ਦਿੱਲੀ: ਗੈਰ-ਕਾਨੂੰਨੀ ਬੰਗਲਾਦੇਸ਼ੀ-ਰੋਹਿੰਗਿਆ ਖਿਲਾਫ ਪੁਲਿਸ ਦਾ ਐਕਸ਼ਨ, ਪੇਪਰਾਂ ਦੀ ਹੋ ਰਹੀ ਹੈ ਜਾਂਚ
Delhi Police Special Drive : ਬੰਗਲਾਦੇਸ਼ੀ ਪ੍ਰਵਾਸੀਆਂ ਅਤੇ ਰੋਹਿੰਗਿਆ ਦਾ ਪਤਾ ਲਗਾਉਣ ਲਈ ਦਿੱਲੀ ਪੁਲਿਸ ਲੋਕਾਂ ਦੇ ਦਸਤਾਵੇਜ਼ਾਂ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਦੀ ਇਹ ਮੁਹਿੰਮ ਖਾਸ ਤੌਰ 'ਤੇ ਕਾਲਿੰਦੀ ਕੁੰਜ ਅਤੇ ਸੀਮਾਪੁਰੀ ਇਲਾਕਿਆਂ 'ਚ ਚੱਲ ਰਹੀ ਹੈ।
ਦਿੱਲੀ ‘ਚ ਗੈਰ-ਕਾਨੂੰਨੀ ਢੰਗ ਨਾਲ ਰਹਿ ਰਹੇ ਬੰਗਲਾਦੇਸ਼ੀਆਂ ਅਤੇ ਰੋਹਿੰਗਿਆ ਲੋਕਾਂ ਖਿਲਾਫ ਪੁਲਿਸ ਵਿਸ਼ੇਸ਼ ਮੁਹਿੰਮ ਚਲਾ ਰਹੀ ਹੈ। ਰਾਸ਼ਟਰੀ ਰਾਜਧਾਨੀ ਦੇ ਕਈ ਇਲਾਕਿਆਂ ‘ਚ ਪੁਲਿਸ ਦੀ ਇਹ ਮੁਹਿੰਮ ਚੱਲ ਰਹੀ ਹੈ। ਪੁਲਿਸ ਬੰਗਲਾਦੇਸ਼ੀ ਪ੍ਰਵਾਸੀਆਂ ਅਤੇ ਰੋਹਿੰਗਿਆ ਦਾ ਪਤਾ ਲਗਾਉਣ ਲਈ ਲੋਕਾਂ ਦੇ ਦਸਤਾਵੇਜ਼ਾਂ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਦੀ ਇਹ ਮੁਹਿੰਮ ਖਾਸ ਤੌਰ ‘ਤੇ ਕਾਲਿੰਦੀ ਕੁੰਜ ਅਤੇ ਸੀਮਾਪੁਰੀ ਇਲਾਕਿਆਂ ‘ਚ ਚੱਲ ਰਹੀ ਹੈ।
ਸੀਮਾਪੁਰੀ ਇਲਾਕੇ ‘ਚ ਮੁੱਢਲੀ ਪੁੱਛਗਿੱਛ ਦੌਰਾਨ 32 ਲੋਕਾਂ ਦੀ ਸ਼ਨਾਖਤ ਕੀਤੀ ਗਈ ਹੈ ਜੋ ਗੈਰ-ਕਾਨੂੰਨੀ ਬੰਗਲਾਦੇਸ਼ੀ ਹਨ ਪਰ ਇਨ੍ਹਾਂ ਲੋਕਾਂ ਦੇ ਆਧਾਰ ਕਾਰਡ ਬਣਾਏ ਗਏ ਹਨ। ਸੂਤਰਾਂ ਦੀ ਮੰਨੀਏ ਤਾਂ ਯਮੁਨਾ ਬਾਜ਼ਾਰ ਲੋਹੇ ਦੇ ਪੁੱਲ ਕੋਲ ਵੱਸੀਆਂ ਝੁੱਗੀ ਬਸਤੀਆਂ, ਬਵਾਨਾ, ਜਹਾਂਗੀਰਪੁਰੀ, ਸੀਮਾਪੁਰੀ, ਅਲੀਗਾਂਵ, ਦਯਾ ਬਸਤੀ, ਸਰਾਏ ਰੋਹਿਲਾ, ਯਮੁਨਾ ਪੁਸਤਾ, ਸ਼ਸ਼ੀ ਗਾਰਡਨ, ਸੋਨੀਆ ਕੈਂਪ, ਸੰਜੇ ਬਸਤੀ, ਸੋਨੀਆ ਵਿਹਾਰ, ਸ਼ਕਰਪੁਰ, ਕੇਸ਼ਵਪੁਰਮ, ਸੀਮਾਪੁਰੀ ਦੇ ਆਲੇ-ਦੁਆਲੇ ਸਥਿਤ ਝੁੱਗੀਆਂ ਹਨ। ਰੇਲਵੇ ਲਾਈਨ, ਵਿਕਾਸਪੁਰੀ, ਨਜਫਗੜ੍ਹ, ਭਲਸਵਾ ਡੇਅਰੀ ਜੇਜੇ ਕਾਲੋਨੀ, ਪ੍ਰੇਮ ਨਗਰ, ਕੇਸ਼ਵ ਪੁਰਮ, ਕਾਲਿੰਦੀ ਕੁੰਜ ਦੇ ਸ਼੍ਰਮ ਵਿਹਾਰ ਖੇਤਰਾਂ ਵਿੱਚ ਰੋਹਿੰਗਿਆ ਅਤੇ ਬੰਗਲਾਦੇਸ਼ੀ ਬਹੁਤਾਤ ਵਿੱਚ ਰਹਿੰਦੇ ਹਨ।
#WATCH | Delhi Police officials carry out a special drive in the Seelampur area to check the documents of the people to ascertain the details of Bangladeshi migrants living in the area. pic.twitter.com/F6Fzbaah9f
— ANI (@ANI) December 12, 2024
ਲੋਕਾਂ ਨੇ ਕੀਤਾ ਵਿਰੋਧ
ਦਿੱਲੀ ਪੁਲਿਸ ਨੇ ਸੀਮਾਪੁਰੀ ਦੀਆਂ ਝੁੱਗੀਆਂ ਵਿੱਚ ਰਹਿਣ ਵਾਲੇ ਲੋਕਾਂ ਦੇ ਆਧਾਰ ਕਾਰਡ, ਪੈਨ ਕਾਰਡ ਅਤੇ ਹੋਰ ਜ਼ਰੂਰੀ ਦਸਤਾਵੇਜ਼ਾਂ ਦੀ ਜਾਂਚ ਕੀਤੀ। ਜਾਂਚ ਦੌਰਾਨ ਝੁੱਗੀ ਵਿੱਚ ਰਹਿਣ ਵਾਲੇ ਲੋਕਾਂ ਨੇ ਇਸ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ। ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੇ ਆਪਣੇ ਆਧਾਰ ਕਾਰਡ ਦਿਖਾਉਣ ਦੇ ਨਾਂ ‘ਤੇ ਕਿਹਾ ਕਿ ਅਸੀਂ ਜਹਾਨਾਬਾਦ ਦੇ ਵਾਸੀ ਹਾਂ। ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਪਿਛਲੇ 35 ਤੋਂ 40 ਸਾਲਾਂ ਤੋਂ ਦਿੱਲੀ ਵਿੱਚ ਰਹਿ ਰਹੇ ਹਨ।
ਸੀਮਾਪੁਰੀ ਦੇ ਐਸਐਚਓ ਨੇ ਦੱਸਿਆ ਕਿ ਅਸੀਂ ਇੱਥੇ ਰਹਿੰਦੇ ਲੋਕਾਂ ਦੇ ਆਧਾਰ ਕਾਰਡਾਂ ਦੀ ਜਾਂਚ ਕਰ ਰਹੇ ਹਾਂ। ਜਾਂਚ ਦੌਰਾਨ ਕੁਝ ਲੋਕਾਂ ਨੇ ਇਸ ਦਾ ਵਿਰੋਧ ਵੀ ਕੀਤਾ।
ਇਹ ਵੀ ਪੜ੍ਹੋ
ਆਪ ਨੇ ਬੋਲਿਆ ਹਮਲਾ
ਦਿੱਲੀ ਪੁਲਿਸ ਦੀ ਇਸ ਮੁਹਿੰਮ ਨੂੰ ਆਮ ਆਦਮੀ ਪਾਰਟੀ ਚੋਣਾਂ ਨਾਲ ਜੋੜ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਚੋਣਾਂ ਤੋਂ ਪਹਿਲਾਂ ਭਾਜਪਾ ਦਾ ਡਰਾਮਾ ਹੈ। ਮਨੀਸ਼ ਸਿਸੋਦੀਆ ਨੇ ਕਿਹਾ ਕਿ ਭਾਜਪਾ ਹਮੇਸ਼ਾ ਰੋਹਿੰਗਿਆ ਨੂੰ ਲੈ ਕੇ ਡਰਾਮਾ ਰਚਦੀ ਹੈ। ਭਾਜਪਾ ਹੀ ਉਸ ਨੂੰ ਲੈ ਕੇ ਆਈ ਸੀ। ਉਨ੍ਹਾਂ ਨੂੰ ਵਸਾਇਆ । ਉਹ ਜਾਣਦੇ ਹਨ ਕਿ ਉਹ ਕਿੱਥੇ ਹਨ। ਹੁਣ ਜਦੋਂ ਚੋਣਾਂ ਹਨ ਤਾਂ ਉਹ ਡਰਾਮੇ ਕਰ ਰਹੇ ਹਨ।
