ਤਣਾਅ, ਮਿਰਗੀ ਤੇ ਡਾਇਬੀਟੀਜ਼ ਲਈ ਦਵਾਈਆਂ ਸਸਤੀਆਂ, Nppa ਨੇ 44 ਫਾਰਮੂਲੇਸ਼ਨਾਂ ਦੀਆਂ ਕੀਮਤਾਂ ਕੀਤੀਆਂ ਤੈਅ
ਕੇਂਦਰ ਸਰਕਾਰ ਨੇ ਤਣਾਅ, ਮਿਰਗੀ, ਸ਼ੂਗਰ ਅਤੇ ਹਲਕੇ ਮਾਈਗਰੇਨ ਦੇ ਇਲਾਜ ਵਿੱਚ ਵਰਤੀਆਂ ਜਾਣ ਵਾਲੀਆਂ ਦਵਾਈਆਂ ਨੂੰ ਕੀਮਤ ਕੰਟਰੋਲ ਦੇ ਦਾਇਰੇ 'ਚ ਲਿਆਂਦਾ ਹੈ। ਜਿਸ ਤੋਂ ਬਾਅਦ ਇਨ੍ਹਾਂ ਦੀ ਕੀਮਤਾਂ ਵਿੱਚ ਕਮੀ ਆ ਸਕਦੀ ਹੈ।
ਤਣਾਅ, ਮਿਰਗੀ, ਸ਼ੂਗਰ ਅਤੇ ਹਲਕੇ ਮਾਈਗਰੇਨ ਦੇ ਇਲਾਜ ਵਿੱਚ ਵਰਤੀਆਂ ਜਾਣ ਵਾਲੀਆਂ ਦਵਾਈਆਂ ਸਸਤੀਆਂ ਹੋਣਗੀਆਂ। ਕੇਂਦਰ ਸਰਕਾਰ ਨੇ ਇਨ੍ਹਾਂ ਦਵਾਈਆਂ ਨੂੰ ਕੀਮਤ ਕੰਟਰੋਲ ਦੇ ਦਾਇਰੇ ‘ਚ ਲਿਆਂਦਾ ਹੈ, ਜਿਸ ਕਾਰਨ ਹੁਣ ਇਨ੍ਹਾਂ ਦਵਾਈਆਂ ਦੀ ਕੀਮਤ ‘ਚ ਘਟ ਹੋ ਸਕਦੀ ਹੈ।
ਨੈਸ਼ਨਲ ਫਾਰਮਾਸਿਊਟੀਕਲ ਪ੍ਰਾਈਸਿੰਗ ਅਥਾਰਟੀ (NPPA) ਨੇ ਡਰੱਗਜ਼ (ਪ੍ਰਾਈਸ ਕੰਟਰੋਲ) ਆਰਡਰ, 2013 ਦੇ ਤਹਿਤ 44 ਫਾਰਮੂਲੇ ਦੀਆਂ ਪ੍ਰਚੂਨ ਕੀਮਤਾਂ ਤੈਅ ਕੀਤੀਆਂ ਹਨ। ਇਹ ਹੁਕਮ 31 ਜੁਲਾਈ ਨੂੰ ਹੋਈ ਅਥਾਰਟੀ ਦੀ 115ਵੀਂ ਮੀਟਿੰਗ ਵਿੱਚ ਫੈਸਲਾ ਲੈਣ ਤੋਂ ਬਾਅਦ ਜਾਰੀ ਕੀਤਾ ਗਿਆ ਹੈ।
ਫਾਰਮਾਸਿਊਟੀਕਲ ਕੰਪਨੀ ਸਿਰਫ GST ਵਸੂਲ ਸਕੇਗੀ
NPPA ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਇਸ ‘ਚ ਸ਼ੂਗਰ, ਦਰਦ, ਬੁਖਾਰ, ਇਨਫੈਕਸ਼ਨ, ਦਿਲ ਦੀ ਦਵਾਈ ਸਮੇਤ ਮਲਟੀ-ਵਿਟਾਮਿਨ ਅਤੇ ਡੀ-3 ਦੀ ਵੱਧ ਤੋਂ ਵੱਧ ਕੀਮਤ ਤੈਅ ਕੀਤੀ ਗਈ ਹੈ। NPPA ਨੇ ਹੁਕਮ ‘ਚ ਕਿਹਾ ਹੈ ਕਿ ਤੈਅ ਕੀਮਤ ਤੋਂ ਇਲਾਵਾ ਕੋਈ ਵੀ ਫਾਰਮਾਸਿਊਟੀਕਲ ਕੰਪਨੀ ਸਿਰਫ GST ਹੀ ਵਸੂਲ ਸਕੇਗੀ।
ਇਸ ਦੇ ਨਾਲ ਹੀ, ਫਾਰਮਾ ਕੰਪਨੀਆਂ ਨੂੰ 15 ਦਿਨਾਂ ਦੇ ਅੰਦਰ ਦਵਾਈਆਂ ਦੇ ਡੀਲਰਾਂ ਨੂੰ ਨਵੀਆਂ ਕੀਮਤਾਂ ਬਾਰੇ ਜਾਣਕਾਰੀ ਭੇਜਣ ਲਈ ਕਿਹਾ ਗਿਆ ਹੈ। ਹੁਕਮਾਂ ਦੀ ਉਲੰਘਣਾ ਕਰਨ ਵਾਲੀਆਂ ਕੰਪਨੀਆਂ ਖ਼ਿਲਾਫ਼ ਜ਼ਰੂਰੀ ਵਸਤਾਂ ਐਕਟ ਤਹਿਤ ਕਾਰਵਾਈ ਕੀਤੀ ਜਾਵੇਗੀ।
ਦਵਾਈਆਂ ਦੀ ਕੀਮਤਾਂ ਤੈਅ
NPPA ਆਦੇਸ਼ ਦੇ ਮੁਤਾਬਕ ਸਿਰਦਰਦ, ਹਲਕੇ ਮਾਈਗਰੇਨ, ਮਾਸਪੇਸ਼ੀ ਦੇ ਦਰਦ ਜਾਂ ਦਰਦਨਾਕ ਮਾਹਵਾਰੀ ਦੇ ਇਲਾਜ ਵਿੱਚ ਵਰਤੀ ਜਾਣ ਵਾਲੀ Aceclofenac, Paracetamol, Serratiopeptidase ਦੀ ਪ੍ਰਤੀ ਗੋਲੀ ਦੀ ਵੱਧ ਤੋਂ ਵੱਧ ਕੀਮਤ 8.38 ਰੁਪਏ ਰੱਖੀ ਗਈ ਹੈ, ਜਿਸ ਵਿੱਚ GST ਚਾਰਜ ਸ਼ਾਮਲ ਹਨ। ਟਾਈਪ 2 ਡਾਇਬਟੀਜ਼ ਵਾਲੇ ਮਰੀਜ਼ਾਂ ਲਈ ਤਜਵੀਜ਼ ਕੀਤੀ ਗਈ ਦਵਾਈ ਸੀਟੈਗਲੀਪਟਿਨ ਫਾਸਫੇਟ ਅਤੇ ਮੈਟਫੋਰਮਿਨ ਹਾਈਡ੍ਰੋਕਲੋਰਾਈਡ, ਵੱਧ ਤੋਂ ਵੱਧ 9 ਰੁਪਏ ਪ੍ਰਤੀ ਗੋਲੀ ਵਿੱਚ ਉਪਲਬਧ ਹੋਵੇਗੀ।
ਇਹ ਵੀ ਪੜ੍ਹੋ
ਲੇਵੇਟੀਰਾਸੀਟਮ, ਸੋਡੀਅਮ ਕਲੋਰਾਈਡ ਇਨਫਿਊਜ਼ਨ ਅਤੇ ਪੈਰੋਕਸੈਟਾਈਨ ਨਿਯੰਤਰਿਤ ਰੀਲੀਜ਼ ਅਤੇ ਮਿਰਗੀ ਲਈ ਵਰਤੇ ਜਾਣ ਵਾਲੇ ਕਲੋਨਾਜ਼ੇਪਾਮ ਕੈਪਸੂਲ ਅਤੇ ਤਣਾਅ ਦੇ ਅਧੀਨ ਦਿੱਤੇ ਗਏ 0.89 ਰੁਪਏ ਅਤੇ 14.53 ਰੁਪਏ ਦੀ ਸੀਮਾ ਹੋਵੇਗੀ। ਫਿਲਹਾਲ ਇਨ੍ਹਾਂ ਦਵਾਈਆਂ ਦੀ ਕੀਮਤ ਬਹੁਤ ਜ਼ਿਆਦਾ ਹੈ।
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ
