ਲੁਧਿਆਣਾ ‘ਚ ਮਲਾਇਕਾ ਅਰੋੜਾ ਨੇ ਮਚਾਈ ਧੂਮ, ‘ਮੁੰਨੀ ਬਦਨਾਮ’ ‘ਤੇ ਝੂਮੇ ਪ੍ਰਸ਼ੰਸਕ; ਸੈਲਫੀ ਲਈ ਮਚੀ ਹੋੜ
ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਅਤੇ ਡਾਂਸਿੰਗ ਕੁਈਨ ਮਲਾਇਕਾ ਅਰੋੜਾ ਬੀਤੀ ਰਾਤ ਲੁਧਿਆਣਾ ਵਿੱਚ ਇੱਕ ਨਿੱਜੀ ਸਮਾਗਮ ਦੌਰਾਨ ਆਪਣੀ ਪਰਫਾਰਮੈਂਸ ਨਾਲ ਚਾਰ ਚੰਦ ਲਗਾਉਂਦੀ ਨਜ਼ਰ ਆਈ। ਮੌਕਾ ਸ਼ਹਿਰ ਦੇ ਇੱਕ ਨਾਮੀ ਕਾਰੋਬਾਰੀ ਦੀ ਵੈਡਿੰਗ ਐਨੀਵਰਸਰੀ ਦਾ ਸੀ, ਜਿੱਥੇ ਮਲਾਇਕਾ ਨੇ ਆਪਣੀ ਸਟੇਜ ਪ੍ਰੈਜ਼ੈਂਸ ਅਤੇ ਦਮਦਾਰ ਡਾਂਸ ਨਾਲ ਉੱਥੇ ਮੌਜੂਦ ਮਹਿਮਾਨਾਂ ਦਾ ਭਰਪੂਰ ਮਨੋਰੰਜਨ ਕੀਤਾ।
ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਅਤੇ ਡਾਂਸਿੰਗ ਕੁਈਨ ਮਲਾਇਕਾ ਅਰੋੜਾ ਬੀਤੀ ਰਾਤ ਲੁਧਿਆਣਾ ਵਿੱਚ ਇੱਕ ਨਿੱਜੀ ਸਮਾਗਮ ਦੌਰਾਨ ਆਪਣੀ ਪਰਫਾਰਮੈਂਸ ਨਾਲ ਚਾਰ ਚੰਦ ਲਗਾਉਂਦੀ ਨਜ਼ਰ ਆਈ। ਮੌਕਾ ਸ਼ਹਿਰ ਦੇ ਇੱਕ ਨਾਮੀ ਕਾਰੋਬਾਰੀ ਦੀ ਵੈਡਿੰਗ ਐਨੀਵਰਸਰੀ ਦਾ ਸੀ, ਜਿੱਥੇ ਮਲਾਇਕਾ ਨੇ ਆਪਣੀ ਸਟੇਜ ਪ੍ਰੈਜ਼ੈਂਸ ਅਤੇ ਦਮਦਾਰ ਡਾਂਸ ਨਾਲ ਉੱਥੇ ਮੌਜੂਦ ਮਹਿਮਾਨਾਂ ਦਾ ਭਰਪੂਰ ਮਨੋਰੰਜਨ ਕੀਤਾ।
ਸਿਲਵਰ ਜੁਬਲੀ ਸਮਾਗਮ ਵਿੱਚ ਪਹੁੰਚੀ ਅਦਾਕਾਰਾ
ਜਾਣਕਾਰੀ ਅਨੁਸਾਰ ਲੁਧਿਆਣਾ ਦੇ ਪੌਸ਼ ਇਲਾਕੇ ਫਿਰੋਜ਼ਪੁਰ ਰੋਡ ਸਥਿਤ ‘ਮਹਾਰਾਜਾ ਮੈਂਸ਼ਨ’ ਵਿਖੇ ਸ਼ਹਿਰ ਦੇ ਇੱਕ ਪ੍ਰਸਿੱਧ ਟੈਕਸਟਾਈਲ ਕਾਰੋਬਾਰੀ ਦੀ 25ਵੀਂ ਵੈਡਿੰਗ ਐਨੀਵਰਸਰੀ (ਸਿਲਵਰ ਜੁਬਲੀ) ਮਨਾਈ ਜਾ ਰਹੀ ਸੀ। ਇਸ ਸ਼ਾਨਦਾਰ ਪਾਰਟੀ ਵਿੱਚ ਵਿਸ਼ੇਸ਼ ਤੌਰ ‘ਤੇ ਮਲਾਇਕਾ ਅਰੋੜਾ ਨੂੰ ਸੱਦਿਆ ਗਿਆ ਸੀ। ਸਮਾਗਮ ਦੀ ਸ਼ੁਰੂਆਤ ਡੀਜੇ ਪਾਰਟੀ ਨਾਲ ਹੋਈ, ਜਿਸ ਤੋਂ ਬਾਅਦ ਜਿਵੇਂ ਹੀ ਮਲਾਇਕਾ ਨੇ ਸਟੇਜ ਸੰਭਾਲੀ, ਪੂਰਾ ਹਾਲ ਤਾੜੀਆਂ ਅਤੇ ਸ਼ੋਰ ਨਾਲ ਗੂੰਜ ਉੱਠਿਆ।
ਸੁਪਰਹਿੱਟ ਗਾਣਿਆਂ ‘ਤੇ ਮਲਾਇਕਾ ਦੇ ਠੁਮਕੇ
ਮਲਾਇਕਾ ਅਰੋੜਾ ਨੇ ਆਪਣੇ ਕਰੀਬ ਇੱਕ ਘੰਟੇ ਦੇ ਪ੍ਰੋਗਰਾਮ ਦੌਰਾਨ ਆਪਣੇ ਸਿਗਨੇਚਰ ਸਟੈਪਸ ਨਾਲ ਸਭ ਨੂੰ ਕੀਲ ਲਿਆ। ਉਨ੍ਹਾਂ ਨੇ ਚਲ ਛਈਆ-ਛਈਆ, ਅਨਾਰਕਲੀ ਡਿਸਕੋ ਚਲੀ, ਮੁੰਨੀ ਬਦਨਾਮ ਹੁਈ ਅਤੇ ਨਾਚ ਪੰਜਾਬਣ ਵਰਗੇ ਸੁਪਰਹਿੱਟ ਗਾਣਿਆਂ ‘ਤੇ ਸ਼ਾਨਦਾਰ ਡਾਂਸ ਪੇਸ਼ ਕੀਤਾ। ਮਲਾਇਕਾ ਦੇ ਨਾਲ-ਨਾਲ ਮਸ਼ਹੂਰ ਗਾਇਕ ਸਾਗਰ ਭਾਟੀਆ ਨੇ ਵੀ ਆਪਣੀ ਗਾਇਕੀ ਨਾਲ ਸਮਾਂ ਬੰਨ੍ਹਿਆ ਅਤੇ ਮਹਿਮਾਨਾਂ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ।
ਸੈਲਫੀ ਲੈਣ ਲਈ ਪ੍ਰਸ਼ੰਸਕਾਂ ਦੀ ਲੱਗੀ ਭੀੜ
ਸਮਾਗਮ ਵਿੱਚ ਸ਼ਹਿਰ ਦੀਆਂ ਲਗਭਗ 500 ਨਾਮੀ ਹਸਤੀਆਂ ਨੇ ਸ਼ਿਰਕਤ ਕੀਤੀ ਸੀ। ਬਾਲੀਵੁੱਡ ਅਦਾਕਾਰਾ ਨੂੰ ਆਪਣੇ ਸਾਹਮਣੇ ਦੇਖ ਕੇ ਪ੍ਰਸ਼ੰਸਕ ਉਨ੍ਹਾਂ ਨਾਲ ਸੈਲਫੀ ਲੈਣ ਲਈ ਬੇਤਾਬ ਨਜ਼ਰ ਆਏ। ਕਈ ਵਾਰ ਭੀੜ ਇੰਨੀ ਬੇਕਾਬੂ ਹੋ ਗਈ ਕਿ ਬਾਊਂਸਰਾਂ ਨੂੰ ਸੁਰੱਖਿਆ ਘੇਰਾ ਬਣਾਉਣ ਵਿੱਚ ਕਾਫ਼ੀ ਮੁਸ਼ੱਕਤ ਕਰਨੀ ਪਈ। ਹਰ ਕੋਈ ਇਸ ਪਲ ਨੂੰ ਆਪਣੇ ਮੋਬਾਈਲ ਕੈਮਰਿਆਂ ਵਿੱਚ ਕੈਦ ਕਰਨਾ ਚਾਹੁੰਦਾ ਸੀ।
ਸੁਰੱਖਿਆ ਕਾਰਨਾਂ ਅਤੇ ਆਪਣੇ ਰੁਝੇਵੇਂ ਭਰੇ ਸ਼ਡਿਊਲ ਦੇ ਚੱਲਦਿਆਂ ਮਲਾਇਕਾ ਅਰੋੜਾ ਨੇ ਸਿਰਫ਼ ਆਪਣੀ ਤੈਅਸ਼ੁਦਾ ਪਰਫਾਰਮੈਂਸ ਦਿੱਤੀ। ਪ੍ਰੋਗਰਾਮ ਖ਼ਤਮ ਹੋਣ ਤੋਂ ਤੁਰੰਤ ਬਾਅਦ ਉਹ ਉੱਥੋਂ ਰਵਾਨਾ ਹੋ ਗਈ। ਲੁਧਿਆਣਾ ਦੇ ਕਾਰੋਬਾਰੀ ਜਗਤ ਵਿੱਚ ਇਸ ਸ਼ਾਨਦਾਰ ਪਾਰਟੀ ਅਤੇ ਮਲਾਇਕਾ ਦੀ ਆਮਦ ਦੀ ਕਾਫ਼ੀ ਚਰਚਾ ਹੋ ਰਹੀ ਹੈ।
ਇਹ ਵੀ ਪੜ੍ਹੋ
