ਦੇਵਪ੍ਰਯਾਗ ਨੇੜੇ ਇਨ੍ਹਾਂ ਖੂਬਸੂਰਤ ਥਾਵਾਂ ਨੂੰ ਕਰੋ Explore, ਯਾਤਰਾ ਰਹੇਗੀ ਯਾਦਗਾਰ

ਦੇਵਪ੍ਰਯਾਗ (Image Credit source: Aditya Dhyani/Moment/Getty Images)

Follow Us On

ਗਰਮੀਆਂ ਦੇ ਮੌਸਮ ਵਿੱਚ ਲੋਕ ਆਪਣੇ ਅਜ਼ੀਜ਼ਾਂ ਨਾਲ ਹਿਮਾਚਲ ਪ੍ਰਦੇਸ਼ ਜਾਂ ਉੱਤਰਾਖੰਡ ਦੇ ਪਹਾੜਾਂ ‘ਤੇ ਜਾਣ ਦੀ ਯੋਜਨਾ ਬਣਾਉਂਦੇ ਹਨ। ਉਤਰਾਖੰਡ ਨੂੰ ਦੇਵਭੂਮੀ ਵੀ ਕਿਹਾ ਜਾਂਦਾ ਹੈ। ਇੱਥੇ ਮੰਦਰ ਅਤੇ ਪਵਿੱਤਰ ਨਦੀਆਂ ਦਾ ਸੰਗਮ ਹੈ। ਦੇਵਪ੍ਰਯਾਗ ਵੀ ਸਭ ਤੋਂ ਮਸ਼ਹੂਰ ਸੰਗਮਾਂ ਵਿੱਚੋਂ ਇੱਕ ਹੈ। ਇੱਥੇ ਅਲਕਨੰਦਾ ਅਤੇ ਭਾਗੀਰਥੀ ਨਦੀਆਂ ਮਿਲ ਕੇ ਗੰਗਾ ਨਦੀ ਬਣਾਉਂਦੀਆਂ ਹਨ। ਇਸ ਨੂੰ “ਪੰਚ ਪ੍ਰਯਾਗ” ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।

ਜੇਕਰ ਤੁਸੀਂ ਉਤਰਾਖੰਡ ਜਾਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਸੀਂ ਇੱਥੇ ਵੀ ਜਾ ਸਕਦੇ ਹੋ। ਇੱਥੇ ਤੁਹਾਨੂੰ ਪਵਿੱਤਰ ਸੰਗਮ ਦੇ ਕੰਢੇ ਬੈਠ ਕੇ ਸ਼ਾਂਤੀ ਨਾਲ ਕੁਝ ਸਮਾਂ ਬਿਤਾਉਣ ਦਾ ਮੌਕਾ ਮਿਲੇਗਾ। ਇਸ ਦੇ ਨਾਲ, ਤੁਸੀਂ ਇੱਥੇ ਰਘੂਨਾਥ ਮੰਦਰ ਦੇ ਦਰਸ਼ਨ ਵੀ ਕਰ ਸਕਦੇ ਹੋ। ਇੱਥੋਂ ਦਾ ਸ਼ਾਂਤ ਵਾਤਾਵਰਣ ਅਤੇ ਸੁੰਦਰ ਕੁਦਰਤ ਮਨ ਨੂੰ ਮੋਹ ਲੈਂਦੀ ਹੈ। ਇਸ ਤੋਂ ਇਲਾਵਾ ਤੁਸੀਂ ਦੇਵਪ੍ਰਯਾਗ ਦੇ ਨੇੜੇ ਬਹੁਤ ਸੁੰਦਰ ਥਾਵਾਂ ਦੀ ਪੜਚੋਲ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਹਾਨੂੰ ਇੱਥੇ ਕਈ ਤਰ੍ਹਾਂ ਦੀਆਂ ਸਾਹਸੀ ਗਤੀਵਿਧੀਆਂ ਕਰਨ ਦਾ ਮੌਕਾ ਵੀ ਮਿਲ ਸਕਦਾ ਹੈ।

ਪੌੜੀ

ਪੌੜੀ ਦੇਵਪ੍ਰਯਾਗ ਤੋਂ ਲਗਭਗ 45 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਹੈ। ਤੁਸੀਂ ਇੱਥੇ ਬਹੁਤ ਸਾਰੀਆਂ ਥਾਵਾਂ ਦੀ ਪੜਚੋਲ ਕਰ ਸਕਦੇ ਹੋ। ਤੁਸੀਂ ਸੰਘਣੇ ਜੰਗਲ ਦੇ ਸ਼ਾਂਤ ਵਾਤਾਵਰਣ ਵਿੱਚ ਸਥਿਤ ਕੰਦੋਲੀਆ ਮੰਦਰ ਦੇ ਦਰਸ਼ਨ ਕਰਨ ਜਾ ਸਕਦੇ ਹੋ। ਇਹ ਪੌੜੀ ਤੋਂ ਲਗਭਗ 2 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਹੈ। ਇਸ ਤੋਂ ਇਲਾਵਾ ਤੁਸੀਂ ਸਤਪੁਲੀ ਹਨੀ ਜਾ ਸਕਦੇ ਹੋ। ਇਹ ਪੌੜੀ ਤੇ ਕੋਟਦੁਆਰ ਨੂੰ ਜੋੜਨ ਵਾਲੀ ਸੜਕ ਦੇ ਵਿਚਕਾਰ ਸਥਿਤ ਹੈ। ਇਸ ਤੋਂ ਇਲਾਵਾ, ਤੁਸੀਂ ਨੇੜੇ ਸਥਿਤ ਤਾਰਾ ਕੁੰਡ ਝੀਲ, ਚੌਖੰਭਾ ਵਿਊ ਪੁਆਇੰਟ ਅਤੇ ਗਗਵਾਡਸਯੂਨ ਵੈਲੀ ਵਰਗੀਆਂ ਥਾਵਾਂ ਦੀ Explore ਕਰ ਸਕਦੇ ਹੋ।

ਸ਼੍ਰੀਨਗਰ

ਸ਼੍ਰੀਨਗਰ ਦੇਵਪ੍ਰਯਾਗ ਤੋਂ ਲਗਭਗ 36 ਕਿਲੋਮੀਟਰ ਦੂਰ ਹੈ। ਤੁਸੀਂ ਇੱਥੇ ਵੀ ਜਾ ਸਕਦੇ ਹੋ। ਸ਼੍ਰੀਨਗਰ ਉੱਤਰਾਖੰਡ ਦਾ ਇੱਕ ਬਹੁਤ ਹੀ ਸੁੰਦਰ ਸ਼ਹਿਰ ਹੈ। ਇਹ ਅਲਕਨੰਦਾ ਨਦੀ ਦੇ ਕੰਢੇ ਸਥਿਤ ਹੈ। ਇੱਥੇ ਤੁਸੀਂ ਕਮਲੇਸ਼ਵਰ ਮਹਾਦੇਵ ਅਤੇ ਭਗਵਾਨ ਸ਼ਿਵ ਨੂੰ ਸਮਰਪਿਤ ਕਿਲਕਿਲੇਸ਼ਵਰ ਮੰਦਰ ਦੇ ਦਰਸ਼ਨ ਕਰਨ ਜਾ ਸਕਦੇ ਹੋ। ਇੱਥੇ ਤੁਸੀਂ ਧਾਰੀ ਦੇਵੀ ਮੰਦਿਰ ਦੇ ਦਰਸ਼ਨ ਕਰਨ ਜਾ ਸਕਦੇ ਹੋ। ਤੁਸੀਂ ਗੋਲਾ ਬਾਜ਼ਾਰ ਤੋਂ ਖਰੀਦਦਾਰੀ ਕਰ ਸਕਦੇ ਹੋ।

ਸ਼ਿਵਪੁਰੀ

ਸ਼ਿਵਪੁਰੀ ਇੱਕ ਪ੍ਰਸਿੱਧ ਸੈਲਾਨੀ ਸਥਾਨ ਹੈ। ਇਹ ਦੇਵਪ੍ਰਯਾਗ ਤੋਂ ਲਗਭਗ 55 ਕਿਲੋਮੀਟਰ ਦੂਰ ਹੈ। ਇੱਥੇ ਤੁਹਾਨੂੰ ਕਈ ਤਰ੍ਹਾਂ ਦੀਆਂ ਸਾਹਸੀ ਗਤੀਵਿਧੀਆਂ ਕਰਨ ਦਾ ਮੌਕਾ ਮਿਲੇਗਾ। ਇੱਥੇ ਤੁਹਾਨੂੰ ਸ਼ਿਵਪੁਰੀ ਵਿੱਚ ਰਿਵਰ ਰਾਫਟਿੰਗ, ਫਲਾਇੰਗ ਫੌਕਸ, ਬੰਜੀ ਜੰਪਿੰਗ, ਸਕਾਈਸਾਈਕਲ ਅਤੇ ਕੈਂਪਿੰਗ ਕਰਨ ਦਾ ਮੌਕਾ ਮਿਲ ਸਕਦਾ ਹੈ। ਜੇਕਰ ਤੁਸੀਂ ਵੀ ਸਾਹਸੀ ਗਤੀਵਿਧੀਆਂ ਕਰਨਾ ਪਸੰਦ ਕਰਦੇ ਹੋ, ਤਾਂ ਇਹ ਜਗ੍ਹਾ ਤੁਹਾਡੇ ਲਈ ਸਭ ਤੋਂ ਵਧੀਆ ਹੋਵੇਗੀ। ਇਹ ਸਥਾਨ ਰਿਸ਼ੀਕੇਸ਼ ਤੋਂ ਲਗਭਗ 16 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਹੈ।