ਭਾਰਤੀਆਂ ਦੀ ਬੱਲੇ-ਬੱਲੇ, ਬਿਨਾ ਵੀਜਾ ਘੁੰਮ ਸਕਣਗੇ ਇਹ 56 ਦੇਸ਼, ਇੱਥੇ ਵੇਖੋ ਪੂਰੀ ਲਿਸਟ
Power of Indian Passport: ਭਾਰਤੀ ਪਾਸਪੋਰਟ ਹੁਣ ਹੋਰ ਵੀ ਪਾਵਰਫੁੱਲ ਹੋ ਗਿਆ ਹੈ। ਹੈਨਲੀ ਪਾਸਪੋਰਟ ਇੰਡੈਕਸ 2026 ਵਿੱਚ ਭਾਰਤ 10 ਸਥਾਨ ਉੱਪਰ ਚੜ੍ਹ ਕੇ 75ਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ। ਭਾਰਤੀ ਸੈਲਾਨੀ ਬਿਨਾਂ ਵੀਜ਼ਾ ਦੇ 56 ਦੇਸ਼ਾਂ ਦੀ ਯਾਤਰਾ ਕਰ ਸਕਦੇ ਹਨ। ਹੁਣ, ਭਾਰਤੀਆਂ ਨੂੰ ਹੁਣ ਕਈ ਦੇਸ਼ਾਂ ਦੀ ਯਾਤਰਾ ਕਰਨ ਲਈ ਲੰਬੀ ਵੀਜ਼ਾ ਪ੍ਰਕਿਰਿਆ ਵਿੱਚੋਂ ਨਹੀਂ ਲੰਘਣਾ ਪਵੇਗਾ। ਜਾਣੋ ਕਿਹੜੇ ਹਨ ਉਹ 56 ਦੇਸ਼
Power of Indian Passport: ਭਾਰਤੀ ਸੈਲਾਨੀ ਬਿਨਾਂ ਵੀਜ਼ਾ ਦੇ 56 ਦੇਸ਼ ਘੁੰਮਸਕਦੇ ਹਨ। ਭਾਰਤੀ ਪਾਸਪੋਰਟ ਹੋਰ ਵੀ ਪਾਵਰਫੁੱਲ ਹੋ ਗਿਆ ਹੈ, ਜਿਸਦੀ ਪੁਸ਼ਟੀ ਹੈਨਲੀ ਪਾਸਪੋਰਟ ਇੰਡੈਕਸ 2026 ਦੁਆਰਾ ਕੀਤੀ ਗਈ ਹੈ। ਭਾਰਤ ਇਸ ਸੂਚਕਾਂਕ ਵਿੱਚ 10 ਸਥਾਨ ਉੱਪਰ ਚੜ੍ਹ ਕੇ 75ਵੇਂ ਸਥਾਨ ‘ਤੇ ਪਹੁੰਚ ਗਿਆ ਹੈ। ਇਸਦਾ ਮਤਲਬ ਹੈ ਕਿ ਭਾਰਤੀਆਂ ਨੂੰ ਹੁਣ ਕਈ ਦੇਸ਼ਾਂ ਦੀ ਯਾਤਰਾ ਕਰਨ ਲਈ ਲੰਬੀ ਵੀਜ਼ਾ ਪ੍ਰਕਿਰਿਆ ਵਿੱਚੋਂ ਨਹੀਂ ਲੰਘਣਾ ਪਵੇਗਾ।
ਭਾਰਤੀ ਪਾਸਪੋਰਟ ਦੀ ਬਿਹਤਰ ਰੈਕਿੰਗ ਦੇ ਨਾਲ, ਭਾਰਤੀ ਬਿਨਾਂ ਕਿਸੇ ਪਰੇਸ਼ਾਨੀ ਦੇ 56 ਦੇਸ਼ਾਂ ਦੀ ਯਾਤਰਾ ਕਰ ਸਕਣਗੇ। ਉਨ੍ਹਾਂ ਨੂੰ ਹੁਣ ਇਨ੍ਹਾਂ ਦੇਸ਼ਾਂ ਦੀ ਯਾਤਰਾ ਕਰਨ ਲਈ ਵੀਜ਼ਾ ਹਾਸਿਲ ਕਰਨ ਲਈ ਸੰਘਰਸ਼ ਨਹੀਂ ਕਰਨਾ ਪਵੇਗਾ। ਤੁਹਾਨੂੰ ਉੱਥੇ ਪਹੁੰਚਣ ‘ਤੇ ਵੀਜ਼ਾ-ਆਨ-ਅਰਾਈਵਲ (ਈ-ਵੀਜ਼ਾ) ਮਿਲੇਗਾ। ਬਹੁਤ ਸਾਰੇ ਦੇਸ਼ਾਂ ਵਿੱਚ ਤਾਂ ਇਸ ਪ੍ਰਕਿਰਿਆ ਦੀ ਵਾੀ ਲੋੜ ਵੀ ਨਹੀਂ ਪਵੇਗੀ। ਦਿਲਚਸਪ ਗੱਲ ਇਹ ਹੈ ਕਿ ਇਨ੍ਹਾਂ 56 ਦੇਸ਼ਾਂ ਵਿੱਚ ਕੈਰੇਬੀਅਨ ਦੱਵੀਪ ਸਮੂਹ, ਅਫਰੀਕੀ ਅਤੇ ਏਸ਼ੀਆਈ ਦੇਸ਼ਾਂ ਦੀ ਸੈਰ ਕਰਨਾ ਹੋਰ ਵੀ ਸੌਖਾ ਹੋਵੇਗਾ।
- ਏਸ਼ੀਆ: ਭੂਟਾਨ, ਕਜ਼ਾਕਿਸਤਾਨ, ਮਕਾਊ (SAR ਚੀਨ), ਮਲੇਸ਼ੀਆ ਅਤੇ ਨੇਪਾਲ।
- ਅਫਰੀਕਾ: ਅੰਗੋਲਾ, ਮਾਰੀਸ਼ਸ, ਰਵਾਂਡਾ ਅਤੇ ਸੇਨੇਗਲ।
- ਕੈਰੇਬੀਅਨ: ਬਾਰਬਾਡੋਸ, ਬ੍ਰਿਟਿਸ਼ ਵਰਜਿਨ ਆਈਲੈਂਡਜ਼, ਡੋਮਿਨਿਕਾ, ਗ੍ਰੇਨਾਡਾ, ਹੈਤੀ, ਜਮੈਕਾ, ਮੋਂਟਸੇਰਾਟ, ਸੇਂਟ ਵਿਨਸੈਂਟ ਅਤੇ ਗ੍ਰੇਨਾਡਾਈਨਜ਼, ਅਤੇ ਤ੍ਰਿਨੀਦਾਦ ਐਂਡ ਟੋਬੈਗੋ।
- ਓਸ਼ੇਨੀਆ: ਕੁੱਕ ਆਈਲੈਂਡਜ਼, ਫਿਜੀ, ਕਿਰੀਬਾਤੀ, ਮਾਈਕ੍ਰੋਨੇਸ਼ੀਆ, ਨਿਯੂ ਅਤੇ ਵਾਨੂਅਤੁ।
- ਮੱਧ ਪੂਰਬ: ਕਤਰ।
2- ਇਲੈਕਟ੍ਰਾਨਿਕ ਟ੍ਰੈਵਲ ਆਥਰਾਈਜੇਸ਼ਨ (ETA)
ਇਨ੍ਹਾਂ ਦੇਸ਼ਾਂ ਲਈ ਆਮ ਤੌਰ ‘ਤੇ ਪ੍ਰੀ-ਅਪ੍ਰੂਵਲ ਵੀਜ਼ਾ ਔਨਲਾਈਨ ਹਾਸਿਲ ਕੀਤੇ ਜਾ ਸਕਦੇ ਹਨ। ਕੁਝ ਘੰਟਿਆਂ ਦੇ ਅੰਦਰ ਪ੍ਰਕਿਰਿਆ ਪੂਰੀ ਹੋ ਜਾਂਦੀ ਹੈ। ਇਸ ਰਾਹੀਂ, ਭਾਰਤੀ ਹੇਠ ਲਿਖੇ ਦੇਸ਼ਾਂ ਵਿੱਚ ਐਂਟਰੀ ਹਾਸਿਲ ਕਰ ਸਕਦੇ ਹਨ: ਕੀਨੀਆ, ਸੇਸ਼ੇਲਸ, ਸੇਂਟ ਕਿਟਸ ਅਤੇ ਨੇਵਿਸ।
3- ਵੀਜ਼ਾ ਆਨ ਅਰਾਈਵਲ
ਭਾਰਤੀ ਸੈਲਾਨੀਆਂ ਨੂੰ ਹਵਾਈ ਅੱਡੇ ਜਾਂ ਸਰਹੱਦ ‘ਤੇ ਹੀ ਵੀਜ਼ਾ ਦਿੱਤਾ ਜਾਂਦਾ ਹੈ, ਜਿਸ ਨਾਲ ਯਾਤਰਾ ਆਸਾਨ ਹੋ ਜਾਂਦੀ ਹੈ। ਇਹਨਾਂ ਦੇਸ਼ਾਂ ਵਿੱਚ ਸ਼ਾਮਲ ਹਨ:
- ਏਸ਼ੀਆ: ਕੰਬੋਡੀਆ, ਇੰਡੋਨੇਸ਼ੀਆ, ਲਾਓਸ, ਮਾਲਦੀਵ, ਮਿਆਂਮਾਰ, ਸ਼੍ਰੀਲੰਕਾ, ਥਾਈਲੈਂਡ, ਅਤੇ ਤਿਮੋਰ-ਲੇਸਤੇ।
- ਅਫਰੀਕਾ: ਬੁਰੂੰਡੀ, ਕੇਪ ਵਰਡੇ ਦੱਵੀਪ ਸਮੂਹ, ਕੋਮੋਰੋ ਟਾਪੂ, ਜਿਬੂਤੀ, ਇਥੋਪੀਆ, ਗਿਨੀ-ਬਿਸਾਉ, ਮੈਡਾਗਾਸਕਰ, ਮੋਜ਼ਾਮਬੀਕ, ਸੀਏਰਾ ਲਿਓਨ, ਤਨਜ਼ਾਨੀਆ, ਗੈਂਬੀਆ ਅਤੇ ਜ਼ਿੰਬਾਬਵੇ।
- ਓਸ਼ਿਨੀਆ: ਮਾਰਸ਼ਲ ਟਾਪੂ, ਪਲਾਊ ਟਾਪੂ, ਸਮੋਆ ਅਤੇ ਤੁਵਾਲੂ।
- ਮੱਧ ਪੂਰਬ: ਜਾਰਡਨ
- ਕੈਰੇਬੀਅਨ: ਸੇਂਟ ਲੂਸੀਆ।
ਕੀ ਹੈ ਹੈਨਲੀ ਪਾਸਪੋਰਟ ਇੰਡੈਕਸ ?
ਹੈਨਲੀ ਪਾਸਪੋਰਟ ਇੰਡੈਕਸ 199 ਪਾਸਪੋਰਟਾਂ ਨੂੰ 227 ਡੈਸਟੀਨੇਸ਼ਨ ਦੇ ਆਧਾਰ ‘ਤੇ ਰੈਂਕ ਕਰਦਾ ਹੈ। ਇਹ ਜਾਂਚਦਾ ਹੈ ਕਿ ਇੱਕ ਪਾਸਪੋਰਟ ਧਾਰਕ ਪਹਿਲਾਂ ਤੋਂ ਵੀਜ਼ਾ ਪ੍ਰਾਪਤ ਕੀਤੇ ਬਿਨਾਂ ਕਿੰਨੀਆਂ ਥਾਵਾਂ ‘ਤੇ ਯਾਤਰਾ ਕਰ ਸਕਦਾ ਹੈ। ਹੈਨਲੀ ਪਾਸਪੋਰਟ ਇੰਡੈਕਸ 2000 ਦੇ ਦਹਾਕੇ ਦੇ ਮੱਧ ਵਿੱਚ ਸ਼ੁਰੂ ਕੀਤਾ ਗਿਆ ਸੀ, ਅਤੇ ਉਦੋਂ ਤੋਂ, ਸਿੰਗਾਪੁਰ, ਜਾਪਾਨ ਅਤੇ ਜਰਮਨੀ ਵਰਗੇ ਦੇਸ਼ ਲਗਾਤਾਰ ਰੈਂਕਿੰਗ ਵਿੱਚ ਸਿਖਰ ‘ਤੇ ਰਹੇ ਹਨ। ਫਰਾਂਸ, ਇਟਲੀ ਅਤੇ ਸਪੇਨ ਸਮੇਤ ਪੱਛਮੀ ਯੂਰਪੀਅਨ ਦੇਸ਼ਾਂ ਨੇ ਵੀ ਸਾਲਾਂ ਤੋਂ ਰੈਂਕਿੰਗ ਵਿੱਚ ਦਬਦਬਾ ਬਣਾਇਆ ਹੈ। ਸੰਯੁਕਤ ਰਾਜ ਅਮਰੀਕਾ ਅਤੇ ਯੂਨਾਈਟਿਡ ਕਿੰਗਡਮ ਹਾਲ ਹੀ ਦੇ ਸਾਲਾਂ ਵਿੱਚ ਸਿਖਰਲੇ ਸਥਾਨ ਤੋਂ ਖਿਸਕ ਗਏ ਹਨ। ਨੋਰਡਿਕ ਅਤੇ ਪੱਛਮੀ ਯੂਰਪੀਅਨ ਦੇਸ਼ਾਂ ਜਿਵੇਂ ਕਿ ਫਿਨਲੈਂਡ, ਸਵੀਡਨ ਅਤੇ ਨੀਦਰਲੈਂਡ ਨੇ ਆਪਣੀ ਸਥਿਤੀ ਵਿੱਚ ਸੁਧਾਰ ਕੀਤਾ ਹੈ। ਇਹ ਦਰਜਾਬੰਦੀ ਇੰਟਰਨੈਸ਼ਨਲ ਏਅਰ ਟ੍ਰਾਂਸਪੋਰਟ ਐਸੋਸੀਏਸ਼ਨ (IATA) ਦੇ ਅੰਕੜਿਆਂ ‘ਤੇ ਅਧਾਰਤ ਹੈ।
ਇਹ ਵੀ ਪੜ੍ਹੋ
ਸਿੰਗਾਪੁਰ ਨੇ ਦੁਨੀਆ ਦੇ ਸਭ ਤੋਂ ਮਜ਼ਬੂਤ ਪਾਸਪੋਰਟ ਵਜੋਂ ਆਪਣੀ ਸਥਿਤੀ ਬਰਕਰਾਰ ਰੱਖੀ ਹੈ, ਜੋ 192 ਦੇਸ਼ਾਂ ਨੂੰ ਵੀਜ਼ਾ-ਮੁਕਤ ਪ੍ਰਵੇਸ਼ ਪ੍ਰਦਾਨ ਕਰਦਾ ਹੈ। ਜਾਪਾਨ ਅਤੇ ਦੱਖਣੀ ਕੋਰੀਆ ਦੂਜੇ ਸਥਾਨ ‘ਤੇ ਹਨ, ਦੋਵੇਂ 187 ਦੇਸ਼ਾਂ ਦੀ ਯਾਤਰਾ ਦੀ ਪੇਸ਼ਕਸ਼ ਕਰਦੇ ਹਨ। ਸਵੀਡਨ ਅਤੇ ਸੰਯੁਕਤ ਅਰਬ ਅਮੀਰਾਤ ਤੀਜੇ ਸਥਾਨ ‘ਤੇ ਹਨ, ਜੋ 186 ਸਥਾਨਾਂ ਦੀ ਯਾਤਰਾ ਦੀ ਪੇਸ਼ਕਸ਼ ਕਰਦੇ ਹਨ। ਫਰਵਰੀ 2026 ਦੀ ਦਰਜਾਬੰਦੀ ਵਿੱਚ, ਸੰਯੁਕਤ ਰਾਜ ਅਮਰੀਕਾ 179 ਦੇਸ਼ਾਂ ਲਈ ਵੀਜ਼ਾ-ਮੁਕਤ ਪਹੁੰਚ ਦੇ ਨਾਲ 10ਵੇਂ ਸਥਾਨ ‘ਤੇ ਹੈ। ਹੋਰ ਵਿਕਸਤ ਅਰਥਵਿਵਸਥਾਵਾਂ ਵਿੱਚ, ਯੂਨਾਈਟਿਡ ਕਿੰਗਡਮ 182 ਸੈਰ-ਸਪਾਟਾ ਸਥਾਨਾਂ ਤੱਕ ਪਹੁੰਚ ਦੇ ਨਾਲ 7ਵੇਂ ਸਥਾਨ ‘ਤੇ ਹੈ। ਫਰਾਂਸ 185 ਸੈਰ-ਸਪਾਟਾ ਸਥਾਨਾਂ ਦੇ ਨਾਲ ਚੌਥੇ ਸਥਾਨ ‘ਤੇ ਹੈ, ਜਦੋਂ ਕਿ ਜਰਮਨੀ 181 ਸੈਰ-ਸਪਾਟਾ ਸਥਾਨਾਂ ਦੇ ਨਾਲ 8ਵੇਂ ਸਥਾਨ ‘ਤੇ ਹੈ।
