ਆਪ੍ਰੇਸ਼ਨ ਸਿੰਦੂਰ ਨੇ ਪੂਰੀ ਦੁਨੀਆ ਨੂੰ ਭਾਰਤ ਦੀ ਤਾਕਤ ਦਾ ਕਰਵਾਇਆ ਅਹਿਸਾਸ, Graphic Era ਦੇ ਸਮਾਗਮ ‘ਚ ਬੋਲੇ ਡਾ. ਸੁਧੀਰ ਮਿਸ਼ਰਾ
ਗ੍ਰਾਫਿਕ ਏਰਾ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਦੇ ਚੇਅਰਮੈਨ ਡਾ. ਕਮਲ ਘਣਸ਼ਾਲਾ ਨੇ ਮੈਗਾ ਕਾਉਂਸਲਿੰਗ ਸਮਾਰੋਹ ਵਿੱਚ ਇੰਜੀਨੀਅਰਿੰਗ ਤੋਂ ਲੈ ਕੇ ਹੁਣ ਤੱਕ ਦੇ ਆਪਣੇ ਸਫ਼ਰ 'ਤੇ ਚਾਨਣਾ ਪਾਇਆ। ਇਸ ਦੇ ਨਾਲ ਨੌਜਵਾਨਾਂ ਨੂੰ ਇੰਜੀਨੀਅਰਿੰਗ, ਮੈਨੇਜਮੈਂਟ, ਕੰਪਿਊਟਰ ਐਪਲੀਕੇਸ਼ਨਾਂ ਸਮੇਤ ਵੱਖ-ਵੱਖ ਖੇਤਰਾਂ 'ਚ ਉਪਲਬਧ ਰੁਜ਼ਗਾਰ ਦੇ ਮੌਕਿਆਂ ਤੇ ਸਟਾਰਟ-ਅੱਪਸ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ।
Graphic Era’s Career Counseling: DRDO ਦੇ ਸਾਬਕਾ ਡਾਇਰੈਕਟਰ ਜਨਰਲ ਅਤੇ ਬ੍ਰਮੋਸ ਏਅਰੋਸਪੇਸ ਦੇ ਸਾਬਕਾ ਸੀਈਓ ਐਂਡ ਐਮਡੀ ਡਾ. ਸੁਧੀਰ ਮਿਸ਼ਰਾ ਨੇ ਅੱਜ ਗ੍ਰਾਫਿਕ ਏਰਾ ਦੇ ਕਰੀਅਰ ਕਾਉਂਸਲਿੰਗ ਸਮਾਗਮ ਨੂੰ ਮੁੱਖ ਮਹਿਮਾਨ ਵਜੋਂ ਸੰਬੋਧਨ ਕਰ ਕੀਤਾ ਹੈ। ਗ੍ਰਾਫਿਕ ਏਰਾ ਡੀਮਡ ਯੂਨੀਵਰਸਿਟੀ ਨੇ ਨੌਜਵਾਨਾਂ ਨੂੰ ਆਪਣੀ ਰੁਚੀ ਅਤੇ ਯੋਗਤਾਵਾਂ ਅਨੁਸਾਰ ਕਰੀਅਰ ਚੁਣਨ ਵਿੱਚ ਮਦਦ ਕਰਨ ਲਈ ਇਸ ਸ਼ਾਨਦਾਰ ਸਮਾਗਮ ਦਾ ਆਯੋਜਨ ਕੀਤਾ। ਸਮਾਗਮ ਵਿੱਚ ਡਾ. ਸੁਧੀਰ ਮਿਸ਼ਰਾ ਨੇ ਕਿਹਾ ਕਿ ਆਪ੍ਰੇਸ਼ਨ ਸਿੰਦੂਰ ਰਾਹੀਂ ਭਾਰਤ ਨੇ ਪਾਕਿਸਤਾਨ ਨੂੰ ਗੋਡੇ ਟੇਕਣ ਲਈ ਮਜਬੂਰ ਕਰ ਦਿੱਤਾ।
ਉਨ੍ਹਾਂ ਕਿਹਾ ਕਿ ਜੰਗਬੰਦੀ ਦੀ ਲੋੜ ਪਾਕਿਸਤਾਨ ਨੂੰ ਸੀ, ਭਾਰਤ ਨੂੰ ਨਹੀਂ। ਸਿਰਫ਼ ਪਾਕਿਸਤਾਨ ਹੀ ਨਹੀਂ, ਸਗੋਂ ਪੂਰੀ ਦੁਨੀਆ ਨੇ ਆਪ੍ਰੇਸ਼ਨ ਸਿੰਦੂਰ ਰਾਹੀਂ ਭਾਰਤ ਦੀ ਸ਼ਕਤੀ ਨੂੰ ਮਹਿਸੂਸ ਕੀਤਾ ਹੈ। ਪਾਕਿਸਤਾਨ ਵੱਲੋਂ ਜੰਗਬੰਦੀ ਰੋਕਣ ਲਈ ਸੰਪਰਕ ਕਰਨ ਤੋਂ ਤਿੰਨ ਘੰਟੇ ਬਾਅਦ ਭਾਰਤ ਨੇ ਜੰਗਬੰਦੀ ਸਵੀਕਾਰ ਕਰ ਲਈ। ਪਾਕਿਸਤਾਨ ਸਮਝ ਗਿਆ ਸੀ ਕਿ ਭਾਰਤ ਦਾ ਰੱਖਿਆ ਸਿਸਟਮ ਉਸਨੂੰ ਤਬਾਹ ਕਰ ਦੇਵੇਗਾ।
‘ਬ੍ਰਹਮੋਸ ਸਭ ਤੋਂ ਤੇਜ ਮਿਜ਼ਾਇਲ’
ਬ੍ਰਹਮੋਸ ਮਿਜ਼ਾਈਲ ਵਿਕਸਤ ਕਰਨ ਵਾਲੀ ਟੀਮ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਵਾਲੇ ਡਾ. ਮਿਸ਼ਰਾ, ਗ੍ਰਾਫਿਕ ਏਰਾ ਡੀਮਡ ਯੂਨੀਵਰਸਿਟੀ ਦੇ ਬੋਰਡ ਆਫ਼ ਗਵਰਨਰਜ਼ ਦੇ ਮੈਂਬਰ ਵੀ ਹਨ। ਉਨ੍ਹਾਂ ਕਿਹਾ ਕਿ ਬ੍ਰਹਮੋਸ ਦੁਨੀਆ ਦੀ ਪਹਿਲੀ ਤੇ ਹੁਣ ਤੱਕ ਦੀ ਇੱਕੋ ਇੱਕ ਮਿਜ਼ਾਈਲ ਹੈ ਜੋ ਸਭ ਤੋਂ ਤੇਜ਼ ਉੱਡਦੀ ਹੈ। ਇਸ ਦੀ ਗਤੀ 900 ਮੀਟਰ ਪ੍ਰਤੀ ਸਕਿੰਟ ਹੈ। ਇਸ ਦੀ ਰੇਂਜ 30 ਕਿਲੋਮੀਟਰ ਤੋਂ 300 ਕਿਲੋਮੀਟਰ ਤੱਕ ਹੈ ਤੇ ਇਸ ਨੂੰ ਪਾਣੀ, ਜ਼ਮੀਨ ਤੇ ਅਸਮਾਨ ਤੋਂ ਚਲਾਇਆ ਜਾ ਸਕਦਾ ਹੈ। ਇਸ ਦਾ ਨਿਸ਼ਾਨਾ ਸਹੀ ਹੈ। ਨਵੀਂ ਪੀੜ੍ਹੀ ਦੇ ਬ੍ਰਹਮੋਸ ਵਧੇਰੇ ਪ੍ਰਭਾਵਸ਼ਾਲੀ ਹੋਣਗੇ। ਇਸ ਦਾ ਭਾਰ ਘਟਾਉਣ ਤੇ ਇਸ ਦੀ ਰੇਂਜ ਵਧਾਉਣ ਲਈ ਕੰਮ ਕੀਤਾ ਜਾ ਰਿਹਾ ਹੈ।
ਗ੍ਰਾਫਿਕ ਏਰਾ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਦੇ ਚੇਅਰਮੈਨ ਡਾ. ਕਮਲ ਘਣਸ਼ਾਲਾ ਨੇ ਮੈਗਾ ਕਾਉਂਸਲਿੰਗ ਸਮਾਰੋਹ ਵਿੱਚ ਇੰਜੀਨੀਅਰਿੰਗ ਤੋਂ ਲੈ ਕੇ ਹੁਣ ਤੱਕ ਦੇ ਆਪਣੇ ਸਫ਼ਰ ‘ਤੇ ਚਾਨਣਾ ਪਾਇਆ। ਇਸ ਦੇ ਨਾਲ ਨੌਜਵਾਨਾਂ ਨੂੰ ਇੰਜੀਨੀਅਰਿੰਗ, ਮੈਨੇਜਮੈਂਟ, ਕੰਪਿਊਟਰ ਐਪਲੀਕੇਸ਼ਨਾਂ ਸਮੇਤ ਵੱਖ-ਵੱਖ ਖੇਤਰਾਂ ‘ਚ ਉਪਲਬਧ ਰੁਜ਼ਗਾਰ ਦੇ ਮੌਕਿਆਂ ਤੇ ਸਟਾਰਟ-ਅੱਪਸ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ।
ਇਹ ਵੀ ਪੜ੍ਹੋ
‘ਏਅਰੋਸਪੇਸ ਦੇ ਖੇਤਰ ਵਿੱਚ ਚੰਗਾ ਭਵਿੱਖ’
ਡਾ. ਘਣਸਾਲਾ ਨੇ ਕਿਹਾ ਕਿ ਹੁਣ ਜਿਵੇਂ ਕਿ ਸਾਰੇ ਵਿਸ਼ਿਆਂ ਨੂੰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨਾਲ ਜੋੜਿਆ ਗਿਆ ਹੈ। ਬੀ.ਕਾਮ, ਫਾਈਨ ਆਰਟਸ, ਇੰਗਲਿਸ਼ ਆਨਰਜ਼ ਵਰਗੇ ਵਿਸ਼ਿਆਂ ਦੇ ਵਿਦਿਆਰਥੀਆਂ ਲਈ ਆਈਟੀ ਕੰਪਨੀਆਂ ਵਿੱਚ ਚੰਗੇ ਅਹੁਦੇ ਪ੍ਰਾਪਤ ਕਰਨ ਦੇ ਮੌਕੇ ਵਧ ਗਏ ਹਨ। ਉਨ੍ਹਾਂ ਕਿਹਾ ਕਿ ਅੱਜ ਦੀ ਸਥਿਤੀ ਵਿੱਚ, ਨੌਜਵਾਨਾਂ ਦੀ ਦਿਲਚਸਪੀ ਅਤੇ ਏਅਰੋਸਪੇਸ ਦੇ ਖੇਤਰ ਵਿੱਚ ਕਰੀਅਰ ਬਣਾਉਣ ਦੀਆਂ ਸੰਭਾਵਨਾਵਾਂ ਬਹੁਤ ਵੱਧ ਗਈਆਂ ਹਨ। ਹੁਣ ਨੌਜਵਾਨਾਂ ਨੂੰ ਡਰੋਨ ਅਤੇ ਮਿਜ਼ਾਈਲ ਤਕਨਾਲੋਜੀ ਵਿੱਚ ਭਵਿੱਖ ਦਿਖਾਈ ਦੇਣ ਲੱਗ ਪਿਆ ਹੈ।
ਸਮਾਰੋਹ ਵਿੱਚ ਯੂਨੀਵਰਸਿਟੀ ਦੇ ਟੈਕ ਇਨੋਵੇਸ਼ਨ ਦੇ ਮੁਖੀ, ਸ਼੍ਰੀ ਤੇਜਸਵੀ ਘਣਸ਼ਾਲਾ, ਐਮਾਜ਼ਾਨ ਵੈੱਬ ਸਰਵਿਸਿਜ਼ ਦੇ ਅਧਿਕਾਰੀ ਰੋਹਿਤ ਸ਼ਰਮਾ, ਡੀਨ ਲਾਅ ਡਾ. ਡੇਜ਼ੀ ਅਲੈਗਜ਼ੈਂਡਰ, ਜੀਐਮ ਕਰੀਅਰ ਸਰਵਿਸਿਜ਼ ਤੇ ਵਿਦਿਆਰਥੀ ਅਨੁਭਵ ਅੰਸ਼ੁਲ ਨੰਦਾ, ਡੀਨ ਸਕੂਲ ਆਫ਼ ਡਿਜ਼ਾਈਨ ਡਾ. ਸੌਰਭ ਕੁਮਾਰ, ਫੈਸ਼ਨ ਡਿਜ਼ਾਈਨਿੰਗ ਦੇ ਐਚਓਡੀ ਡਾ. ਜੋਤੀ ਛਾਬੜਾ ਨੇ ਵੀ ਨੌਜਵਾਨਾਂ ਨੂੰ ਕਰੀਅਰ ਬਣਾਉਣ ਸੰਬੰਧੀ ਸੁਝਾਅ ਦਿੱਤੇ।
