ਲਾਰੈਂਸ ਗੈਂਗ ਤੇ ਸ਼ਹਿਜ਼ਾਦ ਭੱਟੀ ਵਿਚਕਾਰ ਵਧੀ ਦੁਸ਼ਮਣੀ, 5 ਕਰੋੜ ਰੁਪਏ ਨੂੰ ਲੈ ਕੇ ਝਗੜਾ, ਆਡੀਓ ਕਾਲ ਵਾਇਰਲ
Gangster Lawrence Bishnoi and Shahzad Bhatti Controversy: ਲਾਰੈਂਸ ਗੈਂਗ ਦੀ ਕਮਾਂਡ ਕਰਨ ਵਾਲੇ ਗੈਂਗਸਟਰ ਗੋਲਡੀ ਢਿੱਲੋਂ ਤੇ ਉਨ੍ਹਾਂ ਦੇ ਸਾਥੀ ਦੀ ਇੱਕ ਕਾਲ ਰਿਕਾਰਡਿੰਗ ਸਾਹਮਣੇ ਆਈ ਹੈ। ਇਸ ਸਬੰਧ 'ਚ, ਉਹ ਭੱਟੀ ਨੂੰ ਕਹਿ ਰਹੇ ਹਨ ਕਿ 5 ਕਰੋੜ ਰੁਪਏ ਤਾਂ ਛੱਡ, 5 ਰੁਪਏ ਲੈ ਕੇ ਦਿਖਾ ਦੇ।
ਜੇਲ੍ਹ ‘ਚ ਬੰਦ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਤੇ ਪਾਕਿਸਤਾਨੀ ਡੌਨ ਸ਼ਹਿਜ਼ਾਦ ਭੱਟੀ ਵਿਚਕਾਰ ਝਗੜਾ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਭੱਟੀ ਨੇ ਹਾਲ ਹੀ ‘ਚ ਲਾਰੈਂਸ ਗੈਂਗ ਤੋਂ ਆਪਣੇ 5 ਕਰੋੜ ਰੁਪਏ ਦੀ ਮੰਗ ਕਰਦੇ ਹੋਏ ਇੱਕ ਵੀਡੀਓ ਜਾਰੀ ਕੀਤਾ ਹੈ। ਭੱਟੀ ਨੇ ਲਾਰੈਂਸ ਗੈਂਗ ਨੂੰ ਕਿਹਾ, “ਜੇ ਤੁਸੀਂ ਵੱਡੇ ਬਦਮਾਸ਼ ਬਣਦੇ ਹੋ ਤਾਂ ਮੇਰੇ 5 ਕਰੋੜ ਰੁਪਏ ਵਾਪਸ ਕਰੋ।”
ਦੂਜੇ ਪਾਸੇ, ਲਾਰੈਂਸ ਗੈਂਗ ਦੀ ਕਮਾਂਡ ਕਰਨ ਵਾਲੇ ਗੈਂਗਸਟਰ ਗੋਲਡੀ ਢਿੱਲੋਂ ਤੇ ਉਨ੍ਹਾਂ ਦੇ ਸਾਥੀ ਦੀ ਇੱਕ ਕਾਲ ਰਿਕਾਰਡਿੰਗ ਸਾਹਮਣੇ ਆਈ ਹੈ। ਇਸ ਸਬੰਧ ‘ਚ, ਉਹ ਭੱਟੀ ਨੂੰ ਕਹਿ ਰਹੇ ਹਨ ਕਿ 5 ਕਰੋੜ ਰੁਪਏ ਤਾਂ ਛੱਡ, 5 ਰੁਪਏ ਲੈ ਕੇ ਦਿਖਾ ਦੇ।
ਗੈਂਗਸਟਰਾਂ ਦੀ ਆਡੀਓ ਕਾਲ ਵਾਇਰਲ
ਆਡੀਓ ‘ਚ, ਗੋਲਡੀ ਕਹਿੰਦਾ ਹੈ, “ਦੇਖੋ, ਦੀਪੂ ਭਾਈ, ਜਦੋਂ ਤੋਂ ਅਸੀਂ ਭੱਟੀ ਦੇ ਟਿਕਾਣੇ ‘ਤੇ ਛਾਪਾ ਮਾਰਿਆ ਹੈ, ਉਹ ਆਪਣਾ ਫਲੈਟ ਛੱਡ ਕੇ ਆਪਣੀ ਕਾਰ ‘ਚ ਵੀਡੀਓ ਬਣਾ ਰਿਹਾ ਹੈ। ਉਹ ਟਿਕਟੋਕ ‘ਤੇ ਵੀ ਲਾਈਵ ਹੋ ਰਿਹਾ ਹੈ। ਭੱਟੀ ਰੋ ਰਿਹਾ ਹੈ ਤੇ ਆਪਣੇ 5 ਕਰੋੜ ਰੁਪਏ ਦੀ ਮੰਗ ਕਰ ਰਿਹਾ ਹੈ।”
ਅੱਗੇ ਆਡੀਓ ‘ਚ ਗੋਲਡੀ ਕਹਿ ਰਿਹਾ ਹੈ- ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਜੇ ਤੂੰ ਇੰਨਾ ਵੱਡਾ ਡੌਨ ਹੈਂ ਤਾਂ ਆ ਕੇ ਸਾਡੇ ਤੋਂ 5 ਕਰੋੜ ਰੁਪਏ ਲੈ ਜਾ। ਆ ਕੇ ਸਾਨੂੰ ਮਾਰ ਕੇ ਲੈ ਜਾ। ਇਸ ਦੇ ਨਾਲ ਹੀ ਗੋਲਡੀ ਨੇ ਕਿਹਾ ਕਿ ਉਹ ਬਾਜਵਾ ਫਾਰਮਜ਼ ਵਾਲੇ ਟਿਕਾਣੇ ‘ਤੇ ਪਹੁੰਚ ਗਏ ਹਨ। ਭੱਟੀ ਹੁਣ ਡਰ ਗਿਆ ਹੈਅਤੇ ਕਾਰ ‘ਚ ਵੀਡੀਓ ਬਣਾਉਂਦਾ ਹੈ ਤਾਂ ਜੋ ਲੋਕੇਸ਼ਨ ਦਾ ਪਤਾ ਨਾ ਲੱਗੇ। ਹਾਲਾਂਕਿ, ਲਾਰੈਂਸ ਗੈਂਗ ਨੇ ਬਾਜਵਾ ਫਾਰਮਜ਼ ਦੀ ਲੋਕੇਸ਼ਨ ਦਾ ਖੁਲਾਸਾ ਨਹੀਂ ਕੀਤਾ।
ਇਸ ਤੋਂ ਬਾਅਦ ਆਡੀਓ ਕਾਲ ‘ਚ ਦੀਪੂ ਨੇ ਕਹਿੰਦਾ ਹੈ ਜੇਕਰ ਅਜਿਹਾ ਹੁੰਦਾ ਤਾਂ ਪ੍ਰਸ਼ਾਸਨ ਨਾ ਦਵਾ ਦਿੰਦਾ ਇਸ ਨੂੰ ਪੈਸੇ। ਭੱਟੀ ਆਪਣੇ ਆਪ ਨੂੰ ਡੌਨ ਕਹਿੰਦਾ ਹੈ ਤੇ ਕਹਿੰਦਾ ਹੈ ਕਿ ਉਸ ਨੇ ਇਹ ਕੰਮ ਆਪਣੇ ਹੱਥਾਂ ਨਾਲ ਕੀਤਾ ਹੈ। ਜੇਕਰ ਤੇਰੇ ‘ਚ ਹਿੰਮਤ ਹੈ ਤਾਂ ਆ ਕੇ ਮੇਰੇ ਤੋਂ ਪੈਸੇ ਲੈ ਜਾ। 5 ਕਰੋੜ ਰੁਪਏ ਦੀ ਗੱਲ ਤਾਂ ਦੂਰ ਦੀ ਹੈ, ਭੱਟੀ ਸਾਡੇ ਤੋਂ 5 ਰੁਪਏ ਲੈ ਲਵੇ, ਫਿਰ ਅਸੀਂ ਮਨਾਂਗੇ।
