ਜ਼ਿਮਨੀ ਚੋਣ ਦੀ ਹਾਰ ਨੇ ਦਿੱਤਾ ਕਾਂਗਰਸ ਨੂੰ ਝਟਕਾ, ਨਗਰ ਨਿਗਮ ਦੀਆਂ ਚੋਣਾਂ ਲਈ ਮੰਥਨ ਸ਼ੁਰੂ

Punjab Congress: ਪੰਜਾਬ ‘ਚ ਲੋਕ ਸਭਾ ਚੋਣਾਂ ਖਤਮ ਹੋਣ ਤੋਂ ਇਕ ਮਹੀਨੇ ਬਾਅਦ ਪੱਛਮੀ ਹਲਕੇ ‘ਚ ਜ਼ਿਮਨੀ ਚੋਣਾਂ ਹੋਈਆਂ। ਜਿਸ ਵਿੱਚ ਆਪ ਪਾਰਟੀ ਦੇ ਉਮੀਦਵਾਰ ਮੋਹਿੰਦਰ ਭਗਤ 37 ਹਜ਼ਾਰ ਤੋਂ ਵੱਧ ਵੋਟਾਂ ਨਾਲ ਜੇਤੂ ਰਹੇ। ਇਸ ਚੋਣ ਨਤੀਜਿਆਂ ਨੇ ਕਾਂਗਰਸ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਅਜਿਹੇ ‘ਚ ਕਾਂਗਰਸ ਲਈ ਖ਼ਤਰੇ ਦੀ ਘੰਟੀ ਵੱਜਣ ਲੱਗੀ ਹੈ। ਸੂਤਰਾਂ ਮੁਤਾਬਕ ਆਉਣ ਵਾਲੀਆਂ ਚੋਣਾਂ ਨੂੰ ਲੈ ਕੇ ਕਾਂਗਰਸ ‘ਚ ਹਲਚਲ ਸ਼ੁਰੂ ਹੋ ਗਈ ਹੈ। ਦਰਅਸਲ ਚਰਨਜੀਤ ਸਿੰਘ ਚੰਨੀ ਨੂੰ ਪੱਛਮੀ ਹਲਕੇ ਤੋਂ ਵੱਡੀ ਲੀਡ ਮਿਲੀ ਸੀ।

ਪਰ ਇੱਕ ਮਹੀਨੇ ਬਾਅਦ ਜਲੰਧਰ ਪੱਛਮੀ ਹਲਕੇ ਵਿੱਚ ਹੋਈਆਂ ਜ਼ਿਮਨੀ ਚੋਣਾਂ ਨੇ ਕਾਂਗਰਸ ਤੋਂ ਮੂੰਹ ਮੋੜ ਕੇ ਆਪ ਪਾਰਟੀ ਵਿੱਚ ਭਰੋਸਾ ਪ੍ਰਗਟਾਇਆ ਹੈ। ਇਸ ਉਪ ਚੋਣ ਦੇ ਚੱਲ ਰਹੇ ਨਤੀਜਿਆਂ ਨੇ ਕਾਂਗਰਸ ਲਈ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ ਕਿਉਂਕਿ ਇਸ ਚੋਣ ਦੀ ਸਾਰੀ ਜ਼ਿੰਮੇਵਾਰੀ ਚਰਨਜੀਤ ਸਿੰਘ ਚੰਨੀ ਦੇ ਮੋਢਿਆਂ ‘ਤੇ ਸੀ। ਅਜਿਹੇ ‘ਚ ਕਾਂਗਰਸ ਨੇ ਉਪ ਚੋਣਾਂ ‘ਚ ਪੂਰੀ ਜਾਨ ਲਗਾ ਦਿੱਤਾ ਸੀ। ਕਾਂਗਰਸ ਲਈ ਚਿੰਤਾ ਦਾ ਇੱਕ ਹੋਰ ਕਾਰਨ ਇਹ ਹੈ ਕਿ ਉਸ ਨੂੰ ਅਜੇ 4 ਹੋਰ ਉਪ ਚੋਣਾਂ ਅਤੇ 5 ਨਗਰ ਨਿਗਮ ਚੋਣਾਂ ਲੜਨੀਆਂ ਹਨ।

ਇਹ ਵੀ ਪੜ੍ਹੋ: 16 ਨੂੰ ਦਿੱਲੀ ਕੂਚ ਲਈ ਹੋ ਸਕਦਾ ਹੈ ਐਲਾਨ, 22 ਜੁਲਾਈ ਨੂੰ ਕਨਵੈਂਸ਼ਨ ਕਰਨਗੇ ਕਿਸਾਨ

ਵੋਟ ਬੈਂਕ ਡਿੱਗਿਆ

ਚੌਧਰੀ ਪਰਿਵਾਰ ਤੋਂ ਬਾਅਦ ਚਰਨਜੀਤ ਸਿੰਘ ਚੰਨੀ ਦੋਆਬੇ ਦੀ ਦਲਿਤ ਸਿਆਸਤ ਵਿੱਚ ਨਵੇਂ ਆਗੂ ਵਜੋਂ ਉਭਰੇ ਸਨ। ਪਰ ਲੋਕ ਸਭਾ ਚੋਣਾਂ ਦੇ ਇੱਕ ਮਹੀਨੇ ਬਾਅਦ ਕਾਂਗਰਸ ਤੀਜੇ ਨੰਬਰ ‘ਤੇ ਪਹੁੰਚ ਗਈ ਹੈ। ‘ਆਪ’ ਦੇ ਮੋਹਿੰਦਰ ਭਗਤ ਨੇ ਇਹ ਉਪ ਚੋਣ ਜਿੱਤੀ ਹੈ। ਭਾਜਪਾ ਦੀ ਸ਼ੀਤਲ ਅੰਗੁਰਾਲ 17,921 ਵੋਟਾਂ ਲੈ ਕੇ ਦੂਜੇ ਅਤੇ ਕਾਂਗਰਸ ਦੀ ਮਹਿਲਾ ਉਮੀਦਵਾਰ ਸੁਰਿੰਦਰ ਕੌਰ 16,757 ਵੋਟਾਂ ਲੈ ਕੇ ਤੀਜੇ ਨੰਬਰ ‘ਤੇ ਰਹੀ। ਦੱਸਿਆ ਜਾ ਰਿਹਾ ਹੈ ਕਿ ਚੰਨੀ ਦੇ ਮੂੰਹ ‘ਤੇ ਹੀ ਚੋਣ ਲੜੀ ਗਈ ਸੀ।