ਪੰਜਾਬ ‘ਚ ਭਾਜਪਾ ਦੇ 2 MLA, ਪਰ ਰਾਜ ਸਭਾ ਸਾਂਸਦ 6… ਰਾਸ਼ਟਰਪਤੀ ਅੱਗੇ ਬੋਲੇ ਸੀਐਮ- ਇਹ ਸੰਵਿਧਾਨ ਦੀ ਹੱਤਿਆ
ਮੁੱਖ ਮੰਤਰੀ ਭਵਗੰਤ ਮਾਨ ਨੇ ਰਾਸ਼ਟਰਪਤੀ ਨਾਲ ਮੁਲਾਕਾਤ ਤੋਂ ਬਾਅਦ ਮੀਡੀਆ ਨੂੰ ਸੰਬੋਧਨ ਕਰਦੇ ਹੋਏ ਮੀਟਿੰਗ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਰਾਸ਼ਟਰਪਤੀ ਅੱਗੇ ਉਨ੍ਹਾਂ ਨੇ ਕਿਹਾ ਕਿ ਅੱਜ ਸੰਵਿਧਾਨ ਤੇ ਲੋਕਤੰਤਰ ਦੀ ਹੱਤਿਆ ਹੋ ਰਹੀ ਹੈ।
ਪੰਜਾਬ ਦੇ 6 ਰਾਜ ਸਭਾ ਸਾਂਸਦਾਂ ਨੇ ਦਲ ਬਦਲ ਕੇ ਭਾਰਤੀ ਜਨਤਾ ਪਾਰਟੀ ‘ਚ ਰਲੇਵਾਂ ਕਰ ਲਿਆ ਹੈ। ਅੱਜ ਇਸ ਮੁੱਦੇ ਨੂੰ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਵੱਲੋਂ ਸਾਂਸਦਾਂ ਦੇ ਦਲ ਬਦਲਣ ਨੂੰ ਗੈਰ-ਸੰਵਿਧਾਨਕ ਠਹਿਰਾਇਆ ਗਿਆ ਤੇ ਰਾਸ਼ਟਰਪਤੀ ਨੂੰ ਇਸ ਮੁੱਦੇ ‘ਤੇ ਕਾਰਵਾਈ ਕਰਨ ਦੀ ਮੰਗ ਕੀਤੀ ਗਈ। ਸੀਐਮ ਵੱਲੋਂ ਇੱਕ ਲਿਖਤੀ ਮੰਗ ਪੱਤਰ ਵੀ ਰਾਸ਼ਟਰਪਤੀ ਨੂੰ ਸੌਂਪਿਆ ਗਿਆ, ਜਿਸ ‘ਚ ਪੰਜਾਬ ਦੇ 95 ਵਿਧਾਇਕਾਂ ਦੇ ਦਸਤਖ਼ਤ ਸਨ।
ਮੁੱਖ ਮੰਤਰੀ ਭਵਗੰਤ ਮਾਨ ਨੇ ਰਾਸ਼ਟਰਪਤੀ ਨਾਲ ਮੁਲਾਕਾਤ ਤੋਂ ਬਾਅਦ ਮੀਡੀਆ ਨੂੰ ਸੰਬੋਧਨ ਕਰਦੇ ਹੋਏ ਮੀਟਿੰਗ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਰਾਸ਼ਟਰਪਤੀ ਅੱਗੇ ਉਨ੍ਹਾਂ ਨੇ ਕਿਹਾ ਕਿ ਅੱਜ ਸੰਵਿਧਾਨ ਤੇ ਲੋਕਤੰਤਰ ਦੀ ਹੱਤਿਆ ਹੋ ਰਹੀ ਹੈ। ਅਚਾਨਕ 7 ਸੰਸਦ ਮੈਂਬਰ ਇਕੱਠੇ ਹੋ ਕੇ ਕਹਿ ਦਿੰਦੇ ਹਨ ਕਿ ਹੁਣ ਅਸੀਂ ਦੂਜੀ ਪਾਰਟੀ ‘ਚ ਰਲੇਵਾਂ ਕਰ ਰਹੇ ਹਾਂ। ਸੀਐਮ ਵੱਲੋਂ ਦਲੀਲ ਦਿੱਤੀ ਗਈ ਜਾਂ ਤਾਂ ਫਿਰ ਪਾਰਟੀ ਦਾ ਦੋ-ਤਿਹਾਈ ਧੜਾ ਰੈਜ਼ੋਲਿਊਸ਼ਨ ਪਾਸ ਕਰਕੇ ਦੂਜੀ ਪਾਰਟੀ ‘ਚ ਰਲੇਵਾਂ ਕਰੇ ਤਾਂ ਫਿਰ ਜਾਇਜ਼ ਹੈ। ਪਰ, ਸਿਰਫ਼ ਪਾਰਲੀਮੈਂਟ ਦੇ ਇੱਕ ਹਾਊਸ ਦੇ ਸਾਂਸਦ ਕਹਿ ਦੇਣ ਕਿ ਅਸੀਂ ਇਸ ਪਾਰਟੀ ਦੇ ਨਹੀਂ, ਸਗੋਂ ਦੂਜੀ ਪਾਰਟੀ ਦੇ ਸਾਂਸਦ ਹਾਂ ਤਾਂ ਇਹ ਜਾਇਜ਼ ਨਹੀਂ ਹੈ।।
ਸੀਐਮ ਨੇ ਕਿਹਾ ਕਿ ਜੇਕਰ ਪੰਜਾਬ ‘ਚ ਭਾਰਤੀ ਜਨਤਾ ਪਾਰਟੀ ਦੇ 2 ਵਿਧਾਇਕ ਹਨ ਤੇ ਹੁਣ, ਰਾਜ ਸਭਾ ‘ਚ ਹੁਣ ਭਾਜਪਾ ਦੇ 6 ਰਾਜ ਸਭਾ ਸਾਂਸਦ ਹੋ ਗਏ ਹਨ। ਇਹ ਕਿਵੇਂ ਹੋ ਸਕਦਾ ਹੈ। ਕੀ ਇਹ ਸੰਵਿਧਾਨ ਦਾ ਮਜ਼ਾਕ ਨਹੀਂ ਉੱਡ ਰਿਹਾ। ਸੀਐਮ ਨੇ ਕਿਹਾ ਕਿ ਉਨ੍ਹਾਂ ਵੱਲੋਂ ਪੰਜਾਬ ਦੇ 95 ਵਿਧਾਇਕਾਂ ਦੇ ਦਸਤਖ਼ਤ ਵਾਲਾ ਇੱਕ ਲਿਖਤੀ ਮੰਗ ਪੱਤਰ ਰਾਸ਼ਟਰਪਤੀ ਨੂੰ ਸੌਂਪਿਆ ਗਿਆ ਹੈ।
ਸੀਐਮ ਨੇ ਅੱਗੇ ਕਿਹਾ ਕਿ ਜਾਂ ਤਾਂ ਫਿਰ ਸੰਵਿਧਾਨ ‘ਚ ਰੀਕਾਲ ਦਾ ਪ੍ਰਬੰਧ ਲਿਆਂਦਾ ਜਾਵੇ। ਸੰਵਿਧਾਨ ‘ਚ ਪਹਿਲਾਂ ਵੀ ਬਹੁਤ ਵਾਰੀ ਸੋਧ ਕੀਤੀ ਗਈ ਹੈ ਤੇ ਹੁਣ ਸੰਵਿਧਾਨ ‘ਚ ਇੱਕ ਹੋਰ ਸੋਧ ਕੀਤੀ ਜਾਵੇ।
ਅੱਜ ਦਿੱਲੀ ਵਿਖੇ ਮਾਨਯੋਗ ਰਾਸ਼ਟਰਪਤੀ ਜੀ ਦੇ ਸਾਹਮਣੇ ਅਸੀਂ ਦੇਸ਼ ਵਿੱਚ ਹੋ ਰਹੇ ‘ਲੋਕਤੰਤਰ ਦੇ ਕਤਲ’ ਖ਼ਿਲਾਫ਼ ਮਜ਼ਬੂਤੀ ਨਾਲ ਆਵਾਜ਼ ਬੁਲੰਦ ਕੀਤੀ ਹੈ। ਗੈਰ-ਸੰਵਿਧਾਨਕ ਤਰੀਕੇ ਨਾਲ ਪਾਰਟੀਆਂ ਨੂੰ ਤੋੜਨਾ ਅਤੇ ED-CBI ਵਰਗੀਆਂ ਕੇਂਦਰੀ ਏਜੰਸੀਆਂ ਦੀ ਦੁਰਵਰਤੋਂ ਕਰਕੇ ਦਾਗੀ ਨੇਤਾਵਾਂ ਨੂੰ ਭਾਜਪਾ ਦੀ ‘ਵਾਸ਼ਿੰਗ ਮਸ਼ੀਨ’ ਵਿੱਚ ਸਾਫ਼ ਕਰਨਾ ਸਾਡੇ pic.twitter.com/9pBxuaoExl
— Bhagwant Mann (@BhagwantMann) May 5, 2026ਇਹ ਵੀ ਪੜ੍ਹੋ
ਬਾਗੀ ਸਾਂਸਦਾਂ ‘ਤੇ ਵਰ੍ਹੇ ਸੀਐਮ ਮਾਨ
ਸੀਐਮ ਨੇ ਬਾਗੀ ਸਾਂਸਦ ਨੂੰ ਘੇਰਦੇ ਹੋਏ ਕਿਹਾ ਕਿ ਰੀਕਾਲ ਦਾ ਮੁੱਦਾ ਵੀ ਰਾਘਵ ਚੱਢਾ ਹੀ ਵਿਧਾਨ ਸਭਾ ‘ਚ ਚੁੱਕ ਰਿਹਾ ਸੀ ਤੇ ਕਹਿ ਰਿਹਾ ਸੀ ਕਿ ਜੇਕਰ ਕੋਈ ਦੀਆਂ ਉਮੀਦਾਂ ‘ਤੇ ਖਰਾ ਨਾ ਉਤਰੇ ਤਾਂ ਉਸ ਨੂੰ ਅਹੁਦੇ ਤੋਂ ਹਟਾ ਦੇਣਾ ਚਾਹੀਦਾ ਹੈ। ਸੀਐਮ ਨੇ ਸਵਾਲ ਕੀਤਾ ਕਿ ਤੁਸੀਂ ਲੋਕਾਂ ਦੀਆਂ ਉਮੀਦਾਂ ‘ਤੇ ਖਰੇ ਉਤਰੇ ਹੋ।
ਮਾਣਯੋਗ ਰਾਸ਼ਟਰਪਤੀ ਜੀ ਨਾਲ ਅਹਿਮ ਮੁਲਾਕਾਤ ਤੋਂ ਬਾਅਦ ਮੀਡੀਆ ਦੇ ਸਾਥੀਆਂ ਨਾਲ ਗੱਲਬਾਤ, ਦਿੱਲੀ ਤੋਂ LIVE ——— माननीय राष्ट्रपति जी के साथ महत्वपूर्ण मुलाकात के बाद मीडिया के साथ बातचीत, दिल्ली से LIVE https://t.co/8tInZX0eZf
— Bhagwant Mann (@BhagwantMann) May 5, 2026
ਸੀਐਮ ਨੇ ਬਾਗੀ ਸਾਂਸਦਾਂ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਜੇਕਰ ਇੰਨਾਂ ‘ਚ ਇਨਕਲਾਬ ਸੀ ਤਾਂ ਇਹ ਅਸਤੀਫ਼ਾ ਦੇ ਕੇ ਚਲੇ ਜਾਂਦੇ ਤੇ ਆਮ ਆਦਮੀ ਹੋਰ ਉਮੀਦਵਾਰਾਂ ਨੂੰ ਰਾਜ ਸਭਾ ਭੇਜ ਦਿੰਦੀ। ਹੁਣ ਜਿੰਨਾ ਨਾਲ ਇਨ੍ਹਾਂ ਦਾ (ਬਾਗੀ ਸਾਂਸਦਾਂ) ਦਿਲ ਮਿਲਿਆ ਹੈ। ਪਹਿਲੇ ਭਾਰਤੀ ਜਨਤਾ ਪਾਰਟੀ ਨੂੰ ਹੀ ਇਹ ਕਹਿੰਦੇ ਸਨ ਕਿ ਇਹ ਗੁੰਡਿਆਂ ਦੀ, ਪੈਸੇ ਵਾਲਿਆਂ ਤੇ ਡਰਾਉਣ ਵਾਲਿਆਂ ਦੀ ਪਾਰਟੀ ਹੈ। ਅੱਜ ਉਸ ਪਾਰਟੀ ‘ਚ ਜਾ ਕੇ ਇਹ ਵਾਸ਼ਿੰਗ ਮਸ਼ੀਨ ਨਾਲ ਧੋਤੇ ਗਏ ਹਨ। ਇਹ ਸਾਰੇਂ ਸਾਂਸਦ ਅਸਤੀਫ਼ਾ ਦੇ ਕੇ ਜਾਂਦੇ ਤੇ ਭਾਰਤੀ ਜਨਤਾ ਪਾਰਟੀ ਵੱਲੋਂ ਸਾਂਸਦ ਚੁਣ ਕੇ ਆ ਜਾਂਦੇ।
ਪੰਜਾਬ ਦੇ ਲੋਕਾਂ ਨੇ ਵਿਧਾਇਕਾਂ ਨੂੰ ਚੁਣਿਆ ਤੇ ਫਿਰ ਵਿਧਾਇਕਾਂ ਨੇ ਰਾਜ ਸਭਾ ਸਾਂਸਦ ਚੁਣੇ। ਚੁਣੇ ਹੋਏ ਨੁਮਾਇੰਦਿਆਂ ਨੇ ਅੱਗੇ ਨੁਮਾਇੰਦੇ ਚੁਣੇ, ਇਹ ਲੋਕਾਂ ਦਾ ਫ਼ਤਵਾ ਹੀ ਹੈ, ਪਰ ਅੱਜ ਉਹ ਹੋਰ ਪਾਰਟੀ ‘ਚ ਚਲੇ ਗਏ। ਇਹ ਲੋਕਤੰਤਰ ਦੀ ਹੱਤਿਆ ਹੈ ਤੇ ਪੰਜਾਬ ਦੇ ਲੋਕ ਅਜਿਹੀ ਗੱਦਾਰੀ ਨਹੀਂ ਝੱਲਦੇ।
