ਲੋਕ ਸਭਾ ਚੋਣਾਂ ਲਈ ਕਾਂਗਰਸ ਨੇ ਜਾਰੀ ਕੀਤਾ ਮੈਨੀਫੈਸਟੋ, ਜਾਣੋ ਵਾਅਦਿਆਂ ਦੀ ਲਿਸਟ ‘ਚ ਕੀ-ਕੀ?
Congress Manifesto: ਕਾਂਗਰਸ ਨੇ ਸ਼ੁੱਕਰਵਾਰ ਨੂੰ ਲੋਕ ਸਭਾ ਚੋਣਾਂ ਲਈ ਆਪਣਾ ਚੋਣ ਮਨੋਰਥ ਪੱਤਰ ਜਾਰੀ ਕਰ ਦਿੱਤਾ ਹੈ। ਮੈਨੀਫੈਸਟੋ 5 ਨਿਆਏ ਅਤੇ 25 ਗਾਰੰਟੀਆਂ 'ਤੇ ਕੇਂਦਰਿਤ ਹੈ। ਮੈਨੀਫੈਸਟੋ ਵਿੱਚ ਜਾਤੀ ਜਨਗਣਨਾ, ਗਰੀਬ ਪਰਿਵਾਰ ਦੀ ਇੱਕ ਔਰਤ ਨੂੰ ਹਰ ਸਾਲ 1 ਲੱਖ ਰੁਪਏ ਅਤੇ ਨੌਕਰੀਆਂ ਵਿੱਚ ਔਰਤਾਂ ਲਈ 50 ਫੀਸਦੀ ਰਾਖਵਾਂਕਰਨ ਦਾ ਵਾਅਦਾ ਕੀਤਾ ਗਿਆ ਹੈ। ਖੜਗੇ ਨੇ ਕਿਹਾ ਕਿ ਕਾਂਗਰਸ ਦਾ ਇਹ ਮੈਨੀਫੈਸਟੋ ਗਰੀਬਾਂ ਨੂੰ ਸਮਰਪਿਤ ਹੈ।
ਕਾਂਗਰਸ ਨੇ ਸ਼ੁੱਕਰਵਾਰ ਨੂੰ ਲੋਕ ਸਭਾ ਚੋਣਾਂ ਲਈ ਆਪਣਾ ਚੋਣ ਮਨੋਰਥ ਪੱਤਰ ਜਾਰੀ ਕਰ ਦਿੱਤਾ ਹੈ। ਮੈਨੀਫੈਸਟੋ 5 ਨਿਆਏ ਅਤੇ 25 ਗਾਰੰਟੀਆਂ ‘ਤੇ ਕੇਂਦਰਿਤ ਹੈ। ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ, ਸੋਨੀਆ ਗਾਂਧੀ ਅਤੇ ਰਾਹੁਲ ਗਾਂਧੀ ਨੇ ਇਹ ਮੈਨੀਫੈਸਟੋ ਜਾਰੀ ਕੀਤਾ। ਕਾਂਗਰਸ ਨੇ ਇਸ ਮੈਨੀਫੈਸਟੋ ਨੂੰ ‘ਨਿਆਏ ਪੱਤਰ’ ਨਾਮ ਨਾਲ ਜਾਰੀ ਕੀਤਾ ਹੈ। ਕਾਂਗਰਸ ਨੇ ਆਪਣੇ ਚੋਣ ਮਨੋਰਥ ਪੱਤਰ ਵਿੱਚ ਕਈ ਤਰ੍ਹਾਂ ਦੀਆਂ ਗਾਰੰਟੀਆਂ ਸ਼ਾਮਲ ਕੀਤੀਆਂ ਹਨ। ਇਸ ਵਿੱਚ ਨੌਜਵਾਨਾਂ, ਔਰਤਾਂ, ਕਿਸਾਨਾਂ ਅਤੇ ਮਜ਼ਦੂਰਾਂ ‘ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ।
5 ਨਿਆਏ ਦਾ ਐਲਾਨ
ਪਾਰਟੀ ਦੇ ਚੋਣ ਮਨੋਰਥ ਪੱਤਰ ਵਿੱਚ 5 ਨਿਆਏ ਅਤੇ 25 ਗਾਰੰਟੀਆਂ ਸ਼ਾਮਲ ਹਨ। ਪਾਰਟੀ ਨੂੰ ਉਮੀਦ ਹੈ ਕਿ ਉਨ੍ਹਾਂ ਦੀਆਂ ਇਤਿਹਾਸਕ ਗਰੰਟੀਆਂ ਲੋਕਾਂ ਦੀ ਤਕਦੀਰ ਬਦਲ ਦੇਣਗੀਆਂ। ਲੋਕ ਸਭਾ ਚੋਣਾਂ ਲਈ ਸਾਰੀਆਂ ਪਾਰਟੀਆਂ ਨੇ ਆਪਣੀ ਪੂਰੀ ਤਾਕਤ ਝੋਕ ਦਿੱਤੀ ਹੈ। ਸਾਰੀਆਂ ਪਾਰਟੀਆਂ ਦੇ ਆਗੂ ਲੋਕਾਂ ਵਿੱਚ ਜਾ ਕੇ ਵਾਅਦਿਆਂ ਦਾ ਪਿਟਾਰਾ ਖੋਲ੍ਹ ਰਹੇ ਹਨ। ਪਾਰਟੀ ਦੇ ਮੈਨੀਫੈਸਟੋ ਵਿੱਚ 5 ਨਿਆਏ ਸ਼ਾਮਲ ਹਨ, ਜਿਸ ਵਿੱਚ ਕਿਸਾਨ ਨਿਆਏ, ਨਾਰੀ ਨਿਆਏ , ਨੌਜਵਾਨ ਨਿਆਏ, ਮਜ਼ਦੂਰ ਨਿਆਏ , ਹਿੱਸੇਦਾਰੀ ਨਿਆਏ ਸ਼ਾਮਲ ਹਨ।
ਇਹ ਵੀ ਪੜ੍ਹੋ – 11 ਰਾਜਾਂ ਚ ਵੋਟਿੰਗ ਫੀਸਦੀ ਵਧਾਉਣ ਦੀ ਤਿਆਰੀ ਚ ਚੋਣ ਕਮਿਸ਼ਨ, ਅੱਜ ਅਧਿਕਾਰੀਆਂ ਨਾਲ ਕਰੇਗਾ ਚਰਚਾ
ਕਾਂਗਰਸ ਦੀ ਨਾਰੀ ਨਿਆਏ ‘ਗਾਰੰਟੀ’
ਗਰੀਬ ਪਰਿਵਾਰ ਦੀ ਔਰਤ ਨੂੰ ਹਰ ਸਾਲ 1 ਲੱਖ ਰੁਪਏ
ਕੇਂਦਰ ਸਰਕਾਰ ਦੀਆਂ ਨਵੀਆਂ ਨੌਕਰੀਆਂ ਵਿੱਚ ਔਰਤਾਂ ਨੂੰ 50 ਫੀਸਦੀ ਰਾਖਵਾਂਕਰਨ
ਆਸ਼ਾ, ਮਿਡ ਡੇ ਮੀਲ, ਆਂਗਣਵਾੜੀ ਵਰਕਰਾਂ ਨੂੰ ਵੱਧ ਤਨਖਾਹ
ਹਰ ਪੰਚਾਇਤ ਵਿੱਚ ਇੱਕ ਅਧਿਕਾਰ ਸਹੇਲੀ
ਕੰਮਕਾਜੀ ਔਰਤਾਂ ਲਈ ਡਬਲ ਹੋਸਟਲ
ਕਾਂਗਰਸ ਦੀ ਯੂਥ ਨਿਆਏ ‘ਗਾਰੰਟੀ’
ਹਰ ਪੜ੍ਹੇ-ਲਿਖੇ ਨੌਜਵਾਨ ਨੂੰ 1 ਲੱਖ ਰੁਪਏ ਦੀ ਅਪ੍ਰੈਂਟਿਸਸ਼ਿਪ ਦਾ ਅਧਿਕਾਰ
30 ਲੱਖ ਸਰਕਾਰੀ ਨੌਕਰੀਆਂ
ਪੇਪਰ ਲੀਕ ਰੋਕਣ ਲਈ ਨਵੇਂ ਕਾਨੂੰਨ ਅਤੇ ਨੀਤੀਆਂ
ਇਹ ਵੀ ਪੜ੍ਹੋ
ਕਾਂਗਰਸ ਦੀ ਕਿਸਾਨ ਨਿਆਏ ਦੀ ‘ਗਾਰੰਟੀ’
ਸਵਾਮੀਨਾਥਨ ਫਾਰਮੂਲੇ ਨਾਲ MSP ਦੀ ਕਾਨੂੰਨੀ ਗਾਰੰਟੀ
ਕਰਜ਼ਾ ਮੁਆਫੀ ਯੋਜਨਾ ਨੂੰ ਲਾਗੂ ਕਰਨ ਲਈ ਕਮਿਸ਼ਨ
ਫਸਲ ਦੇ ਨੁਕਸਾਨ ‘ਤੇ 30 ਦਿਨਾਂ ਦੇ ਅੰਦਰ ਪੈਸੇ ਟ੍ਰਾਂਸਫਰ
ਕਿਸਾਨਾਂ ਦੀ ਸਲਾਹ ਨਾਲ ਨਵੀਂ ਦਰਾਮਦ-ਨਿਰਯਾਤ ਨੀਤੀ
ਖੇਤੀ ਲਈ ਜ਼ਰੂਰੀ ਹਰ ਚੀਜ਼ ਤੋਂ ਜੀਐਸਟੀ ਹਟੇਗੀ
ਕਾਂਗਰਸ ਦੀ ਮਜ਼ਦੂਰ ਇਨਸਾਫ਼ ਦੀ ਗਾਰੰਟੀ
ਦਿਹਾੜੀ 400 ਰੁਪਏ, ਮਨਰੇਗਾ ਵਿੱਚ ਵੀ ਲਾਗੂ
25 ਲੱਖ ਰੁਪਏ ਦਾ ਸਿਹਤ ਕਵਰ, ਮੁਫ਼ਤ ਇਲਾਜ, ਹਸਪਤਾਲ, ਡਾਕਟਰ, ਦਵਾਈ, ਟੈਸਟ, ਸਰਜਰੀ
ਸ਼ਹਿਰਾਂ ਲਈ ਵੀ ਮਨਰੇਗਾ ਵਰਗੀ ਨਵੀਂ ਨੀਤੀ
ਅਸੰਗਠਿਤ ਕਾਮਿਆਂ ਲਈ ਜੀਵਨ ਅਤੇ ਦੁਰਘਟਨਾ ਬੀਮਾ
ਮੁੱਖ ਸਰਕਾਰੀ ਕੰਮਾਂ ਵਿੱਚ ਠੇਕਾ ਮਜ਼ਦੂਰੀ ਬੰਦ
ਕਾਂਗਰਸ ਦੀ ਹਿੱਸੇਦਾਰੀ ਨਿਆਏ ‘ਗਾਰੰਟੀ’
ਬਰਾਬਰੀ ਲਈ ਹਰ ਵਿਅਕਤੀ ਅਤੇ ਹਰ ਵਰਗ ਦੀ ਗਿਣਤੀ
ਸੰਵਿਧਾਨਕ ਸੋਧਾਂ ਰਾਹੀਂ 50 ਫੀਸਦੀ ਦੀ ਸੀਮਾ ਹਟਾਈ ਜਾਵੇਗੀ
SC/ST/OBC ਨੂੰ ਪੂਰੇ ਅਧਿਕਾਰ ਮਿਲਣਗੇ
ਜਿਨ੍ਹੀ SC/ST ਦੀ ਆਬਾਦੀ ਉਨ੍ਹਾਂ ਬਜਟ
ਜੰਗਲਾਤ ਅਧਿਕਾਰ ਕਾਨੂੰਨ ਤਹਿਤ ਲੀਜ਼ ‘ਤੇ ਇੱਕ ਸਾਲ ਵਿੱਚ ਫੈਸਲਾ
