Yo Yo Honey Singh ਨੇ ਜਦੋਂ ਭੈਣ ਨੂੰ ਸਟੇਜ ਤੋਂ ਲਾਈ ਸੀ ਝਾੜ, ਰੋਂਦੀ-ਰੋਂਦੀ ਨੇ ਘਰ ਜਾ ਕੇ ਕਹੀ ਸੀ ਇਹ ਗੱਲ

Yo Yo Honey Singh ਨੇ ਜਦੋਂ ਭੈਣ ਨੂੰ ਸਟੇਜ ਤੋਂ ਲਾਈ ਸੀ ਝਾੜ, ਜਾਣੋ ਵਜ੍ਹਾ Image Credit: Instagram

ਸੜਕਾਂ ‘ਤੇ ਮੁੰਗਫਲੀ ਵੇਚਣ ਵਾਲੇ ਤੋਂ ਲੈ ਕੇ ਹਿੱਪ-ਹੋਪ ਡਾਂਸ ਕਰ ਰਹੇ ਬੱਚਿਆਂ ਦੇ ਸਪੀਕਰ ਵਿੱਚ ਉਸ ਸਮੇਂ ਇਕ ਹੀ ਸਿੰਗਰ ਦੇ ਗੀਤਾਂ ਦੀ ਅਵਾਜ਼ ਗੁੰਜਦੀ ਸੀ। ‘ਬ੍ਰਾਊਨ ਰੰਗ’ ਗੀਤ ਜਿਸ ਨੇ ਨਾ ਸਿਰਫ ਇੰਡੀਆ ਸਗੋਂ ਵਿਦੇਸ਼ਾਂ ਵਿੱਚ ਵੀ ਉਸ ਵੇਲੇ ਸ਼ੋਹਰਤ ਕਮਾਈ ਸੀ ਜਦੋਂ ਇੰਟਰਨੈੱਟ ਤਾਂ ਸੀ ਪਰ ਬਹੁਤ ਲਿਮਿਟੈੱਡ ਡਾਟਾ ਅਤੇ ਬਹੁਤ ਘੱਟ ਲੋਕਾਂ ਨੂੰ ਐਕਸੈੱਸ ਸੀ। ਛੋਟੇ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗ ਵੀ ਹਿਰਦੇਸ਼ ਸਿੰਘ ਉੱਰਫ ਯੋ.ਯੋ. ਹਨੀ ਸਿੰਘ ਦੇ ਫੈਨ ਸੀ। ਸਿੰਗਰ ਨੇ ਸ਼ੁਰੂਆਤ ਬਤੌਰ ਮਿਊਜ਼ਿਕ ਪ੍ਰੋਡਿਊਸਰ ਵਜੋਂ ਕੀਤੀ ਸੀ ਪਰ ਜ਼ਿਆਦਾ ਹਿੱਟ ਉਨ੍ਹਾਂ ਨੂੰ ਸਿੰਗਇੰਗ ਅਤੇ ਰੈਪ ਤੋਂ ਮਿਲੀ।

ਹਨੀ ਸਿੰਘ ‘ਤੇ ਇਹ ਕਹਾਵਤ ਬਹੁਤ ਸਹੀ ਟੁਕਦੀ ਹੈ “ਕਿ ਰੱਬ ਜਦੋਂ ਮਾਰਦਾ ਹੈ ਸਿਰਫ਼ ਮੱਤ ਮਾਰਦਾ ਹੈ”। ਇਹ ਅਸੀਂ ਨਹੀਂ ਸਗੋਂ ਰੈਪਰ ਖੁਦ ਵੀ ਮੰਨਦੇ ਹਨ। ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਜਿੰਨੀ ਛੇਤੀ ਸ਼ਿਖਰਾਂ ‘ਤੇ ਚੜਿਆ ਸੀ ਉਨੀ ਹੀ ਤੇਜ਼ੀ ਨਾਲ ਉਨ੍ਹਾਂ ਦੇ ਕਰੀਅਰ ਦਾ ਗ੍ਰਾਫ ਥੱਲੇ ਵੀ ਡਿੱਗਿਆ। ਇਹ ਹਨੀ ਸਿੰਘ ਨੇ ਖੁਦ ਮੰਨਿਆ ਅਤੇ ਦੱਸਿਆ ਹੈ ਕਿ ਫੇਮ ਛੇਤੀ ਮਿਲਣ ਕਾਰਨ ਉਹ ਕਾਫੀ ਬੁਰੀ ਆਦਤਾਂ ਦੇ ਸ਼ਿਕਾਰ ਹੋ ਗਏ ਸਨ। ਆਪਣੇ ਪਰਿਵਾਰ ਤੋਂ ਦੂਰ ਰਹਿਣ ਤੋਂ ਲੈ ਕੇ ਨਸ਼ੇ ਦੇ ਆਦੀ ਹੋਣ ਤੱਕ। ਇੱਥੋ ਤੱਕ ਕਿ ਉਹ ਆਪਣੇ ਪਰਿਵਾਰ ਨੂੰ ਵੀ ਬਿਲਕੁਲ ਸਮਾਂ ਨਹੀਂ ਸੀ ਦਿੰਦੇ। ਉਹ ਜਿਨ੍ਹੇ ਵੀ ਕਾਨਸਰਟ (ਪ੍ਰੋਗਰਾਮ) ਕਰਦੇ ਸਨ ਕਦੇ ਪਰਿਵਾਰ ਨੂੰ ਉੱਥੇ ਨਹੀਂ ਸੀ ਬੁਲਾਉਂਦੇ। ਇਸ ਨਾਲ ਜੁੜਿਆ ਇਕ ਕਿੱਸਾ ਵੀ ਉਨ੍ਹਾਂ ਨੇ ਇਕ ਇੰਟਰਵਿਊ ਵਿੱਚ ਸ਼ੇਅਰ ਕੀਤਾ। ਜੋ ਉਨ੍ਹਾਂ ਦੀ ਛੋਟੀ ਭੈਣ ਸਨੇਹਾ ਸਿੰਘ ਨਾਲ ਜੁੜਿਆ ਹੈ।

ਹਨੀ ਸਿੰਘ ਨੇ ਇਕ ਨਿੱਜੀ ਡਿਜੀਟਲ ਚੈੱਨਲ ਨੂੰ ਦਿੱਤੇ ਇਕ ਇੰਟਰਵਿਊ ਵਿੱਚ ਆਪਣੀ ਜਿੰਦਗੀ ਨਾਲ ਜੁੜੇ ਕਈ ਕਿੱਸੇ ਬਿਆਨ ਕੀਤੇ। ਇਨ੍ਹਾਂ ਚੋਂ ਇਕ ਉਹ ਕਿੱਸਾ ਹੈ ਜੋ ਉਨ੍ਹਾਂ ਨੇ ਆਪਣੀ ਭੈਣ ਬਾਰੇ ਦੱਸਿਆ। ਅਕਸਰ ਹਨੀ ਸਿੰਘ ਆਪਣੇ ਪਰਿਵਾਰ ਨਾਲ ਫੋਟੋਆਂ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕਰਦੇ ਰਹਿੰਦੇ ਹਨ। ਜਿਨ੍ਹਾਂ ਤੋਂ ਤੁਸੀਂ ਵੀ ਉਨ੍ਹਾਂ ਦੀ ਭੈਣ ਸਨੇਹਾ ਸਿੰਘ ਨੂੰ ਜ਼ਰੂਰ ਦੇਖਿਆ ਹੋਵੇਗਾ। ਪਰ ਉਨ੍ਹਾਂ ਨਾਲ ਜੁੜੇ ਕਿੱਸੇ ਘੱਟ ਸੁਣੇ ਹੋਣਗੇ।

ਇੰਟਰਵਿਊ ਵਿੱਚ ਜਦੋਂ ਐਂਕਰ ਨੇ ਸਵਾਲ ਪੁੱਛਿਆ ਕਿ ਕੀ ਉਨ੍ਹਾਂ ਦੇ ਪਰਿਵਾਰ ਨੇ ਕਦੇ ਉਨ੍ਹਾਂ ਦਾ ਕਾਨਸਰਟ ਅਟੈਂਡ ਕੀਤਾ ਹੈ ਤਾਂ ਉਨ੍ਹਾਂ ਨੇ ਕਿਹਾ ਕਿ -‘ਮੈਂ ਕਦੇ ਆਪਣੇ ਕਾਨਸਰਟ ‘ਤੇ ਪਰਿਵਾਰ ਨੂੰ ਸੱਦਿਆ ਨਹੀਂ ਪਰ ਇਕ ਵਾਰ ਮੇਰੀ ਛੋਟੀ ਭੈਣ ਸਨੇਹਾ ਸਿੰਘ। ਜਿਨ੍ਹਾਂ ਨੂੰ ਉਹ ਗੁੜੀਆ ਕਹਿ ਕੇ ਬੁਲਾਉਦੇ ਹਨ। ਉਹ ਮੈਨੂੰ ਬਿਨ੍ਹਾਂ ਦੱਸੇ ਸ਼ੋਅ ਦੇਖਣ ਆ ਗਈ ਅਤੇ ਮੇਰੀ ਆਦਤ ਸੀ ਕਿ ਸ਼ੋਅ ਦੀ ਸ਼ੁਰੂਆਤ ਵਿੱਚ ਹੀ ਇੱਕ ਨਜ਼ਰ ਮਾਰਕੇ ਸਾਰਿਆਂ ਨੂੰ ਦੇਖਦਾ ਕਿ ਕੌਣ-ਕੌਣ ਸ਼ੋਅ ਦੇਖਣ ਆਇਆ ਹੈ। ਮੇਰੀ ਪਹਿਲੀ ਨਜ਼ਰ ਵਿੱਚ ਹੀ ਮੈਨੂੰ ਸ਼ੋਅ ਵਿੱਚ ਆਈ ਹੋਈ ਸਨੇਹਾ (ਹਨੀ ਸਿੰਘ ਦੀ ਭੈਣ) ਦਿੱਖ ਗਈ। ਮੈਂ ਮਾਈਕ ਵਿੱਚ ਹੀ ਪੁੱਛ ਲਿਆ ਤੂੰ , ਇੱਥੇ ਕੀ ਕਰ ਰਹੀ ਹੈ, ਇਹ ਸੁਣ ਕੇ ਉਹ ਰੌਣ ਲੱਗ ਗਈ ਅਤੇ ਘਰੇ ਜਾ ਕੇ ਉਸ ਨੇ ਸਭ ਨੂੰ ਦੱਸਿਆ ਕਿ ਭਰਾ ਸਟਾਰ ਬਣ ਗਿਆ ਹੈ। ਹਾਲਾਂਕਿ ਹਨੀ ਸਿੰਘ ਨੇ ਇਸ ਦਾ ਕਾਰਨ ਨਹੀਂ ਦੱਸਿਆ ਕੀ ਉਨ੍ਹਾਂ ਨੇ ਭੈਣ ਨੂੰ ਕਿਉਂ ਝਾੜ ਪਾਈ ਸੀ।

ਇਹ ਵੀ ਪੜ੍ਹੋ- Emergency ਦੇ ਰਿਲੀਜ਼ ਤੇ ਪੈ ਸਕਦਾ ਅੜਿਕਾ, HC ਚ ਹੋਈ ਸੁਣਵਾਈ ਦੌਰਾਨ ਸੈਂਸਰ ਬੋਰਡ ਜਵਾਬ

ਕਾਫੀ ਲੰਮੇ ਸਮੇਂ ਲਈ ਹਨੀ ਸਿੰਘ ਨੂੰ ਮਾਨਸਿਕ ਬਿਮਾਰੀ ਤੋਂ ਗੁਜ਼ਰਨਾ ਪਿਆ। ਜਿਸ ਕਾਰਨ ਉਨ੍ਹਾਂ ਨੇ ਕਾਫੀ ਸਮਾਂ ਸਿਰਫ਼ ਆਪਣੇ ਘਰ ਦੇ ਕਮਰੇ ਵਿੱਚ ਹੀ ਬਿਤਾਇਆ ਸੀ। ਬਹੁਤ ਰਿਪੋਰਟਾਂ ਵਿੱਚ ਉਨ੍ਹਾਂ ਨੂੰ ਮ੍ਰਿਤਕ ਤੱਕ ਐਲਾਨ ਦਿੱਤਾ ਸੀ। ਪਰ ਹੁਣ ਹਨੀ ਸਿੰਘ ਨੇ Come Back ਕਰ ਲਿਆ ਹੈ ਹਾਲਾਂਕਿ ਅਜੇ ਉਹ ਅਜਿਹੀ ਫੇਮ ਨਹੀਂ ਪਾ ਸਕੇ ਜੋ ਉਨ੍ਹਾਂ ਨੂੰ ਪਹਿਲਾਂ ਮਿਲੀ ਸੀ। ਪਰ ਉਨ੍ਹਾਂ ਦੇ ਕਹਿਣ ਮੁਤਾਬਕ ਕੋਸ਼ਿਸ਼ ਜਾਰੀ ਹੈ। ਜਲਦ ਲੋਕ ਉਨ੍ਹਾਂ ਨੂੰ ਫਿਰ ਉਹੀ ਪਿਆਰ ਦੇਣਗੇ।