ਰੇਲਵੇ ਵਿੱਚ ਕਿਹੜੀ ਨੌਕਰੀ ਕਰਦੇ ਸਨ ਧਰਮਿੰਦਰ? ਮਿਲਦੀ ਸੀ ਸਿਰਫ਼ ਇੰਨੀ ਸੈਲਰੀ

ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਧਰਮਿੰਦਰ 1960 ਤੋਂ ਫਿਲਮਾਂ ਵਿੱਚ ਕੰਮ ਕਰ ਰਹੇ ਹਨ। ਇਹ ਅਦਾਕਾਰ 65 ਸਾਲਾਂ ਤੋਂ ਬਾਲੀਵੁੱਡ ਵਿੱਚ ਸਰਗਰਮ ਹਨ। ਆਪਣੇ ਲੰਬੇ ਅਤੇ ਸਫਲ ਕਰੀਅਰ ਵਿੱਚ, ਅਦਾਕਾਰ ਨੇ ਕਈ ਬੇਹਤਰੀਨ ਅਤੇ ਯਾਦਗਾਰੀ ਫਿਲਮਾਂ ਦਿੱਤੀਆਂ ਹਨ। ਧਰਮਿੰਦਰ ਹਿੰਦੀ ਸਿਨੇਮਾ ਦੇ ਸਭ ਤੋਂ ਬੇਹਤਰੀਨ ਅਦਾਕਾਰਾਂ ਵਿੱਚੋਂ ਇੱਕ ਹਨ। ਪਰ, ਕੀ ਤੁਸੀਂ ਜਾਣਦੇ ਹੋ ਕਿ ਅਦਾਕਾਰ ਬਣਨ ਤੋਂ ਪਹਿਲਾਂ ਧਰਮਿੰਦਰ ਕਿਹੜਾ ਕੰਮ ਕਰਦੇ ਸਨ? ਅੱਜ ਉਹ ਕਰੋੜਾਂ ਦੀ ਦੌਲਤ ਦੇ ਮਾਲਕ ਹਨ, ਪਰ ਇੱਕ ਸਮੇਂ ਧਰਮਿੰਦਰ ਦੀ ਤਨਖਾਹ ਨਾਮਾਤਰ ਸੀ।

ਧਰਮਿੰਦਰ ਦਾ ਜਨਮ 8 ਦਸੰਬਰ 1935 ਨੂੰ ਪੰਜਾਬ ਦੇ ਨਸਰਾਲੀ ਵਿੱਚ ਹੋਇਆ ਸੀ। ਸ਼ੁਰੂ ਤੋਂ ਹੀ ਧਰਮਿੰਦਰ ਨੂੰ ਫਿਲਮੀ ਦੁਨੀਆ ਵਿੱਚ ਆਉਣ ਦਾ ਸ਼ੌਕ ਸੀ। ਉਨ੍ਹਾਂ ਨੇ 1949 ਦੀ ਫਿਲਮ ‘ਦਿਲਗੀ‘ 40 ਵਾਰ ਦੇਖੀ ਸੀ। ਉਨ੍ਹਾਂਨੇ ਅਦਾਕਾਰ ਬਣਨ ਦਾ ਸੁਪਨਾ ਦੇਖਣਾ ਸ਼ੁਰੂ ਕਰ ਦਿੱਤਾ। ਹਾਲਾਂਕਿ, ਇਸ ਤੋਂ ਪਹਿਲਾਂ ਉਹ ਰੇਲਵੇ ਵਿੱਚ ਕੰਮ ਕਰ ਚੁੱਕੇ ਸਨ। ਜਦੋਂ ਉਨ੍ਹਾਂਨੂੰ ਇਹ ਨੌਕਰੀ ਪਸੰਦ ਨਹੀਂ ਆਈ, ਤਾਂ ਉਹ ਸਭ ਕੁਝ ਛੱਡ ਕੇ ਮੁੰਬਈ ਆ ਗਏ।

ਰੇਲਵੇ ਵਿੱਚ ਕਿਹੜਾ ਕੰਮ ਕਰਦੇ ਸਨ ਧਰਮਿੰਦਰ?

ਧਰਮਿੰਦਰ ਦਾ ਵਿਆਹ ਬਹੁਤ ਛੋਟੀ ਉਮਰ ਵਿੱਚ ਹੋਇਆ ਸੀ। ਉਨ੍ਹਾਂ ਦਾ ਦੂਜਾ ਵਿਆਹ 1980 ਵਿੱਚ ਹੇਮਾ ਮਾਲਿਨੀ ਨਾਲ ਹੋਇਆ ਸੀ, ਜਦੋਂ ਕਿ ਅਦਾਕਾਰ ਨੇ ਪਹਿਲਾ ਵਿਆਹ 1954 ਵਿੱਚ 19 ਸਾਲ ਦੀ ਉਮਰ ਵਿੱਚ ਪ੍ਰਕਾਸ਼ ਕੌਰ ਨਾਲ ਕੀਤਾ ਸੀ। ਅਮਰ ਉਜਾਲਾ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਅਦਾਕਾਰ ਉਸ ਸਮੇਂ ਰੇਲਵੇ ਵਿੱਚ ਕਲਰਕ ਵਜੋਂ ਕੰਮ ਕਰਦੇ ਸਨ।

ਏਨੀ ਸੀ ਧਰਮਿੰਦਰ ਦੀ ਸੈਲਰੀ

ਧਰਮਿੰਦਰ ਨੇ ਨਾ ਸਿਰਫ ਫਿਲਮਾਂ ਵਿੱਚ ਬਹੁਤ ਨਾਮ ਕਮਾਇਆ, ਬਲਕਿ ਬਹੁਤ ਸਾਰੀ ਦੌਲਤ ਵੀ ਕਮਾਈ। ਹਾਲਾਂਕਿ, ਜਦੋਂ ਉਹ ਰੇਲਵੇ ਵਿੱਚ ਕਲਰਕ ਦੇ ਅਹੁਦੇ ‘ਤੇ ਸੀ, ਤਾਂ ਉਨ੍ਹਾਂ ਨੂੰ ਸਿਰਫ 125 ਰੁਪਏ ਪ੍ਰਤੀ ਮਹੀਨਾ ਮਿਲਦਾ ਸੀ। ਬਾਅਦ ਵਿੱਚ ਅਦਾਕਾਰ ਨੇ ਇਹ ਨੌਕਰੀ ਛੱਡ ਦਿੱਤੀ। ਫਿਲਮੀ ਦੁਨੀਆ ਵਿੱਚ ਕਰੀਅਰ ਬਣਾਉਣ ਲਈ, ਉਹ ‘ਮਾਇਆਨਗਰੀ‘ ਆਏ ਅਤੇ ਕੰਮ ਲਈ ਦਰ-ਦਰ ਭਟਕਦੇ ਰਹੇ।

ਉਨ੍ਹਾਂ ਨੂੰ ਆਪਣੀ ਪਹਿਲੀ ਫਿਲਮ ਲਈ ਸਿਰਫ 51 ਰੁਪਏ ਮਿਲੇ ਸਨ। ਧਰਮਿੰਦਰ ਕੋਲ ਮੁੰਬਈ ਵਿੱਚ ਨਾ ਤਾਂ ਖਾਣ ਦਾ ਠਿਕਾਾ ਸੀ ਅਤੇ ਨਾ ਹੀ ਰਹਿਣ ਲਈ ਜਗ੍ਹਾ। ਆਪਣੇ ਸੰਘਰਸ਼ ਦੇ ਦਿਨਾਂ ਦੌਰਾਨ, ਅਦਾਕਾਰ ਨੂੰ ਕਈ ਵਾਰ ਖਾਲੀ ਪੇਟ ਸੌਣਾ ਪੈਂਦਾ ਸੀ। ਪਰ, ਉਹ ਬਾਲੀਵੁੱਡ ਵਿੱਚ ਕੰਮ ਲਈ ਸਖ਼ਤ ਮਿਹਨਤ ਕਰਦੇ ਰਹੇ। ਉਨ੍ਹਾਂ ਨੂੰ ਅਰਜੁਨ ਹਿੰਗੋਰਾਨੀ ਦੁਆਰਾ ਨਿਰਦੇਸ਼ਤ ਫਿਲਮ ‘ਦਿਲ ਭੀ ਤੇਰਾ ਹਮ ਭੀ ਤੇਰੇ‘ ਮਿਲੀ। ਇਹ ਉਨ੍ਹਾਂ ਦੀ ਪਹਿਲੀ ਫਿਲਮ ਸੀ ਜੋ 1960 ਵਿੱਚ ਰਿਲੀਜ਼ ਹੋਈ ਸੀ, ਜਿਸ ਲਈ ਉਨ੍ਹਾਂ ਨੂੰ ਸਿਰਫ਼ 51 ਰੁਪਏ ਮਿਲੇ ਸਨ।