CCL 2024: ‘ਪੰਜਾਬ ਦੇ ਸ਼ੇਰ’ ਟੀਮ ਦਾ ਸੀਸੀਐਲ 2024 ‘ਚ ਵਿਖੇਗਾ ਜਲਵਾ, Celebs ਚੰਡੀਗੜ੍ਹ ‘ਚ ਵਹਾ ਰਹੇ ਪਸੀਨਾ
CCL 2024: ਸੇਲਿਬ੍ਰਿਟੀ ਕ੍ਰਿਕੇਟ ਲੀਗ (CCL) 2024 ਦਾ ਸ਼ੈਡਿਊਲ 23 ਫਰਵਰੀ 2024 ਤੋਂ 17 ਮਾਰਚ 2024 ਤੱਕ ਆਯੋਜਿਤ ਕੀਤਾ ਜਾਵੇਗਾ। ਅਸੀਂ ਤੁਹਾਡੇ ਨਾਲ CCL 2024 ਦਾ ਪੂਰਾ ਸ਼ੈਡਿਊਲ ਅਤੇ ਮੈਚ ਟਾਈਮ ਟੇਬਲ ਅਤੇ ਸਾਰੀਆਂ ਟੀਮਾਂ ਦੇ ਮੈਚਾਂ ਦੀ ਵੈਨਿਊ ਸੂਚੀ ਸਾਂਝੀ ਕਰ ਰਹੇ ਹਾਂ। ਇਨ੍ਹਾਂ ਸਾਰੇ ਮੈਚਾਂ ਦੇ ਪਲ-ਪਲ ਦਾ ਅਪਡੇਟ ਵੀ ਅਸੀ ਤੁਹਾਡੇ ਨਾਲ ਸਾਂਝਾ ਕਰਦੇ ਰਹਾਂਗੇ।
ਸੇਲਿਬ੍ਰਿਟੀ ਕ੍ਰਿਕਟ ਲੀਗ (CCL) 2024 ਫਿਲਮ ਇੰਡਸਟਰੀ ਦੇ ਸੈਲੇਬ੍ਰਿਟੀਜ਼ ਵੱਲੋਂ ਖੇਡਿਆ ਜਾਣ ਵਾਲਾ ਇੱਕ ਫੇਮਸ ਟੂਰਨਾਮੈਂਟ ਹੈ, ਜਿਸਨੂੰ ਲੈ ਕੇ ਫਿਲਮ ਜਗਤ ਦੇ ਨਾਲ ਆਮ ਲੋਕਾਂ ਵਿੱਚ ਵੀ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲਦਾ। CCL 2024 25 ਫਰਵਰੀ ਤੋਂ ਸ਼ੁਰੂ ਹੋ ਕੇ 17 ਮਾਰਚ 2024 ਨੂੰ ਖਤਮ ਹੋਵੇਗਾ। ਦੱਸ ਦੇਈਏ ਕਿ ਟੀਵੀ9 ਪੰਜਾਬੀ.ਕਾਮ ਸੀਸੀਐਲ 2024 ਦੀ ਪੰਜਾਬ ਦੇ ਸ਼ੇਰ ਟੀਮ ਨੂੰ ਇਸ ਵਾਰ ਸਪਾਂਸਰ ਕਰ ਰਿਹਾ ਹੈ। ਇਸ ਲਈ ਇਸ ਸੈਲੇਬ੍ਰਿਟੀ ਮੈਚ ਨਾਲ ਜੁੜੀ ਹਰ ਦਿਲਚਸਪ ਖ਼ਬਰ ਅਸੀ ਤੁਹਾਨੂੰ ਦਿੰਦੇ ਰਹਾਂਗੇ।
ਸੇਲਿਬ੍ਰਿਟੀ ਕ੍ਰਿਕਟ ਲੀਗ (CCL) 2024 ਜਿਸ ਨੂੰ (CCL 2024, CCL T10, CCL10) ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ, ਭਾਰਤ ਵਿੱਚ ਇੱਕ ਸ਼ੌਕਿਆ ਪੁਰਸ਼ ਕ੍ਰਿਕਟ ਲੀਗ ਹੈ। @punjabDeSherCCL @PunjabDeSher_ @PuneetSinghC @navrajhansnavi@amarxeon #PunjabDeSher #ccl2024 #cclseason10 pic.twitter.com/aPFUFZyFIx
— TV9 Punjab-Himachal Pradesh-J&K (@TV9Punjab) February 21, 2024
ਇਸ ਵਿਚਾਲੇ ਪੰਜਾਬ ਦੇ ਸ਼ੇਰ ਟੀਮ ਚੰਡੀਗੜ੍ਹ ਵਿੱਚ ਪ੍ਰੈਕਟਿਸ ਵਿੱਚ ਰੁੱਝੀ ਹੋਈ ਹੈ। ਟੀਮ ਦੇ ਸਾਰੇ ਖਿਡਾਰੀ ਰੱਜ ਕੇ ਮੈਦਾਨ ਤੇ ਪਸੀਨਾ ਵਹਾ ਰਹੇ ਹਨ। ਇਨ੍ਹਾਂ ਸੇਲੇਬ੍ਰਿਟੀਜ਼ ਦੀ ਪ੍ਰੈਕਟਿਸ ਦੌਰਾਨ ਟੀਵੀ9ਪੰਜਾਬੀ.ਕਾਮ ਦੀ ਟੀਮ ਵੀ ਉੱਥੇ ਪਹੁੰਚੀ ਅਤੇ ਕਈ ਸੈਲੇਬਜ਼ ਨਾਲ ਇਸ ਲੀਗ ਨੂੰ ਲੈ ਕੇ ਵਿਸਥਾਰ ਨਾਲ ਗੱਲਬਾਤ ਵੀ ਕੀਤੀ। ਪੰਜਾਬ ਦੇ ਸ਼ੇਰ ਟੀਮ ਨੂੰ ਪੂਰਾ ਭਰੋਸਾ ਹੈ ਕਿ ਉਹ ਹੀ ਇਸ ਲੀਗ ਨੂੰ ਜਿੱਤ ਕੇ ਪੰਜਾਬ ਦਾ ਨਾਂ ਰੌਸ਼ਨ ਕਰਨਗੇ।
ਖੇਤਰੀ ਫਿਲਮ ਉਦਯੋਗਾਂ ਦੇ ਅਦਾਕਾਰਾਂ ਦੀਆਂ ਨੌਂ ਟੀਮਾਂ ਲੈ ਰਹੀਆਂ ਹਿੱਸਾ
ਸੀਸੀਐਲ ਵਿੱਚ ਭਾਰਤੀ ਸਿਨੇਮਾ ਦੇ ਨੌਂ ਪ੍ਰਮੁੱਖ ਰੀਜ਼ਨਲ ਫਿਲਮ ਇੰਡਸਟਰੀ ਦੇ ਫਿਲਮ ਅਦਾਕਾਰਾਂ ਦੀਆਂ ਨੌਂ ਟੀਮਾਂ ਸ਼ਾਮਲ ਹਨ। ਸੈਲੀਬ੍ਰਿਟੀ ਕ੍ਰਿਕਟ ਲੀਗ ਦੀ ਸ਼ੁਰੂਆਤ 2011 ਵਿੱਚ ਹੋਈ ਸੀ। CCL ਟੀਮਾਂ ਆਪਣੇ ਘਰੇਲੂ ਖੇਡਾਂ ਲਈ ਵੱਖ-ਵੱਖ ਥਾਵਾਂ ਦੀ ਵਰਤੋਂ ਕਰਦੀਆਂ ਹਨ ਅਤੇ ਭਾਰਤੀ ਮੀਡੀਆ ਵਿੱਚ ਇਸਦੀ ਵਿਆਪਕ ਕਵਰੇਜ ਹੁੰਦੀ ਹੈ। ਦੱਸ ਦੇਈਏ ਕਿ ਬੀਤੇ ਸਾਲ ਯਾਨੀ 2023 ਵਿੱਚ ਤੇਲਗੂ ਵਾਰੀਅਰਜ਼ ਨੇ ਭੋਜਪੁਰੀ ਦਬੰਗਸ ਨੂੰ 9 ਵਿਕਟਾਂ ਨਾਲ ਹਰਾ ਕੇ CCL 2023 ਦਾ ਫਾਈਨਲ ਖਿਤਾਬ ਜਿੱਤਿਆ ਸੀ।
CCL 2023 ਫਰਵਰੀ 2024 ਤੋਂ ਸ਼ੁਰੂ ਹੋ ਕੇ ਅਤੇ ਮਾਰਚ 2024 ਵਿੱਚ ਖਤਮ ਹੋਵੇਗਾ। pic.twitter.com/YgZpZRHStV
— TV9 Punjab-Himachal Pradesh-J&K (@TV9Punjab) February 21, 2024
ਇਹ ਹਨ ‘ਪੰਜਾਬ ਦੇ ਸ਼ੇਰ’ ਟੀਮ ਦੇ ਖਿਡਾਰੀ
ਪੰਜਾਬ ਦੇ ਸ਼ੇਰ ਟੀਮ ਵਿੱਚ ਸੋਨੂੰ ਸੂਦ (ਕਪਤਾਨ), ਨਵਰਾਜ ਹੰਸ, ਬੀਨੂ ਢਿੱਲੋਂ, ਰਾਹੁਲ ਦੇਵ, ਆਯੂਸ਼ਮਾਨ ਖੁਰਾਣਾ, ਹਾਰਡੀ ਸੰਧੂ, ਐਮੀ ਵਿਰਕ, ਅਪਾਰਸ਼ਕਤੀ ਖੁਰਾਣਾ, ਹਰਮੀਤ ਸਿੰਘ, ਮਨਮੀਤ ਸਿੰਘ, ਕਰਨ ਸ਼ਾਮਲ ਸਨ। ਵਾਹੀ, ਗੁਰਪ੍ਰੀਤ ਘੁੱਗੀ, ਯੁਵਰਾਜ ਹੰਸ, ਨਿੰਜਾ, ਬੱਬਲ ਰਾਏ, ਜੱਸੀ ਗਿੱਲ, ਦੇਵ ਸ਼ਾਮਲ ਹਨ।
(Input – Amanpreet Kaur, Chandigarh)
