PM Modi interview- ਇਲੈਕਟੋਰਲ ਬਾਂਡ ਦਾ ਵਿਰੋਧ ਕਰਨ ਵਾਲੇ ਪਛਤਾਉਣਗੇ-ਮੋਦੀ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇੱਕ ਵਿਸ਼ੇਸ਼ ਇੰਟਰਵਿਊ ਵਿੱਚ 2047 ਦੇ ਭਾਰਤ ਦੀ ਰੂਪਰੇਖਾ ਦਿੱਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਮੇਰਾ ਟੀਚਾ 2024 ਨਹੀਂ, 2047 ਹੈ। ਇਸ ਦੇ ਲਈ ਰਫ਼ਤਾਰ ਵਧਾਉਣੀ ਪਵੇਗੀ ਅਤੇ ਸਕੇਲ ਵੀ ਵਧਾਉਣਾ ਪਵੇਗਾ। ਉਹਨਾਂ ਕਿਹਾ ਕਿ ਦੇਸ਼ ਦੇ ਸਾਹਮਣੇ ਮੌਕਾ ਹੈ। ਉਹ ਕਾਂਗਰਸ ਸਰਕਾਰ ਦਾ ਮਾਡਲ ਅਤੇ ਭਾਜਪਾ ਸਰਕਾਰ ਦਾ ਮਾਡਲ ਦੇਖਣ ਫੇਰ ਵੋਟ ਪਾਉਣ, ਮੋਦੀ ਨੇ ਕਿਹਾ ਕਿ ਕਾਂਗਰਸ ਦਾ 5-6 ਦਹਾਕਿਆਂ ਦਾ ਕੰਮ ਅਤੇ ਉਹਨਾਂ ਦਾ ਸਿਰਫ਼ 10 ਸਾਲਾਂ ਦਾ ਕੰਮ।ਇਸ ਦੀ ਕਿਸੇ ਵੀ ਖੇਤਰ ਵਿੱਚ ਤੁਲਨਾ ਕਰੋ, ਜੇਕਰ ਕੋਈ ਕਮੀ ਰਹੀ ਵੀ ਹੋਵੇਗੀ ਤਾਂ ਸਾਡੇ ਯਤਨਾਂ ਵਿੱਚ ਕਿਸੇ ਵੀ ਪ੍ਰਕਾਰ ਦੀ ਕੋਈ ਕਮੀ ਨਹੀਂ ਰਹੀ ਹੋਵੇਗੀ। ਅਸੀਂ ਦੋ ਸਾਲਾਂ ਤੱਕ ਕੋਵਿਡ (ਕੋਰੋਨਾ) ਨਾਲ ਲੜਾਈ ਲੜੀ, ਫਿਰ ਵੀ ਚਾਹੇ ਅਸੀਂ ਇਸਨੂੰ ਸਪੀਡ ਕਹੀਏ, ਇਸਨੂੰ ਸਕੇਲ ਕਹੀਏ, ਇਸਨੂੰ ਸਰਵਪੱਖੀ ਵਿਕਾਸ ਕਹੀਏ, ਅਸੀਂ ਹਰ ਪੈਰਾਮੀਟਰ ‘ਤੇ ਖਰੇ ਉਤਰੇ ਹਾਂ।

ਇਲੈਕਟੋਰਲ ਬਾਂਡ ਨੂੰ ਲੈ ਕੇ ਲੱਗੇ ਇਲਜ਼ਾਮਾਂ ‘ਤੇ ਪੀਐੱਮ ਮੋਦੀ ਨੇ ਕਿਹਾ ਕਿ ਦੇਸ਼ ‘ਚ ਕਾਲੇ ਧਨ ਦਾ ਮੁੱਦਾ ਲੰਬੇ ਸਮੇਂ ਤੋਂ ਚੱਲ ਰਿਹਾ ਹੈ। ਸਾਰੀਆਂ ਪਾਰਟੀਆਂ ਇਸ ਬਾਰੇ ਗੱਲ ਕਰਦੀਆਂ ਹਨ, ਪਾਰਟੀਆਂ ਲਈ ਲੋਕਾਂ ਤੋਂ ਪੈਸਾ ਲੈਣਾ ਪੈਂਦਾ ਹੈ, ਅਜਿਹੇ ਵਿੱਚ ਮੇਰੇ ਮਨ ਵਿੱਚ ਖਿਆਲ ਆਇਆ ਕਿ ਅਜਿਹਾ ਕੰਮ ਕਿਵੇਂ ਕੀਤਾ ਜਾਵੇ ਜਿਸ ਨਾਲ ਕਾਲੇ ਧਨ ਤੋਂ ਛੁਟਕਾਰਾ ਮਿਲ ਸਕੇ। ਜਦੋਂ ਅਸੀਂ ਇਲੈਕਟੋਰਲ ਬਾਂਡ ਲੈ ਕੇ ਆਏ ਸੀ ਤਾਂ ਸਭ ਨੇ ਤਾਰੀਫ ਕੀਤੀ ਸੀ, ਹੁਣ ਅਸੀਂ ਵੀ ਉਹੀ ਕਰ ਰਹੇ ਹਾਂ। ਪਹਿਲਾਂ ਅਸੀਂ 1,000 ਅਤੇ 2,000 ਰੁਪਏ ਦੇ ਨੋਟ ਬੰਦ ਕੀਤੇ ਕਿਉਂਕਿ ਅਸੀਂ ਕਾਲੇ ਧਨ ਨੂੰ ਖਤਮ ਕਰਨਾ ਸੀ। ਇਸ ਲਈ, ਅਸੀਂ ਪਹਿਲਾਂ 20 ਹਜ਼ਾਰ ਰੁਪਏ ਦੀ ਨਕਦ ਸੀਮਾ ਨੂੰ ਘਟਾ ਕੇ 2.5 ਹਜ਼ਾਰ ਰੁਪਏ ਕਰ ਦਿੱਤਾ ਹੈ।

ਇਹ ਵੀ ਪੜ੍ਹੋ- ਜੰਗ ਚ ਗਾਰੰਟੀ ਬਣਿਆ ਤਿਰੰਗਾ ਰੂਸ-ਯੂਕਰੇਨ ਦੇ ਰਾਸ਼ਟਰਪਤੀਆਂ ਨਾਲ ਦੋਸਤਾਨਾਂ ਰਿਸ਼ਤੇ, ਵਿਦਿਆਰਥੀਆਂ ਨੂੰ ਵਾਪਸ ਲਿਆਉਣ ਤੇ ਬੋਲੇ ਪੀਐਮ ਮੋਦੀ

ਹੁਣ ਜਦੋਂ ਚੈਕ ਰਾਹੀਂ ਪੈਸੇ ਲੈਣ ਦਾ ਸਵਾਲ ਆਇਆ ਤਾਂ ਕਾਰੋਬਾਰੀਆਂ ਨੇ ਕਿਹਾ ਕਿ ਜੇਕਰ ਅਸੀਂ ਚੈੱਕ ਰਾਹੀਂ ਸਰਕਾਰ ਦੀਆਂ ਵਿਰੋਧੀ ਪਾਰਟੀਆਂ ਨੂੰ ਪੈਸੇ ਦਵਾਂਗੇ ਤਾਂ ਸਰਕਾਰ ਨੂੰ ਪਤਾ ਲੱਗ ਜਾਵੇਗਾ। ਜਿਸ ਤੋਂ ਬਾਅਦ ਸਰਕਾਰ ਉਹਨਾਂ ਨੂੰ ਤੰਗ ਕਰੇਗੀ। ਜਦੋਂ ਭਾਜਪਾ ਵਿਰੋਧੀਧਿਰ ਵਿੱਚ ਹੁੰਦੀ ਸੀ ਉਦੋਂ ਸਾਨੂੰ ਵੀ ਅਜਿਹੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਤਰ੍ਹਾਂ ਦੀਆਂ ਸਮੱਸਿਆਵਾਂ ਨੂੰ ਖ਼ਤਮ ਕਰਨ ਦੇ ਲਈ ਇਲੈਕਟੋਰਲ ਬਾਂਡ ਲੈਕੇ ਆਏ ਤਾਂ ਜੋ ਮਨੀ ਟ੍ਰੇਲ ਨੂੰ ਟਰੇਸ ਕੀਤਾ ਜਾ ਸਕੇ। ਇਸ ਲਈ ਮੈਂ ਕਹਿੰਦਾ ਹਾਂ ਕਿ ਜਿਹੜੇ ਲੋਕ ਇਲੈਕਟੋਰਲ ਬਾਂਡ ‘ਤੇ ਸਵਾਲ ਉਠਾ ਰਹੇ ਹਨ, ਉਹ ਪਛਤਾਉਣਗੇ।