ਕੀ ਤੁਹਾਨੂੰ ਵੀ ਹਰ ਵਾਰ ਹੈਲਦੀ ਖਾਣ ਦੀ ਆਦਤ ਹੈ? ਕੀ ਕਹਿੰਦੇ ਹਨ ਸਿਹਤ ਮਾਹਿਰ?…ਜਾਣੋ

concept image

Follow Us On

Orthorexia: ਸਿਹਤਮੰਦ ਭੋਜਨ ਕਿਸ ਨੂੰ ਪਸੰਦ ਨਹੀਂ ਹੈ? ਬਿਮਾਰੀਆਂ ਤੋਂ ਸੁਰੱਖਿਅਤ ਰਹਿਣ ਲਈ ਭੋਜਨ ਵਿੱਚ ਸਿਹਤਮੰਦ ਭੋਜਨ ਖਾਣਾ ਬਹੁਤ ਜ਼ਰੂਰੀ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜ਼ਿਆਦਾ ਸਿਹਤਮੰਦ ਖਾਣਾ ਵੀ ਤੁਹਾਡੇ ਲਈ ਪਰੇਸ਼ਾਨੀ ਦਾ ਕਾਰਨ ਬਣ ਸਕਦਾ ਹੈ। ਜੀ ਹਾਂ, ਬਹੁਤ ਸਾਰੇ ਲੋਕ ਆਪਣੀ ਸਿਹਤ ਨੂੰ ਲੈ ਕੇ ਇੰਨੇ ਗੰਭੀਰ ਹੁੰਦੇ ਹਨ ਕਿ ਉਹ ਆਪਣੇ ਖਾਣ-ਪੀਣ ਦੀਆਂ ਵਸਤੂਆਂ ਵਿਚਾਲੇ ਪੌਸ਼ਟਿਕ ਤੱਤਾਂ, ਕੈਲੋਰੀ, ਖਣਿਜਾਂ ਆਦਿ ਦਾ ਧਿਆਨ ਰੱਖਦੇ ਹਨ। ਸਿਹਤ ਮਾਹਿਰਾਂ ਅਨੁਸਾਰ ਇਹ ਇੱਕ ਤਰ੍ਹਾਂ ਦਾ ਵਿਕਾਰ ਹੈ, ਜਿਸ ਨੂੰ ਆਰਥੋਰੇਕਸੀਆ ਕਿਹਾ ਜਾਂਦਾ ਹੈ।

ਦਿੱਲੀ ਦੇ ਸਰਿਤਾ ਵਿਹਾਰ ਵਿੱਚ ਇੰਦਰਪ੍ਰਸਥ ਅਪੋਲੋ ਸਾਰਥਕ ਮੈਂਟਲ ਹੈਲਥ ਸੇਵਾਵਾਂ ਦੇ ਮਨੋਵਿਗਿਆਨੀ ਅਤੇ ਸਲਾਹਕਾਰ ਡਾ. ਸ਼ੈਲੇਸ਼ ਝਾਅ ਦਾ ਕਹਿਣਾ ਹੈ ਕਿ ਆਰਥੋਰੇਕਸੀਆ ਇੱਕ ਅਜਿਹੀ ਸਥਿਤੀ ਹੈ ਜਿਸ ਵਿੱਚ ਇੱਕ ਵਿਅਕਤੀ ਵਧੇਰੇ ਸਿਹਤਮੰਦ ਭੋਜਨ ਖਾਣ ਦੀ ਗੈਰ-ਸਿਹਤਮੰਦ ਆਦਤ ਪੈਦਾ ਕਰਦਾ ਹੈ। ਆਓ ਜਾਣਦੇ ਹਾਂ ਆਰਥੋਰੇਕਸੀਆ ਦੇ ਕੀ ਕਾਰਨ ਹਨ ਅਤੇ ਇਸ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ।

ਮੈਡੀਕਲ ਹਾਲਤ

ਨਾਰਾਇਣਾ ਹਸਪਤਾਲ, ਗੁਰੂਗ੍ਰਾਮ ਵਿੱਚ ਸੀਨੀਅਰ ਕੰਸਲਟੈਂਟ, ਇੰਟਰਨੈਲ ਮੇਡੀਸਿਨ ਡਾ. ਪੰਕਜ ਵਰਮਾ ਦਾ ਕਹਿਣਾ ਹੈ ਕਿ ਆਰਥੋਰੇਕਸੀਆ ਇੱਕ ਕਿਸਮ ਦਾ ਈਟਿੰਗ ਡਿਸਆਰਡਰ ਹੈ। ਇਸ ਵਿੱਚ ਤੁਹਾਡਾ ਦਿਮਾਗ ਵਿੱਚ ਹੈਲਦੀ ਅਤੇ ਚੰਗਾ ਭੋਜਨ ਖਾਣ ਦਾ ਜਨੂੰਨ ਸਵਾਰ ਹੋ ਜਾਂਦਾ ਹੈ ਅਤੇ ਤੁਸੀਂ ਹਮੇਸ਼ਾ ਹੈਲਦੀ ਭੋਜਨ ਖਾਣ ਨੂੰ ਲੈ ਕੇ ਟੈਨਸ਼ਨ ਵਿੱਚ ਰਹਿਣ ਲੱਗਦੇ ਹੋ। ਇਸ ਬਿਮਾਰੀ ਤੋਂ ਪੀੜਤ ਲੋਕ ਹਮੇਸ਼ਾ ਫੂਡ ਦੀ ਨਿਊਟ੍ਰਿਸ਼ਨਲ ਵੈਲਿਊ ਦੀ ਜਾਂਚ ਕਰਦੇ ਰਹਿੰਦੇ ਹਨ।

ਡਾਕਟਰ ਪੰਕਜ ਵਰਮਾ ਦਾ ਕਹਿਣਾ ਹੈ ਕਿ ਇਹ ਅਸਲ ਵਿੱਚ ਇੱਕ ਮੈਡਿਕਲ ਕੰਡੀਸ਼ਨ ਹੈ ਅਤੇ ਇਹ ਇਸ ਹੱਦ ਤੱਕ ਵੱਧ ਜਾਂਦੀ ਹੈ ਕਿ ਉਨ੍ਹਾਂ ਨੂੰ ਹਰ ਸਮੇਂ ਚੰਗ ਖਾਣੇ ਨੂੰ ਲੈ ਕੇ ਟੈਂਸ਼ਨ ਹੋਣ ਲੱਗਦੀ ਹੈ। ਇਸ ਸਥਿਤੀ ਵਿੱਚ ਤੁਹਾਡਾ ਸਮਾਜਿਕ ਜੀਵਨ ਪ੍ਰਭਾਵਿਤ ਹੋਣਾ ਸ਼ੁਰੂ ਹੋ ਜਾਂਦਾ ਹੈ।

ਕੀ ਹੈ ਕਾਰਨ?

ਡਾ: ਸ਼ੈਲੇਸ਼ ਝਾਅ ਦਾ ਕਹਿਣਾ ਹੈ ਕਿ ਆਰਥੋਰੇਕਸੀਆ ਦੇ ਕਈ ਕਾਰਨ ਹੋ ਸਕਦੇ ਹਨ। ਜੇਕਰ ਕੋਈ ਵਿਅਕਤੀ ਸੋਸ਼ਲ ਮੀਡੀਆ ‘ਤੇ ਵਾਰ-ਵਾਰ ਹੈਲਦੀ ਭੋਜਨ ਦੀਆਂ ਤਸਵੀਰਾਂ ਦੇਖਦਾ ਹੈ, ਤਾਂ ਉਸ ਦੇ ਦਿਮਾਗ ‘ਤੇ ਹੈਲਦੀ ਭੋਜਨ ਖਾਣ ਦਾ ਪ੍ਰੈਸ਼ਰ ਬਣਦਾ ਹੈ। ਇਸ ਤੋਂ ਇਲਾਵਾ ਕਿਸੇ ਵਿਅਕਤੀ ਦੀ ਮੈਂਟਲ ਹੈਲਥ ਵੀ ਇਸ ਦਾ ਕਾਰਨ ਹੋ ਸਕਦੀ ਹੈ।

ਕਿਵੇਂ ਕਰੀਏ ਬਚਾਅ

ਡਾ: ਪੰਕਜ ਵਰਮਾ ਦਾ ਕਹਿਣਾ ਹੈ ਕਿ ਇਸ ਤੋਂ ਬਚਣ ਲਈ ਜ਼ਰੂਰੀ ਹੈ ਕਿ ਤੁਸੀਂ ਆਪਣੀ ਡਾਈਟ ਪਲਾਨ ਕਿਸੇ ਚੰਗੇ ਡਾਈਟੀਸ਼ੀਅਨ ਤੋਂ ਤੈਅ ਕਰਵਾ ਲਵੋ ਅਤੇ ਜ਼ਿਆਦਾ ਟੈਨਸ਼ਨ ਹੋਣ ਦੀ ਸੂਰਤ ਵਿਚ ਥੈਰੇਪੀ ਅਤੇ ਮਨੋਵਿਗਿਆਨੀ ਤੋਂ ਸਲਾਹ ਲਓ।