ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ 21 ਵਰ੍ਹਿਆਂ ਦੇ ਵਿਦਿਆਰਥੀ ਦੀ ਆਸਟ੍ਰੇਲੀਆ ਕਾਰ ਹਾਦਸੇ ਵਿੱਚ ਮੌਤ

ਮੈਲਬਰਨ: ਪੰਜਾਬ ਦੇ ਰਹਿਣ ਵਾਲੇ ਇਕ 21 ਵਰ੍ਹਿਆਂ ਦੇ ਇੱਕ ਨੌਜਵਾਨ ਦੀ ਆਸਟ੍ਰੇਲੀਆ ਦੇ ਕੈਨਬਰਾ ‘ਚ ਇੱਕ ਜਾਨਲੇਵਾ ਹਾਦਸੇ ਵਿੱਚ ਮੌਤ ਹੋ ਗਈ। ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ ਕੁਨਾਲ ਚੋਪੜਾ ਇੱਥੇ ਆਸਟ੍ਰੇਲੀਆ ਸਟੂਡੈਂਟ ਵੀਜ਼ਾ ਤੇ ਗਏ ਸਨ ਅਤੇ ਪਿਛਲੇ ਹਫਤੇ ਹਾਦਸੇ ਦੇ ਸਮੇਂ ਉਹ ਆਪਣੇ ਕੰਮਕਾਜ ਤੋਂ ਵਾਪਸ ਪਰਤ ਰਹੇ ਸਨ ਕਿ ਉਹਨਾਂ ਦੀ ਕਾਰ ਦੀ ਕੈਨਬਰਾ ਦੇ ‘ਵਿਲੀਅਮ ਹੋਵੈਲ ਡਰਾਇਵ’ ਉੱਤੇ ਇੱਕ ਟਰੱਕ ਨਾਲ ਟੱਕਰ ਹੋ ਗਈ ਸੀ। ਕੁਨਾਲ ਚੋਪੜਾ ਨਾਲ ਵਾਪਰਿਆ ਇਹ ਹਾਦਸਾ ਆਸਟ੍ਰੇਲੀਆ ਵਿੱਚ ਹੋਏ ਸ਼ੈਪਰਟਨ ਹਾਦਸੇ ਦੇ ਕੁਝ ਦਿਨਾਂ ਬਾਅਦ ਹੋਇਆ ਜਿਸ ਵਿੱਚ ਚਾਰ ਭਾਰਤੀ ਲੋਕਾਂ ਦੀ ਮੌਤ ਹੋ ਗਈ ਸੀ ਤੇ ਹੁਣ ਕੈਨਬਰਾ ਸੜਕ ਹਾਦਸਾ ਹੋ ਗਿਆ।ਸ਼ੁਰੂਆਤੀ ਜਾਂਚ ਪੜਤਾਲ ਤੋਂ ਪਤਾ ਚੱਲਿਆ ਕਿ ਕੁਨਾਲ ਚੋਪੜਾ ਦੀ ਕਾਰ ਸੜਕ ਦੇ ਪੁੱਠੇ ਪਾਸੇ ਜਾ ਕੇ ਇੱਕ ਟ੍ਰਕ ਨਾਲ ਜਾ ਟਕਰਾਈ ਸੀ। ਉਹਨਾਂ ਦੀ ਕਾਰ ਦੀ ਟ੍ਰਕ ਨਾਲ ਟੱਕਰ ਇੰਨੀ ਖ਼ੌਫ਼ਨਾਕ ਸੀ ਕਿ ਕੁਨਾਲ ਚੋਪੜਾ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਇਹ ਜਾਨਲੇਵਾ ਸੜਕ ਹਾਦਸਾ ਨਵੇਂ ਸਾਲ 2023 ਵਿੱਚ ਕੈਨਬਰਾ ਇਲਾਕੇ ਚ ਵਾਪਰਿਆ ਪਹਿਲਾ ਖ਼ੌਫਨਾਕ ਸੜਕ ਹਾਦਸਾ ਸੀ।

ਕੁਨਾਲ ਚੋਪੜਾ ਦੀ ਕਾਰ ਸੜਕ ਦੇ ਪੁੱਠੇ ਪਾਸੇ ਜਾ ਕੇ ਟ੍ਰਕ ਨਾਲ ਭਿੜੀ

ਆਸਟ੍ਰੇਲੀਆ ਦੀ ਰੋਡ ਪੋਲੀਸਿੰਗ ਦੇ ਐਕਟਿੰਗ ਇੰਸਪੈਕਟਰ ਟ੍ਰੇਵਿਸ ਮਿਲਸ ਨੇ ਦੱਸਿਆ ਕਿ ਹਾਦਸੇ ਦੀ ਜਾਂਚ ਪੜਤਾਲ ਕਰ ਰਹੀ ਟੀਮ ਲਗਾਤਾਰ ਕੁਨਾਲ ਚੋਪੜਾ ਨਾਲ ਵਾਪਰੇ ਜਾਨਲੇਵਾ ਕਾਰ ਹਾਦਸੇ ਦੀ ਪੜਤਾਲ ਵਿਚ ਲੱਗੇ ਹੋਏ ਹਨ ਜੋ ਪਿਛਲੇ ਸਾਲ ਫਰਵਰੀ ਵਿੱਚ ਆਸਟ੍ਰੇਲੀਆ ਆਏ ਸੀ। ਕੈਨਬਰਾ ਵਿੱਚ ਹੀ ਰਹਿੰਦੇ ਉਨ੍ਹਾਂ ਦੇ ਚਚੇਰੇ ਭਰਾ ਹਨੀ ਮਲਹੋਤਰਾ ਦਾ ਕਹਿਣਾ ਹੈ, ਇਸ ਹਾਦਸੇ ਤੋਂ ਬਾਅਦ ਅਸੀਂ ਟੁੱਟ ਗਏ ਹਾਂ, ਭਾਰਤ ਵਿੱਚ ਉਨ੍ਹਾਂ ਦੇ ਘਰ ਦਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਮਲਹੋਤਰਾ ਨੇ ਦੱਸਿਆ ਕਿ ਹੁਣ ਉਹ ਕੁਨਾਲ ਚੋਪੜਾ ਦੀ ਡੈਡ ਬਾਡੀ ਨੂੰ ਭਾਰਤ ਵਿੱਚ ਉਨ੍ਹਾਂ ਦੇ ਘਰ ਪਹੁੰਚਾਣ ਦਾ ਬੰਦੋਬਸਤ ਕਰ ਰਹੇ ਹਨ। ਕੁਨਾਲ ਚੋਪੜਾ ਦੇ ਮਿੱਤਰ ਅਤੇ ਕਮਿਊਨਿਟੀ ਰਿਪ੍ਰੇਜੇਂਟੇਟਿਵ ਗੁਰਪ੍ਰੀਤ ਸਿੰਘ ਗਿੱਲ ਨੇ ਦੱਸਿਆ ਕਿ ਕੈਨਬਰਾ ਵਿੱਚ ਰਹਿਣ ਵਾਲਾ ਭਾਰਤੀ ਤਬਕਾ ਇਸ ਜਾਨਲੇਵਾ ਹਾਦਸੇ ਤੋਂ ਬਾਅਦ ਬੜਾ ਗਮਗੀਨ ਹੈ।ਆਸਟ੍ਰੇਲੀਆ ਵਿੱਚ ਰਹਿਣ ਵਾਲੇ ਨੌਜਵਾਨ ਭਾਰਤੀ ਵਿਦਿਆਰਥੀਆਂ ਨੂੰ ਸਲਾਹ ਦਿੰਦਿਆ ਗਿੱਲ ਨੇ ਕਿਹਾ ਕਿ ਉਹ ਸੜਕਾਂ ਤੇ ਗੱਡੀਆਂ ਚਲਾਉਂਦੇ ਸਮੇਂ ਸੁਚੇਤ ਰਹਿਣ। ਉਨ੍ਹਾਂ ਦੱਸਿਆ ਅਸੀਂ ਸਾਰੇ ਅਤੇ ਉਹਨਾਂ ਦੀ ਫੈਮਲੀ ਹੁਣ ਇੰਡਿਯਨ ਅੰਬੈਸੀ ਦੇ ਸੰਪਰਕ ਵਿਚ ਹਾਂ ਜੋ ਕੁਨਾਲ ਦੀ ਡੈਡ ਬਾਡੀ ਨੂੰ ਭਾਰਤ ਭੇਜਣ ਵਿੱਚ ਮਦਦ ਕਰ ਰਿਹਾ ਹੈ।