ISI ਦਾ ‘ਭਰਤੀ ਬੋਰਡ’ ਬਣਿਆ ਸ਼ਹਿਜ਼ਾਦ ਭੱਟੀ, 7 ਰਾਜਾਂ ‘ਚੋਂ 500 ਨੌਜਵਾਨ ਰਾਊਂਡਅਪ, 624 ਮੋਬਾਈਲ ਜ਼ਬਤ
ਭੱਟੀ ਸੋਸ਼ਲ ਮੀਡੀਆ ਰਾਹੀਂ ਡਰੋਨ ਦੁਆਰਾ ਪਹੁੰਚਾਏ ਗਏ ਹਥਿਆਰਾਂ ਦੀ ਲੋਕੇਸ਼ਨ ਸਾਂਝੀ ਕਰਦਾ ਹੈ। ਸਲੀਪਰ ਸੈੱਲ ਦੇ ਮੈਂਬਰ ਇੱਕ ਦੂਜੇ ਲਈ ਅਣਜਾਣ ਰਹਿੰਦੇ ਹਨ। ਜਾਂਚ ਏਜੰਸੀਆਂ ਨੇ ਖੁਲਾਸਾ ਕੀਤਾ ਹੈ ਕਿ ਭੱਟੀ ਪਹਿਲਾਂ ਆਪਣੇ ਟਾਰਗੇਟ ਨੌਜਵਾਨਾਂ ਦਾ ਬ੍ਰੇਨਵਾਸ਼ ਕਰਨ ਲਈ ਸੋਸ਼ਲ ਮੀਡੀਆ ਦੀ ਵਰਤੋਂ ਕਰਦਾ ਹੈ। ਬਾਅਦ 'ਚ ਉਨ੍ਹਾਂ ਨੂੰ ਅਮੀਰ ਬਣਨ ਦੇ ਸ਼ਾਰਟਕੱਟ ਦੱਸਦਾ ਹੈ ਤੇ ਕੈਨੇਡਾ, ਦੁਬਈ ਜਾਂ ਪੁਰਤਗਾਲ ਭੇਜਣ ਦੇ ਵਾਅਦਿਆਂ ਨਾਲ ਲੁਭਾਉਂਦਾ ਹੈ।
ਜਲੰਧਰ ‘ਚ ਬੀਐਸਐਫ ਹੈੱਡਕੁਆਰਟਰ ਦੇ ਸਾਹਮਣੇ 5 ਮਈ ਦੀ ਰਾਤ ਨੂੰ ਹੋਏ ਆਈਈਡੀ ਧਮਾਕੇ ਦਾ ਮਾਸਟਰਮਾਈਂਡ ਪਾਕਿਸਤਾਨੀ ਡੌਨ ਸ਼ਹਿਜ਼ਾਦ ਭੱਟੀ ਦੱਸਿਆ ਜਾ ਰਿਹਾ ਹੈ। ਉਹ ਹੁਣ ਸਿਰਫ਼ ਗੈਂਗਸਟਰ ਤੋਂ ਅੱਤਵਾਦੀ ਹੈਂਡਲਰ ਬਣ ਗਿਆ ਹੈ। ਭੱਟੀ ਆਈਐਸਆਈ ਵੱਲੋਂ ਭਾਰਤ ਦੇ ਅੰਦਰ ਸਲੀਪਰ ਸੈੱਲਾਂ ਦੀ ਨਾਲ ਭਰਤੀ ਕਰ ਰਿਹਾ ਹੈ। ਇਹ ਖੁਲਾਸਾ ਆਈਈਡੀ ਧਮਾਕੇ ਦੀ ਜਾਂਚ ਦੌਰਾਨ ਸਾਹਮਣੇ ਆਇਆ। ਸੱਤ ਰਾਜਾਂ- ਪੰਜਾਬ, ਹਰਿਆਣਾ, ਦਿੱਲੀ, ਉੱਤਰ ਪ੍ਰਦੇਸ਼, ਬਿਹਾਰ, ਮਹਾਰਾਸ਼ਟਰ ਤੇ ਰਾਜਸਥਾਨ – ‘ਚ ਇੰਸਟਾਗ੍ਰਾਮ ਅਤੇ ਟੈਲੀਗ੍ਰਾਮ ਰਾਹੀਂ ਭੱਟੀ ਨਾਲ ਜੁੜੇ 500 ਨੌਜਵਾਨਾਂ ਨੂੰ ਰਾਊਂਡਅਪ ਕਰਕੇ ਪੁੱਛਗਿੱਛ ਕੀਤੀ ਗਈ ਹੈ।
ਹਾਲਾਂਕਿ, ਇਹ ਜਾਂਚ ਦਾ ਵਿਸ਼ਾ ਹੈ ਕਿ ਕੀ ਇਹ ਨੌਜਵਾਨ ਪਹਿਲਾਂ ਹੀ ਭੱਟੀ ਦੁਆਰਾ ਕਿਸੇ ਅੱਤਵਾਦੀ ਸਾਜ਼ਿਸ਼ ਦੇ ਬਣ ਚੁੱਕੇ ਸਨ, ਪਰ ਇਹ ਜ਼ਰੂਰ ਹੈ ਕਿ ਇਹ ਭੱਟੀ ਨਾਲ ਸੰਪਰਕ ‘ਚ ਸਨ। ਭਾਵੇਂ ਖੁਫੀਆ ਏਜੰਸੀਆਂ ਵਾਰ-ਵਾਰ ਭਾਰਤ ‘ਚ ਭੱਟੀ ਨਾਲ ਜੁੜੇ ਸੋਸ਼ਲ ਮੀਡੀਆ ਅਕਾਊਂਟਸ ਨੂੰ ਬੰਦ ਕਰਵਾ ਦਿੰਦੀ ਹੈ, ਪਰ ਉਹ ਹਮੇਸ਼ਾ ਨਵੇਂ ਅਕਾਊਂਟਸ ਦੀ ਵਰਤੋਂ ਕਰਕੇ ਆਪਣੀਆਂ ਗਤੀਵਿਧੀਆਂ ਨੂੰ ਮੁੜ ਸ਼ੁਰੂ ਕਰਦਾ ਹੈ। ਜਾਂਚ ਤੋਂ ਪਤਾ ਲੱਗਾ ਕਿ ਭੱਟੀ ਨੇ ਉੱਤਰ ਪ੍ਰਦੇਸ਼ ਤੇ ਬਿਹਾਰ ‘ਚ ਇੱਕ ਵਿਸ਼ਾਲ ਨੈੱਟਵਰਕ ਸਥਾਪਤ ਕਰਨ ਦੇ ਉਦੇਸ਼ ਨਾਲ ਭਰਤੀ ਮੁਹਿੰਮ ਚਲਾਉਣ ਲਈ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੀ ਵਰਤੋਂ ਕੀਤੀ।
ਇਨ੍ਹਾਂ ਰਾਜਾਂ ‘ਚ ਪਛਾਣੇ ਗਏ ਲਗਭਗ 500 ਨੌਜਵਾਨਾਂ ‘ਚੋਂ, 23 ਵਿਅਕਤੀਆਂ ਨੂੰ ਸ਼ੱਕੀ ਵਜੋਂ ਨਿਸ਼ਾਨਬੱਧ ਕੀਤਾ ਗਿਆ ਹੈ। ਭੱਟੀ ਨਾਲ ਕੀਤੇ ਗਏ ਮੈਸੇਜ ਉਨ੍ਹਾਂ ਦੇ ਮੋਬਾਈਲ ਫੋਨਾਂ ਤੋਂ ਡਿਲੀਟ ਪਾਏ ਗਏ। ਇਨ੍ਹਾਂ ਵਿਅਕਤੀਆਂ ਤੋਂ ਬਰਾਮਦ ਕੀਤੇ ਗਏ 624 ਮੋਬਾਈਲ ਫੋਨ ਜ਼ਬਤ ਕੀਤੇ ਗਏ ਹਨ ਤੇ ਇਸ ਸਮੇਂ ਫੋਰੈਂਸਿਕ ਜਾਂਚ ਅਧੀਨ ਹਨ। ਉੱਤਰ ਪ੍ਰਦੇਸ਼ ‘ਚ, ਅੱਤਵਾਦ ਵਿਰੋਧੀ ਦਸਤਾ (ਏਟੀਐਸ) ਵੱਡੇ ਪੱਧਰ ‘ਤੇ ਕਾਰਵਾਈਆਂ ਕਰ ਰਿਹਾ ਹੈ।
ਪੰਜਾਬ ‘ਚ ਇੱਕ ਖਾਸ ਤੌਰ ‘ਤੇ ਹੈਰਾਨ ਕਰਨ ਵਾਲੀ ਗੱਲ ਇਹ ਸੀ ਕਿ ਭੱਟੀ ਨਾਲ ਜੁੜੇ ਜ਼ਿਆਦਾਤਰ ਵਿਅਕਤੀ ਪੇਸ਼ੇ ਤੋਂ ਬਾਊਂਸਰ ਸਨ। ਉਨ੍ਹਾਂ ਸਾਰਿਆਂ ਤੋਂ ਪੁੱਛਗਿੱਛ ਕੀਤੀ ਗਈ ਹੈ। ਪਿਛਲੇ ਸਵਾ ਸਾਲ ‘ਚ ਜਲੰਧਰ ‘ਚ ਤਿੰਨ ਬੰਬ ਧਮਾਕਿਾਂ ਦੇ ਮਾਸਟਰਮਾਈਂਡ ਵਜੋਂ ਪਾਕਿਸਤਾਨੀ ਅੱਤਵਾਦੀ ਭੱਟੀ ਦੀ ਪਛਾਣ ਹੋਈ ਹੈ।
16 ਮਾਰਚ, 2025: ਰਾਏਪੁਰ ਰਸੂਲਪੁਰ ਪਿੰਡ, ਜਲੰਧਰ
16 ਮਾਰਚ, 2025 ਨੂੰ, ਯੂਟਿਊਬਰ ਰੋਜਰ ਸੰਧੂ ਦੇ ਘਰ ‘ਤੇ ਇੱਕ ਗ੍ਰਨੇਡ ਸੁੱਟਿਆ ਗਿਆ ਸੀ। ਹਾਲਾਂਕਿ, ਧਮਾਕਾ ਨਹੀਂ ਹੋਇਆ। ਪੁਲਿਸ ਨੇ ਬਾਅਦ ‘ਚ ਇਸ ਘਟਨਾ ਦੇ ਸਬੰਧ ‘ਚ ਹਰਿਆਣਾ ਦੇ ਯਮੁਨਾਨਗਰ ਦੇ ਰਹਿਣ ਵਾਲੇ ਹਾਰਦਿਕ ਕੰਬੋਜ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਭੱਟੀ ਨੇ ਆਪਣੇ ਨਜ਼ਦੀਕੀ ਸਾਥੀ, ਜ਼ੀਸ਼ਾਨ ਅਖਤਰ ਨਾਲ ਮਿਲ ਕੇ ਇਹ ਸਾਜ਼ਿਸ਼ ਰਚੀ ਸੀ।
ਇਹ ਵੀ ਪੜ੍ਹੋ
7 ਅਤੇ 8 ਅਪ੍ਰੈਲ, 2025 ਦੀ ਵਿਚਕਾਰਲੀ ਰਾਤ ਨੂੰ, ਜਲੰਧਰ ਦੇ ਸ਼ਾਸਤਰੀ ਮਾਰਕੀਟ ਨੇੜੇ ਸਥਿਤ ਸੀਨੀਅਰ ਭਾਜਪਾ ਨੇਤਾ ਤੇ ਸਾਬਕਾ ਕੈਬਨਿਟ ਮੰਤਰੀ ਮਨੋਰੰਜਨ ਕਾਲੀਆ ਦੇ ਘਰ ‘ਤੇ ਇੱਕ ਹੈਂਡ ਗ੍ਰਨੇਡ ਸੁੱਟਿਆ ਗਿਆ ਸੀ। ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਭੱਟੀ ਦਾ ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਦੇ ਰਹਿਣ ਵਾਲੇ ਅੱਤਵਾਦੀ ਸੈਦੁਲ ਅਮੀਨ ਨਾਲ ਸਿੱਧਾ ਸਬੰਧ ਸੀ।
5 ਮਈ, 2026 ਨੂੰ ਬੀਐਸਐਫ ਹੈੱਡਕੁਆਰਟਰ ਦੇ ਬਾਹਰ ਹੋਏ ਆਈਈਡੀ ਧਮਾਕੇ ‘ਚ ਵੀ ਭੱਟੀ ਦੀ ਸ਼ਮੂਲੀਅਤ ਸਾਹਮਣੇ ਆਈ ਹੈ। ਮੁਲਜ਼ਮ ਉਮਰਦੀਨ (ਉਰਫ਼ ਮੁਨੀਰ ਖਾਨ, ਉਰਫ਼ ਮਿੱਟੂ) ਤੇ ਵੀਡੀਓ ਰਿਕਾਰਡ ਕਰਨ ਵਾਲਾ, ਅਨਿਲ ਸ਼ਰਮਾ (ਉਰਫ਼ ਮੋਟਾ), ਭੱਟੀ ਦੇ ਸਿੱਧੇ ਸੰਪਰਕ ‘ਚ ਸਨ।
ਪਹਿਲਾਂ ਬ੍ਰੇਨਵਾਸ਼… ਫਿਰ ਦੁਬਈ ਜਾਂ ਕੈਨੇਡਾ ਦੇ ਵਾਅਦੇ ਨਾਲ ਲੁਭਾਉਣਾ
ਭੱਟੀ ਸੋਸ਼ਲ ਮੀਡੀਆ ਰਾਹੀਂ ਡਰੋਨ ਦੁਆਰਾ ਪਹੁੰਚਾਏ ਗਏ ਹਥਿਆਰਾਂ ਦੀ ਲੋਕੇਸ਼ਨ ਸਾਂਝੀ ਕਰਦਾ ਹੈ। ਸਲੀਪਰ ਸੈੱਲ ਦੇ ਮੈਂਬਰ ਇੱਕ ਦੂਜੇ ਲਈ ਅਣਜਾਣ ਰਹਿੰਦੇ ਹਨ। ਜਾਂਚ ਏਜੰਸੀਆਂ ਨੇ ਖੁਲਾਸਾ ਕੀਤਾ ਹੈ ਕਿ ਭੱਟੀ ਪਹਿਲਾਂ ਆਪਣੇ ਟਾਰਗੇਟ ਨੌਜਵਾਨਾਂ ਦਾ ਬ੍ਰੇਨਵਾਸ਼ ਕਰਨ ਲਈ ਸੋਸ਼ਲ ਮੀਡੀਆ ਦੀ ਵਰਤੋਂ ਕਰਦਾ ਹੈ। ਬਾਅਦ ‘ਚ ਉਨ੍ਹਾਂ ਨੂੰ ਅਮੀਰ ਬਣਨ ਦੇ ਸ਼ਾਰਟਕੱਟ ਦੱਸਦਾ ਹੈ ਤੇ ਕੈਨੇਡਾ, ਦੁਬਈ ਜਾਂ ਪੁਰਤਗਾਲ ਭੇਜਣ ਦੇ ਵਾਅਦਿਆਂ ਨਾਲ ਲੁਭਾਉਂਦਾ ਹੈ। ਭੱਟੀ ਆਪਣੀ ਹਰੇਕ ਸਾਜ਼ਿਸ਼ ਨੂੰ ਅੰਜਾਮ ਦੇਣ ਲਈ ਸਲੀਪਰ ਸੈੱਲਾਂ ਦੀ ਵਰਤੋਂ ਕਰਦਾ ਹੈ।
ਡਰੋਨ ਰਾਹੀਂ ਪਹੁੰਚਾਏ ਗਏ ਹਥਿਆਰਾਂ ਨੂੰ ਪ੍ਰਾਪਤ ਕਰਨ ਵਾਲੇ ਵਿਅਕਤੀ ਤੋਂ ਲੈ ਕੇ ਅਸਲ ਧਮਾਕੇ ਨੂੰ ਅੰਜਾਮ ਦੇਣ ਵਾਲੇ ਅੱਤਵਾਦੀ ਤੱਕ, ਸੈੱਲ ਦੇ ਮੈਂਬਰ ਇੱਕ ਦੂਜੇ ਲਈ ਪੂਰੀ ਤਰ੍ਹਾਂ ਅਣਜਾਣ ਰਹਿੰਦੇ ਹਨ। ਭੱਟੀ ਹਮਲੇ ਨੂੰ ਅੰਜਾਮ ਦੇਣ ਲਈ ਸੋਸ਼ਲ ਮੀਡੀਆ ਰਾਹੀਂ ਲੋਕੇਸ਼ਨ ਦੱਸਦਾ ਹੈ। ਭੱਟੀ ਹਰੇਕ ਕੰਮ ਲਈ ਕੀਮਤ ਦੱਸਦਾ ਹੈ ਤੇ ਪਹਿਲਾਂ ਹੀ ਪੈਸੇ ਟ੍ਰਾਂਸਫਰ ਕਰ ਦਿੰਦਾ ਹੈ। ਭੱਟੀ ਆਪਣੇ ਸਲੀਪਰ ਸੈੱਲਾਂ ਦੇ ਖਾਸ ਮੈਂਬਰਾਂ ਨਾਲ ਸੋਸ਼ਲ ਮੀਡੀਆ ਰਾਹੀਂ, ਏਨਕ੍ਰਿਪਟਡ ਮੈਸੇਜਿੰਗ ਐਪਲੀਕੇਸ਼ਨਾਂ ‘ਤੇ ਕੋਡਵਰਡ ਦੀ ਵਰਤੋਂ ਕਰਕੇ ਸੰਪਰਕ ਕਰਦਾ ਹੈ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਇਹ ਤਕਨਾਲੋਜੀ ਮੈਸੇਜ, ਕਾਲਾਂ ਤੇ ਡੇਟਾ ਨੂੰ ਇੱਕ ਖਾਸ ਕੋਡ ‘ਚ ਬਦਲਦੀ ਹੈ, ਜਿਸ ਨੂੰ ਸਿਰਫ਼ ਭੇਜਣ ਵਾਲੇ ਤੇ ਪ੍ਰਾਪਤਕਰਤਾ ਦੁਆਰਾ ਹੀ ਪੜ੍ਹਿਆ ਜਾ ਸਕਦਾ ਹੈ।
