ਨੰਗਲ ਨਗਰ ਕੌਂਸਲ ‘ਤੇ AAP ਦਾ ਕਬਜ਼ਾ, ਕਿਰਨ ਬਾਲਾ ਬਣੇ ਪ੍ਰਧਾਨ
ਨੰਗਲ ਨਗਰ ਕੌਂਸਲ ਦੇ 100 ਕਰੋੜ ਤੋਂ ਵੱਧ ਬਜਟ 'ਤੇ ਕਬਜ਼ਾ ਕਰਨ ਦੀ ਲੰਬੀ ਜੱਦੋ-ਜਹਿਦ ਆਖਰਕਾਰ ਆਮ ਆਦਮੀ ਪਾਰਟੀ ਨੇ ਜਿੱਤ ਲਈ ਹੈ। ਚੋਣਾਂ ਵਿੱਚ 7 ਸੀਟਾਂ ਜਿੱਤਣ ਦੇ ਬਾਵਜੂਦ, ਆਪ ਨੇ ਰਾਜਨੀਤਿਕ ਸਮੀਕਰਨਾਂ ਨੂੰ ਆਪਣੇ ਹੱਕ ਵਿੱਚ ਕਰਦੇ ਹੋਏ ਕਿਰਨ ਬਾਲਾ ਨੂੰ ਪ੍ਰਧਾਨ ਅਤੇ ਰਮੇਸ਼ ਕੁਮਾਰ ਤੇ ਜਸਪ੍ਰੀਤ ਕੌਰ ਨੂੰ ਮੀਤ ਪ੍ਰਧਾਨ ਬਣਾਇਆ ਹੈ, ਜਿਸ ਨਾਲ ਪਾਰਟੀ ਵਰਕਰਾਂ ਵਿੱਚ ਭਾਰੀ ਖੁਸ਼ੀ ਹੈ।
ਅਕਸਰ ਸੁਰਖੀਆਂ ਵਿੱਚ ਰਹੀ ਨੰਗਲ ਨਗਰ ਕੌਂਸਲ ਜਿਸ ਦਾ ਬਜਟ ਲਗਭਗ 100 ਕਰੋੜ ਤੋਂ ਉੱਪਰ ਦਾ ਬਜਟ ਹੁੰਦਾ ਹੈ। ਜਿਸ ਨੂੰ ਲੈ ਕੇ ਅਕਸਰ ਕਬਜਾ ਕਰਨ ਦੇ ਲਈ ਸਰਕਾਰਾਂ ਪੱਬਾ ਭਾਰਾਂ ਰਹਿੰਦੀਆ ਨੇ ਇਸ ਵਾਰ ਆਮ ਆਦਮੀ ਪਾਰਟੀ ਨੇ ਨੰਗਲ ਨਗਰ ਕੌਂਸਲ ਤੇ ਕਬਜ਼ਾ ਹਾਸਿਲ ਕੀਤਾ ਹੈ ।
ਤੁਹਾਨੂੰ ਦੱਸ ਦਈਏ ਕਿ ਇਸ ਵਾਰ ਨਗਰ ਕੌਸਲ ਚੋਣਾਂ ਦੇ ਵਿੱਚ ਆਮ ਆਦਮੀ ਪਾਰਟੀ ਨੂੰ ਸੱਤ ਸੀਟਾਂ ਹਾਸਿਲ ਹੋਈਆਂ ਸਨ। ਕਾਂਗਰਸ ਨੂੰ ਅੱਠ ਤੇ ਤਿੰਨ ਸੀਟਾਂ ਭਾਜਪਾ ਦੇ ਹਿੱਸੇ ਵਿੱਚ ਆਈਆਂ ਸਨ। ਉੱਥੇ ਇੱਕ ਸੀਟ ਆਜ਼ਾਦ ਉਮੀਦਵਾਰ ਨੇ ਜਿੱਤੀ ਸੀ।
ਜਿਸ ਦੇ ਚਲਦਿਆਂ ਹਰ ਇੱਕ ਦੀ ਅੱਖ ਨੰਗਲ ਨਗਰ ਕੌਂਸਲ ਤੇ ਸੀ। ਕਿਉਂਕਿ ਇਸ ਉੱਪਰ ਕਿਸ ਪਾਰਟੀ ਦਾ ਕਬਜ਼ਾ ਹੁੰਦਾ ਹੈ ਕਿਉਂਕਿ ਸਾਬਕਾ ਸਪੀਕਰ ਰਾਣਾ ਕੇਪੀ ਸਿੰਘ ਦਾ ਕਾਂਗਰਸ ਧੜਾ ਵੀ ਮਜਬੂਤ ਸੀ ਤੇ ਆਮ ਆਦਮੀ ਪਾਰਟੀ ਹਰਜੋਤ ਸਿੰਘ ਬੈਂਸ ਲੋਕਲ ਬਾਡੀ ਮੰਤਰੀ ਤੇ ਹਲਕਾ ਵਿਧਾਇਕ ਦੇ ਚਲਦਿਆਂ ਨਗਰ ਕੌਂਸਲ ਤੇ ਆਪ ਦਾ ਕਬਜ਼ਾ ਲੱਗਭਗ ਤਹਿ ਸੀ। ਆਖਿਰਕਾਰ ਪ੍ਰਧਾਨ ਜੀ ਚੋਣ ਦੇ ਵਿੱਚ ਆਮ ਆਦਮੀ ਪਾਰਟੀ ਨੇ ਜਿੱਤ ਹਾਸਿਲ ਕੀਤੀ ਹੈ।
ਕਿਰਨ ਬਾਲਾ ਬਣੇ ਪ੍ਰਧਾਨ
ਜਿਸ ‘ਤੇ ਚੱਲਦਿਆਂ ਆਪ ਦੀ ਵਾਰਡ ਨੰ 16 ਤੋਂ ਵਿਜੇਤਾ ਕਿਰਨ ਬਾਲਾ ਨੂੰ ਪ੍ਰਧਾਨ ਤੇ ਵਾਰਡ ਨੰਬਰ 17 ਤੋਂ ਵਿਜੇਤਾ ਰਮੇਸ਼ ਕੁਮਾਰ ਮਹਾਸ਼ਾ ਤੇ ਵਾਰਡ ਨੰਬਰ 4 ਤੋਂ ਵਿਜੇਤਾ ਜਸਪ੍ਰੀਤ ਕੌਰ ਨੂੰ ਮੀਤ ਪ੍ਰਧਾਨ ਬਣਾਇਆ ਗਿਆ। ਜਿਸ ਦੇ ਚਲਦਿਆਂ ਆਮ ਆਦਮੀ ਪਾਰਟੀ ਨੇ ਨਗਰ ਨਿਗਮ ਕੌਂਸਲ ‘ਤੇ ਕਬਜ਼ਾ ਕੀਤਾ। ਜਿਸ ਦੇ ਚਲਦਿਆਂ ਆਮ ਆਦਮੀ ਪਾਰਟੀ ਦੇ ਵਰਕਰਾਂ ਵਿੱਚ ਭਾਰੀ ਖੁਸ਼ੀ ਦੇਖਣ ਨੂੰ ਮਿਲੀ ਤੇ ਢੋਲ ਧਮਾਕਿਆਂ ਨਾਲ ਫਿਰ ਫੁੱਲਾਂ ਤੇ ਹਾਰ ਪਾ ਕੇ ਸਵਾਗਤ ਕੀਤਾ।