ਫਗਵਾੜਾ: ਜੋਤੀ ਢਾਬਾ ਗਊ ਮਾਸ ਤਸਕਰੀ ਮਾਮਲੇ ‘ਚ ਪੁਲਿਸ ਦੀ ਕਾਰਵਾਈ, 8 ਗ੍ਰਿਫ਼ਤਾਰ, ਬਰਾਮਦ ਹੋਇਆ ਸੀ 29 ਕੁਇੰਟਲ ਮਾਸ
ਇਸ ਮਾਮਲੇ ਵਿੱਚ ਗੁਰਪ੍ਰੀਤ ਸਿੰਘ ਪੁੱਤਰ ਅਵਤਾਰ ਸਿੰਘ ਦੇ ਬਿਆਨਾਂ 'ਤੇ ਮਾਮਲਾ ਦਰਜ ਕੀਤਾ ਗਿਆ। ਗੁਪਤ ਜਾਣਕਾਰੀ ਦਿੰਦੇ ਹੋਏ ਉਨ੍ਹਾਂ ਦੱਸਿਆ ਕਿ ਫਗਵਾੜਾ ਤੋਂ ਲੁਧਿਆਣਾ ਜਾਣ ਵਾਲੀ ਜੀਟੀ ਰੋਡ 'ਤੇ ਜੋਤੀ ਢਾਬਾ ਫਗਵਾੜਾ ਦੇ ਪਿਛਲੇ ਪਾਸੇ ਬਣੇ ਗੋਦਾਮ ਵਿੱਚ ਵੱਡੀ ਮਾਤਰਾ ਵਿੱਚ ਗਊ ਮਾਸ ਕੱਟ ਕੇ ਪੈਕ ਕੀਤਾ ਜਾਂਦਾ ਹੈ। ਕਈ ਲੋਕ ਮਾਸ ਕੱਟਣ ਅਤੇ ਪੈਕ ਕਰਨ ਦਾ ਕੰਮ ਕਰਦੇ ਹਨ।
ਦੋ ਦਿਨ ਪਹਿਲਾਂ ਫਗਵਾੜਾ-ਗੋਰਾਇਆ ਵਿਚਕਾਰ ਹਾਈਵੇਅ ‘ਤੇ ਸਥਿਤ ਜੋਤੀ ਢਾਬੇ ਤੋਂ ਕੁਇੰਟਲਾਂ ਦੇ ਹਿਸਾਬ ਨਾਲ ਬੀਫ ਬਰਾਮਦ ਹੋਇਆ ਸੀ। ਇਸ ਸਬੰਧੀ ਵੱਖ-ਵੱਖ ਹਿੰਦੂ ਸੰਗਠਨਾਂ ਦੇ ਆਗੂ ਅਤੇ ਗਊ ਰਕਸ਼ਕ ਸੰਸਥਾਨ ਦੇ ਮੈਂਬਰ ਮੌਕੇ ‘ਤੇ ਪਹੁੰਚੇ ਅਤੇ ਆਪਣਾ ਗੁੱਸਾ ਪ੍ਰਗਟ ਕੀਤਾ। ਹਿੰਦੂ ਸੰਗਠਨਾਂ ਨੇ ਦੱਸਿਆ ਕਿ ਢਾਬੇ ਦੇ ਅੰਦਰ ਇੱਕ ਵੱਡਾ ਫ੍ਰੀਜ਼ਰ ਬਣਾਇਆ ਗਿਆ ਸੀ। ਜਿਸ ਵਿੱਚ ਕੁਇੰਟਲ ਬੀਫ ਰੱਖਿਆ ਗਿਆ ਸੀ। ਇਸ ਮਾਮਲੇ ਵਿੱਚ ਹੁਣ ਕਾਰਵਾਈ ਕਰਦੇ ਹੋਏ, ਥਾਣਾ ਸਿਟੀ ਫਗਵਾੜਾ ਦੀ ਪੁਲਿਸ ਨੇ ਇੱਕ ਵਿਸ਼ੇਸ਼ ਮੁਹਿੰਮ ਚਲਾਈ। ਜਿਸ ਵਿੱਚ ਪੁਲਿਸ ਨੇ ਗਊ ਮਾਸ ਤਸਕਰੀ ਕਰਨ ਵਾਲੇ 8 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਅਤੇ ਉਨ੍ਹਾਂ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ।
29 ਕੁਇੰਟਲ 32 ਕਿਲੋ ਮਾਸ ਤੇ ਇੱਕ ਗੱਡੀ ਬਰਾਮਦ
ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਦੀ ਪਛਾਣ ਮੁਖਤਾਰ ਆਲਮ ਪੁੱਤਰ ਵਿਜੋਦੀਨ ਵਾਸੀ ਪਿੰਡ ਧੰਜਾਨਾ ਥਾਣਾ ਛੰਨ ਚਾਹਲ ਜ਼ਿਲ੍ਹਾ ਮਾਲਦਾ, ਪੱਛਮੀ ਬੰਗਾਲ, ਆਜ਼ਾਦ ਪੁੱਤਰ ਗਿਆਸੁਦੀਨ ਵਾਸੀ ਪਿੰਡ ਧੰਜਾਨਾ ਥਾਣਾ ਛੰਨ ਚਾਹਲ ਜ਼ਿਲ੍ਹਾ ਮਾਲਦਾ, ਪੱਛਮੀ ਬੰਗਾਲ, ਜ਼ਾਕਿਰ ਹੁਸੈਨ ਪੁੱਤਰ ਮਕਬੂਲ ਹੁਸੈਨ ਵਾਸੀ ਪਿੰਡ ਧੰਜਾਨਾ ਥਾਣਾ ਛੰਨ ਚਾਹਲ ਜ਼ਿਲ੍ਹਾ ਮਾਲਦਾ, ਪੱਛਮੀ ਬੰਗਾਲ, ਰਿਹਾਨਾ ਆਲਮ ਪੁੱਤਰ ਜੋਸੀਮੋਦੀਨ ਅਹਿਮਦ ਵਾਸੀ ਪਿੰਡ ਧੰਜਾਨਾ ਥਾਣਾ ਛੰਨ ਚਾਹਲ ਜ਼ਿਲ੍ਹਾ ਮਾਲਦਾ, ਪੱਛਮੀ ਬੰਗਾਲ, ਮਿੰਜਰ ਅਲੀ ਪੁੱਤਰ ਸੋਮੀਰੂਦੀਨ ਵਾਸੀ ਪਿੰਡ ਧੰਜਾਨਾ ਥਾਣਾ ਛੰਨ ਚਾਹਲ ਜ਼ਿਲ੍ਹਾ ਮਾਲਦਾ, ਪੱਛਮੀ ਬੰਗਾਲ, ਅਰਸ਼ਦ ਪੁੱਤਰ ਨੰਨਾ ਵਾਸੀ ਪਿੰਡ ਛਪਰ ਜ਼ਿਲ੍ਹਾ ਮੁਜ਼ੱਫਰਨਗਰ, ਉੱਤਰ ਪ੍ਰਦੇਸ਼ ਅਤੇ ਮਦਨ ਸ਼ਾਹ ਪੁੱਤਰ ਰਾਮਦੇਵ ਸ਼ਾਹ ਵਾਸੀ ਚਚਰਾੜੀ ਥਾਣਾ ਗੋਰਾਇਆ ਵਜੋਂ ਹੋਈ ਹੈ, ਜਦੋਂ ਕਿ 8ਵਾਂ ਮੁਲਜ਼ਮ ਨਾਬਾਲਗ ਹੈ।
ਮੁਲਜ਼ਮਾਂ ਤੋਂ 29 ਕੁਇੰਟਲ 32 ਕਿਲੋ ਗਾਂ ਦਾ ਮਾਸ, ਗੱਡੀ ਨੰਬਰ ਪੀਬੀ 11 ਡੀਕੇ 4328, ਬ੍ਰਾਂਡ ਅਸ਼ੋਕਾ ਲੇਲੈਂਡ ਬਰਾਮਦ ਕੀਤਾ ਗਈ ਹੈ। ਮੁਲਜ਼ਮਾਂ ਵਿਰੁੱਧ ਬੀਐਨਐਸ 2023, 8 ਪੰਜਾਬ ਗਊ ਹੱਤਿਆ ਰੋਕਥਾਮ ਐਕਟ 1955, 11 ਦ ਪ੍ਰੀਵੈਨਸ਼ਨ ਆਫ਼ ਕਰੂਐਲਟੀ ਟੂ ਐਨੀਮਲਜ਼ ਐਕਟ 1960 ਤਹਿਤ ਕਾਰਵਾਈ ਕੀਤੀ ਗਈ।
ਹੋਰ ਲੋਕਾਂ ਦੀ ਸ਼ਮੂਲੀਅਤ ਦਾ ਵੀ ਹੋ ਸਕਦੀ ਖੁਲਾਸਾ
ਇਸ ਮਾਮਲੇ ਵਿੱਚ ਗੁਰਪ੍ਰੀਤ ਸਿੰਘ ਪੁੱਤਰ ਅਵਤਾਰ ਸਿੰਘ ਦੇ ਬਿਆਨਾਂ ‘ਤੇ ਮਾਮਲਾ ਦਰਜ ਕੀਤਾ ਗਿਆ। ਗੁਪਤ ਜਾਣਕਾਰੀ ਦਿੰਦੇ ਹੋਏ ਉਨ੍ਹਾਂ ਦੱਸਿਆ ਕਿ ਫਗਵਾੜਾ ਤੋਂ ਲੁਧਿਆਣਾ ਜਾਣ ਵਾਲੀ ਜੀਟੀ ਰੋਡ ‘ਤੇ ਜੋਤੀ ਢਾਬਾ ਫਗਵਾੜਾ ਦੇ ਪਿਛਲੇ ਪਾਸੇ ਬਣੇ ਗੋਦਾਮ ਵਿੱਚ ਵੱਡੀ ਮਾਤਰਾ ਵਿੱਚ ਗਊ ਮਾਸ ਕੱਟ ਕੇ ਪੈਕ ਕੀਤਾ ਜਾਂਦਾ ਹੈ। ਕਈ ਲੋਕ ਮਾਸ ਕੱਟਣ ਅਤੇ ਪੈਕ ਕਰਨ ਦਾ ਕੰਮ ਕਰਦੇ ਹਨ। ਇਹ ਗਊ ਮਾਸ ਹੱਡਾ ਰੋਡ ਹੁਸ਼ਿਆਰਪੁਰ ਰੋਡ ਫਗਵਾੜਾ ‘ਤੇ ਕੱਟਿਆ ਜਾਂਦਾ ਹੈ ਅਤੇ ਜੋਤੀ ਢਾਬਾ ਫਗਵਾੜਾ ਦੇ ਪਿਛਲੇ ਪਾਸੇ ਪੈਕਿੰਗ ਪਲਾਂਟ ਵਿੱਚ ਪੈਕ ਕੀਤਾ ਜਾਂਦਾ ਹੈ, ਜੋ ਕਿ ਦਿੱਲੀ ਅਤੇ ਸ੍ਰੀਨਗਰ ਨੂੰ ਸਪਲਾਈ ਕੀਤਾ ਜਾਂਦਾ ਹੈ।
ਉਨ੍ਹਾਂ ਨੇ ਜਾਣਕਾਰੀ ਦਿੱਤੀ ਸੀ ਕਿ ਜੇਕਰ ਮੌਕੇ ‘ਤੇ ਛਾਪਾ ਮਾਰਿਆ ਜਾਵੇ ਤਾਂ ਜੋਤੀ ਢਾਬਾ ਫਗਵਾੜਾ ਦੇ ਪਿਛਲੇ ਪਾਸੇ ਪੈਕਿੰਗ ਪਲਾਂਟ ਤੋਂ ਵੱਡੀ ਮਾਤਰਾ ਵਿੱਚ ਪੈਕ ਕੀਤਾ ਗਊ ਮਾਸ ਬਰਾਮਦ ਕੀਤਾ ਜਾ ਸਕਦਾ ਹੈ ਅਤੇ ਇਹ ਕਾਰੋਬਾਰ ਕਰਨ ਵਾਲਿਆਂ ਨੂੰ ਵੀ ਫੜਿਆ ਜਾ ਸਕਦਾ ਹੈ। ਇਸ ਆਧਾਰ ‘ਤੇ ਮਾਮਲਾ ਦਰਜ ਕਰਕੇ 8 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਅੱਜ ਉਨ੍ਹਾਂ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਲ ਕੀਤਾ ਗਿਆ। ਮੁਲਜ਼ਮਾਂ ਤੋਂ ਇਲਾਵਾ, ਗਊ ਮਾਸ ਦੀ ਤਸਕਰੀ ਕਰਨ ਵਾਲੇ ਹੋਰ ਲੋਕਾਂ ਦੀ ਸ਼ਮੂਲੀਅਤ ਦਾ ਵੀ ਖੁਲਾਸਾ ਹੋਣ ਦੀ ਸੰਭਾਵਨਾ ਹੈ।
