁਤਾਬਕ ਵੋਟਰ ਲਿਸਟ ਦੀ ਪੀਡੀਐਫ ਡਾਊਨਲੋਡ ਕੀਤੀ ਜਾ ਸਕਦੀ ਹੈ। ਪੀਐਡਐਫ ਖੋਲ੍ਹਣ ਤੋਂ ਬਾਅਦ ਆਪਣਾ ਨਾਮ ਤੇ ਹੋਰ ਵੇਰਵੇ ਚੈੱਕ ਕਰ ਸਕਦੇ ਹੋ।
ਵੋਟ ਕੱਟੀ ਹੈ ਜਾਂ ਨਹੀਂ, ASDD LIST ‘ਚ ਕਰੋ ਚੈੱਕ
ਜੇ ਤੁਹਾਨੂੰ ਸਿਰਫ਼ ਇਹ ਪਤਾ ਕਰਨਾ ਹੈ ਕਿ SIR ਦੌਰਾਨ ਤੁਹਾਡਾ ਨਾਮ ਵੋਟਰ ਲਿਸਟ ‘ਚੋਂ ਹਟਾਇਆ ਗਿਆ ਹੈ ਜਾਂ ਨਹੀਂ, ਤਾਂ ASDD LIST ਚੈੱਕ ਕਰ ਸਕਦੇ ਹੋ। ਇਸ ‘ਚ ਵੀ ਤੁਸੀਂ ਜ਼ਿਲ੍ਹੇ ਤੇ ਵਿਧਾਨ ਸਭਾ ਹਲਕਾ ਚੁਣ ਕੇ ਲਿਸਟ ‘ਚ ਆਪਣੇ ਨਾਮ ਦੀ ਜਾਂਚ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ
ਡਰਾਫਟ ਲਿਸਟ ‘ਚ ਨਾਮ ਨਹੀਂ ਤਾਂ ਕੀ ਕਰੀਏ?
ਜੇ ਡਰਾਫਟ ਵੋਟਰ ਲਿਸਟ ‘ਚ ਤੁਹਾਡਾ ਨਾਮ ਨਹੀਂ ਹੈ ਜਾਂ ਤੁਹਾਡਾ ਨਾਮ ਕੱਟੇ ਗਏ ਵੋਟਰਾਂ ਦੀ ਸੂਚੀ ‘ਚ ਆ ਰਿਹਾ ਹੈ, ਤਾਂ ਨਾਮ ਮੁੜ ਸ਼ਾਮਲ ਕਰਵਾਉਣ ਲਈ Form-6 ਰਾਹੀਂ ਦਾਅਵਾ ਕੀਤਾ ਜਾ ਸਕਦਾ ਹੈ। Form-6 ਆਨਲਾਈਨ ਤੇ ਆਫਲਾਈਨ ਦੋਵੇਂ ਤਰੀਕਿਆਂ ਨਾਲ ਜਮ੍ਹਾਂ ਕਰਵਾਉਣ ਦੀ ਸਹੂਲਤ ਹੈ।
