Punjabi News Photo Gallery Knowledge Photo why are liquor bottles only green brown or black learn about the science of alcohol and colors know in punjabi

ਸ਼ਰਾਬ ਦੀਆਂ ਬੋਤਲਾਂ ਹਰੀਆਂ, ਭੂਰੀਆਂ ਜਾਂ ਕਾਲੀਆਂ ਹੀ ਕਿਉਂ ਹੁੰਦੀਆਂ ਹਨ? ਜਾਣੋ ਅਲਕੋਹਲ ਅਤੇ ਰੰਗਾਂ ਦਾ ਵਿਗਿਆਨ

Pritpal Singh

Updated On:

17 Oct 2026 18:05 PM IST

Alcohol Bottle: ਸ਼ਰਾਬ ਹੋਵੇ ਜਾਂ ਬੀਅਰ, ਇਨ੍ਹਾਂ ਲਈ ਗੂੜ੍ਹੇ ਰੰਗ ਦੀਆਂ ਬੋਤਲਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜਿਵੇਂ ਕਿ ਹਰੇ, ਕਾਲੇ ਅਤੇ ਭੂਰੇ ਰੰਗ ਦੀਆਂ ਬੋਤਲਾਂ। ਹੁਣ ਸਵਾਲ ਇਹ ਹੈ ਕਿ ਇਸ ਦੇ ਪਿੱਛੇ ਦਾ ਵਿਗਿਆਨ ਕੀ ਹੈ?

ਕਿਸੇ ਵੀ ਦੁਕਾਨ 'ਤੇ ਬੀਅਰ ਜਾਂ ਸ਼ਰਾਬ ਦੀਆਂ ਬੋਤਲਾਂ 'ਤੇ ਨਜ਼ਰ ਮਾਰੋ ਤਾਂ ਤੁਹਾਨੂੰ ਜ਼ਿਆਦਾਤਰ ਭੂਰੇ ਜਾਂ ਹਰੇ ਰੰਗ ਦੀਆਂ ਬੋਤਲਾਂ ਦਿਖਾਈ ਦੇਣਗੀਆਂ। ਵਾਈਨ ਦੀਆਂ ਬੋਤਲਾਂ ਅਕਸਰ ਗੂੜ੍ਹੇ ਹਰੇ ਰੰਗ ਦੀਆਂ ਹੁੰਦੀਆਂ ਹਨ, ਜਦਕਿ ਵੋਡਕਾ ਅਤੇ ਜਿਨ ਪਾਰਦਰਸ਼ੀ ਬੋਤਲਾਂ ਵਿੱਚ ਵੇਚੀਆਂ ਜਾਂਦੀਆਂ ਹਨ। ਇਹ ਸਿਰਫ਼ ਡਿਜ਼ਾਈਨ ਅਤੇ ਪੈਕਿੰਗ ਦਾ ਮਾਮਲਾ ਨਹੀਂ ਹੈ। ਇਸ ਪਿੱਛੇ ਵਿਗਿਆਨ, ਇਤਿਹਾਸ ਅਤੇ ਕਾਰੋਬਾਰ, ਤਿੰਨਾਂ ਦੀ ਭੂਮਿਕਾ ਹੈ। ਆਓ ਜਾਣਦੇ ਹਾਂ ਇਸ ਦਾ ਅਸਲ ਕਾਰਨ। (ਫੋਟੋ: Pexels)

2 / 5

ਰੌਸ਼ਨੀ ਬੀਅਰ ਦੀ ਦੁਸ਼ਮਣ: ਬੀਅਰ ਦੀ ਸਭ ਤੋਂ ਵੱਡੀ ਦੁਸ਼ਮਣ ਸੂਰਜ ਦੀ ਰੌਸ਼ਨੀ ਜਾਂ ਤੇਜ਼ ਨਕਲੀ ਰੌਸ਼ਨੀ ਹੈ। ਬੀਅਰ ਵਿੱਚ ਹੌਪਸ ਤੋਂ ਮਿਲਣ ਵਾਲੇ ਕੁਝ ਰਸਾਇਣਕ ਯੋਗਿਕ ਅਤੇ ਵਿਟਾਮਿਨ B2 (ਰਾਈਬੋਫਲੇਵਿਨ) ਹੁੰਦੇ ਹਨ। ਜਦੋਂ ਇਹ ਰੌਸ਼ਨੀ, ਖ਼ਾਸ ਕਰਕੇ ਅਲਟਰਾਵਾਇਲਟ ਅਤੇ ਨੀਲੀਆਂ-ਜਾਮਣੀ ਕਿਰਨਾਂ ਦੇ ਸੰਪਰਕ ਵਿੱਚ ਆਉਂਦੇ ਹਨ, ਤਾਂ ਇਨ੍ਹਾਂ ਵਿਚਕਾਰ ਰਸਾਇਣਕ ਪ੍ਰਤੀਕਿਰਿਆ ਹੁੰਦੀ ਹੈ। ਇਸ ਨਾਲ ਇੱਕ ਸਲਫਰ ਯੋਗਿਕ ਬਣਦਾ ਹੈ, ਜਿਸ ਦੀ ਗੰਧ ਕਾਫ਼ੀ ਤੇਜ਼ ਹੁੰਦੀ ਹੈ। ਇਸ ਸਥਿਤੀ ਨੂੰ ਲਾਈਟ-ਸਟ੍ਰੱਕ ਜਾਂ ਸਕੰਕਡ ਬੀਅਰ ਕਿਹਾ ਜਾਂਦਾ ਹੈ। ਤੇਜ਼ ਧੁੱਪ ਵਿੱਚ ਇਹ ਤਬਦੀਲੀ ਬਹੁਤ ਘੱਟ ਸਮੇਂ ਵਿੱਚ ਸ਼ੁਰੂ ਹੋ ਸਕਦੀ ਹੈ। (ਫੋਟੋ: Pexels)

3 / 5

ਭੂਰੇ ਰੰਗ ਦੀ ਬੋਤਲ ਕਿਉਂ ਵਰਤੀ ਜਾਂਦੀ ਹੈ?: ਵਾਈਨ ਦਾ ਸਵਾਦ ਵੀ ਰੌਸ਼ਨੀ ਕਾਰਨ ਵਿਗੜ ਸਕਦਾ ਹੈ। ਖ਼ਾਸ ਕਰਕੇ ਹਲਕੇ ਰੰਗ ਦੀ ਵਾਈਨ ਅਤੇ ਸਪਾਰਕਲਿੰਗ ਵਾਈਨ 'ਤੇ ਇਸ ਦਾ ਵਧੇਰੇ ਅਸਰ ਦੇਖਿਆ ਜਾਂਦਾ ਹੈ। ਕੱਚ ਦਾ ਰੰਗ ਇਸ ਵਿੱਚ ਮਿਲਾਏ ਜਾਣ ਵਾਲੇ ਖਣਿਜਾਂ 'ਤੇ ਨਿਰਭਰ ਕਰਦਾ ਹੈ। ਭੂਰੇ (ਅੰਬਰ) ਰੰਗ ਦੇ ਕੱਚ ਵਿੱਚ ਆਇਰਨ, ਸਲਫਰ ਅਤੇ ਕਾਰਬਨ ਵਰਗੇ ਤੱਤਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਕੱਚ ਨੁਕਸਾਨਦੇਹ ਯੂਵੀ ਕਿਰਨਾਂ ਅਤੇ ਨੀਲੀਆਂ-ਜਾਮਣੀ ਕਿਰਨਾਂ ਦੇ ਵੱਡੇ ਹਿੱਸੇ ਨੂੰ ਰੋਕ ਲੈਂਦਾ ਹੈ। ਇਸੇ ਕਰਕੇ ਬੀਅਰ ਲਈ ਭੂਰੇ ਰੰਗ ਦੀ ਬੋਤਲ ਨੂੰ ਸਭ ਤੋਂ ਭਰੋਸੇਮੰਦ ਵਿਕਲਪ ਮੰਨਿਆ ਜਾਂਦਾ ਹੈ। (ਫੋਟੋ: Pexels)

4 / 5

ਹਰੇ ਰੰਗ ਦੀ ਬੋਤਲ ਕਿਉਂ ਹੁੰਦੀ ਹੈ? ਇਸ ਦੀਆਂ ਜੜ੍ਹਾਂ ਇਤਿਹਾਸ ਵਿੱਚ ਹਨ। ਪੁਰਾਣੇ ਸਮੇਂ ਵਿੱਚ ਕੱਚ ਬਣਾਉਣ ਲਈ ਵਰਤੀ ਜਾਣ ਵਾਲੀ ਰੇਤ ਵਿੱਚ ਕੁਦਰਤੀ ਤੌਰ 'ਤੇ ਲੋਹੇ ਦੀਆਂ ਅਸ਼ੁੱਧੀਆਂ ਮੌਜੂਦ ਹੁੰਦੀਆਂ ਸਨ। ਇਸ ਕਾਰਨ ਕੱਚ ਦਾ ਰੰਗ ਅਕਸਰ ਹਲਕਾ ਹਰਾ ਹੁੰਦਾ ਸੀ। ਆਇਰਨ ਆਕਸਾਈਡ ਅਤੇ ਕ੍ਰੋਮੀਅਮ ਵਰਗੇ ਤੱਤਾਂ ਦੀ ਮਦਦ ਨਾਲ ਕੱਚ ਨੂੰ ਗੂੜ੍ਹਾ ਹਰਾ ਰੰਗ ਦਿੱਤਾ ਜਾ ਸਕਦਾ ਹੈ। ਹਰਾ ਕੱਚ ਕੁਝ ਹੱਦ ਤੱਕ ਯੂਵੀ ਕਿਰਨਾਂ ਨੂੰ ਰੋਕਦਾ ਹੈ, ਪਰ ਇਹ ਭੂਰੇ ਕੱਚ ਜਿੰਨਾ ਅਸਰਦਾਰ ਨਹੀਂ ਹੁੰਦਾ। ਇਸੇ ਲਈ ਹਰੀ ਬੋਤਲ ਵਿੱਚ ਰੱਖੀ ਬੀਅਰ ਵਿੱਚ ਸਕੰਕ ਵਰਗੀ ਗੰਧ ਪੈਦਾ ਹੋਣ ਦਾ ਖ਼ਤਰਾ ਵਧੇਰੇ ਹੁੰਦਾ ਹੈ। ਇਸ ਦੇ ਬਾਵਜੂਦ ਕਈ ਬ੍ਰਾਂਡਾਂ ਨੇ ਹਰੇ ਰੰਗ ਦੀ ਬੋਤਲ ਨੂੰ ਆਪਣੀ ਪਛਾਣ ਬਣਾ ਲਿਆ ਹੈ ਅਤੇ ਉਹ ਇਸ ਨੂੰ ਬਦਲਣਾ ਨਹੀਂ ਚਾਹੁੰਦੇ। (ਫੋਟੋ: Pexels)

5 / 5

ਵੋਡਕਾ ਪਾਰਦਰਸ਼ੀ ਬੋਤਲਾਂ ਵਿੱਚ ਕਿਉਂ ਵਿਕਦੀ ਹੈ? ਬੋਤਲਾਂ ਦੇ ਪਾਰਦਰਸ਼ੀ ਜਾਂ ਰੰਗਦਾਰ ਹੋਣ ਦਾ ਕਾਰਨ ਉਨ੍ਹਾਂ ਵਿੱਚ ਮੌਜੂਦ ਤਰਲ ਪਦਾਰਥ ਦੀ ਰੌਸ਼ਨੀ ਪ੍ਰਤੀ ਸੰਵੇਦਨਸ਼ੀਲਤਾ ਹੈ। ਵੋਡਕਾ ਇੱਕ ਰੰਗਹੀਣ ਪੇਅ ਹੈ ਅਤੇ ਆਮ ਤੌਰ 'ਤੇ ਰੌਸ਼ਨੀ ਕਾਰਨ ਇਸ ਦਾ ਸਵਾਦ ਬੀਅਰ ਵਾਂਗ ਜਲਦੀ ਖ਼ਰਾਬ ਨਹੀਂ ਹੁੰਦਾ। ਪਾਰਦਰਸ਼ੀ ਬੋਤਲ ਇਸ ਦੀ ਸ਼ੁੱਧਤਾ ਅਤੇ ਸਾਫ਼ ਦਿੱਖ ਨੂੰ ਦਰਸਾਉਂਦੀ ਹੈ। ਇਹੀ ਕਾਰਨ ਹੈ ਕਿ ਵੋਡਕਾ ਨੂੰ ਆਮ ਤੌਰ 'ਤੇ ਪਾਰਦਰਸ਼ੀ ਜਾਂ ਬਿਨਾਂ ਰੰਗ ਵਾਲੀਆਂ ਬੋਤਲਾਂ ਵਿੱਚ ਪੈਕ ਕੀਤਾ ਜਾਂਦਾ ਹੈ। (ਫੋਟੋ: Pexels)

Unable to load recommendations.

LIVETV

Tag :

PM ਨੂੰ ਸਿੱਧੀ ਸ਼ਿਕਾਇਤ ਕਿਵੇਂ ਭੇਜੀਏ? ਆਨਲਾਈਨ ਪੋਰਟਲ ਤੋਂ ਲੈ ਕੇ ਡਾਕ ਅਤੇ ਫੋਨ ਤੱਕ ਜਾਣੋ ਪੂਰੀ ਜਾਣਕਾਰੀ

ਚੀਨ ਜਾਂ ਜਾਪਾਨ, ਦੁਨੀਆ ਨੂੰ ਸਭ ਤੋਂ ਜ਼ਿਆਦਾ ਮਾਚਾ ਟੀ ਕੌਣ ਦਿੰਦਾ ਹੈ?

Gurugram Hit and Run: ਹਿੱਟ ਐਂਡ ਰਨ ਮਾਮਲੇ ‘ਚ ਕਿਹੜੀਆਂ ਧਾਰਾਵਾਂ ਲੱਗਦੀਆਂ ਹਨ? ਜਾਣੋ ਸਜ਼ਾ

ਵਜ਼ਨ 370 ਕਿਲੋ, 1975 ‘ਚ ਹੋਇਆ ਆਗਾਜ਼ ਇਸਰੋ ਦੇ ਪਹਿਲੇ ਸੈਟੇਲਾਈਟ ਦਾ ਨਾਮ ਕੀ ਸੀ?

ਟ੍ਰੇਨ ‘ਚ ਲੋਅਰ ਬਰਥ ਕਿਸ ਨੂੰ ਮਿਲਦੀ ਹੈ? ਜਾਣੋ ਰੇਲਵੇ ਦਾ ਪੂਰਾ ਨਿਯਮ ਅਤੇ ਕੋਟਾ