ਕੌਣ ਹੈ ਨਰਗਿਸ ਫਾਖਰੀ ਦੀ ਭੈਣ ਆਲੀਆ? ਜਿਸ ਨੇ ਅਮਰੀਕਾ ‘ਚ ਆਪਣੇ ਐਕਸ ਬੁਆਏਫ੍ਰੈਂਡ ਨੂੰ ਜ਼ਿੰਦਾ ਸਾੜ ਦਿੱਤਾ
ਰਣਬੀਰ ਕਪੂਰ ਦੀ ਕੋ-ਸਟਾਰ ਨਰਗਿਸ ਫਾਖਰੀ ਦੀ ਭੈਣ ਆਲੀਆ ਫਾਖਰੀ ਨੂੰ ਨਿਊਯਾਰਕ 'ਚ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਆਲੀਆ 'ਤੇ ਆਪਣੇ ਐਕਸ ਬੁਆਏਫ੍ਰੈਂਡ ਅਤੇ ਉਸ ਦੇ ਦੋਸਤ ਨੂੰ ਜ਼ਿੰਦਾ ਸਾੜ ਕੇ ਮਾਰਨ ਦਾ ਦੋਸ਼ ਹੈ। ਫਿਲਹਾਲ ਉਹ ਪੁਲਿਸ ਹਿਰਾਸਤ ਵਿੱਚ ਹੈ।
ਰਣਬੀਰ ਕਪੂਰ ਦੀ ਕੋ-ਸਟਾਰ ਨਰਗਿਸ ਫਾਖਰੀ ਅਚਾਨਕ ਲੋਕਾਂ ‘ਚ ਚਰਚਾ ‘ਚ ਆ ਗਈ ਹੈ, ਇਸ ਦਾ ਕਾਰਨ ਉਹ ਖੁਦ ਨਹੀਂ ਸਗੋਂ ਉਨ੍ਹਾਂ ਦੀ ਭੈਣ ਆਲੀਆ ਫਾਖਰੀ ਹੈ। ਦਰਅਸਲ ਖਬਰ ਆ ਰਹੀ ਹੈ ਕਿ ਆਲੀਆ ਨੂੰ ਨਿਊਯਾਰਕ ਪੁਲਿਸ ਨੇ ਕਤਲ ਦੇ ਦੋਸ਼ ‘ਚ ਗ੍ਰਿਫਤਾਰ ਕਰ ਲਿਆ ਹੈ, ਹਾਲਾਂਕਿ ਅਜੇ ਤੱਕ ਉਸ ਦੇ ਦੋਸ਼ ਸਾਬਤ ਨਹੀਂ ਹੋਏ ਹਨ ਪਰ ਫਿਲਹਾਲ ਉਹ ਰਿਮਾਂਡ ‘ਤੇ ਹੈ ਅਤੇ ਉਸ ਦੇ ਕੇਸ ਦੀ ਸੁਣਵਾਈ 9 ਦਸੰਬਰ ਨੂੰ ਹੋਵੇਗੀ। ਆਓ ਜਾਣਦੇ ਹਾਂ ਕੌਣ ਹੈ ਆਲੀਆ?
ਨਰਗਿਸ ਫਾਖਰੀ ਦੀ ਭੈਣ ਆਲੀਆ ਕੁਈਨਜ਼, ਨਿਊਯਾਰਕ ਵਿੱਚ ਰਹਿੰਦੀ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ 43 ਸਾਲਾ ਆਲੀਆ ਐਡਵਰਡ ਜੈਕਬਜ਼ ਨਾਂ ਦੇ 35 ਸਾਲਾ ਵਿਅਕਤੀ ਨਾਲ ਰਿਲੇਸ਼ਨਸ਼ਿਪ ਵਿੱਚ ਸੀ ਪਰ ਦੋਵੇਂ ਪਿਛਲੇ ਸਾਲ ਇੱਕ ਦੂਜੇ ਤੋਂ ਵੱਖ ਹੋ ਗਏ ਸਨ। ਆਲੀਆ ਅਤੇ ਨਰਗਿਸ ਦੇ ਪਰਿਵਾਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੇ ਮਾਤਾ-ਪਿਤਾ ਬਚਪਨ ‘ਚ ਹੀ ਵੱਖ ਹੋ ਗਏ ਸਨ। ਉਨ੍ਹਾਂ ਦੇ ਪਿਤਾ ਦਾ ਨਾਂ ਮੁਹੰਮਦ ਫਾਖਰੀ ਸੀ, ਜੋ ਪਾਕਿਸਤਾਨੀ ਸੀ, ਜਦੋਂ ਕਿ ਉਨ੍ਹਾਂ ਦੀ ਮਾਂ ਮਰੀਅਮ ਚੈੱਕ ਰਿਪਬਲਿਕ ਤੋਂ ਹਨ।
ਨਸ਼ੇ ਦੀ ਆਦੀ ਹੈ ਆਲੀਆ
ਨਰਗਿਸ ਅਤੇ ਆਲੀਆ ਦੇ ਪਿਤਾ ਦੀ ਮੌਤ ਉਨ੍ਹਾਂ ਦੇ ਮਾਤਾ-ਪਿਤਾ ਦੇ ਤਲਾਕ ਤੋਂ ਥੋੜ੍ਹੀ ਦੇਰ ਬਾਅਦ ਹੋ ਗਈ ਸੀ। ਆਲੀਆ ‘ਤੇ ਲੱਗੇ ਦੋਸ਼ਾਂ ਨੂੰ ਲੈ ਕੇ ਜਦੋਂ ਉਨ੍ਹਾਂ ਦੀ ਮਾਂ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ, ‘ਮੈਂ ਵਿਸ਼ਵਾਸ ਨਹੀਂ ਕਰ ਸਕਦੀ ਕਿ ਆਲੀਆ ਕਿਸੇ ਦੀ ਜਾਨ ਲੈ ਸਕਦੀ ਹੈ, ਆਲੀਆ ਇਕ ਅਜਿਹੀ ਸ਼ਖਸ ਸੀ ਜੋ ਹਰ ਕਿਸੇ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕਰਦੀ ਸੀ। ਉਨ੍ਹਾਂ ਨੇ ਖੁਲਾਸਾ ਕੀਤਾ ਕਿ ਆਲੀਆ ਪਿਛਲੇ ਕੁਝ ਸਮੇਂ ਤੋਂ ਦੰਦਾਂ ਦੀ ਸਮੱਸਿਆ ਤੋਂ ਪੀੜਤ ਸੀ, ਜਿਸ ਤੋਂ ਬਾਅਦ ਉਹ ਓਪੀਔਡਜ਼ (ਡਰੱਗਜ਼) ਦੀ ਆਦੀ ਹੋ ਗਈ ਸੀ।
ਇਹ ਵੀ ਪੜ੍ਹੋ- ਨਾ ਮੈਂ ਐਕਟਿੰਗ ਛੱਡ ਰਿਹਾ ਹਾਂ, ਨਾ ਰਿਟਾਇਰ ਹੋ ਰਿਹਾ ਹਾਂਵਿਕਰਾਂਤ ਮੈਸੀ ਨੇ ਦੱਸੀ ਸੰਨਿਆਸ ਦੀ ਸੱਚਾਈ
ਕੀ ਹੈ ਕਤਲ ਦਾ ਪੂਰਾ ਮਾਮਲਾ?
ਆਲੀਆ ‘ਤੇ ਲੱਗੇ ਦੋਸ਼ਾਂ ਮੁਤਾਬਕ 2 ਨਵੰਬਰ ਨੂੰ ਆਲੀਆ ਜੈਕਬਜ਼ ਦੇ ਗੈਰੇਜ ‘ਚ ਪਹੁੰਚੀ, ਜਿੱਥੇ ਉਸ ਨੇ ਚਿਲਾਉਂਦੇ ਹੋਏ ਕਿਹਾ ਕਿ ਅੱਜ ਤੁਸੀਂ ਸਾਰੇ ਮਰਨ ਵਾਲੇ ਹੋ। ਜੈਕਬਸ ਗੈਰਾਜ ਵਿੱਚ ਆਪਣੀ ਦੋਸਤ ਅਨਾਸਤਾਸੀਆ ਏਟੀਨ ਨਾਲ ਸੌਂ ਰਿਹਾ ਸੀ। ਇਕ ਗੁਆਂਢੀ ਨੇ ਆਲੀਆ ਨੂੰ ਧਮਕੀ ਦਿੰਦੇ ਹੋਏ ਦੇਖਿਆ ਸੀ, ਉਸ ਨੇ ਅਦਾਲਤ ਵਿਚ ਦੱਸਿਆ ਕਿ ਇਹ ਕਹਿਣ ਤੋਂ ਬਾਅਦ ਉਸ ਨੇ ਦੋ ਮੰਜ਼ਿਲਾ ਗੈਰੇਜ ਨੂੰ ਅੱਗ ਲਗਾ ਦਿੱਤੀ। ਜੈਕਬਸ ਦੀ ਮਾਂ ਨੇ ਅਦਾਲਤ ਨੂੰ ਦੱਸਿਆ ਕਿ ਜੈਕਬਸ ਅਤੇ ਆਲੀਆ ਦਾ ਰਿਸ਼ਤਾ ਇੱਕ ਸਾਲ ਪਹਿਲਾਂ ਹੀ ਖਤਮ ਹੋ ਗਿਆ ਸੀ ਪਰ ਆਲੀਆ ਇਸ ਨੂੰ ਬਰਦਾਸ਼ਤ ਨਹੀਂ ਕਰ ਪਾ ਰਹੀ ਸੀ। ਅਜੇ ਤੱਕ ਇਸ ਮਾਮਲੇ ‘ਚ ਨਰਗਿਸ ਦਾ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।
