ਮੁਲਾਜ਼ਮਾਂ ਤੋਂ ਬੀਐਸਐਫ ਨੇ ਫੜੀ ਨਸ਼ੇ ਦੀ ਖੇਪ, ਪੰਜਾਬ ਪੁਲਿਸ ਦਾ ਜਵਾਬ – ਬਰਾਮਦਗੀ ਲਈ ਗਏ ਸਨ ਅਫ਼ਸਰ

ਪੰਜਾਬ ਵਿੱਚ ਅਕਸਰ ਦੀ ਨਸ਼ੇ ਦੀ ਖੇਪ ਫੜੇ ਜਾਣ ਦੇ ਮਾਮਲੇ ਸਾਹਮਣੇ ਆਉਂਦੇ ਹਨ ਪਰ ਇਸ ਵਾਰ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਨੂੰ ਜਾਣ ਕੇ ਤੁਸੀਂ ਹੈਰਾਨ ਹੋ ਜਾਓਗੇ। ਫ਼ਿਰੋਜ਼ਪੁਰ ਦੇ ਸਰਹੱਦੀ ਪਿੰਡ ਟੇਂਡੀ ਵਾਲਾ ਕੋਲ ਬੀ.ਐਸ.ਐਫ ਨੇ ਨਾਕਾ ਲਗਾਇਆ ਹੋਇਆ ਸੀ। ਜਿਥੇ ਬੀਐਸਐਫ ਨੇ ਪੁਲਿਸ ਮੁਲਾਜ਼ਮਾਂ ਦੀ ਕਾਰ ਵਿੱਚ ਛੁਪਾ ਕੇ ਰੱਖੀ ਦੋ ਕਿਲੋਗ੍ਰਾਮ ਹੈਰੋਇਨ ਬਰਾਮਦ ਕੀਤੀ ਹੈ। ਸਥਾਨਕ ਲੋਕਾਂ ਨੇ ਬੀਐਸਐਫ ਨੂੰ ਸੂਚਨਾ ਦਿੱਤੀ ਕਿ ਦੋ ਵਿਅਕਤੀਆਂ ਨੇ ਪੁਲਿਸ ਦੀ ਵਰਦੀ ਪਾਈ ਹੋਈ ਹੈ। ਉਹ ਆਪਣੀ ਕਾਰ ਦੇ ਬੋਨਟ ਕੋਲ ਹੈਰੋਇਨ ਦੀ ਖੇਪ ਲੁਕਾ ਕੇ ਫਰਾਰ ਹੋਣ ਦੀ ਫਿਰਾਕ ਵਿੱਚ ਹਨ। ਜਿਸ ਤੋਂ ਬਾਅਦ ਬੀ.ਐੱਸ.ਐੱਫ ਦੇ ਜਵਾਨ ਹਰਕਤ ‘ਚ ਆਏ ਅਤੇ ਜੱਲੋ ਨੇੜੇ ਨਾਕਾ ਲਗਾ ਕੇ ਉਨ੍ਹਾਂ ਕੋਲੋਂ 2 ਕਿਲੋ ਹੈਰੋਇਨ ਬਰਾਮਦ ਕਰਨ ‘ਚ ਸਫਲਤਾ ਹਾਸਲ ਕੀਤੀ।

ਕਾਰ ‘ਚ ਲੁੱਕਾ ਕੇ ਲੈ ਜਾ ਰਹੇ ਸੀ ਹੈਰੋਇਨ

ਮਿਲੀ ਜਾਣਕਾਰੀ ਮੁਤਾਬਕ ਪੁਲਿਸ ਦਾ ਏਐਸਆਈ ਅਤੇ ਇੱਕ ਹੌਲਦਾਰ ਇੱਕ ਨਿੱਜੀ ਮਾਰੂਤੀ ਡਿਜ਼ਾਇਰ ਕਾਰ ਵਿੱਚ ਜਲੰਧਰ ਤੋਂ ਆਏ ਸਨ ਅਤੇ ਕਾਰ ਦੇ ਬੋਨਟ ਵਿੱਚ ਛੁਪਾ ਕੇ ਹੈਰੋਇਨ ਦੀ ਇਸ ਖੇਪ ਨੂੰ ਲੈ ਕੇ ਜਾ ਰਹੇ ਸਨ। BSF ਵੱਲੋਂ ਕਾਬੂ ਕੀਤੇ ਗਏ ਵਾਹਨ ਦਾ ਨਬੰਰ (ਪੀ.ਬੀ. 08 ਪੀ.ਬੀ. 0234) ਜਲੰਧਰ ਦਾ ਹੈ। ਦੱਸ ਦਈਏ ਕਿ ਦੋਵੇਂ ਪੁਲਿਸ ਮੁਲਾਜ਼ਮ ਜਲੰਧਰ ਦੇ ਗੁਰਾਇਆ ਥਾਣੇ ਨਾਲ ਸਬੰਧਤ ਹਨ। ਇਸ ਤੋਂ ਪਹਿਲਾਂ ਵੀ ਇਸ ਇਲਾਕੇ ਦੇ ਮਲਕੀਤ ਸਿੰਘ ਕਾਲੀ ਨੂੰ ਪਾਕਿਸਤਾਨ ਤੋਂ ਆਈ ਵੱਡੀ ਖੇਪ ਨਾਲ ਫੜਿਆ ਸੀ। ਪਰ ਇਸ ਵਾਰ ਲੋਕਾਂ ਨੂੰ ਦੋ ਪੁਲਿਸ ਮੁਲਾਜ਼ਮ ਮਿਲੇ ਜੋ ਆਪਣੀ ਕਾਰ ਵਿੱਚ ਹੈਰੋਇਨ ਦੀ ਖੇਪ ਲੁਕ-ਛਿਪ ਕੇ ਲੈ ਜਾ ਰਹੇ ਸਨ। ਬੀਐਸਐਫ ਦੇ ਫੌਜੀਆਂ ਨੇ ਉਨ੍ਹਾਂ ਨੂੰ ਫੜ ਕੇ ਉੱਚ ਅਧਿਕਾਰੀਆਂ ਦੇ ਹਵਾਲੇ ਕਰ ਦਿੱਤਾ। ਬੀਐਸਐਫ ਅਧਿਕਾਰੀ ਦੋਵਾਂ ਨੂੰ ਫੜ ਕੇ ਆਪਣੀ ਚੌਕੀ ‘ਤੇ ਲੈ ਗਏ।

ਪੰਜਾਬ ਪੁਲਿਸ ਵਿਭਾਗ ਵੱਲੋਂ ਵੱਡਾ ਖੁਲਾਸਾ

ਪੰਜਾਬ ਪੁਲਿਸ ਵਿਭਾਗ ਨੇ ਟਵੀਟ ਕਰ ਇਸ ਮਾਮਲੇ ਬਾਰੇ ਵੱਡਾ ਖੁਲਾਸਾ ਕੀਤਾ ਹੈ ਕ ਦੋਵੇਂ ਮੁਲਾਜ਼ਮ ਹੈਰੋਇਨ ਨੂੰ ਬਰਾਮਦ ਕਰਨ ਗਏ ਸਨ।

In an intelligence-led operation, #BSF along with #SSOC, Fazilka recovered 1.710 Kg Heroin on input shared by Jalandhar Rural Police.

ਇਹ ਵੀ ਪੜ੍ਹੋ

ਕੇਰਲਮ ਤੋਂ ਬਾਅਦ ਪੰਜਾਬ 'ਤੇ ਕਾਂਗਰਸ ਦੀ ਨਜ਼ਰ, MP ਨੂੰ ਟਿਕਟ ਨਹੀਂ ਦੇਵੇਗੀ ਪਾਰਟੀ

ਜਲੰਧਰ 'ਚ ਸ਼ੋਅਰੂਮ 'ਤੇ ਗੋਲੀਬਾਰੀ ਕਰਨ ਵਾਲੇ ਮੁਲਜ਼ਮ ਦਾ ਐਨਕਾਉਂਟਰ, ਜਾਣੋ ਮਾਮਲਾ

ਲੁਧਿਆਣਾ 'ਚ ਅੱਗ ਦਾ ਕਹਿਰ, 2 ਚੱਲਦੀਆਂ ਕਾਰਾਂ ਤੇ ਘਰ ਸੜ ਕੇ ਹੋਇਆ ਸੁਆਹ

Till now 24.710 Kg Heroin has been recovered from the possession of Malkeet Kali and his associates. FIRs registered at #SSOC Fazilka. pic.twitter.com/Dqsr5SGpGT — Punjab Police India (@PunjabPoliceInd) September 15, 2023