Womens Day 2024: ਪਹਿਲੀ ਵਾਰ ਇਕੱਲੇ ਬਣਾ ਰਹੇ ਯਾਤਰਾ ਦੀ ਯੋਜਨਾ! ਇਹ ਸੁਝਾਅ ਹੋਣਗੇ ਫਾਇਦੇਮੰਦ

ਇਕੱਲੇ ਯਾਤਰਾ ਦੀ ਯੋਜਨਾ.

Solo Trevell: ਵਿਅਸਤ ਜੀਵਨ ਸ਼ੈਲੀ ਵਿੱਚ ਕਈ ਵਾਰ ਆਪਣੇ ਲਈ ਸਮਾਂ ਕੱਢਣਾ ਮੁਸ਼ਕਲ ਹੋ ਜਾਂਦਾ ਹੈ। ਅਜਿਹੇ ‘ਚ ਲੋਕ ਕੰਮ ਤੋਂ ਸਮਾਂ ਕੱਢ ਕੇ ਸੈਰ ਕਰਨ ਲਈ ਨਿਕਲਦੇ ਹਨ। ਘੁੰਮਣ-ਫਿਰਨ ਦਾ ਰੁਝਾਨ ਕਾਫੀ ਸਮੇਂ ਤੋਂ ਦੇਖਿਆ ਜਾ ਰਿਹਾ ਹੈ। ਨਵੀਆਂ ਥਾਵਾਂ ‘ਤੇ ਘੁੰਮਣ ਦੇ ਨਾਲ-ਨਾਲ ਲੋਕ ਹੁਣ ਰੀਲਾਂ ਅਤੇ ਵੀਲੌਗ ਦੀ ਸ਼ੂਟਿੰਗ ਵੀ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਇਨ੍ਹੀਂ ਦਿਨੀਂ ਲੋਕਾਂ ਵਿੱਚ ਸੋਲੋ ਟ੍ਰੈਵਲਿੰਗ ਦਾ ਕ੍ਰੇਜ਼ ਵੀ ਦੇਖਣ ਨੂੰ ਮਿਲ ਰਿਹਾ ਹੈ।

ਖਾਸ ਤੌਰ ‘ਤੇ ਜੇਕਰ ਔਰਤਾਂ ਪਹਿਲੀ ਵਾਰ ਕਿਸੇ ਥਾਂ ‘ਤੇ ਸੋਲੋ ਟ੍ਰਿਪ ਦੀ ਯੋਜਨਾ ਬਣਾ ਰਹੀਆਂ ਹਨ ਤਾਂ ਉਨ੍ਹਾਂ ਲਈ ਕੁਝ ਗੱਲਾਂ ਦਾ ਜਾਣਨਾ ਜ਼ਰੂਰੀ ਹੈ। ਇਸ ਲਈ 8 ਮਾਰਚ ਨੂੰ ਮਨਾਏ ਜਾਣ ਵਾਲੇ ਮਹਿਲਾ ਦਿਵਸ ਦੇ ਮੌਕੇ ‘ਤੇ ਅਸੀਂ ਇੱਥੇ ਇਕੱਲੇ ਸਫਰ ਕਰਨ ਤੋਂ ਪਹਿਲਾਂ ਔਰਤਾਂ ਨੂੰ ਕੁਝ ਜ਼ਰੂਰੀ ਟਿਪਸ ਦੱਸਣ ਜਾ ਰਹੇ ਹਾਂ। ਇਹ ਸੁਝਾਅ ਤੁਹਾਨੂੰ ਇਕੱਲੇ ਸਫ਼ਰ ਦੌਰਾਨ ਸੁਰੱਖਿਅਤ ਰੱਖਣਗੇ।

ਯਾਤਰਾ ਦੀ ਬਣਾਓ ਯੋਜਨਾ

ਯਾਤਰਾ ਕਰਨ ਤੋਂ ਪਹਿਲਾਂ ਉਹ ਜਗ੍ਹਾ ਚੁਣੀ ਜਾਂਦੀ ਹੈ ਜਿੱਥੇ ਜਾਣਾ ਹੈ। ਇਸ ਲਈ ਆਪਣੀ ਪਹਿਲੀ ਇਕੱਲੇ ਯਾਤਰਾ ਦੌਰਾਨ ਲੰਬੀ ਯਾਤਰਾ ਦੀ ਯੋਜਨਾ ਨਾ ਬਣਾਓ। ਬਿਹਤਰ ਹੋਵੇਗਾ ਜੇਕਰ ਤੁਸੀਂ ਸਿਰਫ਼ ਨੇੜੇ ਦੀ ਜਗ੍ਹਾ ਦੀ ਚੋਣ ਕਰੋ। ਇਸ ਤੋਂ ਤੁਹਾਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲੇਗਾ।

ਗਰੁੱਪ ਬਣਾਓ

ਇਕੱਲੇ ਸਫ਼ਰ ਕਰਨਾ ਔਖਾ ਅਤੇ ਬੋਰ ਕਰਨ ਵਾਲਾ ਕੰਮ ਹੋ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ ਯਾਤਰਾ ਦੌਰਾਨ ਇੱਕ ਚੰਗੇ ਸਮੂਹ ‘ਚ ਸ਼ਾਮਲ ਹੋਣਾ ਇੱਕ ਵਧੀਆ ਵਿਕਲਪ ਹੈ। ਕਈ ਵਾਰ ਤੁਹਾਨੂੰ ਉਸ ਜਗ੍ਹਾ ਬਾਰੇ ਵੀ ਪਤਾ ਨਹੀਂ ਹੁੰਦਾ। ਇਸ ਲਈ ਸਮੂਹ ਨੂੰ ਵੇਖੋ ਅਤੇ ਇਸ ‘ਚ ਸ਼ਾਮਲ ਹੋਵੋ।

ਪਰਿਵਾਰ ਨਾਲ ਜੁੜੇ ਰਹੋ

ਬੇਸ਼ੱਕ ਤੁਸੀਂ ਇਕੱਲੇ ਸਫਰ ਕਰ ਰਹੇ ਹੋ ਪਰ ਆਪਣੇ ਪਰਿਵਾਰ ਜਾਂ ਦੋਸਤਾਂ ਨੂੰ ਹਰ ਅਪਡੇਟ ਦਿੰਦੇ ਰਹੋ। ਤੁਸੀਂ ਕਿੱਥੇ ਰੁਕਣ ਜਾ ਰਹੇ ਹੋ, ਰੂਟ ਕੀ ਹੈ ਜਾਂ ਕੈਬ ਨੰਬਰ ਕੀ ਹੈ। ਅੱਜਕੱਲ੍ਹ ਲਾਈਵ ਲੋਕੇਸ਼ਨ ਦਾ ਵਿਕਲਪ ਵੀ ਉਪਲਬਧ ਹੈ। ਤੁਸੀਂ ਯਾਤਰਾ ਦੌਰਾਨ ਆਪਣਾ ਸਥਾਨ ਵੀ ਸਾਂਝਾ ਕਰ ਸਕਦੇ ਹੋ।

ਪੈਕਿੰਗ ਦਾ ਧਿਆਨ ਰੱਖੋ

ਜੇਕਰ ਤੁਸੀਂ ਇਕੱਲੇ ਯਾਤਰਾ ਲਈ ਪੈਕਿੰਗ ਕਰ ਰਹੇ ਹੋ ਤਾਂ ਹਰ ਜ਼ਰੂਰੀ ਚੀਜ਼ ਦਾ ਧਿਆਨ ਰੱਖੋ। ਇਕੱਲੇ ਯਾਤਰਾ ‘ਤੇ ਜਾਂਦੇ ਸਮੇਂ ਕਿਸੇ ‘ਤੇ ਨਿਰਭਰ ਨਾ ਰਹੋ। ਆਪਣੇ ਦਸਤਾਵੇਜ਼ ਨਕਦੀ, ਰੇਨਕੋਟ, ਮਿਰਚ ਸਪਰੇਅ ਅਤੇ ਪਾਵਰ ਬੈਂਕ ਅਤੇ ਖਾਣ ਲਈ ਕੁਝ ਸਨੈਕਸ ਲੈ ਕੇ ਜਾਣਾ ਨਾ ਭੁੱਲੋ।