ਹਿੰਦੂਆਂ ਤੇ ਸਿੱਖਾਂ ਨੂੰ ਫਲਾਈਟ ‘ਚ ਨਹੀਂ ਪਰੋਸੇਇਆ ਜਾਵੇਗਾ ‘ਹਲਾਲ’ ਭੋਜਨ, Air India ਦਾ ਵੱਡਾ ਫੈਸਲਾ
Air India Decision on Halal Food: ਭੋਜਨ ਵਿਵਾਦ ਨੂੰ ਲੈ ਕੇ ਏਅਰ ਇੰਡੀਆ ਨੇ ਵੱਡਾ ਫੈਸਲਾ ਲਿਆ ਹੈ। ਟਾਟਾ ਗਰੁੱਪ ਦੀ ਮਲਕੀਅਤ ਵਾਲੀ ਕੰਪਨੀ ਨੇ ਕਿਹਾ ਕਿ ਉਹ ਹੁਣ ਉਡਾਣਾਂ ਦੌਰਾਨ ਹਿੰਦੂਆਂ ਅਤੇ ਸਿੱਖਾਂ ਨੂੰ 'ਹਲਾਲ' ਭੋਜਨ ਨਹੀਂ ਪਰੋਸੇਗੀ। ਦਰਅਸਲ, ਕੁਝ ਦਿਨ ਪਹਿਲਾਂ ਕਾਂਗਰਸ ਦੇ ਸਾਂਸਦ ਮਨਿਕਮ ਟੈਗੋਰ ਨੇ ਏਅਰ ਇੰਡੀਆ ਵੱਲੋਂ ਭੋਜਨ ਨੂੰ ਧਰਮ ਦੇ ਆਧਾਰ 'ਤੇ ਲੇਬਲ ਕਰਨ 'ਤੇ ਚਿੰਤਾ ਪ੍ਰਗਟਾਈ ਸੀ।
ਏਅਰ ਇੰਡੀਆ ਨੇ ਭੋਜਨ ਵਿਵਾਦ ਨੂੰ ਲੈ ਕੇ ਵੱਡਾ ਫੈਸਲਾ ਲਿਆ ਹੈ। ਟਾਟਾ ਗਰੁੱਪ ਦੀ ਮਲਕੀਅਤ ਵਾਲੀ ਕੰਪਨੀ ਨੇ ਕਿਹਾ ਕਿ ਉਹ ਹੁਣ ਉਡਾਣਾਂ ਦੌਰਾਨ ਹਿੰਦੂਆਂ ਅਤੇ ਸਿੱਖਾਂ ਨੂੰ ‘ਹਲਾਲ’ ਭੋਜਨ ਨਹੀਂ ਪਰੋਸੇਗੀ। ਮੁਸਲਮਾਨਾਂ ਦੇ ਖਾਣੇ ਨੂੰ ਹੁਣ ਸਪੈਸ਼ਲ ਮੀਲ ਕਿਹਾ ਜਾਵੇਗਾ। ਵਿਸ਼ੇਸ਼ ਭੋਜਨ ਦਾ ਮਤਲਬ ਹਲਾਲ ਸਰਟੀਫਾਈਡ ਮੀਲ ਹੋਵੇਗਾ। ਕੁਝ ਸਮਾਂ ਪਹਿਲਾਂ ਇਸ ਖਾਣੇ ਦਾ ਨਾਂ ਮੁਸਲਿਮ ਮੀਲ ਹੋਣ ਕਾਰਨ ਵਿਵਾਦ ਖੜ੍ਹਾ ਹੋ ਗਿਆ ਸੀ।
ਏਅਰਲਾਈਨ ਦੇ ਅਨੁਸਾਰ, MOML ਮੁਸਲਿਮ ਮੀਲ ਦੇ ਸਟਿੱਕਰ ਨਾਲ ਲੇਬਲ ਕੀਤੇ ਪ੍ਰੀ-ਬੁੱਕ ਕੀਤੇ ਖਾਣੇ ਨੂੰ ਸਪੈਸ਼ਲ ਮੀਲ (SPML) ਮੰਨਿਆ ਜਾਵੇਗਾ। ਹਲਾਲ ਸਰਟੀਫਿਕੇਟ ਸਿਰਫ ਅਪਲਿਫਟ ਕੀਤੇ ਗਏ MOML ਭੋਜਨ ਲਈ ਦਿੱਤਾ ਜਾਵੇਗਾ। ਸਾਊਦੀ ਸੈਕਟਰਾਂ ਤੇ ਸਾਰੇ ਭੋਜਨ ਹਲਾਲ ਹੋਣਗੇ। ਹੱਜ ਉਡਾਣਾਂ ਸਮੇਤ ਜੇਦਾਹ, ਦਮੰਮ, ਰਿਆਦ, ਮਦੀਨਾ ਸੈਕਟਰਾਂ ‘ਤੇ ਹਲਾਲ ਸਰਟੀਫਿਕੇਟ ਦਿੱਤਾ ਜਾਵੇਗਾ।
ਕੀ ਹੈ ਏਅਰ ਇੰਡੀਆ ਭੋਜਨ ਵਿਵਾਦ?
ਪਿਛਲੇ ਕਈ ਦਿਨਾਂ ਤੋਂ ਏਅਰ ਇੰਡੀਆ ਉਡਾਣ ਦੌਰਾਨ ਭੋਜਨ ਨੂੰ ਲੈ ਕੇ ਵਿਵਾਦਾਂ ਵਿਚ ਘਿਰੀ ਹੋਈ ਸੀ। ਇਸ ਦੌਰਾਨ ਏਅਰ ਇੰਡੀਆ ਨੇ ਵੱਡਾ ਫੈਸਲਾ ਸੁਣਾਇਆ ਹੈ। 17 ਜੂਨ ਨੂੰ ਕਾਂਗਰਸ ਦੇ ਸਾਂਸਦ ਮਨਿਕਮ ਟੈਗੋਰ ਨੇ ਏਅਰ ਇੰਡੀਆ ਵੱਲੋਂ ਭੋਜਨ ਨੂੰ ਧਰਮ ਦੇ ਆਧਾਰ ‘ਤੇ ਲੇਬਲ ਕਰਨ ‘ਤੇ ਚਿੰਤਾ ਪ੍ਰਗਟਾਈ ਸੀ। ਟੈਗੋਰ ਨੇ ਕਿਹਾ ਸੀ ਕਿ ਏਅਰ ਇੰਡੀਆ ਦੀ ਫਲਾਈਟ ‘ਚ ਹਿੰਦੂ ਭੋਜਨ ਅਤੇ ਮੁਸਲਮਾਨ ਭੋਜਨ? ਕੀ ਹੁੰਦਾ ਹਿੰਦੂ ਭੋਜਨ ਹੈ ਅਤੇ ਜਾਂ ਮੁਸਲਮਾਨ ਭੋਜਨ? ਕੀ ਸੰਘੀਆਂ ਨੇ ਏਅਰ ਇੰਡੀਆ ‘ਤੇ ਕਬਜ਼ਾ ਕਰ ਲਿਆ ਹੈ? ਉਮੀਦ ਹੈ ਕਿ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਇਸ ‘ਤੇ ਕਾਰਵਾਈ ਕਰੇਗਾ।
Hindu meal, Moslem meal at @airindia flights.
What’s a Hindu Meal and Moslem Meal?ਇਹ ਵੀ ਪੜ੍ਹੋ
Have Sanghis captured Air India?
Hope the new @MoCA_GoI takes action. pic.twitter.com/JTEYWPViYX
— Manickam Tagore .B🇮🇳மாணிக்கம் தாகூர்.ப (@manickamtagore) June 17, 2024
ਕੀ ਹੁੰਦਾ ਹੈ ਹਲਾਲ ਅਤੇ ਝਟਕਾ ਮੀਟ ?
ਇਸਲਾਮੀ ਪਰੰਪਰਾ ਦੇ ਅਨੁਸਾਰ, ਲੋਕ ਹਲਾਲ ਮੀਟ ਦਾ ਸੇਵਨ ਕਰਦੇ ਹਨ, ਇਹ ਉਹ ਮੀਟ ਹੁੰਦਾ ਹੈ ਜਿਸ ਵਿੱਚ ਜਾਨਵਰ ਨੂੰ ਮਾਰਨ ਲਈ ਇੱਕ ਵੱਖਰੀ ਪ੍ਰਕਿਰਿਆ ਅਪਣਾਈ ਜਾਂਦੀ ਹੈ। ਇਸ ਪ੍ਰਕਿਰਿਆ ਵਿਚ ਜਾਨਵਰ ਨੂੰ ਸਿੱਧੇ ਨਹੀਂ ਕੱਟਿਆ ਜਾਂਦਾ ਹੈ, ਸਗੋਂ ਉਸ ਨੂੰ ਰੇਤਿਆ (ਹੌਲੀ-ਹੌਲੀ ਕੱਟਣਾ) ਜਾਂਦਾ ਹੈ। ਉਸੇ ਸਮੇਂ, ਇੱਕ ਹੋਰ ਪ੍ਰਕਿਰਿਆ ਹੁੰਦੀ ਹੈ, ਇਸਨੂੰ ਝਟਕਾ ਕਿਹਾ ਜਾਂਦਾ ਹੈ। ਇਸ ਪ੍ਰਕਿਰਿਆ ਵਿੱਚ ਜਾਨਵਰ ਨੂੰ ਇੱਕ ਵਾਰ ਵਿੱਚ ਕੱਟ ਦਿੱਤਾ ਜਾਂਦਾ ਹੈ।
