ਪੰਜਾਬੀ ਮਾਡਲ ਨੂੰ ਗਾਣੇ ‘ਚ ਟੇਬਲ ਬਣਾ ਕੇ ਖਾਦਾ ਖਾਣਾ, ਅਕਸ਼ਿਤਾ ਦਾ ਆਰੋਪ – ਬਦਲ ਦਿੱਤੀ ਸਾਰੀ ਕਹਾਣੀ
Punjabi Model Akshita Allegation: ਅਕਸ਼ਿਤਾ ਨੇ ਅੱਗੇ ਕਿਹਾ ਕਿ ਸਵੇਰ ਦੇ 3-4 ਵਜੇ ਸਨ। ਮੈਂ ਉੱਥੇ ਪੂਰੀ ਤਰ੍ਹਾਂ ਇਕੱਲੀ ਸੀ, ਨਾ ਤਾਂ ਮੇਰੀ ਮੇਕਅਪ ਟੀਮ ਅਤੇ ਨਾ ਹੀ ਮੇਰਾ ਮੈਨੇਜਰ। ਨਿਰਦੇਸ਼ਕ ਨੇ ਮੈਨੂੰ ਡਰੇਕ ਅਤੇ ਟ੍ਰੈਵਿਸ ਸਕਾਟ ਵਰਗੇ ਇੰਟਰਨੈਸ਼ਨਲ ਸਿਤਾਰਿਆਂ ਦੇ ਗੀਤਾਂ ਦੇ ਰੈਫਰੈਂਸ ਦਿਖਾਏ ਅਤੇ ਕਿਹਾ, "ਤੁਸੀਂ ਆਰਟ ਨੂੰ ਨਹੀਂ ਸਮਝਦੇ, ਤੁਸੀਂ ਬਹੁਤ ਜ਼ਿਆਦਾ ਸੋਚ ਰਹੇ ਹੋ।" ਇਸ ਮਾਨਸਿਕ ਦਬਾਅ ਅਤੇ ਸਾਫਟ ਮੈਨਿਊਪਲੇਸ਼ਨ ਦੇ ਅੱਗੇ ਮੈਂ ਹਾਰ ਮੰਨ ਲਈ ਅਤੇ ਨਿਰਦੇਸ਼ਕ 'ਤੇ ਭਰੋਸਾ ਕਰਕੇ ਸ਼ਾਟ ਦੇ ਦਿੱਤਾ।
ਪੰਜਾਬੀ ਗਾਇਕ ਵਰਿੰਦਰ ਬਰਾੜ ਦੇ ਐਲਬਮ “9/11” ਵਿੱਚ ਵਿਵਾਦਪੂਰਨ ਟੇਬਲ ਸੀਨ ਨੂੰ ਲੈ ਕੇ ਵੀਡੀਓ ਵਿੱਚ ਦਿਖਾਈ ਦੇਣ ਵਾਲੀ ਮਾਡਲ ਅਤੇ ਅਦਾਕਾਰਾ ਅਕਸ਼ਿਤਾ ਸ਼ਰਮਾ ਹੁਣ ਸਾਹਮਣੇ ਆਈ ਹੈ। ਇੱਕ ਪੋਡਕਾਸਟ ਇੰਟਰਵਿਊ ਵਿੱਚ, ਅਕਸ਼ਿਤਾ ਨੇ ਸੰਗੀਤ ਵੀਡੀਓ ਦੇ ਨਿਰਮਾਤਾਵਾਂ ਅਤੇ ਨਿਰਦੇਸ਼ਕ ‘ਤੇ ਗੰਭੀਰ ਆਰੋਪ ਲਗਾਏ ਹਨ।
ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਸ਼ੂਟਿੰਗ ਤੋਂ ਪਹਿਲਾਂ, ਉਨ੍ਹਾਂ ਨੂੰ ਦੱਸਿਆ ਗਿਆ ਸੀ ਕਿ ਉਨ੍ਹਾਂ ਦੇ ਗਾਣੇ ਵਿੱਚ ਸਿਰਫ ਦੋ ਛੋਟੇ ਸ਼ਾਟ ਹੋਣਗੇ, ਪਰ ਸੈੱਟ ‘ਤੇ ਪਹੁੰਚਣ ‘ਤੇ, ਪੂਰੀ ਕਹਾਣੀ ਬਦਲ ਦਿੱਤੀ ਗਈ ਅਤੇ ਉਨ੍ਹਾਂ ਨੂੰ ਮੁੱਖ ਭੂਮਿਕਾ ਨਿਭਾਉਣ ਲਈ ਕਿਹਾ ਗਿਆ। ਅਕਸ਼ਿਤਾ ਦਾ ਆਰੋਪ ਹੈ ਕਿ ਉਨ੍ਹਾਂਨੇ ਉਹ ਸੀਨ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ, ਪਰ ਜਿਸਨੇ ਮਾਨਸਿਕ ਦਬਾਅ ਅਤੇ ਸਮਝਾਉਣ ਤੋਂ ਬਾਅਦ ਸ਼ੂਟ ਕਰਨ ਲਈ ਮਜਬੂਰ ਕੀਤਾ ਗਿਆ।
ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਬਾਅਦ ਵਿੱਚ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਗਿਆ ਸੀ ਕਿ ਸੀਨ ਹਟਾ ਦਿੱਤਾ ਜਾਵੇਗਾ, ਪਰ ਇਸਨੂੰ ਉਨ੍ਹਾਂ ਦੀ ਸਹਿਮਤੀ ਤੋਂ ਬਿਨਾਂ ਵੀਡੀਓ ਵਿੱਚ ਸ਼ਾਮਲ ਕਰ ਦਿੱਤਾ ਗਿਆ। ਅਕਸ਼ਿਤਾ ਦੇ ਆਰੋਪਾਂ ਨੇ ਸੰਗੀਤ ਅਤੇ ਮਨੋਰੰਜਨ ਉਦਯੋਗ ਵਿੱਚ ਕਲਾਕਾਰਾਂ ਦੀ ਸਹਿਮਤੀ ਅਤੇ ਅਧਿਕਾਰਾਂ ਨੂੰ ਲੈ ਕੇ ਬਹਿਸ ਛੇੜ ਦਿੱਤੀ ਹੈ।
ਅਕਸ਼ਿਤਾ ਨੇ ਦੱਸੀ ਟੇਬਲ ਸੀਨ ਦੀ ਪੂਰੀ ਕਹਾਣੀ
ਅਕਸ਼ਿਤਾ ਨੇ ਆਪਣੀ ਬੈਕਸਟੋਰੀ ਦਾ ਖੁਲਾਸਾ ਕਰਦੇ ਹੋਏ,ਦੱਸਿਆ ਕਿ ਨਿਰਦੇਸ਼ਕ ਨੇ ਵੀਡੀਓ ਸ਼ੂਟ ਤੋਂ ਇੱਕ ਰਾਤ ਪਹਿਲਾਂਉਨ੍ਹਾਂਨੂੰ ਕਾਲ ਕੀਤਾ ਸੀ। ਉਨ੍ਹਾਂ ਨੂੰ ਦੱਸਿਆ ਗਿਆ ਸੀ ਕਿ ਉਨ੍ਹਾਂਦੇ ਗਾਣੇ ਵਿੱਚ ਸਿਰਫ ਦੋ ਛੋਟੇ ਫਿਲਰ ਸ਼ਾਟ ਹੋਣਗੇ, ਜਿਸ ਵਿੱਚ ਉਨ੍ਹਾਂਨੂੰ ਗਾਇਕ ਦੀਆਂ ਅੱਖਾਂ ਤੇ ਹੱਥ ਰੱਖਣਾ ਹੋਵੇਗਾ ਅਤੇ ਕੇ ਬੰਦੂਕ ਚਲਾਉਣੀ ਹੋਵੇਗੀ।
ਅਕਸ਼ਿਤਾ ਦੇ ਅਨੁਸਾਰ, ਇਹ ਇੱਕ ਫਰੈਂਡਸ਼ਿਪ ਬੇਸਿਸ ਤੇ ਕੀਤਾ ਜਾ ਰਿਹਾ ਕੰਮ ਸੀ, ਇਸ ਲਈ ਉਨ੍ਹਾਂ ਨੇ ਆਪਣੀ ਆਪਣੀ ਤੈਅ ਫੀਸ ਦੇ ਚੌਥਾਈ ਤੋਂ ਵੀ ਘੱਟ (ਟੋਕਨ ਮਨੀ) ‘ਤੇ ਕੰਮ ਸਵੀਕਾਰ ਕਰ ਲਿਆ। ਜਦੋਂ ਉਹ ਅਗਲੇ ਦਿਨ ਸੈੱਟ ‘ਤੇ ਪਹੁੰਚੀ, ਤਾਂ ਨਿਰਮਾਤਾਵਾਂ ਨੇ ਅਚਾਨਕ ਪੂਰੀ ਕਹਾਣੀ ਬਦਲ ਦਿੱਤੀ। ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਉਹ ਇੱਕ ਗੈਂਗਸਟਰ ਦੀ ਪ੍ਰੇਮਿਕਾ ਦੀ ਮੁੱਖ ਭੂਮਿਕਾ ਨਿਭਾ ਰਹੀ ਹੈ।
ਇਹ ਵੀ ਪੜ੍ਹੋ
View this post on Instagram
ਡੇਢ ਘੰਟੇ ਕੀਤਾ ਇਨਕਾਰ
ਸਭ ਤੋਂ ਵੱਡਾ ਵਿਵਾਦ ਗਾਣੇ ਵਿੱਚ ਟੇਬਲ ਸੀਨ ਨੂੰ ਲੈ ਕੇ ਹੈ, ਜਿਸਨੂੰ ਸੋਸ਼ਲ ਮੀਡੀਆ ‘ਤੇ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਅਕਸ਼ਿਤਾ ਨੇ ਦੱਸਿਆ ਕਿ ਇਹ ਸੀਨ ਅਸਲ ਵਿੱਚ ਇੱਕ ਜੂਨੀਅਰ ਕਲਾਕਾਰ ਤੋਂ ਸ਼ੂਟ ਕਰਵਾਇਆ ਗਿਆ ਸੀ, ਪਰ ਨਿਰਮਾਤਾਵਾਂ ਨੂੰ ਵਿਜ਼ੂਅਲ ਪਸੰਦ ਨਹੀਂ ਆਇਆ। ਇਸ ਤੋਂ ਬਾਅਦ, ਨਿਰਦੇਸ਼ਕ ਅਤੇ ਟੀਮ ਜ਼ੋਰ ਦੇਣ ਲੱਗ ਪਈ ਕਿ ਮੈਂ ਇਹ ਸੀਨ ਕਰਾਂ। ਮੈਨੂੰ ਇਹ ਬਹੁਤ ਹੀ ਅਸਹਿਜ ਲੱਗਿਆ, ਇਸ ਲਈ ਮੈਂ ਲਗਭਗ ਡੇਢ ਤੋਂ ਦੋ ਘੰਟੇ ਤੱਕ ਇਸਨੂੰ ਕਰਨ ਇਨਕਾਰ ਕਰਦੀ ਰਹੀ।
View this post on Instagram
ਗਾਣੇ ਨੂੰ ਹਿੱਟ ਬਣਾਉਣ ਲਈ ਮੇਰਾ ਇਸਤੇਮਾਲ ਕੀਤਾ
ਇੰਟਰਵਿਊ ਵਿੱਚ, ਅਭਿਨੇਤਰੀ ਨੇ ਨਿਰਮਾਤਾਵਾਂ ਦੇ ਇਰਾਦਿਆਂ ‘ਤੇ ਸਵਾਲ ਉਠਾਉਂਦੇ ਹੋਏ ਕਿਹਾ ਕਿ ਜਦੋਂ ਉਨ੍ਹਾਂ ਨੇ ਸ਼ੂਟ ਤੋਂ ਬਾਅਦ ਆਪਣੀ ਪਰੇਸ਼ਾਨੀ ਜ਼ਾਹਰ ਕੀਤੀ, ਤਾਂ ਨਿਰਦੇਸ਼ਕ ਨੇ ਰਿਲੀਜ਼ ਤੋਂ ਪਹਿਲਾਂ ਉਨ੍ਹਾਂ ਨੂੰ ਵੀਡੀਓ ਦਾ ਡਰਾਫਟ ਦਿਖਾਉਣ ਦਾ ਵਾਅਦਾ ਕੀਤਾ ਅਤੇ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਇਹ ਪਸੰਦ ਨਹੀਂ ਆਇਆ, ਤਾਂ ਸੀਨ ਕੱਟ ਦਿੱਤਾ ਜਾਵੇਗਾ। ਪਰ ਰਿਲੀਜ਼ ਤੋਂ ਇੱਕ ਦਿਨ ਪਹਿਲਾਂ, ਨਿਰਦੇਸ਼ਕ ਨੇ ਝੂਠ ਬੋਲਿਆ, ਕਿਹਾ ਕਿ ਸਿੰਗਰ ਨੂੰ ਖੁਦ ਉਹ ਸੀਨ ਪਸੰਦ ਨਹੀਂ ਆਇਆ ਅਤੇ ਇਸਨੂੰ ਹਟਾ ਦਿੱਤਾ ਗਿਆ ਹੈ।
ਅਕਸ਼ਿਤਾ ਨੇ ਕਿਹਾ ਕਿ ਜਦੋਂ ਵੀਡੀਓ ਰਿਲੀਜ਼ ਹੋਣ ਤੇ ਉਹ ਹੈਰਾਨ ਰਹਿ ਗਈ ਸੀ। ਪੂਰਾ ਵਿਵਾਦਪੂਰਨ ਸੀਨ ਵੀਡੀਓ ਵਿੱਚ ਸੀ। ਮੈਨੂੰ ਅਹਿਸਾਸ ਹੋਇਆ ਕਿ ਉਹ ਮੈਨੂੰ ਵੀਡੀਓ ਨਹੀਂ ਦਿਖਾ ਰਹੇ ਸਨ ਕਿਉਂਕਿ ਉਹ ਜਾਣਦੇ ਸਨ ਕਿ ਮੈਂ ਕਾਨੂੰਨੀ ਤੌਰ ‘ਤੇ ਸਹਿਮਤੀ ਨਹੀਂ ਦੇਵਾਂਗੀ। ਉਨ੍ਹਾਂ ਨੇ ਮੇਰੇ ਵਿਜ਼ੂਅਲ ਦੀ ਦੁਰਵਰਤੋਂ ਸਿਰਫ਼ ਵਿਵਾਦ ਪੈਦਾ ਕਰਨ ਅਤੇ ਗਾਣੇ ਨੂੰ ਵਾਇਰਲ ਕਰਨ ਲਈ ਕੀਤੀ।
ਟੀਮ ਖੁਦ ਸੋਸ਼ਲ ਮੀਡੀਆ ‘ਤੇ ਝੂਠ ਫੈਲਾ ਰਹੀ
ਅਕਸ਼ਿਤਾ ਨੇ ਨਿਰਮਾਤਾਵਾਂ ‘ਤੇ ਇੱਕ ਹੋਰ ਹੈਰਾਨ ਕਰਨ ਵਾਲਾ ਆਰੋਪ ਲਗਾਉਂਦੇ ਹੋਏ ਕਿਹਾ, “ਵਿਵਾਦ ਵਧਣ ਤੋਂ ਬਾਅਦ, ਨਿਰਮਾਤਾਵਾਂ ਦੀ ਪੀਆਰ ਟੀਮ ਸੋਸ਼ਲ ਮੀਡੀਆ ਅਤੇ ਯੂਟਿਊਬ ‘ਤੇ ਇਹ ਬਿਆਨ ਦੇ ਰਹੀ ਹੈ ਕਿ ‘ਮਾਡਲ ਨੇ ਪੈਸੇ ਲਏ ਹਨ, ਇਸ ਲਈ ਉਹ ਅਜਿਹਾ ਕਰੇਗੀ ਹੀ।'” ਜਦੋਂ ਕਿ, ਉਨ੍ਹਾਂ ਨੂੰ ਇਸਦੇ ਲਈ ਬਹੁਤ ਘੱਟ ਰਕਮ ਦਿੱਤੀ ਗਈ ਸੀ।
ਉਨ੍ਹਾਂ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਜਦੋਂ ਉਨ੍ਹਾਂ ਨੇ ਸੀਨ ਨੂੰ ਹਟਾਉਣ ਦੀ ਬੇਨਤੀ ਕੀਤੀ, ਤਾਂ ਸਿੰਗਰ ਦੇ ਮੈਨੇਜਰ ਨੇ ਉਨ੍ਹਾਂ ਨੂੰ ਮਾਮਲੇ ਨੂੰ ਦਬਾਉਣ ਲਈ ਕਸ਼ਮੀਰ ਵਿੱਚ ਅਗਲੇ ਵੱਡੇ ਪ੍ਰੋਜੈਕਟ ਦੀ ਪੇਸ਼ਕਸ਼ ਕੀਤੀ, ਜਿਸਨੂੰ ਅਕਸ਼ਿਤਾ ਨੇ ਤੁਰੰਤ ਠੁਕਰਾ ਦਿੱਤਾ।
