Watermelon Eating Tips: ਫਰਿੱਜ ‘ਚੋਂ ਕੱਢ ਕੇ ਤੁਰੰਤ ਤਰਬੂਜ ਖਾਣਾ ਪੈ ਸਕਦਾ ਹੈ ਭਾਰੀ, ਜਾਣੋ ਸਿਹਤ ‘ਤੇ ਹੋਣ ਵਾਲੇ ਪ੍ਰਭਾਵ
ਤਰਬੂਜ ਅਤੇ ਖਰਬੂਜਾ ਗਰਮੀਆਂ ਦੇ ਉਹ ਫਲ ਹਨ ਜੋ ਸੁਆਦੀ ਹੋਣ ਦੇ ਨਾਲ-ਨਾਲ ਸਾਡੇ ਸਰੀਰ ਨੂੰ ਹਾਈਡ੍ਰੇਟ ਰੱਖਣ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਪਰ ਅਕਸਰ ਇਨ੍ਹਾਂ ਨੂੰ ਖਾਣ ਵੇਲੇ ਕਈ ਗਲਤੀਆਂ ਦੁਹਰਾਈਆਂ ਜਾਂਦੀਆਂ ਹਨ।
ਤਰਬੂਜ ਅਤੇ ਖਰਬੂਜਾ ਗਰਮੀਆਂ ਦੇ ਉਹ ਫਲ ਹਨ ਜੋ ਸੁਆਦੀ ਹੋਣ ਦੇ ਨਾਲ-ਨਾਲ ਸਾਡੇ ਸਰੀਰ ਨੂੰ ਹਾਈਡ੍ਰੇਟ ਰੱਖਣ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਪਰ ਅਕਸਰ ਇਨ੍ਹਾਂ ਨੂੰ ਖਾਣ ਵੇਲੇ ਕਈ ਗਲਤੀਆਂ ਦੁਹਰਾਈਆਂ ਜਾਂਦੀਆਂ ਹਨ। ਹਾਲਾਂਕਿ ਜ਼ਿਆਦਾਤਰ ਲੋਕ ਜਾਣਦੇ ਹਨ ਕਿ ਕੱਟੇ ਹੋਏ ਫਲ ਨੂੰ ਲੰਬੇ ਸਮੇਂ ਤੱਕ ਖੁੱਲ੍ਹਾ ਰੱਖਣਾ ਸਿਹਤ ਲਈ ਹਾਨੀਕਾਰਕ ਹੋ ਸਕਦਾ ਹੈ, ਪਰ ਕੀ ਕਦੇ ਸੋਚਿਆ ਹੈ ਕਿ ਫਰਿੱਜ ਵਿੱਚੋਂ ਕੱਢ ਕੇ ਤੁਰੰਤ ਠੰਡਾ ਤਰਬੂਜ ਖਾਣ ਨਾਲ ਸਰੀਰ ‘ਤੇ ਕੀ ਅਸਰ ਪੈਂਦਾ ਹੈ? ਗਰਮੀ ਵਿੱਚ ਠੰਡਾ ਹੋਣ ਕਾਰਨ ਇਸਦਾ ਸੁਆਦ ਤਾਂ ਵੱਧ ਜਾਂਦਾ ਹੈ, ਪਰ ਇਸ ਨੂੰ ਇਸ ਤਰ੍ਹਾਂ ਖਾਣਾ ਸਹੀ ਹੈ ਜਾਂ ਨਹੀਂ, ਇਸ ਬਾਰੇ ਬਹੁਤ ਘੱਟ ਲੋਕਾਂ ਨੂੰ ਜਾਣਕਾਰੀ ਹੈ। ਇਸ ਵਿਸ਼ੇ ‘ਤੇ ਸੀਨੀਅਰ ਡਾਇਟੀਸ਼ੀਅਨ ਗੀਤਿਕਾ ਚੋਪੜਾ ਨੇ ਕਈ ਅਹਿਮ ਨੁਕਤੇ ਸਾਂਝੇ ਕੀਤੇ ਹਨ।
ਤਰਬੂਜ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਸ ਵਿੱਚ ਮੌਜੂਦ ਪਾਣੀ ਦੀ ਮਾਤਰਾ ਹੈ। ਗਰਮੀਆਂ ਵਿੱਚ ਜ਼ਿਆਦਾ ਪਸੀਨਾ ਆਉਣ ਕਾਰਨ ਅਜਿਹੀਆਂ ਚੀਜ਼ਾਂ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ ਜਿਨ੍ਹਾਂ ਵਿੱਚ ਪਾਣੀ ਦੀ ਮਾਤਰਾ ਸਭ ਤੋਂ ਵੱਧ ਹੋਵੇ, ਜਿਸ ਕਾਰਨ ਤਰਬੂਜ ਨੂੰ ਗਰਮੀਆਂ ਦੀ ਸਭ ਤੋਂ ਬਿਹਤਰੀਨ ਖੁਰਾਕ ਮੰਨਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਕਿ ਫਰਿੱਜ ਤੋਂ ਕੱਢੇ ਗਏ ਤਰਬੂਜ ਨੂੰ ਤੁਰੰਤ ਖਾਣਾ ਸਿਹਤ ਲਈ ਕਿਉਂ ਚੁਣੌਤੀਪੂਰਨ ਹੋ ਸਕਦਾ ਹੈ।
ਤਰਬੂਜ ਦੇ ਪੌਸ਼ਟਿਕ ਤੱਤ
ਤਰਬੂਜ ਦਾ ਵਿਗਿਆਨਕ ਨਾਮ Citrullus lanatus ਹੈ ਅਤੇ ਇਸਦਾ ਮੁੱਖ ਮੂਲ ਅਫਰੀਕਾ ਮੰਨਿਆ ਜਾਂਦਾ ਹੈ। ਤਰਬੂਜ ਦਾ ਸਭ ਤੋਂ ਵੱਡਾ ਤੱਤ ਇਸ ਵਿੱਚ ਮੌਜੂਦ ਪਾਣੀ ਹੈ ਕਿਉਂਕਿ ਇਸ ਵਿੱਚ ਲਗਭਗ 92 ਫੀਸਦੀ ਪਾਣੀ ਹੁੰਦਾ ਹੈ। ਇਹ ਇੱਕ ਘੱਟ ਕੈਲੋਰੀ ਵਾਲਾ ਫਲ ਹੈ, ਜਿਸ ਕਾਰਨ ਇਹ ਭਾਰ ਘਟਾਉਣ ਵਿੱਚ ਵੀ ਮਦਦਗਾਰ ਸਾਬਤ ਹੁੰਦਾ ਹੈ।
ਵਿਟਾਮਿਨਾਂ ਦੀ ਗੱਲ ਕਰੀਏ ਤਾਂ ਇਸ ਵਿੱਚ ਵਿਟਾਮਿਨ ਸੀ, ਵਿਟਾਮਿਨ ਏ ਅਤੇ ਵਿਟਾਮਿਨ ਬੀ6 ਭਰਪੂਰ ਮਾਤਰਾ ਵਿੱਚ ਹੁੰਦੇ ਹਨ, ਜੋ ਸਾਡੀ ਇਮਿਊਨਿਟੀ (ਰੋਗਾਂ ਨਾਲ ਲੜਨ ਦੀ ਸ਼ਕਤੀ) ਨੂੰ ਵਧਾਉਣ ਵਿੱਚ ਕਾਰਗਰ ਹਨ। ਇਸ ਤੋਂ ਇਲਾਵਾ, ਇਸ ਵਿੱਚ ਮੌਜੂਦ ਪੋਟਾਸ਼ੀਅਮ ਬਲੱਡ ਪ੍ਰੈਸ਼ਰ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਲਾਇਕੋਪੀਨ (Lycopene) ਵਰਗੇ ਐਂਟੀਆਕਸੀਡੈਂਟ ਇਸ ਨੂੰ ਲਾਲ ਰੰਗ ਦੇਣ ਦੇ ਨਾਲ-ਨਾਲ ਸਰੀਰ ਨੂੰ ਸੁਰੱਖਿਆ ਪ੍ਰਦਾਨ ਕਰਦੇ ਹਨ।
ਕੀ ਫਰਿੱਜ ਵਿੱਚੋਂ ਕੱਢਿਆ ਤਰਬੂਜ ਤੁਰੰਤ ਖਾਣਾ ਸਹੀ ਹੈ?
ਸਰੀਰ ਦੇ ਤਾਪਮਾਨ ਵਿੱਚ ਗੜਬੜੀ: ਸੀਨੀਅਰ ਡਾਇਟੀਸ਼ੀਅਨ ਗੀਤਿਕਾ ਚੋਪੜਾ ਅਨੁਸਾਰ, ਤਰਬੂਜ ਇੱਕ ਉੱਚ ਹਾਈਡ੍ਰੇਟਿੰਗ ਅਤੇ ਕੁਦਰਤੀ ਤੌਰ ‘ਤੇ ਠੰਢਕ ਦੇਣ ਵਾਲਾ ਫਲ ਹੈ। ਪਰ ਬਹੁਤ ਜ਼ਿਆਦਾ ਠੰਡਾ ਜਾਂ ਸਿੱਧਾ ਫਰਿੱਜ ਵਿੱਚੋਂ ਨਿਕਲਿਆ ਤਰਬੂਜ ਖਾਣਾ ਸਹੀ ਨਹੀਂ ਮੰਨਿਆ ਜਾਂਦਾ।
ਇਹ ਵੀ ਪੜ੍ਹੋ
ਜਦੋਂ ਤੁਸੀਂ ਬਹੁਤ ਜ਼ਿਆਦਾ ਠੰਡਾ ਤਰਬੂਜ ਖਾਂਦੇ ਹੋ, ਤਾਂ ਸਰੀਰ ਨੂੰ ਉਸ ਨੂੰ ਸਾਧਾਰਨ ਤਾਪਮਾਨ ‘ਤੇ ਲਿਆਉਣ ਲਈ ਵਾਧੂ ਮਿਹਨਤ ਕਰਨੀ ਪੈਂਦੀ ਹੈ। ਇਸ ਕਾਰਨ ਪਾਚਨ ਪ੍ਰਕਿਰਿਆ ਕੁਝ ਸਮੇਂ ਲਈ ਹੌਲੀ ਪੈ ਜਾਂਦੀ ਹੈ, ਜਿਸ ਨਾਲ ਕੁਝ ਲੋਕਾਂ ਨੂੰ ਪੇਟ ਦਾ ਫੁੱਲਣਾ, ਗੈਸ ਜਾਂ ਭਾਰੀਪਨ ਮਹਿਸੂਸ ਹੁੰਦਾ ਹੈ। ਖਾਸ ਕਰਕੇ ਸੰਵੇਦਨਸ਼ੀਲ ਪਾਚਨ ਤੰਤਰ ਵਾਲੇ ਲੋਕਾਂ ਲਈ ਇਹ ਮੁਸ਼ਕਲ ਵਧ ਸਕਦੀ ਹੈ।
ਗਲੇ ਵਿੱਚ ਖਰਾਸ਼ ਦੀ ਸਮੱਸਿਆ: ਦੂਜਾ ਵੱਡਾ ਕਾਰਨ ਗਲੇ ਦੀ ਸਮੱਸਿਆ ਹੈ। ਡਾਇਟੀਸ਼ੀਅਨ ਮੁਤਾਬਕ ਬਹੁਤ ਜ਼ਿਆਦਾ ਠੰਡਾ ਤਰਬੂਜ ਖਾਣ ਨਾਲ ਕਈ ਲੋਕਾਂ ਦੇ ਗਲੇ ਵਿੱਚ ਖਰਾਸ਼ ਜਾਂ ਖੰਘ ਹੋਣ ਲੱਗਦੀ ਹੈ। ਖਾਸ ਕਰਕੇ ਉਹ ਲੋਕ ਜੋ ਲਗਾਤਾਰ ਏਅਰ ਕੰਡੀਸ਼ਨਰ ਦੀ ਹਵਾ ਵਿੱਚ ਰਹਿੰਦੇ ਹਨ ਜਾਂ ਜਿਨ੍ਹਾਂ ਦੀ ਇਮਿਊਨਿਟੀ ਕਮਜ਼ੋਰ ਹੈ, ਉਨ੍ਹਾਂ ਨੂੰ ਇਨਫੈਕਸ਼ਨ ਦਾ ਖਤਰਾ ਵੱਧ ਜਾਂਦਾ ਹੈ।
ਸਟੋਰ ਕਰਨ ਵਿੱਚ ਗਲਤੀ: ਮਾਹਿਰਾਂ ਅਨੁਸਾਰ ਬਹੁਤ ਸਾਰੇ ਲੋਕ ਤਰਬੂਜ ਨੂੰ ਕੱਟ ਕੇ ਫਰਿੱਜ ਵਿੱਚ ਲੰਬੇ ਸਮੇਂ ਤੱਕ ਰੱਖ ਦਿੰਦੇ ਹਨ। ਅਜਿਹਾ ਕਰਨ ਨਾਲ ਫਲ ਵਿੱਚ ਬੈਕਟੀਰੀਆ ਦੀ ਪੈਦਾਵਾਰ ਵੱਧ ਜਾਂਦੀ ਹੈ ਅਤੇ ਇਸ ਵਿੱਚ ਮੌਜੂਦ ਵਿਟਾਮਿਨ ਸੀ ਵਰਗੇ ਜ਼ਰੂਰੀ ਪੌਸ਼ਟਿਕ ਤੱਤ ਵੀ ਘੱਟ ਹੋਣ ਲੱਗਦੇ ਹਨ।
