5 State Assembly Election Results 2026 LIVE: ਕੇਰਲ ‘ਚ ਕਾਂਗਰਸ ਗਠਜੋੜ ਅੱਗੇ

ਕੇਰਲ ਦੇ ਸ਼ੁਰੂਆਤੀ ਰੁਝਾਨਾਂ ‘ਚ, ਕਾਂਗਰਸ ਗਠਜੋੜ ਨੇ ਲੀਡ ਬਣਾਈ ਹੋਈ ਹੈ। ਚੋਣ ਕਮਿਸ਼ਨ ਦੇ ਰੁਝਾਨਾਂ ਅਨੁਸਾਰ, ਕਾਂਗਰਸ 16 ਸੀਟਾਂ ‘ਤੇ ਅੱਗੇ ਹੈ, ਜਦੋਂ ਕਿ ਸੀਪੀਆਈ (ਐਮ) 8 ਸੀਟਾਂ ‘ਤੇ ਅੱਗੇ ਹੈ।

ਪੱਛਮੀ ਬੰਗਾਲ ‘ਚ ਰੁਝਾਨਾਂ ‘ਚ ਭਾਜਪਾ 124 ਸੀਟਾਂ ‘ਤੇ ਅੱਗੇ ਨਜ਼ਰ ਆ ਰਹੀ ਹੈ, ਜਦਿਕ ਟੀਐਮਸੀ 118 ਸੀਟਾਂ ‘ਤੇ ਅੱਗੇ ਹੈ।

ਟੀਐਮਸੀ ਤੇ ਭਾਜਪਾ ਵਿਚਕਾਰ ਸਖ਼ਤ ਟੱਕਰ ਸਪੱਸ਼ਟ ਹੈ। ਬੰਗਾਲ ‘ਚ, ਟੀਐਮਸੀ ਇਸ ਸਮੇਂ 102 ਸੀਟਾਂ ‘ਤੇ ਅੱਗੇ ਹੈ, ਜਦੋਂ ਕਿ ਭਾਜਪਾ 105 ਸੀਟਾਂ ‘ਤੇ ਅੱਗੇ ਹੈ।

ਭਾਜਪਾ ਨੇ ਪੱਛਮੀ ਬੰਗਾਲ ‘ਚ ਫਿਰ ਬੜ੍ਹਤ ਬਣਾ ਲਈ ਹੈ। ਪੋਸਟਲ ਬੈਲਟ੍ਸ ਦੀ ਗਿਣਤੀ ‘ਚ ਭਾਜਪਾ 91 ਸੀਟਾਂ ‘ਤੇ, ਜਦਕਿ ਟੀਐਮਸੀ 90 ਸੀਟਾਂ ‘ਤੇ ਅੱਗੇ ਹੈ।

ਭਬਾਨੀਪੁਰ ‘ਚ ਮਮਤਾ ਬੈਨਰਜੀ ਅੱਗੇ

ਖੜਗਪੁਰ ਤੋਂ ਭਾਜਪਾ ਦੇ ਦਿਲੀਪ ਘੋਸ਼ ਅੱਗੇ

ਅਧੀਰ ਰੰਜਨ ਚੌਧਰੀ ਬਹਰਾਮਪੁਰ ​​’ਚ ਪਿੱਛੇ

ਨੋਪਾਰਾ ਤੋਂ ਭਾਜਪਾ ਦੇ ਅਰਜੁਨ ਸਿੰਘ ਅੱਗੇ

ਸੁਵੇਂਦੂ ਅਧਿਕਾਰੀ ਭਬਾਨੀਪੁਰ ‘ਚ ਪਿੱਛੇ

ਨੰਦੀਗ੍ਰਾਮ ‘ਚ ਸੁਵੇਂਦੂ ਅਧਿਕਾਰੀ ਅੱਗੇ

ਹੁਮਾਯੂੰ ਕਬੀਰ ਦੋਵੇਂ ਸੀਟਾਂ ‘ਤੇ ਅੱਗੇ

ਪੱਛਮੀ ਬੰਗਾਲ ‘ਚ ਪੋਸਟਲ ਬੈਲਟ੍ਸ ਦੀ ਗਿਣਤੀ ਜਾਰੀ ਹੈ। ਸ਼ੁਰੂਆਤੀ ਰੁਝਾਨਾਂ ‘ਚ ਜਿੱਥੇ ਭਾਜਪਾ ਨੇ ਬੜ੍ਹਤ ਬਣਾਈ ਹੋਈ ਸੀ, ਪਰ ਹੁਣ ਟੀਐਮਸੀ ਨੇ ਰਫ਼ਤਾਰ ਫੜ੍ਹੀ ਹੈ। ਟੀਐਮਸੀ 69 ਸੀਟਾਂ ‘ਤੇ ਜਦਕਿ ਭਾਜਪਾ 65 ਸੀਟਾਂ ‘ਤੇ ਅੱਗੇ ਨਜ਼ਰ ਆ ਰਹੀ ਹੈ।

ਪੱਛਮੀ ਬੰਗਾਲ ‘ਚ ਪੋਸਟਲ ਬੈਲਟ੍ਸ ਗਿਣਤੀ ਸ਼ੁਰੂ ਹੋ ਚੁੱਕੀ ਹੈ। ਸ਼ੁਰੂਆਤੀ ਰੁਝਾਨ ‘ਚ ਭਾਜਪਾ 58 ਸੀਟਾਂ ‘ਤੇ ਅੱਗੇ ਨਜ਼ਰ ਆ ਰਹੀ ਹੈ, ਜਦਕਿ 50 ਸੀਟਾਂ ‘ਚ ਟੀਐਮਸੀ ਅੱਗੇ ਬਣੀ ਹੋਈ ਹੈ।

ਪੰਜ ਰਾਜਾਂ ‘ਚ 823 ਸੀਟਾਂ ਲਈ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਰੁਝਾਨ ਸਾਹਮਣੇ ਆਉਣੇ ਸ਼ੁਰੂ ਹੋ ਗਏ ਹਨ। ਬੰਗਾਲ ‘ਚ, ਪਹਿਲੇ ਰੁਝਾਨ ‘ਚ ਟੀਐਮਸੀ ਤੇ ਭਾਜਪਾ ਵਿਚਕਾਰ ਸਖ਼ਤ ਮੁਕਾਬਲਾ ਦਿਖਾਈ ਦੇ ਰਿਹਾ ਹੈ। ਬੰਗਾਲ ਦੇ ਸ਼ੁਰੂਆਤੀ ਰੁਝਾਨ ‘ਚ ਭਾਜਪਾ ਨੂੰ 52 ਸੀਟਾਂ ‘ਤੇ ਜਦਕਿ ਟੀਐਮਸੀ 45 ਸੀਟਾਂ ‘ਤੇ ਅੱਗੇ ਬਣੀ ਹੋਈ ਹੈ।

ਭਬਾਨੀਪੁਰ ਤੋਂ ਭਾਜਪਾ ਉਮੀਦਵਾਰ ਸੁਵੇਂਦੂ ਅਧਿਕਾਰੀ ਨੇ ਕਿਹਾ ਹੈ ਕਿ ਬੰਗਾਲ ‘ਚ ਸਨਾਤਨ ਦੀ ਸਰਕਾਰ ਆ ਰਹੀ ਹੈ, ਪਰਿਵਰਤਨ ਹੋ ਰਿਹਾ ਹੈ। ਭਾਜਪਾ ਸੱਤਾ ‘ਚ ਆ ਰਹੀ ਹੈ।

ਪੰਜਾਂ ਰਾਜਾਂ ‘ਚ ਪੋਸਟਲ ਬੈਲਟ੍ਸ ਦੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਡਾਕ ਵੋਟਾਂ ਦੀ ਗਿਣਤੀ ਆਮ ਤੌਰ ‘ਤੇ 30 ਤੋਂ 40 ਮਿੰਟ ਤੱਕ ਜਾਰੀ ਰਹਿੰਦੀ ਹੈ। ਇਸ ਤੋਂ ਬਾਅਦ, ਪਹਿਲੇ ਰੁਝਾਨ ਸਾਹਮਣੇ ਆਉਣਗੇ। ਫਿਰ ਈਵੀਐਮ ਖੋਲ੍ਹਣੇ ਸ਼ੁਰੂ ਹੋ ਜਾਣਗੇ, ਜਿਸ ਤੋਂ ਬਾਅਦ ਨਤੀਜੇ ਆਉਣੇ ਸ਼ੁਰੂ ਹੋ ਜਾਣਗੇ।

ਪੱਛਮੀ ਬੰਗਾਲ, ਅਸਾਮ, ਕੇਰਲ, ਪੁਡੂਚੇਰੀ ਤੇ ਤਾਮਿਲਨਾਡੂ ‘ਚ 5 ਰਾਜਾਂ ‘ਚ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋ ਚੁੱਕੀ ਹੈ। ਜਲਦੀ ਹੀ ਪਹਿਲੇ ਰੁਝਾਨ ਸਾਹਮਣੇ ਆਉਣਗੇ।

ਕੋਲਕਾਤਾ ‘ਚ, ਟੀਐਮਸੀ ਨੇਤਾ ਤੇ ਸ਼ਿਆਮਪੁਕੁਰ ਸੀਟ ਲਈ ਉਮੀਦਵਾਰ, ਸ਼ਸ਼ੀ ਪਾਂਜਾ ਨੇ ਕਿਹਾ, “ਅਸੀਂ ਸਾਰੇ ਦਸਤਾਵੇਜ਼ ਨਾਲ ਲਿਆਉਂਦੇ ਹਾਂ ਜੋ ਸਾਨੂੰ ਵੋਟ ਗਿਣਤੀ ਦੀ ਨਿਗਰਾਨੀ ਕਰਨ ਦੇ ਯੋਗ ਬਣਾਉਂਦੇ ਹਨ। ਇਹ ਪੂਰੀ ਪ੍ਰਕਿਰਿਆ ਚੋਣ ਕਮਿਸ਼ਨ ਦੀ ਜ਼ਿੰਮੇਵਾਰੀ ਹੈ। ਫਿਰ ਵੀ, ਇੱਥੇ ਸਭ ਕੁਝ ਬੇਤਰਤੀਬ ਢੰਗ ਨਾਲ ਸੁੱਟ ਦਿੱਤਾ ਜਾ ਰਿਹਾ ਹੈ। ਕੀ ਅਸੀਂ ਇੱਥੇ ਝਗੜਾ ਕਰਨ ਆਏ ਹਾਂ? ਕੀ ਅਸੀਂ ਆਪਣੇ ਨਾਲ ਗੋਲੀਆਂ, ਗੋਲਾ ਬਾਰੂਦ, ਜਾਂ ਪਿਸਤੌਲ ਲੈ ਕੇ ਆਏ ਹਾਂ?”

ਭਬਾਨੀਪੁਰ ਵਿਧਾਨ ਸਭਾ ਹਲਕੇ ਦੇ ਸਖਾਵਤ ਮੈਮੋਰੀਅਲ ਸਰਕਾਰੀ ਗਰਲਜ਼ ਹਾਈ ਸਕੂਲ ਵਿਖੇ ਗਿਣਤੀ ਕੇਂਦਰ ਦੇ ਬਾਹਰ ਭਾਰੀ ਸੁਰੱਖਿਆ ਤਾਇਨਾਤ ਕੀਤੀ ਗਈ ਹੈ। ਰਾਜ ਦੀਆਂ 293 ਵਿਧਾਨ ਸਭਾ ਸੀਟਾਂ ਲਈ ਵੋਟਾਂ ਦੀ ਗਿਣਤੀ ਅੱਜ ਸਵੇਰੇ 8:00 ਵਜੇ ਸ਼ੁਰੂ ਹੋਵੇਗੀ। ਟੀਐਮਸੀ ਉਮੀਦਵਾਰ ਤੇ ਮੁੱਖ ਮੰਤਰੀ ਮਮਤਾ ਬੈਨਰਜੀ ਭਬਾਨੀਪੁਰ ਵਿਧਾਨ ਸਭਾ ਹਲਕੇ ਤੋਂ ਭਾਜਪਾ ਉਮੀਦਵਾਰ ਸੁਵੇਂਦੂ ਅਧਿਕਾਰੀ ਦੇ ਖਿਲਾਫ਼ ਚੋਣ ਲੜ ਰਹੀ ਹੈ।

ਬੰਗਾਲ ‘ਚ ਵੋਟਾਂ ਦੀ ਗਿਣਤੀ ਤੋਂ ਪਹਿਲਾਂ, ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਸਾਰਿਆਂ ਨੂੰ ਸੁਚੇਤ ਰਹਿਣ ਤੇ ਨੇੜਿਓਂ ਨਜ਼ਰ ਰੱਖਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਉਨ੍ਹਾਂ ਨੂੰ ਸਟ੍ਰਾਂਗ ਰੂਮਾਂ ਦੇ ਅੰਦਰ ਲੋਕਾਂ ਦੀਆਂ ਵੋਟਾਂ ਦੀ ਰਾਖੀ ਕਰਨ ਦਾ ਸੱਦਾ ਦਿੱਤਾ। ਮਮਤਾ ਭਵਾਨੀਪੁਰ ਤੋਂ ਟੀਐਮਸੀ ਉਮੀਦਵਾਰ ਹਨ, ਉਹ ਸੁਵੇਂਦੂ ਅਧਿਕਾਰੀ ਦੇ ਖਿਲਾਫ਼ ਚੋਣ ਲੜ ਰਹੀ ਹੈ।

ਪੱਛਮੀ ਬੰਗਾਲ ‘ਚ ਵੋਟ ਗਿਣਤੀ ਕੇਂਦਰਾਂ ‘ਤੇ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ। ਤਿੰਨ-ਪੱਧਰੀ ਸੁਰੱਖਿਆ ਪ੍ਰਣਾਲੀ ਲਾਗੂ ਕੀਤੀ ਗਈ ਹੈ। ਪਹਿਲੀ ਵਾਰ, ਚੋਣ ਕਮਿਸ਼ਨ ਨੇ ਅਣਅਧਿਕਾਰਤ ਪ੍ਰਵੇਸ਼ ਨੂੰ ਰੋਕਣ ਲਈ QR ਕੋਡ-ਅਧਾਰਤ ਫੋਟੋ ਪਛਾਣ ਪੱਤਰ ਪ੍ਰਣਾਲੀ ਸ਼ੁਰੂ ਕੀਤੀ ਹੈ। ਗਿਣਤੀ ਕੇਂਦਰਾਂ ਤੱਕ ਸਿਰਫ਼ ਅਧਿਕਾਰਤ ਕਰਮਚਾਰੀਆਂ ਨੂੰ ਹੀ ਪਹੁੰਚ ਦਿੱਤੀ ਜਾਵੇਗੀ। ਮੋਬਾਈਲ ਫੋਨਾਂ ‘ਤੇ ਵੀ ਸਖ਼ਤ ਪਾਬੰਦੀ ਹੋਵੇਗੀ, ਸਿਰਫ਼ ਰਿਟਰਨਿੰਗ ਅਫਸਰ ਤੇ ਨਿਰੀਖਕਾਂ ਨੂੰ ਹੀ ਉਨ੍ਹਾਂ ਨੂੰ ਲੈ ਕੇ ਜਾਣ ਦੀ ਇਜਾਜ਼ਤ ਹੋਵੇਗੀ।