ਕੁਰੂਕਸ਼ੇਤਰ ਵਿੱਚ ਵਿੱਚ ਵਿਦੇਸ਼ ਭੇਜਣ ਦੇ ਨਾਮ ਤੇ ਪੰਜਾਬ ਨੌਜਵਾਨਾਂ ਨਾਲ ਹੋਈ ਠੱਗੀ, ਪਾਸਪੋਰਟ ਮੰਗਣ ‘ਤੇ ਜਾਨੋਂ ਮਾਰਨ ਦੀ ਦਿੱਤੀ ਧਮਕੀ

ਕੁਰੂਕਸ਼ੇਤਰ ਦੇ ਪਿਹੋਵਾ ਵਿੱਚ ਇੱਕ ਪਤੀ-ਪਤਨੀ ਨੇ ਲੁਧਿਆਣਾ ਅਤੇ ਮੋਹਾਲੀ ਦੇ ਦੋ ਨੌਜਵਾਨਾਂ ਤੋਂ ਕੈਨੇਡਾ ਭੇਜਣ ਦੇ ਹਵਾਲੇ ਨਾਲ 30 ਲੱਖ ਰੁਪਏ ਦੀ ਠੱਗੀ ਕਰ ਲਈ। ਜਦੋਂ ਨੌਜਵਾਨਾਂ ਨੇ ਆਪਣੇ ਪੈਸੇ ਅਤੇ ਪਾਸਪੋਰਟ ਦੀ ਮੰਗ ਕੀਤੀ, ਤਾਂ ਮੁਲਜ਼ਮਾਂ ਨੇ ਉਨ੍ਹਾਂ ਨਾਲ ਗਲਤ ਸਲੂਕ ਕੀਤਾ ਅਤੇ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ।

ਲੁਧਿਆਣਾ ਤੋਂ ਅਵਤਾਰ ਸਿੰਘ ਅਤੇ ਮੋਹਾਲੀ ਤੋਂ ਸਾਹਿਲ, ਜੋ ਕਿ ਕੈਨੇਡਾ ਜਾਣਾ ਚਾਹੁੰਦੇ ਸਨ, ਨੂੰ ਨਵੰਬਰ 2022 ਵਿੱਚ ਮੋਹਾਲੀ ਦੇ ਇੱਕ ਏਜੰਟ ਨੇ ਪਿਹੋਵਾ ਦੇ ਵਿਜੇ ਕੁਮਾਰ ਅਤੇ ਉਸਦੀ ਪਤਨੀ ਤਮੰਨਾ ਨਾਲ ਮਿਲਵਾਇਆ। ਵਿਜੇ ਅਤੇ ਤਮੰਨਾ, ਜੋ ਕਿ ਆਪਣੇ ਆਪ ਨੂੰ ਭਾਰਤ ਸਰਕਾਰ ਦੇ ਅਧਿਕਾਰਤ ਏਜੰਟ ਦੱਸਦੇ ਸਨ, ਨੇ ਉਨ੍ਹਾਂ ਤੋਂ ਕੈਨੇਡਾ ਭੇਜਣ ਲਈ 30-30 ਲੱਖ ਰੁਪਏ ਦੀ ਮੰਗ ਕੀਤੀ।

ਘਰ ਤੇ ਲੱਗਿਆ ਮਿਲਿਆ ਤਾਲਾ

ਪਹਿਲੀ ਕਿਸ਼ਤ ਵਿੱਚ, ਮੁਲਜ਼ਮਾਂ ਨੇ ਨੌਜਵਾਨਾਂ ਤੋਂ 15-15 ਲੱਖ ਰੁਪਏ ਨਕਦ ਲਏ। ਬਾਕੀ ਰਕਮ ਵੀਜ਼ਾ ਜਾਰੀ ਹੋਣ ‘ਤੇ ਅਦਾ ਕਰਨੀ ਸੀ। 7 ਨਵੰਬਰ 2022 ਨੂੰ, ਵਿਜੇ ਅਤੇ ਤਮੰਨਾ ਨੇ ਪਿਹੋਵਾ ਪੁਲਿਸ ਸਟੇਸ਼ਨ ਦੇ ਨੇੜੇ ਆ ਕੇ ਦਸਤਾਵੇਜ਼ਾਂ ਅਤੇ 5-5 ਲੱਖ ਰੁਪਏ ਲਏ। ਫਿਰ 4 ਦਸੰਬਰ ਨੂੰ, ਵੀਜ਼ਾ ਲੱਗਣ ਦਾ ਬਹਾਨਾ ਬਣਾਉਂਦਿਆਂ, ਉਹਨਾਂ ਨੇ ਜ਼ਿਲ੍ਹਾ ਅਦਾਲਤ, ਕੁਰੂਕਸ਼ੇਤਰ ਵਿੱਚ 10-10 ਲੱਖ ਰੁਪਏ ਹੋਰ ਲਏ ਅਤੇ ਅਗਲੇ ਦਿਨ ਪੈਸੇ ਦੀ ਬਾਕੀ ਰਕਮ ਦੇਣ ਅਤੇ ਪਾਸਪੋਰਟ ਵੀਜ਼ਾ ਹਾਸਲ ਕਰਨ ਲਈ ਨੌਜਵਾਨਾਂ ਨੂੰ ਆਪਣੇ ਘਰ ਬੁਲਾਇਆ।

ਜਦੋਂ ਨੌਜਵਾਨ ਘਰ ਪਹੁੰਚੇ, ਤਾਂ ਉਨ੍ਹਾਂ ਨੇ ਘਰ ਨੂੰ ਤਾਲਾ ਲੱਗਾ ਹੋਇਆ ਵੇਖਿਆ। ਮਈ 2023 ਵਿੱਚ, ਉਹਨਾਂ ਨੂੰ ਵਿਜੇ ਅਤੇ ਤਮੰਨਾ ਦੇ ਘਰ ਵਾਪਸ ਆਉਣ ਦੀ ਜਾਣਕਾਰੀ ਮਿਲੀ। ਜਦੋਂ ਉਹ ਘਰ ਪਹੁੰਚੇ, ਤਾਂ ਮੁਲਜ਼ਮਾਂ ਨੇ ਉਨ੍ਹਾਂ ਨੂੰ ਯਕੀਨ ਦਿਵਾਇਆ ਕਿ ਉਹ 4-5 ਮਹੀਨਿਆਂ ਵਿੱਚ ਪੈਸੇ ਵਾਪਸ ਕਰ ਦੇਣਗੇ। ਪਰ ਜਦੋਂ ਨੌਜਵਾਨਾਂ ਨੇ ਫਰਵਰੀ 2025 ਵਿੱਚ ਦੁਬਾਰਾ ਪੈਸੇ ਮੰਗੇ, ਤਾਂ ਵਿਜੇ ਅਤੇ ਤਮੰਨਾ ਨੇ ਉਨ੍ਹਾਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ।

ਸਿਟੀ ਪਿਹੋਵਾ ਪੁਲਿਸ ਸਟੇਸ਼ਨ ਦੇ ਐਸਐਚਓ ਜਨਪਾਲ ਨੇ ਦੱਸਿਆ ਕਿ ਸ਼ਿਕਾਇਤ ਦੇ ਆਧਾਰ ‘ਤੇ ਮੁਲਜ਼ਮਾਂ ਵਿਜੇ ਕੁਮਾਰ ਅਤੇ ਉਸਦੀ ਪਤਨੀ ਤਮੰਨਾ ਖਿਲਾਫ ਐਫਆਈਆਰ ਦਰਜ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ ਵੀ ਮੁਲਜ਼ਮਾਂ ਖਿਲਾਫ ਠੱਗੀ ਦੇ ਕਈ ਮਾਮਲੇ ਦਰਜ ਹਨ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਮੁਲਜ਼ਮ ਜਲਦੀ ਹੀ ਕਾਬੂ ਕਰ ਲਏ ਜਾਣਗੇ।

ਇਹ ਵੀ ਪੜ੍ਹੋ

ਮੰਡੀ ਗੋਬਿੰਦਗੜ੍ਹ 'ਚ ਨਿਹੰਗ ਸਿੰਘ ਦਾ ਬਾਣਾ ਪਾਏ ਸ਼ਖ਼ਸ ਨੇ ਵੱਢਿਆ ਨੌਜਵਾਨ ਦਾ ਹੱਥ

ਮੋਹਾਲੀ ਪੁਲਿਸ ਨਾਲ ਐਨਕਾਉਂਟਰ ਤੋਂ ਬਾਅਦ ਮੁਲਜ਼ਮ ਗ੍ਰਿਫ਼ਤਾਰ, ਪੈਰ ਵਿੱਚ ਲੱਗੀ ਗੋਲੀ

ਨਵਾਂਸ਼ਹਿਰ ਪੁੁਲਿਸ ਚੌਰੀ ਮਾਮਲੇ 'ਚ NIA ਦੀ ਕਾਰਵਾਈ, ਚਾਰਜਸ਼ੀਟ ਫਾਈਲ