ਸਵੇਰੇ ਜਾਂ ਸਾਮ ਵਰਕਆਉਟ ਲਈ ਕਿਹੜਾ ਸਮਾਂ ਹੈ ਬਿਹਤਰ, ਮਾਹਰਾਂ ਦੀ ਰਾਏ ਜਾਣੋ
ਕਸਰਤ ਤੁਹਾਨੂੰ ਸਰੀਰਕ ਅਤੇ ਮਾਨਸਿਕ ਤੌਰ 'ਤੇ ਤੰਦਰੁਸਤ ਰੱਖਦੀ ਹੈ। ਜ਼ਿਆਦਾਤਰ ਲੋਕਾਂ ਕੋਲ ਕਸਰਤ ਕਰਨ ਲਈ ਸਮਾਂ ਨਹੀਂ ਹੁੰਦਾ ਅਤੇ ਇਸ ਲਈ ਉਹ ਆਪਣੀ ਸਹੂਲਤ ਅਨੁਸਾਰ ਕਸਰਤ ਕਰਦੇ ਹਨ। ਤਾਂ ਆਓ ਜਾਣਦੇ ਹਾਂ ਕਿ ਸਵੇਰੇ ਜਾਂ ਸ਼ਾਮ ਨੂੰ ਕਿਸ ਸਮੇਂ ਵਰਕਆਊਟ ਕਰਨਾ ਜ਼ਿਆਦਾ ਫਾਇਦੇਮੰਦ ਹੋ ਸਕਦਾ ਹੈ। ਇਸ ਬਾਰੇ 'ਚ ਫਿਟੇਲੋ ਦੇ ਕੋ-ਫਾਊਂਡਰ ਅਤੇ ਸੀਈਓ ਮਹਿਕਦੀਪ ਸਿੰਘ ਦਾ ਕਹਿਣਾ ਹੈ ਇਸ ਲੇਖ ਰਾਹੀਂ ਜਾਣੋ।
ਵਰਕਆਊਟ ਟਿਪਸ: ਜੇਕਰ ਤੁਸੀਂ ਸਿਹਤਮੰਦ ਰਹਿਣਾ ਚਾਹੁੰਦੇ ਹੋ, ਤਾਂ ਹਰ ਰੋਜ਼ ਕਸਰਤ (Workout) ਸ਼ੁਰੂ ਕਰੋ। ਇਹੋ ਜਿਹੀਆਂ ਗੱਲਾਂ ਤੁਸੀਂ ਕਈ ਵਾਰ ਸੁਣੀਆਂ ਹੋਣਗੀਆਂ। ਕੁਝ ਲੋਕ ਜ਼ਿਆਦਾ ਫਿਟਨੈੱਸ ਫ੍ਰੀਕ ਹੁੰਦੇ ਹਨ ਅਤੇ ਆਪਣੇ ਆਪ ਨੂੰ ਤੰਦਰੁਸਤ ਰੱਖਣ ਲਈ ਉਹ ਵਰਕਆਊਟ ਦੇ ਨਾਲ-ਨਾਲ ਡਾਈਟ ਪਲਾਨ ਫਾਲੋ ਕਰਦੇ ਹਨ। ਕੁਝ ਲੋਕ ਸਵੇਰ ਵੇਲੇ ਕਸਰਤ ਕਰਨਾ ਪਸੰਦ ਕਰਦੇ ਹਨ, ਜਦੋਂ ਕਿ ਕੁਝ ਲੋਕ ਸ਼ਾਮ ਨੂੰ ਜਿੰਮਿੰਗ ਕਰਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਫਿੱਟ ਰਹਿਣ ਲਈ ਕਸਰਤ ਕਦੋਂ ਕਰਨੀ ਚਾਹੀਦੀ ਹੈ?
ਇਸ ਸਬੰਧ ਵਿੱਚ ਅਸੀਂ ਮਾਹਿਰਾਂ ਤੋਂ ਇਹ ਜਾਣਨ ਦੀ ਕੋਸ਼ਿਸ਼ ਵੀ ਕੀਤੀ ਕਿ ਕਿਸ ਸਮੇਂ ਕਸਰਤ ਕਰਨਾ ਜ਼ਿਆਦਾ ਫਾਇਦੇਮੰਦ ਹੋ ਸਕਦਾ ਹੈ। ਇਸ ਬਾਰੇ ‘ਚ ਫਿਟੇਲੋ ਦੇ ਕੋ-ਫਾਊਂਡਰ ਅਤੇ ਸੀਈਓ ਮਹਿਕਦੀਪ ਸਿੰਘ ਦਾ ਕਹਿਣਾ ਹੈ ਕਿ ਸਵੇਰੇ ਜਾਂ ਸ਼ਾਮ ਨੂੰ ਵਰਕਆਊਟ ਕਰਨਾ ਵੱਖ-ਵੱਖ ਲੋਕਾਂ ਦੇ ਸ਼ੈਡਿਊਲ ਦੇ ਹਿਸਾਬ ਨਾਲ ਤੈਅ ਹੁੰਦਾ ਹੈ। ਉਨ੍ਹਾਂ ਦੀ ਜੀਵਨ ਸ਼ੈਲੀ ‘ਤੇ ਨਿਰਭਰ ਕਰਦਾ ਹੈ।
ਸਵੇਰ ਦੀ ਕਸਰਤ
ਸਵੇਰ ਦੀ ਕਸਰਤ ਮੇਟਾਬੋਲਿਜ਼ਮ ਨੂੰ ਵਧਾਉਂਦੀ ਹੈ ਅਤੇ ਮੂਡ ਨੂੰ ਵੀ ਸੁਧਾਰਦੀ ਹੈ। ਇਸ ਦੇ ਨਾਲ ਹੀ ਨੀਂਦ ਦੀ ਗੁਣਵੱਤਾ ਵਿੱਚ ਵੀ ਸੁਧਾਰ ਹੁੰਦਾ ਹੈ। ਮਹਿਕਦੀਪ ਦਾ ਕਹਿਣਾ ਹੈ ਕਿ ਵਿਅਕਤੀ ਨੂੰ ਆਪਣੀ ਸਿਹਤ ਲਈ ਸਹੀ ਫੈਸਲੇ ਲੈਣ ਲਈ ਸਰੀਰ ਦੇ ਸੰਕੇਤਾਂ ਨੂੰ ਸੁਣਨਾ ਚਾਹੀਦਾ ਹੈ।
ਸ਼ਾਮ ਦੀ ਕਸਰਤ
ਸ਼ਾਮ ਨੂੰ ਕਸਰਤ ਕਰਨ ਨਾਲ ਕਾਰਗੁਜ਼ਾਰੀ ਵਿੱਚ ਸੁਧਾਰ ਹੁੰਦਾ ਹੈ ਅਤੇ ਸਰੀਰ ਨੂੰ ਤਾਕਤ ਵੀ ਮਿਲਦੀ ਹੈ। ਸ਼ਾਮ ਦੀ ਕਸਰਤ ਕਰਨ ਨਾਲ, ਵਿਅਕਤੀ ਤਣਾਅ ਮੁਕਤ ਹੋ ਜਾਂਦਾ ਹੈ ਅਤੇ ਦਿਨ ਦੀਆਂ ਚੁਣੌਤੀਆਂ ਤੋਂ ਛੁਟਕਾਰਾ ਪਾਉਣ ਦਾ ਮੌਕਾ ਪ੍ਰਾਪਤ ਕਰਦਾ ਹੈ। ਸ਼ਾਮ ਦੀ ਕਸਰਤ ਉਹਨਾਂ ਲਈ ਵਧੇਰੇ ਫਾਇਦੇਮੰਦ ਹੋ ਸਕਦੀ ਹੈ ਜੋ ਤਾਕਤ ਅਤੇ ਫਲੈਕਸੀਬਲਿਟੀ ‘ਤੇ ਜ਼ਿਆਦਾ ਧਿਆਨ ਦਿੰਦੇ ਹਨ।
ਘਰ ‘ਚ ਕਸਰਤ
ਮਹਿਕਦੀਪ ਦਾ ਕਹਿਣਾ ਹੈ ਕਿ ਕੋਵਿਡ ਦੌਰਾਨ ਜਿੰਮ ਅਤੇ ਫਿਟਨੈੱਸ ਗਤੀਵਿਧੀਆਂ ਬੰਦ ਹੋਣ ਕਾਰਨ ਲੋਕਾਂ ਵਿੱਚ ਘਰ ਰਹਿ ਕੇ ਕੰਮ ਕਰਨ ਦੀ ਆਦਤ ਬਣੀ ਹੈ। ਫਿਟੇਲੋ ਦੇ ਸਰਵੇਖਣ ‘ਸਟੇਟ ਆਫ ਯੂਅਰ ਪਲੇਟ’ ਦੇ ਅਨੁਸਾਰ, ਜ਼ਿਆਦਾਤਰ ਲੋਕ ਘਰ ਵਿੱਚ ਹਲਕੀ ਕਸਰਤ (46%) ਜਾਂ ਸੈਰ (55%) ਨੂੰ ਤਰਜੀਹ ਦਿੰਦੇ ਹਨ। ਇਸ ਦੇ ਨਾਲ ਹੀ 58% ਔਰਤਾਂ ਯੋਗਾ, ਜ਼ੁੰਬਾ ਅਤੇ ਡਾਂਸ ਕਰਦੀਆਂ ਹਨ। ਇਸ ਤੋਂ ਇਲਾਵਾ 45 ਫੀਸਦੀ ਮਰਦ ਜਿੰਮ ਜਾਣਾ, ਦੌੜਨਾ ਅਤੇ ਜੌਗਿੰਗ ਕਰਨਾ ਪਸੰਦ ਕਰਦੇ ਹਨ। ਮਹਿਕਦੀਪ ਦਾ ਕਹਿਣਾ ਹੈ ਕਿ ਸਮੇਂ ਦੀ ਪਰਵਾਹ ਕੀਤੇ ਬਿਨਾਂ ਲੋਕਾਂ ਨੂੰ ਲਗਾਤਾਰ ਕਸਰਤ ਦੀ ਰੁਟੀਨ ਬਣਾਈ ਰੱਖਣ ਲਈ ਉਤਸ਼ਾਹਿਤ ਕਰਨਾ ਜਰੂਰੀ ਹੈ, ਕਿਉਂਕਿ ਇਹ ਲੰਬੇ ਸਮੇਂ ਦੇ ਫਿਟਨੈਸ ਟੀਚਿਆਂ ਲਈ ਮਹੱਤਵਪੂਰਨ ਹੈ।
ਇਹ ਵੀ ਪੜ੍ਹੋ
