ਕਾਂਗਰਸ ਨੇ ਪ੍ਰਨੀਤ ਕੌਰ ਨੂੰ ਕੀਤਾ ਮੁਅੱਤਲ, ਕੀ ਹੁਣ ਭਾਜਪਾ ਬਣਾਏਗੀ ਪਟਿਆਲਾ ਤੋਂ ਉਮੀਦਵਾਰ ?

ਪਟਿਆਲਾ ਤੋਂ ਸਾਂਸਦ ਅਤੇ ਸਾਬਕਾ ਵਿਦੇਸ਼ ਰਾਜ ਮੰਤਰੀ ਪ੍ਰਨੀਤ ਕੌਰ ਖਿਲਾਫ਼ ਵੱਡੀ ਕਾਰਵਾਈ ਕੀਤੀ ਹੈ। ਦਰਅਸਲ ਕਾਂਗਰਸ ਨੇ ਪ੍ਰਨੀਤ ਕੌਰ ਨੂੰ ਪਾਰਟੀ ਤੋਂ ਮੁਅੱਤਲ ਕਰ ਦਿੱਤਾ ਹੈ। ਇਸ ਤੋਂ ਬਾਅਦ ਇਹ ਗੱਲ ਸਪੱਸ਼ਟ ਹੋ ਗਈ ਹੈ ਕਿ ਪਟਿਆਲਾ ਲੋਕਸਭਾ ਸੀਟ ਤੋਂ ਇਸ ਵਾਰ ਕਾਂਗਰਸ ਕਿਸੇ ਨਵੇਂ ਉਮੀਦਵਾਰ ਨੂੰ ਮੈਦਾਨ ਵਿੱਚ ਉਤਾਰੇਗੀ।

ਪ੍ਰਨੀਤ ਕੌਰ ਦੇ ਮਾਮਲੇ ਤੇ ਬੋਲਦਿਆਂ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਕਿਹਾ ਕਿ ਉਹਨਾਂ ਨੂੰ ਪਾਰਟੀ ਤੋਂ ਸਸਪੈਂਡ ਕੀਤਾ ਹੋਇਆ ਹੈ ਇੱਕ ਤਰ੍ਹਾਂ ਦੇ ਨਾਲ ਉਹ ਪਾਰਟੀ ਤੋਂ ਬਾਹਰ ਹੀ ਹਨ। ਵੜਿੰਗ ਨੇ ਕਿਹਾ ਕਿ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਇੱਕ ਨਵਾਂ ਚਿਹਰਾ ਇਲੈਕਸ਼ਨ ਚ ਦਿਖਾਈ ਦੇਵੇਗਾ।

ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦਾ ਬਿਆਨ

पटियाला से @INCIndia की उम्मीदवार नहीं होगी @preneet_kaur
कांग्रेस प्रदेश अध्यक्ष @RajaBrar_INC का बयान#PunjabCongres #ParneetKaur #Patiala pic.twitter.com/N0NE8txp3O

— JARNAIL (@N_JARNAIL) January 23, 2024

ਕੀ ਭਾਜਪਾ ਦੀ ਉਮੀਦਵਾਰ ਹੋਣਗੇ ਪ੍ਰਨੀਤ ਕੌਰ

ਕਾਂਗਰਸ ਦੀ ਕਾਰਵਾਈ ਤੋਂ ਬਾਅਦ ਇਹ ਸਵਾਲ ਖੜਾ ਹੋ ਗਿਆ ਕਿ ਅਗਾਮੀ ਚੋਣਾਂ ਵਿੱਚ ਕੀ ਪ੍ਰਨੀਤ ਕੌਰ ਭਾਜਪਾ ਦੀ ਟਿਕਟ ਤੋਂ ਚੋਣ ਲੜ ਸਕਦੇ ਹਨ ਕਿਉਂਕਿ ਉਹਨਾਂ ਦੇ ਪਤੀ ਅਤੇ ਸਾਬਕਾ ਮੁੱਖਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਪਹਿਲਾਂ ਹੀ ਭਾਜਪਾ ਵਿੱਚ ਸ਼ਾਮਿਲ ਹੋ ਚੁੱਕੇ ਹਨ। ਇਸ ਤੋਂ ਬਾਅਦ ਇਹ ਕਿਆਸਰਾਈ ਲੱਗ ਰਹੀਆਂ ਹਨ ਕਿ ਹੋ ਸਕਦਾ ਹੈ ਕਿ ਭਾਜਪਾ ਉਹਨਾਂ ਨੂੰ ਚੋਣ ਮੈਦਾਨ ਵਿੱਚ ਉਤਾਰ ਦੇਵੇ।

ਭਾਜਪਾ ਨੇ ਕੀਤਾ ਵੜਿੰਗ ਤੇ ਵਾਰ

ਪ੍ਰਨੀਤ ਕੌਰ ਤੇ ਕਾਰਵਾਈ ਨੂੰ ਲੈਕੇ ਭਾਜਪਾ ਦੇ ਬੁਲਾਰੇ ਪ੍ਰਿਤਪਾਲ ਸਿੰਘ ਬਲੀਏਵਾਲ ਨੇ ਰਾਜਾ ਵੜਿੰਗ ਤੇ ਨਿਸ਼ਾਨਾ ਸਾਧਿਆ ਹੈ। ਉਹਨਾਂ ਟਵੀਟ ਕਰਦਿਆਂ ਰਾਜਾ ਵੜਿੰਗ ਦੀ ਪ੍ਰਧਾਨਗੀ ਨੂੰ ਲੈਕੇ ਤੰਜ਼ ਕੱਸਿਆ ਹੈ।

.@RajaBrar_INC ਜੀ ਤੁਸੀ @capt_amarinder ਸਿੰਘ ਜੀ ਤੇ ਉਹਨਾਂ ਦੇ ਪਰਿਵਾਰ ਦੀ ਫ਼ਿਕਰ ਛੱਡ ਆਪਣੇ ਆਪ ਦੀ ਫ਼ਿਕਰ ਕਰੋ !

ਕਿਉਂਕਿ ਜਿਹੜਾ ਸ਼ਨਿੱਚਰ @INCPunjab ਨੂੰ ਚੰਬੜਿਆ ਉਹ ਕੀਤੇ ਤੁਹਾਡੀ ਪ੍ਰਧਾਨਗੀ ਨਾ ਲੈ ਜੇ !

ਟਿਕਟ ਵੰਡਣ ਦੀ ਜਗ੍ਹਾ ਬੱਸ ਦੀ ਟਿਕਟ ਲੈਣੀ ਨਾ ਪੈ ਜੇ !

ਬਾਕੀ ਤੁਹਾਡੀ ਤਾਕਤ ਤੇ ਕਮਜ਼ੋਰ ਦਾ ਟੈਸਟ ਵੀ ਹੋ ਜੂ !

— Pritpal Singh Baliawal (@PritpalBaliawal) January 23, 2024