Loveyapa First Review: ਆਮਿਰ ਖਾਨ ਦੇ ਬੇਟੇ ਦੀ ਫਿਲਮ ‘ਲਵਯਾਪਾ’ ਦਾ ਫਰਸਟ ਰਿਵਿਊ, ਫਿਲਮ ਦੇਖ ਕੇ ਕੀ ਬੋਲੇ ਜਾਵੇਦ ਅਖਤਰ ਅਤੇ ਧਰਮਿੰਦਰ?

ਆਮਿਰ ਖਾਨ ਦੇ ਬੇਟੇ ਦੀ ਫਿਲਮ 'ਲਵਯਪਾ' ਦਾ ਫਰਸਟ ਰਿਵਿਊ

Follow Us On

ਆਮਿਰ ਖਾਨ ਦੇ ਪੁੱਤਰ ਜੁਨੈਦ ਖਾਨ ਅਤੇ ਬੋਨੀ ਕਪੂਰ ਦੀ ਧੀ ਖੁਸ਼ੀ ਕਪੂਰ ਆਪਣੀ ਸਿਲਵਰ ਸਕ੍ਰੀਨ ਡੈਬਿਊ ਕਰ ਰਹੇ ਹਨ। ਉਨ੍ਹਾਂ ਦੀ ਫਿਲਮ ‘ਲਵਯਾਪਾ’ ਕੱਲ੍ਹ ਯਾਨੀ 7 ਫਰਵਰੀ ਨੂੰ ਰਿਲੀਜ਼ ਹੋ ਰਹੀ ਹੈ। ਦੋਵੇਂ ਇਸ ਫਿਲਮ ਨੂੰ ਲੈ ਕੇ ਕਾਫ਼ੀ ਸਮੇਂ ਤੋਂ ਖ਼ਬਰਾਂ ਵਿੱਚ ਹਨ। ਇਸ ਫਿਲਮ ਦਾ ਪਹਿਲਾ ਰਿਵਿਊ ਵੀ ਸਾਹਮਣੇ ਆ ਗਿਆ ਹੈ। ਜਾਵੇਦ ਅਖਤਰ ਅਤੇ ਧਰਮਿੰਦਰ ਨੇ ਫਿਲਮ ਦੀ ਸਮੀਖਿਆ ਕੀਤੀ ਹੈ।

ਦਰਅਸਲ, ਹਾਲ ਹੀ ਵਿੱਚ ਆਮਿਰ ਖਾਨ ਨੇ ਆਪਣੇ ਬੇਟੇ ਦੀ ਫਿਲਮ ਦੀ ਸਕ੍ਰੀਨਿੰਗ ਦਾ ਆਯੋਜਨ ਕੀਤਾ ਸੀ। ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਸਮੇਤ ਕਈ ਬਾਲੀਵੁੱਡ ਸਿਤਾਰੇ ਸਕ੍ਰੀਨਿੰਗ ‘ਤੇ ਫਿਲਮ ਦੇਖਣ ਲਈ ਆਏ ਸਨ। ਜਾਵੇਦ ਅਖਤਰ ਅਤੇ ਧਰਮਿੰਦਰ ਵੀ ਸਕ੍ਰੀਨਿੰਗ ‘ਤੇ ਮੌਜੂਦ ਸਨ। ਹੁਣ ਦੋਵਾਂ ਨੇ ਇਸ ਫਿਲਮ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।

ਇਨ੍ਹਾਂ ਸਿਤਾਰਿਆਂ ਨੂੰ ਫਿਲਮ ਕਿਵੇਂ ਲੱਗੀ?

ਧਰਮਿੰਦਰ ਨੂੰ ‘ਲਵਯਾਪਾ’ ਬਹੁਤ ਪਸੰਦ ਆਈ। ਇਸ ਫਿਲਮ ਬਾਰੇ ਉਨ੍ਹਾਂ ਕਿਹਾ, ਇਹ ਹਰ ਘਰ ਦੀ ਕਹਾਣੀ ਹੈ। ਇਹ ਕਾਫ਼ੀ ਨੈਚੁਰਲ ਹੈ। ਕਿਤੇ ਵੀ ਅਜਿਹਾ ਨਹੀਂ ਲੱਗਦਾ ਕਿ ਉਹ ਅਦਾਕਾਰੀ ਕਰ ਰਿਹਾ ਹੈ।” ਜਾਵੇਦ ਅਖਤਰ ਨੇ ਕਿਹਾ, “ਇਹ ਇੱਕ ਬਹੁਤ ਹੀ ਸ਼ਾਨਦਾਰ ਅਤੇ ਵੱਖਰੀ ਪਿਕਚਰ ਹੈ।” ਸ਼ਬਾਨਾ ਆਜ਼ਮੀ ਨੇ ਕਿਹਾ, “ਬਹੁਤ ਵਧੀਆ।”

ਇਨ੍ਹਾਂ ਸਿਤਾਰਿਆਂ ਨੂੰ ਇਹ ਫਿਲਮ ਪਸੰਦ ਆਈ ਹੈ। ਹੁਣ ਦੇਖਣਾ ਇਹ ਹੈ ਕਿ ਇਸ ਫਿਲਮ ਦਾ ਜਾਦੂ ਦਰਸ਼ਕਾਂ ‘ਤੇ ਚੱਲਦਾ ਹੈ ਜਾਂ ਨਹੀਂ। ਇਸ ਤੋਂ ਪਹਿਲਾਂ ਜੁਨੈਦ ਨੈੱਟਫਲਿਕਸ ਫਿਲਮ ‘ਮਹਾਰਾਜ’ ਵਿੱਚ ਨਜ਼ਰ ਆ ਚੁੱਕੇ ਹਨ। ਖੁਸ਼ੀ ਵੀ ਫਿਲਮ ‘ਦਿ ਆਰਚੀਜ਼’ ਵਿੱਚ ਨੈੱਟਫਲਿਕਸ ‘ਤੇ ਦਿਖਾਈ ਦਿੱਤੀ ਸੀ। ਹਾਲਾਂਕਿ, ‘ਲਵਯਾਪਾ’ ਸਿਲਵਰ ਸਕ੍ਰੀਨ ‘ਤੇ ਦੋਵਾਂ ਦੀ ਪਹਿਲੀ ਫਿਲਮ ਹੈ।

ਇਸ ਫਿਲਮ ਦਾ ਰੀਮੇਕ ਹੈ ‘ਲਵਯਾਪਾ’

‘ਲਵਯਾਪਾ’ 2022 ਦੀ ਤਾਮਿਲ ਫਿਲਮ ‘ਲਵ ਟੂਡੇ’ ਦਾ ਰੀਮੇਕ ਹੈ। ਪ੍ਰੇਮ ਕਹਾਣੀ ਦੇ ਨਾਲ-ਨਾਲ ਇਸ ਵਿੱਚ ਕਾਮੇਡੀ ਦਾ ਅਹਿਸਾਸ ਵੀ ਦੇਖਣ ਨੂੰ ਮਿਲੇਗਾ। ਇਹ ਫਿਲਮ ਬਾਕਸ ਆਫਿਸ ‘ਤੇ ਟੱਕਰ ਦੇਣ ਵਾਲੀ ਹੈ। 7 ਫਰਵਰੀ ਨੂੰ ਹੀ ਹਿਮੇਸ਼ ਰੇਸ਼ਮੀਆ ਦੀ ਫਿਲਮ ‘ਬੈਡਅਸ ਰਵੀਕੁਮਾਰ’ ਰਿਲੀਜ਼ ਹੋ ਰਹੀ ਹੈ, ਜੋ ਕਿ 80 ਦੇ ਦਹਾਕੇ ਦੇ ਥੀਮ ‘ਤੇ ਆਧਾਰਿਤ ਇੱਕ ਐਕਸ਼ਨ ਫਿਲਮ ਹੈ। ਅਜਿਹੀ ਸਥਿਤੀ ਵਿੱਚ, ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਦੋਵਾਂ ਵਿੱਚੋਂ ਕਿਹੜੀ ਫ਼ਿਲਮ ਬਾਕਸ ਆਫਿਸ ‘ਤੇ ਬਾਜੀ ਮਾਰਦੀ ਹੈ।