ਤਾਹਿਰ ਹੁਸੈਨ ਤੇ ਅਦਨਾਨ-ਜਾਵੇਦ-ਨਾਜ਼ਿਮ ਅਤੇ ਕਾਸਿਮ ਨੂੰ ਉਮਰ ਕੈਦ, ਅੰਕਿਤ ਸ਼ਰਮਾ ਕਤਲ ਕੇਸ ਵਿੱਚ ਫੈਸਲਾ

ਫਰਵਰੀ 2020 ਵਿੱਚ ਦਿੱਲੀ ਦੰਗੇ ਭੜਕੇ ਸਨ, ਜਿਸ ਵਿੱਚ ਆਈਬੀ ਅਧਿਕਾਰੀ ਅੰਕਿਤ ਸ਼ਰਮਾ ਦੀ ਹੱਤਿਆ ਕਰ ਦਿੱਤੀ ਗਈ ਸੀ। ਇਸ ਮਾਮਲੇ ਵਿੱਚ ਦੋਸ਼ੀ ਠਹਿਰਾਏ ਜਾਣ ਤੋਂ ਬਾਅਦ, ਕੜਕੜਡੂਮਾ ਅਦਾਲਤ ਨੇ ਸਾਬਕਾ ਕੌਂਸਲਰ ਤਾਹਿਰ ਹੁਸੈਨ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਤਾਹਿਰ ਦੇ ਨਾਲ, ਅਦਨਾਨ, ਜਾਵੇਦ, ਨਾਜ਼ਿਮ ਅਤੇ ਕਾਸਿਮ ਨੂੰ ਵੀ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਇਸ ਤੋਂ ਪਹਿਲਾਂ, ਕੜਕੜਡੂਮਾ ਅਦਾਲਤ ਦੇ ਐਡੀਸ਼ਨਲ ਸੈਸ਼ਨ ਜੱਜ ਪ੍ਰਵੀਨ ਕੁਮਾਰ ਨੇ ਅੰਕਿਤ ਸ਼ਰਮਾ ਕਤਲ ਕੇਸ ਵਿੱਚ ਤਾਹਿਰ ਹੁਸੈਨ, ਅਦਨਾਨ, ਜਾਵੇਦ, ਨਾਜ਼ਿਮ ਅਤੇ ਕਾਸਿਮ ਨੂੰ ਦੋਸ਼ੀ ਠਹਿਰਾਇਆ ਸੀ। ਅਦਾਲਤ ਨੇ ਤਾਹਿਰ ਨੂੰ ਭਾਰਤੀ ਦੰਡ ਸੰਹਿਤਾ ਦੀਆਂ ਧਾਰਾਵਾਂ 302, 188, 153, 153A, 147, 149 ਅਤੇ 365 ਦੇ ਤਹਿਤ ਦੋਸ਼ੀ ਠਹਿਰਾਇਆ ਸੀ।

13 ਜੁਲਾਈ ਨੂੰ, ਕੜਕੜਡੂਮਾ ਕੋਰਟ ਨੇ ਤਾਹਿਰ, ਨਾਜ਼ਿਮ, ਕਾਸਿਮ, ਅਨਸ ਅਤੇ ਜਾਵੇਦ ਨੂੰ ਦੋਸ਼ੀ ਠਹਿਰਾਇਆ, ਜਦੋਂ ਕਿ ਛੇ ਹੋਰਾਂ ਨੂੰ ਬਰੀ ਕਰ ਦਿੱਤਾ। ਅੱਜ, ਆਪਣਾ ਫੈਸਲਾ ਸੁਣਾਉਂਦੇ ਹੋਏ, ਅਦਾਲਤ ਨੇ ਕਿਹਾ ਕਿ ਅੰਕਿਤ ਨੂੰ ਜਾਨਵਰਾਂ ਵਾਂਗ ਮਾਰਿਆ ਗਿਆ ਸੀ। ਹੱਤਿਆ ਤੋਂ ਬਾਅਦ ਵੀ, ਉਨ੍ਹਾਂ ਦੀ ਲਾਸ਼ ਨੂੰ ਨਾਲੇ ਵਿੱਚ ਸੁੱਟ ਦਿੱਤਾ ਗਿਆ ਸੀ। ਦੋਸ਼ੀਆਂ ਦੇ ਪਰਿਵਾਰਾਂ ਨੇ ਆਪਣੇ ਆਸ਼ਰਿਤਾਂ ਦਾ ਹਵਾਲਾ ਦਿੰਦੇ ਹੋਏ, ਉਨ੍ਹਾਂ ਦੀ ਸਜ਼ਾ ਵਿੱਚ ਕਮੀ ਦੀ ਬੇਨਤੀ ਕੀਤੀ ਸੀ। ਹਾਲਾਂਕਿ, ਅਦਾਲਤ ਨੇ ਇਸ ਬੇਨਤੀ ਨੂੰ ਰੱਦ ਕਰ ਦਿੱਤਾ।

ਉਮਰ ਕੈਦ, ਵੱਖ-ਵੱਖ ਧਾਰਾਵਾਂ ਅਧੀਨ ਜੁਰਮਾਨਾ ਵੀ

ਇਸਤਗਾਸਾ ਪੱਖ ਨੇ ਤਾਹਿਰ ਹੁਸੈਨ ਦੇ ਘਰ ਨੂੰ ਦੰਗਿਆਂ ਲਈ ਇੱਕ ਲਾਂਚਿੰਗ ਪੈਡ ਦੱਸਿਆ, ਪਰ ਇਹ ਇਸ ਮਾਮਲੇ ਵਿੱਚ ਚਾਰਜ ਨਾਲ ਜੁੜਿਆ ਨਹੀਂ ਹੈ। ਅਦਾਲਤ ਨੇ ਤਾਹਿਰ ਹੁਸੈਨ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਉਂਦੇ ਹੋਏ ਵੱਖ-ਵੱਖ ਧਾਰਾਵਾਂ ਅਧੀਨ ਜੁਰਮਾਨਾ ਵੀ ਲਗਾਇਆ।

ताहिर हुसैन को उम्रकैद की सजा न्याय की शुरुआत है

ਇਹ ਵੀ ਪੜ੍ਹੋ

ਰਾਮ ਮੰਦਰ ਚੜ੍ਹਾਵਾ ਚੋਰੀ ਤੇ ਅਨੋਖਾ ਪ੍ਰਦਰਸ਼ਨ... ਸਰਕਾਰ ਨੂੰ ਘੇਰਣ ਦੀ ਕੋਸ਼ਿਸ਼

ਪੇਪਰ ਲੀਕ ਗੈਂਗ ਨੂੰ ਨਹੀਂ ਬਖਸ਼ਾਂਗੇ...PM ਮੋਦੀ ਦਾ ਸਖ਼ਤ ਸੰਦੇਸ਼

ਰਾਜ ਸਭਾ 'ਚ ਐਂਟੀ ਪੇਪਰ ਲੀਕ ਬਿੱਲ ਪਾਸ, ਹੁਣ ਰਾਸ਼ਟਰਪਤੀ ਦੀ ਮੋਹਰ ਬਾਕੀ

जिस निर्दयता के साथ अंकित शर्मा जी को मारा गया , मृत्यु के बाद भी चाकूओं से गोदा जाता रहा , शव को नाले में फेंक दिया गया, ये निश्चित तौर पर Rarest of Rare है उच्च न्यायालय में ये उम्रकैद को फाँसी में बदला जाए , ऐसी आशा है — Kapil Mishra (@KapilMishra_IND) July 31, 2026

“ਇਹ ਯਕੀਨੀ ਤੌਰ ‘ਤੇ Rarest of Rare ਹੈ।”

ਉਸੇ ਪੋਸਟ ਵਿੱਚ, ਉਨ੍ਹਾਂ ਨੇ ਕਿਹਾ, “ਜਿਸ ਬੇਰਹਿਮੀ ਨਾਲ ਅੰਕਿਤ ਸ਼ਰਮਾ ਨੂੰ ਮਾਰਿਆ ਗਿਆ, ਮੌਤ ਤੋਂ ਬਾਅਦ ਵੀ ਚਾਕੂ ਮਾਰ ਕੇ ਗੋਦਿਆ ਜਾਂਦਾ ਰਿਹਾ, ਅਤੇ ਲਾਸ਼ ਨੂੰ ਨਾਲੇ ਵਿੱਚ ਸੁੱਟ ਦਿੱਤਾ ਗਿਆ, ਉਹ ਯਕੀਨੀ ਤੌਰ ‘ਤੇ Rarest of Rare ਹੈ। ਉਮੀਦ ਹੈ ਕਿ ਹਾਈ ਕੋਰਟ ਇਸ ਉਮਰ ਕੈਦ ਨੂੰ ਮੌਤ ਦੀ ਸਜ਼ਾ ਵਿੱਚ ਬਦਲ ਦੇਵੇਗਾ।”

ਕਦੋਂ ਅਤੇ ਕਿਵੇਂ ਹੋਈ ਸੀ ਆਈਬੀ ਅਧਿਕਾਰੀ ਅੰਕਿਤ ਸ਼ਰਮਾ ਦੀ ਹੱਤਿਆ?

25 ਫਰਵਰੀ, 2020 ਨੂੰ, ਦਿੱਲੀ ਵਿੱਚ ਦੰਗਿਆਂ ਦੌਰਾਨ, ਅੰਕਿਤ ਆਪਣੋਂ ਘਰ ਨਿਕਲੇ ਸਨ, ਪਰ ਵਾਪਸ ਨਹੀਂ ਆਏ। ਉਨ੍ਹਾਂ ਦੀ ਲਾਸ਼ ਅਗਲੇ ਦਿਨ ਖਜੂਰੀ ਖਾਸ ਨਾਲੇ ਵਿੱਚੋਂ ਮਿਲੀ। ਉਨ੍ਹਾਂਦੀ ਲਾਸ਼ ‘ਤੇ 51 ਸੱਟਾਂ ਦੇ ਨਿਸ਼ਾਨ ਸਨ। ਉਨ੍ਹਾਂ ਨੂੰ ਭੀੜ ਨੇ ਘੇਰ ਲਿਆ ਅਤੇ ਹਮਲਾ ਕਰ ਦਿੱਤਾ। ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ, ਪੁਲਿਸ ਨੇ ਤਾਹਿਰ ਹੁਸੈਨ ਅਤੇ ਹੋਰਾਂ ਨੂੰ ਆਰੋਪੀ ਬਣਾਇਆ। ਇਸਤਗਾਸਾ ਪੱਖ ਨੇ ਆਰੋਪ ਲਗਾਇਆ ਕਿ ਦੰਗਿਆਂ ਦੌਰਾਨ ਤਾਹਿਰ ਦੇ ਠਿਕਾਣੇ ਦੇ ਆਲੇ-ਦੁਆਲੇ ਇੱਕ ਹਿੰਸਕ ਭੀੜ ਸਰਗਰਮ ਸੀ। ਇਸ ਸਾਜ਼ਿਸ਼ ਦੇ ਹਿੱਸੇ ਵਜੋਂ ਅੰਕਿਤ ਦੀ ਹੱਤਿਆ ਕੀਤੀ ਗਈ ਸੀ। ਅੰਕਿਤ ਦੇ ਪਿਤਾ ਨੇ ਵੀ ਆਪਣੀ ਸ਼ਿਕਾਇਤ ਵਿੱਚ ਤਾਹਿਰ ਅਤੇ ਹੋਰਾਂ ‘ਤੇ ਸ਼ੱਕ ਪ੍ਰਗਟ ਕੀਤਾ ਸੀ।