NIRF Ranking 2023: ਪੰਜਾਬ ਯੂਨੀਵਰਸਿਟੀ ਨੂੰ ਰੈਂਕਿੰਗ ‘ਚ ਨੁਕਸਾਨ, ਖਿਸਕ ਕੇ 44ਵੇਂ ਰੈਂਕ ‘ਤੇ ਪਹੁੰਚੀ

NIRF Overall Ranking 2023: ਪੰਜਾਬ ਯੂਨੀਵਰਸਿਟੀ ਨੂੰ ਕੇਂਦਰੀ ਸਿੱਖਿਆ ਮੰਤਰਾਲੇ ਦੁਆਰਾ ਜਾਰੀ ਕੀਤੀ ਗਈ Overall List ਵਿੱਚ ਨੁਕਸਾਨ ਹੋਇਆ ਹੈ। ਨਾਲ ਹੀ ਫਾਰਮੇਸੀ ਸ਼੍ਰੇਣੀ ਵਿੱਚ ਵੀ ਪੰਜਾਬ ਯੂਨੀਵਰਸਿਟੀ ਦੀ ਰੈਂਕ ਘਟੀ ਹੈ।

TV9 Punjabi | Updated On: 06 Jun 2023 15:07 PM

NIRF Overall Ranking 2023: ਕੇਂਦਰੀ ਸਿੱਖਿਆ ਮੰਤਰਾਲੇ ਦੁਆਰਾ 13 ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਵਿਦਿਅਕ ਸੰਸਥਾਵਾਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ। ਸਮੁੱਚੀ ਯੂਨੀਵਰਸਿਟੀ ਵਿੱਚ ਪੰਜਾਬ ਯੂਨੀਵਰਸਿਟੀ (Punjabi University) ਨੂੰ ਰੈਂਕਿੰਗ ਵਿੱਚ ਵੱਡਾ ਨੁਕਸਾਨ ਹੋਇਆ ਹੈ। ਪੰਜਾਬ ਯੂਨੀਵਰਸਿਟੀ ਇਸ ਸਾਲ 44ਵੇਂ ਰੈਂਕ ‘ਤੇ ਹੈ। ਪੂਰੀ ਰੈਂਕਿੰਗ ਸੂਚੀ ਦੇਖਣ ਲਈ IRF ਰੈਂਕਿੰਗ 2023 ਦੀ ਅਧਿਕਾਰਤ ਵੈੱਬਸਾਈਟ – nirfindia.org ‘ਤੇ ਜਾਣਾ ਹੋਵੇਗਾ।

ਕੇਂਦਰੀ ਸਿੱਖਿਆ ਮੰਤਰਾਲੇ ਵੱਲੋਂ ਜਾਰੀ NIRF ਰੈਂਕਿੰਗ ਅਨੁਸਾਰ ਸਮੁੱਚੇ ਵਰਗ ਵਿੱਚ IIT Madras ਨੇ ਬਾਜੀ ਮਾਰੀ ਹੈ। ਇਸ ਦੇ ਨਾਲ ਹੀ ਦੂਜੇ ਨੰਬਰ ‘ਤੇ IISc Bengaluru ਦਾ ਨਾਂ ਹੈ। ਪੰਜਾਬ ਯੂਨੀਵਰਸਿਟੀ ਨੂੰ ਇਸ ਸੂਚੀ ਵਿੱਚ ਤਿੰਨ ਰੈਂਕ ਦਾ ਨੁਕਸਾਨ ਹੋਇਆ ਹੈ।

NIRF ਵਿੱਚ Panjab University ਦਾ ਰੈਂਕ

ਪਿਛਲੇ ਸਾਲ ਦੀ ਗੱਲ ਕਰੀਏ ਤਾਂ ਪੰਜਾਬ ਯੂਨੀਵਰਸਿਟੀ ਨੇ ਓਵਰਆਲ ਕੈਟਾਗਰੀ ਵਿੱਚ 41ਵਾਂ ਰੈਂਕ ਹਾਸਲ ਕੀਤਾ ਸੀ। ਇਸ ਵਾਰ ਤਿੰਨ ਸਥਾਨ ਖਿਸਕ ਕੇ 44ਵਾਂ ਰੈਂਕ ਹਾਸਲ ਹੋਇਆ ਹੈ। ਪਿਛਲੇ ਸਾਲ ਓਵਰਆਲ ਕੈਟੇਗਰੀ ਵਿੱਚ ਪੀਯੂ ਦਾ ਸਕੋਰ 51.23 ਸੀ। ਇਸ ਵਾਰ ਸਕੋਰ 53.31 ਹੈ। ਹਾਲਾਂਕਿ, ਪੰਜਾਬ ਯੂਨੀਵਰਸਿਟੀ ਨੇ ਯੂਨੀਵਰਸਿਟੀ ਸ਼੍ਰੇਣੀ ਵਿੱਚ ਆਪਣਾ 25ਵਾਂ ਰੈਂਕ ਬਰਕਰਾਰ ਰੱਖਿਆ ਹੈ।

PU ਨੇ ਆਰਥਿਕ ਅਤੇ ਸਮਾਜਿਕ ਤੌਰ ‘ਤੇ ਅਪਾਹਜ ਵਿਦਿਆਰਥੀਆਂ ਨੂੰ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾਂ ਲਈ ਕੁੱਲ 20 ਵਿੱਚੋਂ ਸਿਰਫ਼ 0.73 ਅੰਕ ਪ੍ਰਾਪਤ ਕੀਤੇ। ਇਸ ਵਿੱਚ ਯੂਜੀ ਅਤੇ ਪੀਜੀ ਵਿਦਿਆਰਥੀਆਂ ਦੀ ਕੁੱਲ ਗਿਣਤੀ ਸ਼ਾਮਲ ਹੈ।

ਪੰਜਾਬ ਯੂਨੀਵਰਸਿਟੀ ਫਾਰਮੇਸੀ ਵਿੱਚ ਵੀ ਘਟੀ ਰੈਂਕ

NIRF ਦੀ ਫਾਰਮੇਸੀ ਸ਼੍ਰੇਣੀ ਵਿੱਚ ਵੀ ਪੰਜਾਬ ਯੂਨੀਵਰਸਿਟੀ ਦੀ ਰੈਂਕ ਘਟੀ ਹੈ। ਪਿਛਲੇ ਸਾਲ, ਇਹ ਫਾਰਮੇਸੀ ਸ਼੍ਰੇਣੀ ਵਿੱਚ76.29 ਦੇ ਸਕੋਰ ਨਾਲ ਇਹ ਤੀਜੇ ਸਥਾਨ ‘ਤੇ ਸੀ। ਇਸ ਵਾਰ 5 ਸਥਾਨ ਖਿਸਕ ਕੇ 8ਵਾਂ ਰੈਂਕ ਮਿਲਿਆ ਹੈ ਅਤੇ ਸਕੋਰ 72.34 ਹੈ। ਦੱਸ ਦੇਈਏ ਕਿ ਜਾਮੀਆ ਹਮਦਰਦ ਨੂੰ ਵੀ ਫਾਰਮੇਸੀ ਸ਼੍ਰੇਣੀ ਵਿੱਚ ਰੈਂਕ ਦਾ ਨੁਕਸਾਨ ਹੋਇਆ ਹੈ। ਜਾਮੀਆ ਹਮਦਰਦ ਨੂੰ ਇਸ ਵਾਰ ਰੈਂਕਿੰਗ ਵਿੱਚ ਦੂਜਾ ਸਥਾਨ ਮਿਲਿਆ ਹੈ। ਇਸ ਨੂੰ ਸਾਲ 2022 ਦੀ ਰੈਂਕਿੰਗ ਵਿੱਚ ਪਹਿਲਾ ਸਥਾਨ ਮਿਲਿਆ ਸੀ।