Srimad Ramayan: ਸ਼ੁਰੂ ਹੋ ਰਹੀ ਹੈ Ramayan, ਕੌਣ ਬਣ ਰਿਹਾ ਰਾਮ ਅਤੇ ਕਿਸ ਨੂੰ ਮਿਲੇਗਾ ਸੀਤਾ ਦਾ ਰੋਲ, ਜਾਣੋ ਸਭ ਕੁੱਝ

ਰਾਮਾਇਣ ਦਾ ਮਤਲਬ ਹੈ ਟੀਵੀ ਦੇ ਸੁਪਰਹਿੱਟ ਸ਼ੋਅ ਦਾ ਫਾਰਮੂਲਾ। ਜਦੋਂ ਵੀ ਟੀਵੀ ‘ਤੇ ਰਾਮਾਇਣ ‘ਤੇ ਕੋਈ ਸੀਰੀਅਲ ਬਣਿਆ ਹੈ, ਉਹ ਟੀਆਰਪੀ ਚਾਰਟ ‘ਤੇ ਹਮੇਸ਼ਾ ਹਿੱਟ ਰਿਹਾ ਹੈ। ਜਲਦੀ ਹੀ ਸੋਨੀ ਟੀਵੀ ‘ਤੇ ਇਕ ਵਾਰ ਫਿਰ ਤੋਂ ਭਗਵਾਨ ਰਾਮ ਦੀ ਕਹਾਣੀ ਦਾ ਨਵਾਂ ਅਧਿਆਏ ਸ਼ੁਰੂ ਹੋਣ ਜਾ ਰਿਹਾ ਹੈ। ‘ਸ਼੍ਰੀਮਦ ਰਾਮਾਇਣ’ ਸੋਨੀ ਟੀਵੀ ‘ਤੇ ਨਵੇਂ ਸਾਲ ਦੇ ਨਵੇਂ ਦਿਨ ਯਾਨੀ 1 ਜਨਵਰੀ 2024 ਤੋਂ ਸ਼ੁਰੂ ਹੋਵੇਗਾ। 1 ਜਨਵਰੀ ਨੂੰ ਇਸ ਦੇ ਪ੍ਰੀਮੀਅਰ ਤੋਂ ਬਾਅਦ, ਇਹ ਸ਼ੋਅ ਹਰ ਹਫ਼ਤੇ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੋਨੀ ਟੀਵੀ ‘ਤੇ ਪ੍ਰਸਾਰਿਤ ਹੋਵੇਗਾ। ਇਸ ਸ਼ੋਅ ਦੀ ਕਾਸਟਿੰਗ ਲਗਭਗ ਪੂਰੀ ਹੋ ਚੁੱਕੀ ਹੈ। ਸੁਜੇ ਰੇਯੂ ਇਸ ਸ਼ੋਅ ‘ਚ ਭਗਵਾਨ ਰਾਮ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਟੀਵੀ ਦੇ ਛੋਟੇ ਪਰਦੇ ‘ਤੇ ਭਗਵਾਨ ਰਾਮ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣ ਵਾਲੇ ਸੁਜੇ ਰੇਯੂ ਦਾ ਰਾਮਾਇਣ ਦੀ ਕਹਾਣੀ ਨਾਲ ਖਾਸ ਸਬੰਧ ਹੈ। ਇਸ ਤੋਂ ਪਹਿਲਾਂ ਸੁਜੇ ਸਾਲ 2015 ਵਿੱਚ ਪ੍ਰਸਾਰਿਤ ਹੋਏ ਸੀਰੀਅਲ ‘ਸਿਆ ਕੇ ਰਾਮ’ ਦਾ ਹਿੱਸਾ ਬਣ ਚੁੱਕੇ ਹਨ। ਪਰ ਇਸ ਸੀਰੀਅਲ ਵਿੱਚ ਉਹ ਪ੍ਰਭੂ ਰਾਮਚੰਦਰ ਦੇ ਭਰਾ ਦਾ ਕਿਰਦਾਰ ਨਿਭਾਅ ਰਹੇ ਸਨ। ਹੁਣ 8 ਸਾਲ ਬਾਅਦ ਇਹ ਮਸ਼ਹੂਰ ਟੀਵੀ ਅਦਾਕਾਰ ਟਾਈਟਲ ਰੋਲ ਵਿੱਚ ਨਜ਼ਰ ਆਉਣ ਵਾਲਾ ਹੈ। ਚੈਨਲ ਨੇ ਇਸ ਸੀਰੀਅਲ ਦਾ ਪ੍ਰੋਮੋ ਆਨ ਏਅਰ ਕਰ ਦਿੱਤਾ ਹੈ ਅਤੇ ਪ੍ਰਸ਼ੰਸਕਾਂ ਨੇ ਸੁਜੇ ਦੀ ਪਹਿਲੀ ਲੁੱਕ ਨੂੰ ਕਾਫੀ ਪਸੰਦ ਕੀਤਾ ਹੈ।

पधार रहे हैं, अपने भक्तों से मिलने, मर्यादा पुरुषोत्तम प्रभु श्री राम!

देखिए #SrimadRamayan, 1st जनवरी से, सोम से शुक्र रात 9 बजे सिर्फ #SonyEntertainmentTelevision पर.#SrimadRamayanOnSonyTV #ShriRam #Ramayan #1stJanuary #NewYear pic.twitter.com/98A5xttRvu — sonytv (@SonyTV) December 3, 2023

ਜਾਣੋ ਕੌਣ ਨਿਭਾਏਗਾ ਸੀਤਾ ਦਾ ਕਿਰਦਾਰ

ਰਾਮ ਦੇ ਨਾਲ-ਨਾਲ ਸੀਤਾ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਦੀ ਕਾਸਟਿੰਗ ਵੀ ਪੂਰੀ ਹੋ ਚੁੱਕੀ ਹੈ। ਕਲਰਸ ਟੀਵੀ ਦੇ ਸੀਰੀਅਲ ‘ਸ਼ਿਵ-ਸ਼ਕਤੀ’ ਵਿੱਚ ਗੰਗਾ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਪ੍ਰਾਚੀ ਬਾਂਸਲ ਸੋਨੀ ਦੇ ‘ਸ਼੍ਰੀਮਦ ਰਾਮਾਇਣ’ ਵਿੱਚ ਮਾਂ ਸੀਤਾ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣ ਵਾਲੀ ਹੈ।

View this post on Instagram

A post shared by Prachi Bansal (@prachibansal_official)

ਇਹ ਵੀ ਪੜ੍ਹੋ

ਜੈਸਮੀਨ ਸੈਂਡਲਸ ਅਤੇ ਸ਼ੇਖਰ ਚੌਧਰੀ ਦੀ ਜੋੜੀ ਨੇ ਜਿੱਤਿਆ ਦਿਲ, ਵੀਡੀਓ ਹੋਇਆ Viral

"ਕੋਈ ਹੀਰੋ ਦੁੱਧ ਦਾ ਧੋਤਾ ਨਹੀਂ", ਅਫੇਅਰਸ 'ਤੇ ਬੋਲੀ ਸੁਨੀਤਾ ਆਹੂਜਾ

ਫਿਲਮ 'ਸਤਲੁਜ' 'ਤੇ ਪੂਰੀ ਤਰ੍ਹਾਂ ਪਾਬੰਦੀ, ਗਲੋਬਲ OTT ਕੈਟੇਗਰੀ ਤੋਂ ਵੀ ਹਟਾਈ ਗਈ

ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਵ-ਸ਼ਕਤੀ ਅਤੇ ਸ਼੍ਰੀਮਦ ਰਾਮਾਇਣ ਦੋਵੇਂ ਸਿਧਾਰਥ ਕੁਮਾਰ ਤਿਵਾਰੀ ਦੇ ਸਵਾਸਤਿਕ ਪ੍ਰੋਡਕਸ਼ਨ ਦੇ ਸ਼ੋਅ ਹਨ। ‘ਸਵਾਸਤਿਕ ਪ੍ਰੋਡਕਸ਼ਨ’ ਨੇ ਹੁਣ ਤੱਕ ਮਹਾਭਾਰਤ, ਰਾਧਾ ਕ੍ਰਿਸ਼ਨ, ਰਾਮ ਸਿਆ ਕੇ ਲਵ ਕੁਸ਼, ਕਰਮਫਲ ਦਾਤਾ ਸ਼ਨੀ ਵਰਗੇ ਕਈ ਸੁਪਰਹਿੱਟ ਸ਼ੋਅ ਬਣਾਏ ਹਨ।