ਜਸ ਮਾਣਕ ਦੀ ਇੰਗੇਜਮੈਂਟ ਦਾ ਵੀਡੀਓ ਵਾਇਰਲ, ਕੋਮਲ ਤੰਵਰ ‘ਤੇ ਨੋਟ ਉਡਾਉਂਦੇ ਆਏ ਨਜ਼ਰ

ਜਸ ਮਾਣਕ ਨੇ ਮੰਗੇਤਰ ਕੋਮਲ ਤੰਵਰ ਨਾਲ ਕੀਤਾ ਡਾਂਸ Photo credit : social media

ਪੰਜਾਬੀ ਗਾਇਕ ਜਸ ਮਾਣਕ ਅਤੇ ਉਨ੍ਹਾਂ ਦੀ ਮੰਗੇਤਰ, ਫੈਸ਼ਨ ਡਿਜ਼ਾਈਨਰ ਕੋਮਲ ਤੰਵਰ ਦੀ ਇੰਗੇਜਮੈਂਟ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਵੀਡੀਓ ਵਿੱਚ ਜਸ ਮਾਣਕ ਆਪਣੀ ਮੰਗੇਤਰ ਤੇ ਨੋਟ ਉਡਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਜਸ ਮਾਣਕ ਦੇ ਇਸ ਅੰਦਾਜ਼ ਦੀ ਸੋਸ਼ਲ ਮੀਡੀਆ ਤੇ ਖੂਬ ਚਰਚਾ ਹੋ ਰਹੀ ਹੈ। ਉੱਥੇ ਹੀ ਦੋਵੇਂ ਜਸ ਮਾਣਕ ਦੇ ਹੀ ਲਹਿੰਗਾ ਸੌਂਗ ਦੇ ਬੋਲ- ਮੈਨੂੰ ਲਹਿੰਗਾ ਲੈ ਦੇ, ਲਹਿੰਗਾ ਲੈ ਦੇ, ਮਰਜਾਣਿਆ ਇੰਨੇ ਪੈਸੇ ਦੱਸ ਤੂੰ, ਕਿੱਥੇ ਲੈ ਕੇ ਜਾ ਜਾਣੈਆ ਤੇ ਡਾਂਸ ਕਰਦੇ ਹੋਏ ਵੀ ਨਜ਼ਰ ਆ ਰਹੇ ਹਨ।

ਜਸ ਮਾਣਕ ਅਤੇ ਕੋਮਲ ਤੰਵਰ ਕਰੀਬ 7 ਸਾਲਾਂ ਤੋਂ ਦੋਸਤ ਹਨ। ਉਨ੍ਹਾਂ ਦੀ ਦੋਸਤੀ ਬਾਰੇ ਕਿਸੇ ਨੂੰ ਪਤਾ ਨਹੀਂ ਸੀ, ਪਰ ਜੂਨ ਵਿੱਚ ਪਹਿਲੀ ਵਾਰ ਦੋਵਾਂ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਅਤੇ ਜੁਲਾਈ ਵਿੱਚ ਉਨ੍ਹਾਂ ਦੀ ਇੰਗੇਜਮੈਂਟ ਹੋਈ।

ਇੰਗੇਜਮੈਂਟ ਦਾ ਪ੍ਰੋਗਰਾਮ ਵੀ ਪ੍ਰਾਈਵੇਟ ਰੱਖਿਆ ਗਿਆ ਸੀ। ਜਸ ਮਾਣਕ ਨੇ ਇੰਗੇਜਮੈਂਟ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ ਤੇ ਸਾਂਝੀਆਂ ਕੀਤੀਆਂ ਸਨ, ਪਰ ਹੁਣ ਉਸ ਫੰਕਸ਼ਨ ਦੇ ਵੀਡੀਓ ਸਾਹਮਣੇ ਆ ਰਹੇ ਹਨ। ਹੁਣ ਉਨ੍ਹਾਂ ਦੇ ਫੈਨਜ਼ ਨੇ 10 ਸਤੰਬਰ ਨੂੰ ਇਹ ਵੀਡੀਓ ਪੋਸਟ ਕੀਤੀ ਹੈ।

ਕੋਮਲ ਕਰ ਰਹੀ ਸੀ ਡਾਂਸ, ਨੋਟ ਉਡਾਉਂਦੇ ਨਜ਼ਰ ਆਏ ਜਸ ਮਾਣਕ

ਇੰਗੇਜਮੈਂਟ ਪਾਰਟੀ ਦੇ ਵੀਡੀਓ ਵਿੱਚ ਕੋਮਲ ਤੰਵਰ ਔਰੇਂਜ-ਭੂਰੇ ਰੰਗ ਦਾ ਲਹਿੰਗਾ ਪਾ ਕੇ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਉਨ੍ਹਾਂ ਦੇ ਪਿੱਛੇ ਜਸ ਮਾਣਕ ਹੱਥ ਵਿੱਚ ਡ੍ਰਿੰਕ ਲਏ ਖੜ੍ਹੇ ਦਿਖਾਈ ਦੇ ਰਹੇ ਹਨ। ਇਸ ਤੋਂ ਬਾਅਦ ਉਹ ਨੋਟਾਂ ਦੀ ਗੱਡੀ ਕੱਢ ਕੇ ਕੋਮਲ ਤੰਵਰ ਤੇ ਨੋਟ ਉਡਾਉਂਦੇ ਹਨ।

ਆਪਣੇ ਹੀ ਲਹਿੰਗਾ ਸੌਂਗ ਤੇ ਕੀਤਾ ਡਾਂਸ

ਪਾਰਟੀ ਵਿੱਚ ਜਸ ਮਾਣਕ ਦਾ ਹੀ ਲਹਿੰਗਾ ਸੌਂਗ ਵੱਜ ਰਿਹਾ ਸੀ। ਇਸੇ ਗਾਣੇ ਤੇ ਨੋਟ ਉਡਾਉਣ ਤੋਂ ਬਾਅਦ ਜਸ ਮਾਣਕ ਕੋਮਲ ਨਾਲ ਡਾਂਸ ਕਰਦੇ ਹੋਏ ਵੀ ਨਜ਼ਰ ਆ ਰਹੇ ਹਨ। ਵੀਡੀਓ ਵਿੱਚ ਪਾਰਟੀ ਦੌਰਾਨ ਗਿਣੇ-ਚੁਣੇ ਮਹਿਮਾਨ ਹੀ ਦਿਖਾਈ ਦੇ ਰਹੇ ਹਨ।

2019 ਤੋਂ ਦੋਵੇਂ ਸੰਪਰਕ ਵਿੱਚ: ਪੰਜਾਬੀ ਗਾਇਕ ਜਸ ਮਾਣਕ ਅਤੇ ਫੈਸ਼ਨ ਡਿਜ਼ਾਈਨਰ ਕੋਮਲ ਤੰਵਰ 2019 ਤੋਂ ਇੱਕ-ਦੂਜੇ ਨੂੰ ਜਾਣਦੇ ਹਨ ਅਤੇ ਉਦੋਂ ਤੋਂ ਹੀ ਦੋਵਾਂ ਦੀ ਦੋਸਤੀ ਵੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ TikTok ਰਾਹੀਂ ਦੋਵੇਂ ਇੱਕ-ਦੂਜੇ ਦੇ ਸੰਪਰਕ ਵਿੱਚ ਆਏ ਸਨ। ਹਾਲਾਂਕਿ 2019 ਤੋਂ ਜੂਨ 2026 ਤੱਕ ਦੋਵਾਂ ਦੀ ਦੋਸਤੀ ਬਾਰੇ ਕਦੇ ਕੋਈ ਗੱਲ ਸਾਹਮਣੇ ਨਹੀਂ ਆਈ।

ਜੂਨ ਵਿੱਚ ਇੰਸਟਾਗ੍ਰਾਮ ਤੇ ਪਹਿਲੀ ਫੋਟੋ ਕੀਤੀ ਪੋਸਟ: ਜਸ ਮਾਣਕ ਨੇ 27 ਜੂਨ ਨੂੰ ਇੰਸਟਾਗ੍ਰਾਮ ਤੇ ਕੋਮਲ ਤੰਵਰ ਨਾਲ ਇੱਕ ਫੋਟੋ ਪੋਸਟ ਕੀਤੀ ਅਤੇ ਲਿਖਿਆ, ਤੂੰ ਹੀ ਮੁਕੱਦਰ ਹੈ ਮੇਰਾ, ਤੂੰ ਹੀ ਨਸੀਬ ਹੈ ਮੇਰਾ। ਇੰਸਟਾਗ੍ਰਾਮ ਤੇ ਫੋਟੋ ਪੋਸਟ ਹੋਣ ਤੋਂ ਬਾਅਦ ਇਹ ਗੱਲ ਜਨਤਕ ਹੋਈ ਕਿ ਦੋਵੇਂ ਦੋਸਤ ਹਨ ਅਤੇ ਜਲਦ ਹੀ ਇੱਕ ਹੋਣ ਵਾਲੇ ਹਨ।

26 ਜੁਲਾਈ ਨੂੰ ਇੰਗੇਜਮੈਂਟ ਦੀਆਂ ਫੋਟੋਆਂ ਆਈਆਂ ਸਾਹਮਣੇ: 26 ਜੁਲਾਈ ਨੂੰ ਕੋਮਲ ਤੰਵਰ ਨੇ ਜਸ ਮਾਣਕ ਨਾਲ ਆਪਣੀਆਂ ਤਸਵੀਰਾਂ ਇੰਸਟਾਗ੍ਰਾਮ ਤੇ ਪੋਸਟ ਕੀਤੀਆਂ ਅਤੇ ਲਿਖਿਆ, ਮੈਂ ਅਤੇ ਮੇਰੇ ਰੱਬ ਦੀ ਜੋੜੀ। ਇਸ ਦੇ ਨਾਲ ਹੀ ਦੋਵਾਂ ਨੇ ਆਪਣੀ ਇੰਗੇਜਮੈਂਟ ਦਾ ਐਲਾਨ ਕੀਤਾ। 26 ਜੁਲਾਈ ਨੂੰ ਉਨ੍ਹਾਂ ਨੇ ਸਿਰਫ਼ ਤਸਵੀਰਾਂ ਹੀ ਪੋਸਟ ਕੀਤੀਆਂ ਸਨ।

ਇੰਗੇਜਮੈਂਟ ਵਿੱਚ ਘੱਟ ਲੋਕਾਂ ਨੂੰ ਦਿੱਤਾ ਸੱਦਾ: ਇੰਗੇਜਮੈਂਟ ਫੰਕਸ਼ਨ ਵਿੱਚ ਕਾਫ਼ੀ ਘੱਟ ਲੋਕਾਂ ਨੂੰ ਬੁਲਾਇਆ ਗਿਆ ਸੀ ਅਤੇ ਪਾਰਟੀ ਵੀ ਪ੍ਰਾਈਵੇਟ ਰੱਖੀ ਗਈ ਸੀ, ਜਿਸ ਵਿੱਚ ਸੀਮਿਤ ਲੋਕ ਹੀ ਸ਼ਾਮਲ ਹੋਏ। ਪਾਰਟੀ ਵਿੱਚ ਉਨ੍ਹਾਂ ਦੇ ਕੁਝ ਦੋਸਤਾਂ ਨੇ ਵੀਡੀਓ ਬਣਾਈਆਂ ਸਨ ਅਤੇ ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ ਤੇ ਪੋਸਟ ਕੀਤੀਆਂ ਗਈਆਂ ਹਨ।